ເອຊາຢາ 1:25 - ພຣະຄຳພີສັກສິ

²⁵ ເຮົາ​ຈະ​ດຳເນີນ​ການ​ຕໍ່ສູ້​ພວກເຈົ້າ. ເຮົາ​ຈະ​ຊຳລະ​ພວກເຈົ້າ​ໃຫ້​ບໍຣິສຸດ​ຕາມ​ວິທີ​ຫລອມ​ໂລຫະ ຄື​ຈະ​ຂູດ​ຂີ້ໝ້ຽງ​ອອກ​ໃຫ້​ໝົດ.

ເອຊາຢາ 1:25 Jak'a apnaqawi uñst'ayäwi

ເພງ^ສັນລະເສີນ 119:119

ພຣະອົງ​ໂຍນ​ຄົນຊົ່ວ​ດັ່ງ​ຄົນ​ໂຍນ​ຂີ້ເຫຍື້ອ​ຖິ້ມ​ໄປ ດ້ວຍເຫດນີ້​ຂ້ານ້ອຍ​ຈຶ່ງ​ຮັກ​ຄຳແນະນຳ​ຂອງ​ພຣະອົງ.

ເອຊາຢາ 1:22

ນະຄອນ​ເຢຣູຊາເລັມ​ເອີຍ ຄັ້ງໜຶ່ງ ເຈົ້າ​ເປັນ​ດັ່ງ​ເງິນ ແຕ່​ດຽວ​ນີ້ ເຈົ້າ​ສິ້ນ​ຄຸນຄ່າ​ສາ​ແລ້ວ; ເຈົ້າ​ເຄີຍ​ເປັນ​ດັ່ງ​ເຫຼົ້າ​ອະງຸ່ນ​ທີ່ດີ, ແຕ່​ບັດນີ້ ເຈົ້າ​ເປັນ​ພຽງ​ນໍ້າລ້າ​ເທົ່ານັ້ນ.

ເອຊາຢາ 27:9

ແຕ່​ບາບ​ຂອງ​ຊາດ​ອິດສະຣາເອນ​ຈະ​ໄດ້​ຮັບ​ການ​ໃຫ້​ອະໄພ ກໍ​ຕໍ່​ເມື່ອ​ຫີນ​ແທ່ນບູຊາ​ຂອງ​ຜູ້​ທີ່​ບໍ່​ນັບຖື​ພຣະເຈົ້າ​ຖືກ​ທຳລາຍ​ດັ່ງ​ຂີ້​ສໍຂາວ ແລະ​ທັງ​ບໍ່ມີ​ສັນຍາລັກ​ຕ່າງໆ​ຂອງ​ເຈົ້າແມ່​ອາເຊຣາ ຫລື​ແທ່ນ​ເຜົາ​ເຄື່ອງຫອມ​ບູຊາ​ເຫຼືອ​ຢູ່​ເລີຍ.

ເອຊາຢາ 4:4

ໂດຍ​ຣິດອຳນາດ​ຂອງ​ອົງພຣະ​ຜູ້​ເປັນເຈົ້າ ພຣະອົງ​ຈະ​ຕັດສິນ​ແລະ​ຊຳລະ​ປະເທດ​ຊາດ ແລະ​ຊຳລະ​ລ້າງ​ມົນທິນ​ໃຫ້​ສິ້ນ​ໄປ​ຈາກ​ນະຄອນ​ເຢຣູຊາເລັມ ແລະ​ຊຳລະ​ເລືອດ​ທີ່​ໄດ້​ໄຫລ​ລົງ​ທີ່​ນັ້ນ​ດ້ວຍ.

ເຢເຣມີຢາ 6:29

ເຕົາຫລອມ​ລຸກໄໝ້​ຢ່າງ​ຮ້ອນແຮງ​ແລ້ວ ແຕ່​ຂີ້ໝຽງ​ທີ່​ຕິດ​ຢູ່​ກັບ​ໂລຫະ​ນັ້ນ​ກໍ​ຍັງ​ບໍ່​ຂຸ​ລົງ. ມັນ​ບໍ່ມີ​ປະໂຫຍດ​ຫຍັງ​ທີ່​ຈະ​ຫລໍ່ຫລອມ​ປະຊາຊົນ​ຂອງເຮົາ​ຂຶ້ນ​ໃໝ່ ເພາະ​ພວກ​ຄົນຊົ່ວ​ເຫຼົ່ານັ້ນ​ຍັງ​ບໍ່ໄດ້​ຖືກ​ກຳຈັດ​ໃຫ້​ໝົດສິ້ນໄປ.

ເຢເຣມີຢາ 9:7

ເພາະ​ເຫດ​ນີ້​ແຫຼະ ພຣະເຈົ້າຢາເວ ອົງ​ຊົງຣິດ​ອຳນາດ​ຍິ່ງໃຫຍ່​ຈຶ່ງ​ກ່າວ​ວ່າ, “ເຮົາ​ຈະ​ຫລອມ​ປະຊາຊົນ​ຂອງເຮົາ ດັ່ງ​ທີ່​ເຮົາ​ຫລອມ​ໂລຫະ ແລະ​ໃຫ້​ພວກເຂົາ​ປະເຊີນ​ກັບ​ການ​ທົດລອງ ມີ​ຫຍັງ​ແດ່​ທີ່​ຊ່ວຍເຫລືອ ເມື່ອ​ພວກເຂົາ​ມັກ​ເຮັດ​ຊົ່ວ?

ເອເຊກຽນ 20:38

ເຮົາ​ຈະ​ນຳ​ຄົນ​ທີ່​ກະບົດ ແລະ​ເຮັດ​ບາບ​ໃນ​ທ່າມກາງ​ພວກເຈົ້າ​ໜີໄປ. ເຮົາ​ຈະ​ນຳ​ພວກເຂົາ​ອອກ​ໄປ​ຈາກ​ດິນແດນ​ຕ່າງໆ​ທີ່​ພວກເຂົາ​ກຳລັງ​ຢູ່​ດຽວ​ນີ້; ແຕ່​ເຮົາ​ຈະ​ບໍ່​ໃຫ້​ພວກເຂົາ​ກັບຄືນ​ມາ​ສູ່​ດິນແດນ​ອິດສະຣາເອນ​ອີກ. ແລ້ວ​ພວກເຈົ້າ​ກໍ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.”

ເອເຊກຽນ 22:19

ສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້: ພວກເຂົາ​ໃຊ້​ການ​ບໍ່ໄດ້​ເໝືອນ​ສິ່ງ​ເຫຼົ່ານັ້ນ​ແຫຼະ. ເຮົາ​ຈະ​ນຳ​ພວກເຂົາ​ທັງໝົດ​ໄປ​ເຕົ້າໂຮມ​ກັນ​ຢູ່​ໃນ​ນະຄອນ​ເຢຣູຊາເລັມ

ເອເຊກຽນ 22:20

ຕາມ​ວິທີ​ດຽວກັນ​ກັບ​ແຮ່​ເງິນ, ທອງແດງ, ເຫຼັກ, ຊືນ ແລະ​ກົ່ວ ຖືກ​ນຳ​ເຂົ້າ​ໄປ​ໃນ​ເຕົາ​ຫລອມ. ຄວາມ​ໂກດຮ້າຍ​ແລະ​ຄວາມ​ໂມໂຫ​ຂອງເຮົາ​ຈະ​ຫລອມ​ພວກເຂົາ ເໝືອນ​ໄຟ​ຫລອມ​ແຮ່​ຂອງ​ໂລຫະ.

ເອເຊກຽນ 22:22

ພວກເຂົາ​ຈະ​ຖືກ​ຫລອມ​ຢູ່​ໃນ​ນະຄອນ​ເຢຣູຊາເລັມ ຕາມ​ວິທີ​ທີ່​ເງິນ​ຖືກ​ຫລອມ​ໃນ​ເຕົາໄຟ; ແລ້ວ​ພວກເຂົາ​ກໍ​ຈະ​ຮູ້ວ່າ ພວກເຂົາ​ກຳລັງ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ​ຂອງ​ເຮົາ​ຄື​ພຣະເຈົ້າຢາເວ.”

ເຊຟານີຢາ 3:11

ໃນ​ວັນ​ນັ້ນ ພວກເຈົ້າ​ທີ່​ເປັນ​ປະຊາຊົນ​ຂອງເຮົາ ຈະ​ບໍ່ໄດ້​ອັບອາຍ​ຂາຍໜ້າ​ອີກ​ຕໍ່ໄປ ຍ້ອນ​ໄດ້​ກະບົດ​ຕໍ່ສູ້​ເຮົາ. ເຮົາ​ຈະ​ກຳຈັດ​ທຸກຄົນ ທີ່​ອວດດີ​ແລະ​ຈອງຫອງ​ໃຫ້​ໝົດສິ້ນ​ໄປ ແລະ​ພວກເຈົ້າ​ຈະ​ບໍ່​ກະບົດ​ຕໍ່ສູ້​ເຮົາ​ອີກ​ຕໍ່ໄປ ທີ່​ເທິງ​ເນີນພູ​ສັກສິດ​ຂອງເຮົາ.

ມາລາກີ 3:3

ພຣະອົງ​ຈະ​ມາ​ຕັດສິນ​ເໝືອນ​ດັ່ງ​ຄົນ​ທີ່​ຫລອມ​ເງິນ ແລະ​ຊຳລະ​ມັນ​ໃຫ້​ບໍຣິສຸດ. ຊ່າງ​ໂລຫະ​ຫລອມ​ເງິນ​ແລະ​ຄຳ​ສັນໃດ ຜູ້​ແຈ້ງຂ່າວ​ຂອງ​ອົງພຣະ​ຜູ້​ເປັນເຈົ້າ ກໍ​ຈະ​ຊຳລະ​ບັນດາ​ປະໂຣຫິດ​ໃຫ້​ບໍຣິສຸດ​ສັນນັ້ນ ເພື່ອ​ວ່າ​ພວກເຂົາ​ຈະ​ໄດ້​ນຳ​ເຄື່ອງ​ບູຊາ​ຊະນິດ​ທີ່​ຖືກຕ້ອງ​ມາ​ຖວາຍ​ແກ່​ພຣະເຈົ້າຢາເວ.

ມັດທາຍ 3:12

ມື​ຂອງ​ເພິ່ນ​ຖື​ກະດົ້ງ​ຝັດ​ເຂົ້າ ເພິ່ນ​ຈະ​ເຮັດ​ລານເຂົ້າ​ໃຫ້​ກ້ຽງ​ດີ ແລະ​ຮວບຮວມ​ເອົາ​ເຂົ້າ​ເມັດ​ດີ​ຂອງ​ເພິ່ນ​ໄວ້​ໃນ​ເລົ້າ​ຂອງຕົນ ສ່ວນ​ເມັດ​ລີບ​ນັ້ນ ເພິ່ນ​ຈະ​ເອົາ​ໄຟ​ເຜົາ​ໃຫ້​ໄໝ້​ຢູ່​ຕະຫລອດໄປ.”

ພຣະບັນຍັດສອງ 32:43

ບັນດາ​ຊົນຊາດ​ເອີຍ ຈົ່ງ​ຊົມຊື່ນຍິນດີ​ຮ່ວມ​ກັບ​ປະຊາຊົນ​ຂອງ​ພຣະອົງ ເພາະ​ພຣະອົງ​ລົງໂທດ​ທຸກຄົນ​ທີ່​ຂ້າ​ພວກເຂົາ. ພຣະອົງ​ທຳການ​ແກ້ແຄ້ນ​ເຫຼົ່າ​ສັດຕູ​ທັງຫລາຍ ແລະ​ອະໄພ​ການບາບ​ໄພ່ພົນ​ຂອງ​ພຣະອົງ​ແລ້ວ.”

ພຣະນິມິດ 3:19

ຝ່າຍ​ເຮົາ ເຮົາ​ຮັກ​ຜູ້ໃດ ເຮົາ​ກໍ​ຕິຕຽນ​ຂ້ຽນ​ສອນ​ຜູ້ນັ້ນ. ເຫດສະນັ້ນ ຈົ່ງ​ມີ​ໃຈ​ຮ້ອນຮົນ​ແລະ​ກັບໃຈ​ເສຍ​ໃໝ່.