ໂຮເສອາ 4:3 - ພຣະຄຳພີສັກສິ

³ ສະນັ້ນ ດິນແດນ​ຈະ​ແຫ້ງແລ້ງ ທຸກສິ່ງ​ທີ່​ມີ​ຊີວິດ​ຢູ່​ໃນ​ນັ້ນ​ຈະ​ຕາຍໄປ​ໝົດ. ສັດ​ແລະ​ນົກ​ທັງປວງ​ແມ່ນແຕ່​ປາ​ກໍ​ຈະ​ຕາຍ​ດ້ວຍ.”

ໂຮເສອາ 4:3 Jak'a apnaqawi uñst'ayäwi

ເອຊາຢາ 33:9

ດິນແດນ​ຖືກ​ປະຖິ້ມ​ໃຫ້​ຮົກຮ້າງ​ຫວ່າງເປົ່າ. ປ່າໄມ້​ຂອງ​ນະຄອນ​ເລບານອນ​ຫ່ຽວແຫ້ງ​ໄປ ຮ່ອມພູ​ທີ່​ອຸດົມສົມບູນ​ດີ​ໃນ​ຊາໂຣນ​ກໍ​ເປັນ​ດັ່ງ​ຖິ່ນ​ແຫ້ງແລ້ງ​ກັນດານ ແລະ​ໃນ​ຖິ່ນ​ບາຊານ ແລະ​ເທິງ​ພູ​ກາເມນ ໃບໄມ້​ກໍ​ຫລົ່ນ​ລົງ​ຈາກ​ຕົ້ນ​ໝົດ.

ເຢເຣມີຢາ 12:4

ດິນແດນ​ນັ້ນ​ຈະ​ແຫ້ງແລ້ງ​ຢູ່​ຢ່າງນີ້​ບໍ? ຫຍ້າ​ຕາມ​ທົ່ງນາ​ຈະ​ແຫ້ງ​ຢູ່​ຢ່າງນີ້​ດົນ​ປານໃດ? ຝູງສັດ ຝູງນົກ​ລົ້ມ​ຕາຍ​ຍ້ອນ​ປະຊາຊົນ​ຊົ່ວຊາມ ຄື​ຜູ້​ທີ່​ເວົ້າ​ວ່າ, ‘ພຣະເຈົ້າ​ບໍ່​ເຫັນ​ພວກເຮົາ​ເຮັດ​ດອກ.”’

ເຢເຣມີຢາ 23:10

ຄົນ​ທີ່​ບໍ່​ສັດຊື່​ເຕັມ​ຢູ່​ໃນ​ດິນແດນ ໃຊ້​ຊີວິດ​ອັນ​ຊົ່ວຊາມ ແລະ​ໃຊ້​ອຳນາດ​ຜິດໆ​ດ້ວຍ. ເພາະ​ຄຳສາບແຊ່ງ​ມາ​ຖືກ ດິນແດນ​ຈຶ່ງ​ໄວ້ທຸກ ແລະ​ທົ່ງຫຍ້າ​ກໍ​ຫ່ຽວແຫ້ງ​ໝົດ.

ເຢເຣມີຢາ 4:25

ຂ້ານ້ອຍ​ເຫັນ​ວ່າ​ໃນ​ທີ່ນັ້ນ​ບໍ່ມີ​ຈັກ​ຄົນ​ເລີຍ ແມ່ນແຕ່​ຝູງນົກ​ກໍໄດ້​ເຈີດ​ບິນ​ໜີໄປ​ຈົນ​ສິ້ນ.

ເຢເຣມີຢາ 9:10

ຂ້ານ້ອຍ​ກ່າວ​ວ່າ, “ຂ້ານ້ອຍ​ຈະ​ໄວ້ທຸກ​ໃຫ້​ໜ່ວຍ​ພູເຂົາ ແລະ​ຮ້ອງໄຫ້​ຮໍ່າໄຮ​ໃຫ້​ທົ່ງຫຍ້າ​ດ້ວຍ ເພາະ​ມັນ​ໄດ້​ຫ່ຽວແຫ້ງ ແລະ​ຕາຍໄປ​ໝົດ ບໍ່ມີ​ຜູ້ໃດ​ທ່ອງທ່ຽວ​ໄປ​ຕາມ​ບ່ອນ​ທີ່​ກ່າວ​ນັ້ນ. ບໍ່ໄດ້ຍິນ​ສຽງ​ຝູງ​ສັດລ້ຽງ​ຮ້ອງ​ຕໍ່ໄປ​ອີກ​ເລີຍ ຝູງນົກ​ແລະ​ສັດປ່າ​ປົບໜີໄປ​ໝົດ​ສາ​ແລ້ວ.”

ເຢເຣມີຢາ 9:9

ຈະ​ບໍ່​ໃຫ້​ເຮົາ​ລົງໂທດ​ພວກເຂົາ​ເພາະ​ສິ່ງນີ້​ບໍ? ຈະ​ບໍ່​ໃຫ້​ເຮົາ​ແກ້ແຄ້ນ​ບໍ ຊົນຊາດ​ທີ່​ເປັນ​ຢ່າງນີ້?” ພຣະເຈົ້າຢາເວ​ກ່າວ​ດັ່ງນີ້ແຫລະ.

ເອເຊກຽນ 38:20

ປາ​ແລະ​ນົກ​ທຸກ​ໂຕ​ຕະຫລອດ​ທັງ​ສັດ​ໃຫຍ່​ນ້ອຍ ແລະ​ມະນຸດ​ທຸກຄົນ​ທີ່​ຢູ່​ເທິງ​ແຜ່ນດິນ​ໂລກ​ນີ້​ຈະ​ຢ້ານ​ເຮົາ​ຈົນ​ຕົວ​ສັ່ນເຊັນ. ພູເຂົາ​ທັງຫລາຍ​ຈະ​ເຈື່ອນ​ລົງ, ໜ້າຜາ​ຈະ​ແຕກ​ເປັນ​ເສດເລັກ​ເສດນ້ອຍ ແລະ​ກຳແພງ​ທຸກໆ​ແຫ່ງ​ຈະ​ພັງ​ທະລາຍ​ລົງ.

ໂຢເອນ 1:18

ຍ້ອນ​ບໍ່ມີ​ຫຍ້າ ຝູງ​ສັດ​ລ້ຽງ​ກໍ​ສັບສົນ​ວຸ້ນວາຍ ຝູງແກະ​ທັງຫລາຍ​ຕ່າງ​ກໍ​ທົນທຸກ​ດ້ວຍ.

ອາໂມດ 1:2

ອາໂມດ​ໄດ້​ກ່າວ​ວ່າ, “ພຣະເຈົ້າຢາເວ​ສົ່ງ​ສຽງ​ກຶກກ້ອງ​ມາ​ຈາກ​ພູເຂົາ​ຊີໂອນ ຈາກ​ນະຄອນ​ເຢຣູຊາເລັມ​ສຽງ​ພຣະອົງ​ດັງ​ກ້ອງສະໜັ່ນ ສະນັ້ນ ທົ່ງຫຍ້າ​ຈຶ່ງ​ຫ່ຽວແຫ້ງ​ໄປ​ໝົດ ຫຍ້າຂຽວ​ເທິງ​ຈອມພູ​ກາເມນ​ລ່າເຫລືອງ​ໄປສິ້ນ.”

ອາໂມດ 5:16

ເພາະສະນັ້ນ ພຣະເຈົ້າຢາເວ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ອົງພຣະ​ຜູ້​ເປັນເຈົ້າ​ຈຶ່ງ​ກ່າວ​ວ່າ, “ຕາມ​ຖະໜົນ​ຫົນທາງ​ໃນ​ເມືອງ​ຈະ​ມີ​ແຕ່​ການ​ຮ້ອງໄຫ້ ແລະ​ການຄວນຄາງ​ດ້ວຍ​ຄວາມ​ທຸກ​ລຳບາກ. ພວກເຂົາ​ຈະ​ເອີ້ນ​ພວກ​ຊາວນາ​ມາ​ຮ່ວມ​ຮ້ອງໄຫ້​ໄວ້ທຸກ ແລະ​ຜູ້​ທີ່​ຖືກ​ຈ້າງ​ມາ​ໃຫ້​ໄວ້ທຸກ​ນັ້ນ.

ອາໂມດ 8:8

ສະນັ້ນ ແຜ່ນດິນ​ໂລກ​ຈະ​ຫວັ່ນໄຫວ ທຸກຄົນ​ໃນ​ດິນແດນ​ນີ້​ຈະ​ຕ້ອງ​ໂສກເສົ້າ​ເສຍໃຈ. ທົ່ວ​ທັງ​ປະເທດ​ຈະ​ສັ່ນສະເທືອນ​ຟົ້ງ​ຂຶ້ນ ແລະ​ເຈື່ອນ​ລົງ​ເໝືອນກັນ​ກັບ​ແມ່ນໍ້ານິນ.

ນາຮູມ 1:4

ພຣະອົງ​ສັ່ງ​ທະເລ​ກວ້າງ ແລະ​ກໍ​ເຫືອດແຫ້ງ​ລົງ ທັງ​ເຮັດ​ໃຫ້​ແມ່ນໍ້າ​ທັງຫລາຍ​ບົກແຫ້ງ​ໝົດສິ້ນ. ທົ່ງ​ບາຊານ​ກໍ​ແຫ້ງແລ້ງ ພູ​ກາເມນ​ກໍ​ເຫລືອງຫລ່າ ມວນ​ມາລາ​ໃນ​ເລບານອນ​ກໍ​ຫ່ຽວແຫ້ງ​ຕາຍໄປ.

ເຊຟານີຢາ 1:3

ຄື​ມະນຸດ​ທຸກຄົນ​ແລະ​ສັດ​ທຸກ​ໂຕ, ຝູງນົກ ແລະ​ຝູງ​ປາ. ເຮົາ​ຈະ​ນຳ​ຄວາມ​ຈິບຫາຍ​ມາ​ສູ່​ຄົນຊົ່ວຮ້າຍ. ເຮົາ​ຈະ​ທຳລາຍ​ມະນຸດສະໂລກ​ທັງໝົດ ແລະ​ຈະ​ບໍ່ມີ​ຜູ້ໃດ​ລອດຊີວິດ​ເຫຼືອ​ຢູ່​ເລີຍ. ພຣະເຈົ້າຢາເວ​ໄດ້​ກ່າວ​ດັ່ງນີ້ແຫຼະ.

ເຊກາຣີຢາ 5:4

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ ພຣະອົງ​ຈະ​ສົ່ງ​ຄຳສາບແຊ່ງ​ນີ້​ອອກ​ໄປ ແລະ​ມັນ​ຈະ​ເຂົ້າ​ໄປ​ໃນ​ເຮືອນ​ຂອງ​ຄົນ​ຂີ້ລັກ​ທຸກຄົນ ຕະຫລອດ​ທັງ​ເຮືອນ​ຂອງ​ຜູ້​ເວົ້າຕົວະ​ພາຍໃຕ້​ຄຳ​ສາບານ​ທຸກຄົນ. ມັນ​ຈະ​ຢູ່​ໃນ​ເຮືອນ​ຂອງ​ພວກເຂົາ​ຈົນກວ່າ​ບ້ານ​ເຮືອນ​ຖືກ​ຮົກຮ້າງ​ເພພັງ.”