ໂຮເສອາ 4:2 - ພຣະຄຳພີສັກສິ

² ພວກເຂົາ​ເຮັດ​ຄຳສັນຍາ​ແລະ​ລະເມີດ​ຄຳສັນຍາ​ນັ້ນ. ພວກເຂົາ​ຂີ້ຕົວະ, ເປັນ​ຄາດຕະກອນ, ຂີ້ລັກ ແລະ​ຫລີ້ນຊູ້​ສູ່ຜົວເມຍ​ຄົນອື່ນ. ອາຊະຍາກຳ​ມີ​ເພີ່ມ​ຂຶ້ນ ແລະ​ການ​ຂ້າຟັນກັນ​ກໍ​ມີ​ຢູ່​ທຸກ​ມື້​ທຸກ​ເວັນ.

ໂຮເສອາ 4:2 Jak'a apnaqawi uñst'ayäwi

ປະຖົມມະການ 4:8

ຕໍ່ມາ ກາອິນ​ໄດ້​ເວົ້າ​ກັບ​ອາເບັນ​ນ້ອງຊາຍ​ຂອງຕົນ​ວ່າ, “ເຮົາ​ພາກັນ​ໄປ​ຍ່າງ​ຫລິ້ນ​ທີ່​ທົ່ງນາ​ເທາະ.” ເມື່ອ​ສອງ​ອ້າຍ​ນ້ອງ​ໄປ​ທີ່​ທົ່ງນາ ກາອິນ​ກໍ​ໂດດ​ໃສ່​ນ້ອງຊາຍ​ຂອງຕົນ​ແລະ​ຂ້າ​ລາວ​ເສຍ.

ເອຊາຢາ 24:5

ປະຊາກອນ​ໄດ້​ເຮັດ​ໃຫ້​ໂລກນີ້​ເປັນ​ມົນທິນ ໂດຍ​ລະເມີດ​ກົດບັນຍັດ​ຂອງ​ພຣະເຈົ້າ ແລະ​ຝ່າຝືນ​ພັນທະສັນຍາ​ທີ່​ພຣະອົງ​ໄດ້​ເຮັດ​ໄວ້​ກັບ​ພວກເຂົາ​ຕະຫລອດໄປ.

ເອຊາຢາ 48:1

ປະຊາຊົນ​ອິດສະຣາເອນ​ເອີຍ ຈົ່ງ​ຟັງ​ເລື່ອງນີ້ ພວກ​ທີ່​ສືບ​ເຊື້ອສາຍ​ມາ​ຈາກ​ເຜົ່າຢູດາ​ນັ້ນ: ພວກເຈົ້າ​ໄດ້​ສາບານ​ໃນ​ນາມ​ຂອງ​ພຣະເຈົ້າຢາເວ ແລະ​ອ້າງ​ວ່າ​ຕົນ​ນະມັດສະການ​ພຣະເຈົ້າ ຄື​ຍ້ອງຍໍ​ພຣະເຈົ້າ​ຂອງ​ຊາດ​ອິດສະຣາເອນ ແຕ່​ບໍ່ໄດ້​ຕັ້ງໃຈ​ເວົ້າ​ແມ່ນແຕ່​ຄຳດຽວ​ຢ່າງນັ້ນ.

ເຢເຣມີຢາ 51:5

ພຣະເຈົ້າ​ຂອງ​ພວກເຂົາ ອົງພຣະ​ຜູ້​ເປັນເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່ ບໍ່ໄດ້​ປະຖິ້ມ​ອິດສະຣາເອນ​ແລະ​ຢູດາ ເຖິງ​ແມ່ນ​ວ່າ​ພວກເຂົາ​ໄດ້​ເຮັດ​ບາບ​ຕໍ່ສູ້​ອົງ​ບໍຣິສຸດ​ຂອງ​ຊາດ​ອິດສະຣາເອນ​ກໍຕາມ.

ເຢເຣມີຢາ 6:7

ນໍ້າສ້າງ​ກັກ​ນໍ້າຈືດ​ໄວ້​ສັນໃດ ນະຄອນ​ເຢຣູຊາເລັມ​ກໍ​ກັກ​ຄວາມ​ຊົ່ວຊ້າ​ຂອງຕົນ​ໄວ້​ສັນນັ້ນ. ເຮົາ​ໄດ້ຍິນ​ແຕ່​ການ​ຮຸນແຮງ ແລະ​ການທຳລາຍ​ດັງ​ຂຶ້ນ​ໃນ​ຕົວເມືອງ; ເຮົາ​ເຫັນ​ແຕ່​ຄົນ​ບາດເຈັບ ແລະ​ຄົນ​ທົນທຸກ.

ເພງ^ຄໍ່າຄວນ 4:13

ແຕ່​ເຫດການ​ນີ້​ໄດ້​ເກີດຂຶ້ນ​ແລ້ວ ເພາະ​ບາບ​ຂອງ​ຜູ້ທຳນວາຍ​ໃນ​ນະຄອນ ແລະ​ບັນດາ​ປະໂຣຫິດ​ກໍ​ມີ​ຄວາມຜິດ ໃນ​ຖານ​ເຮັດ​ໃຫ້​ຄົນ​ບໍ່​ຜິດ​ຕ້ອງ​ຕາຍ​ຍ້ອນ.

ເອເຊກຽນ 7:23

ທຸກໆສິ່ງ​ເກີດ​ອົນລະຫົນ​ວຸ້ນວາຍ ຄື​ດິນແດນ​ເຕັມ​ໄປ​ດ້ວຍ​ຄາດຕະກອນ ແລະ​ໃນ​ຕົວເມືອງ​ຕ່າງໆ​ກໍ​ລ້ວນແຕ່​ໃຊ້​ການ​ຮຸນແຮງ.

ໂຮເສອາ 10:13

ແຕ່​ແທນທີ່​ຈະ​ເປັນ​ດັ່ງນັ້ນ ພວກເຈົ້າ​ພັດ​ໄດ້​ປູກ​ຄວາມຊົ່ວ ແລະ​ເກັບກ່ຽວ​ຜົນ​ກຳ​ຊົ່ວ. ພວກເຈົ້າ​ໄດ້​ກິນ​ຜົນ​ແຫ່ງ​ການຕົວະ​ຂອງ​ພວກເຈົ້າ. ເພາະ​ພວກເຈົ້າ​ໄດ້​ໄວ້ວາງໃຈ​ໃນ​ລົດຮົບ ແລະ​ໃນ​ທະຫານ​ຈຳນວນ​ຫລວງຫລາຍ​ຂອງ​ພວກເຈົ້າ​ນັ້ນ

ໂຮເສອາ 10:4

ພວກເຂົາ​ອອກ​ສຽງ​ເປັນ​ຄຳ​ເປົ່າລ້າ ທັງ​ໃຫ້​ຄຳສັນຍາ​ບໍ່ຈິງ​ແລະ​ເຮັດ​ຂໍ້​ຕົກລົງ​ອັນ​ບໍ່ມີ​ປະໂຫຍດ. ຄວາມ​ຍຸດຕິທຳ​ກາຍເປັນ​ຄວາມ​ອະຍຸດຕິທຳ ຊຶ່ງ​ງອກ​ຂຶ້ນ​ມາ​ເໝືອນ​ຫຍ້າ​ພິດ​ຢູ່​ໃນ​ທົ່ງນາ​ທີ່​ໄຖ​ແລ້ວ.

ໂຮເສອາ 11:12

ປະຊາຊົນ​ເອຟຣາອິມ​ອ້ອມຮອບ​ເຮົາ​ໄວ້ ດ້ວຍ​ການຕົວະ​ແລະ​ການ​ຫລອກລວງ ແລະ​ປະຊາຊົນ​ຢູດາ​ກໍ​ຍັງ​ເປັນ​ກະບົດ​ຕໍ່ສູ້​ເຮົາ​ຢູ່ ຄື​ຕໍ່ສູ້​ພຣະເຈົ້າ​ອົງ​ສັດຊື່​ແລະ​ບໍຣິສຸດ.

ໂຮເສອາ 12:14

ແຕ່​ເອຟຣາອິມ​ໄດ້​ເຮັດ​ໃຫ້​ພຣະອົງ​ໂກດຮ້າຍ​ຢ່າງ​ຂົມຂື່ນ; ພວກເຂົາ​ສົມຄວນ​ຕາຍ ຍ້ອນ​ການ​ປະພຶດ​ຊົ່ວ​ນັ້ນ. ອົງພຣະ​ຜູ້​ເປັນເຈົ້າ​ຈະ​ລົງໂທດ​ພວກເຂົາ ທີ່​ໄດ້​ເຮັດ​ໃຫ້​ພຣະອົງ​ຕ້ອງ​ອັບອາຍ​ຂາຍໜ້າ.

ໂຮເສອາ 5:2

ແລະ​ເປັນ​ດັ່ງ​ຂຸມ​ເລິກ​ທີ່​ເມືອງ​ຊິດຕິມ ແລະ​ເຮົາ​ຈະ​ລົງໂທດ​ພວກເຈົ້າ​ທັງໝົດ.

ໂຮເສອາ 6:8

ກີເລອາດ​ເປັນ​ເມືອງ​ທີ່​ເຕັມ​ໄປ​ດ້ວຍ​ຄົນຊົ່ວ ແລະ​ອາຊະຍາກອນ.

ໂຮເສອາ 6:9

ພວກ​ປະໂຣຫິດ​ເປັນ​ດັ່ງ​ກຸ່ມ​ໂຈນ​ທີ່​ຄອຍ​ດັກ​ທຳຮ້າຍ​ຄົນ. ແມ່ນແຕ່​ຕາມ​ຖະໜົນ​ຫົນທາງ​ໄປ​ສູ່​ສະຖານທີ່​ຊີເຄມ ກໍ​ມີ​ການ​ຂ້າຟັນ​ລັນແທງ​ກັນ. ພວກເຂົາ​ໄດ້​ເຮັດ​ຊົ່ວ​ໂດຍ​ເຈດຕະນາ​ແທ້ໆ

ໂຮເສອາ 7:1

“ເມື່ອໃດ​ເຮົາ​ຢາກ​ປິ່ນປົວ​ຊາວ​ອິດສະຣາເອນ​ປະຊາຊົນ​ຂອງເຮົາ​ໃຫ້​ດີ ແລະ​ເຮັດ​ໃຫ້​ພວກເຂົາ​ມັ່ງຄັ່ງ​ສົມບູນ​ອີກ; ເມື່ອນັ້ນ​ເຮົາ​ກໍ​ເຫັນ​ແຕ່​ການ​ໂຫດຮ້າຍ ແລະ​ກິດຈະການ​ຊົ່ວ​ຂອງ​ພວກເຂົາ. ພວກເຂົາ​ສໍ້ໂກງ​ກັນແລະກັນ; ງັດແງະ​ເຂົ້າ​ໄປ​ໃນ​ເຮືອນ​ລັກ​ເອົາ​ສິ່ງຂອງ ແລະ​ປຸ້ນຈີ້​ຄົນ​ຕາມ​ຖະໜົນ​ຫົນທາງ.

ໂຮເສອາ 7:3

“ປະຊາຊົນ​ຫລອກລວງ​ກະສັດ​ແລະ​ຂ້າຣາຊການ​ຂອງ​ເພິ່ນ ໂດຍ​ອຸບາຍ​ຊົ່ວ​ຂອງ​ພວກເຂົາ.

ໂຮເສອາ 7:4

ພວກເຂົາ​ທັງໝົດ​ເປັນ​ຄົນ​ທໍລະຍົດ​ແລະ​ບໍ່​ສັດຊື່. ຄວາມ​ກຽດຊັງ​ຂອງ​ພວກເຂົາ​ຄ່ອຍ​ລຸກ​ໄໝ້​ດັ່ງ​ໄຟ​ຢູ່​ໃນ​ເຕົາອົບ ຊຶ່ງ​ຄົນ​ເຮັດ​ເຂົ້າຈີ່​ບໍ່​ຕ້ອງ​ຈຸ​ໄຟ​ຕື່ມ ຈົນ​ແປ້ງນວດ​ພ້ອມແລ້ວ​ທີ່​ຈະ​ຖືກ​ນຳ​ໄປ​ອົບ.

ມີກາ 3:2

ແຕ່​ພວກເຈົ້າ​ຊໍ້າພັດ​ກຽດຊັງ​ຄວາມດີ ແລະ​ຮັກ​ຄວາມຊົ່ວ. ພວກເຈົ້າ​ຂູດເນື້ອເຖືອໜັງ​ປະຊາຊົນ​ຂອງເຮົາ​ທັງເປັນ.

ມີກາ 3:9

ຈົ່ງ​ຟັງ​ຂ້າພະເຈົ້າ​ເທີ້ນ ບັນດາ​ຜູ້ນຳ​ຊາດ​ອິດສະຣາເອນ​ເອີຍ ພວກເຈົ້າ​ທີ່​ກຽດຊັງ​ຄວາມ​ຍຸດຕິທຳ​ແລະ​ປ່ຽນ​ຖືກ​ໃຫ້​ເປັນ​ຜິດ.

ມີກາ 6:10

ໃນ​ເຮືອນ​ຂອງ​ຄົນຊົ່ວ ມີ​ຊັບສົມບັດ​ຫລາຍ​ຢ່າງ ຊຶ່ງ​ພວກເຂົາ​ໄດ້​ມາ​ໃນ​ທາງ​ບໍ່​ສັດຊື່. ພວກເຂົາ​ໃຊ້​ຕາຊິງ​ປອມ ເປັນ​ສິ່ງ​ທີ່​ເຮົາ​ກຽດຊັງ.

ມີກາ 7:2

ຢູ່​ໃນ​ດິນແດນ​ບໍ່ມີ​ຄົນ​ສຸດຈະຣິດ​ເຫຼືອ​ຢູ່​ເລີຍ ບໍ່ມີ​ຈັກ​ຄົນດຽວ ທີ່​ສັດຊື່​ຕໍ່​ພຣະເຈົ້າ. ທຸກຄົນ​ຕ່າງ​ກໍ​ຫາ​ໂອກາດ ເພື່ອ​ຂ້າຟັນ​ລັນແທງ​ຊຶ່ງກັນແລະກັນ ທຸກຄົນ​ຕ່າງ​ກໍ​ຕາມລ່າ​ພີ່ນ້ອງ​ຮ່ວມຊາດ​ຂອງ​ຕົນເອງ.

ເຊຟານີຢາ 3:1

ເຄາະກຳ​ເປັນ​ຂອງ​ນະຄອນ​ເຢຣູຊາເລັມ​ສາ​ແລ້ວ ຄື​ເປັນ​ເມືອງ​ທີ່​ເສື່ອມເສຍ ແລະ​ເປັນ​ກະບົດ ທີ່​ກົດຂີ່​ຂົ່ມເຫັງ​ປະຊາຊົນ​ຂອງ​ຕົນເອງ.

ເຊກາຣີຢາ 5:3

ແລ້ວ​ເທວະດາ​ຕົນ​ນັ້ນ​ກໍໄດ້​ກ່າວ​ແກ່​ຂ້າພະເຈົ້າ​ວ່າ, “ໃນ​ໜັງສື​ມ້ວນ​ນັ້ນ​ມີ​ຄຳສາບແຊ່ງ​ຖືກ​ຂຽນ​ໄວ້ ທີ່​ຈະ​ອອກ​ໄປ​ເຖິງ​ທົ່ວ​ທັງ​ດິນແດນ. ທີ່​ສົ້ນ​ໜຶ່ງ​ຂອງ​ໜັງສື​ນັ້ນ​ກ່າວ​ວ່າ ຄົນ​ຂີ້ລັກ​ທຸກໆຄົນ​ຈະ​ຖືກ​ກວາດອອກ​ໄປ​ຈາກ​ດິນແດນ ແລະ​ທີ່​ສົ້ນ​ໜຶ່ງ​ອີກ​ກ່າວ​ວ່າ ທຸກໆຄົນ​ທີ່​ເວົ້າຕົວະ​ພາຍໃຕ້​ຄຳ​ສາບານ ຈະ​ຖືກ​ກວາດລ້າງ​ອອກ​ໄປ​ຈາກ​ດິນແດນ​ເຊັ່ນກັນ.

ເຊກາຣີຢາ 7:9

ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ວ່າ, “ດົນນານ​ມາ​ແລ້ວ ເຮົາ​ໄດ້​ມອບ​ຂໍ້ຄຳສັ່ງ​ເຫຼົ່ານີ້​ໃຫ້​ແກ່​ປະຊາຊົນ​ຂອງເຮົາ ດັ່ງນີ້: ‘ພວກເຈົ້າ​ຕ້ອງ​ໃຫ້​ຄວາມ​ຍຸດຕິທຳ​ເກີດ​ມີ​ຂຶ້ນ ແລະ​ຕ້ອງ​ສະແດງ​ຄວາມ​ເມດຕາປານີ​ຕໍ່​ກັນແລະກັນ.

ມັດທາຍ 23:35

ດັ່ງນັ້ນ ໂທດກຳ​ສຳລັບ​ການ​ຂ້າ​ທຸກຄົນ​ທີ່​ບໍ່ມີ​ຄວາມຜິດ​ນັ້ນ ຈະ​ຕົກ​ຖືກ​ພວກເຈົ້າ ນັບ​ແຕ່​ການ​ຂ້າ​ອາເບັນ​ຜູ້​ບໍ່ມີ​ຄວາມຜິດ ຈົນເຖິງ​ການ​ຂ້າ​ເຊກາຣີຢາ ລູກຊາຍ​ຂອງ​ເບເຣກີຢາ ທີ່​ພວກເຈົ້າ​ໄດ້​ຂ້າ​ລະຫວ່າງ​ພຣະວິຫານ​ແລະ​ແທ່ນບູຊາ.

ກິດຈະການ 7:52

ມີ​ຜູ້ທຳນວາຍ​ຄົນ​ໃດ​ແດ່ ທີ່​ບັນພະບຸລຸດ​ຂອງ​ພວກເຈົ້າ​ບໍ່ໄດ້​ຂົ່ມເຫັງ? ພວກເຂົາ​ໄດ້​ຂ້າ​ບັນດາ​ຄົນ​ທີ່​ນຳ​ຖ້ອຍຄຳ​ຂອງ​ພຣະເຈົ້າ​ມາ​ໃຫ້ ຄື​ຄົນ​ທີ່​ໄດ້​ປະກາດ​ລ່ວງໜ້າ​ວ່າ ພຣະ​ຜູ້ຮັບໃຊ້​ອົງ​ຊອບທຳ​ຈະ​ມາ, ບັດນີ້ ເຈົ້າ​ທັງຫລາຍ​ໄດ້​ເປັນ​ຜູ້​ມອບ​ພຣະອົງ​ໄວ້ ແລະ​ສັງຫານ​ພຣະອົງ​ເສຍ.

ພຣະບັນຍັດສອງ 5:11

ຢ່າ​ໃຊ້​ນາມຊື່​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃນ​ທາງ​ທີ່​ຜິດ ເພາະ​ພຣະເຈົ້າຢາເວ​ຈະ​ລົງໂທດ​ທຸກຄົນ​ທີ່​ໃຊ້​ນາມຊື່​ຂອງ​ພຣະອົງ​ໃນ​ທາງ​ຜິດ.

ພຣະບັນຍັດສອງ 5:18

ຢ່າ​ຫຼິ້ນຊູ້​ສູ່ຜົວເມຍ​ຜູ້​ອື່ນ.

ພຣະບັນຍັດສອງ 5:19

ຢ່າ​ລັກ.

1 ເທສະໂລນິກ 2:15

ແມ່ນ​ພວກ​ຢູດາ​ນີ້​ແຫຼະ ທີ່​ໄດ້​ປະຫານ​ອົງ​ພຣະເຢຊູເຈົ້າ​ກັບ​ບັນດາ​ຜູ້​ປະກາດ​ພຣະທຳ ແລະ​ໄດ້​ຂົ່ມເຫັງ​ພວກເຮົາ​ດ້ວຍ. ພວກເຂົາ​ເຮັດ​ໃຫ້​ພຣະເຈົ້າ​ເສຍ​ພຣະໄທ​ຫລາຍ​ທີ່ສຸດ ແລະ​ພວກເຂົາ​ກໍ​ຕໍ່ສູ້​ກັບ​ທຸກໆ​ຄົນ​ຢ່າງ​ໂຫດຮ້າຍ

ພຣະນິມິດ 17:6

ແລະ​ຂ້າພະເຈົ້າ​ໄດ້​ເຫັນ​ຍິງ​ຄົນ​ນັ້ນ ເມົາ​ດ້ວຍ​ເລືອດ​ໄພ່ພົນ​ຂອງ​ພຣະເຈົ້າ ແລະ​ດ້ວຍ​ເລືອດ​ຂອງ​ບັນດາ​ຜູ້​ທີ່​ຍອມ​ສະຫລະ​ຊີວິດ ເພາະ​ເປັນ​ພະຍານ​ຝ່າຍ​ພຣະເຢຊູເຈົ້າ. ເມື່ອ​ຂ້າພະເຈົ້າ​ເຫັນ​ຍິງ​ຄົນ​ນັ້ນ​ແລ້ວ ກໍ​ອັດສະຈັນ​ໃຈ​ຫລາຍ.