ໂຮເສອາ 3:1 - ພຣະຄຳພີສັກສິ

¹ ພຣະເຈົ້າຢາເວ​ໄດ້ກ່າວ​ແກ່​ຂ້າພະເຈົ້າ​ວ່າ, “ຈົ່ງ​ໄປ ແລະ​ສະແດງ​ຄວາມຮັກ​ກັບ​ຍິງ​ຄົນ​ໜຶ່ງ​ອີກ ທີ່​ມີ​ຄົນຮັກ​ແລ້ວ ແຕ່​ໄປ​ຫລີ້ນຊູ້. ໃຫ້​ເຈົ້າ​ຮັກ​ນາງ​ດັ່ງ​ພຣະເຈົ້າຢາເວ​ຮັກ​ປະຊາຊົນ​ອິດສະຣາເອນ ເຖິງ​ແມ່ນ​ວ່າ​ພວກເຂົາ​ຫັນ​ໄປ​ຫາ​ພະອື່ນ ແລະ​ນິຍົມກັນ​ຖວາຍ​ໝາກອະງຸ່ນ​ແຫ້ງ ແກ່​ຮູບເຄົາຣົບ​ທັງຫລາຍ​ກໍຕາມ.”

ໂຮເສອາ 3:1 Jak'a apnaqawi uñst'ayäwi

2 ຊາມູເອນ 6:19

ແລະ​ແຈກ​ອາຫານ​ໃຫ້​ແກ່​ທຸກຄົນ. ເພິ່ນ​ໄດ້​ແຈກ​ໃຫ້​ຊາວ​ອິດສະຣາເອນ​ທັງ​ຊາຍ​ແລະ​ຍິງ​ດັ່ງນີ້: ເຂົ້າຈີ່​ຜູ້ລະ​ກ້ອນ ຊີ້ນປີ້ງ​ຜູ້ລະ​ຕ່ອນ ແລະ​ໝາກອະງຸ່ນ​ແຫ້ງ. ແລ້ວ​ແຕ່ລະຄົນ​ກໍ​ກັບເມືອ​ບ້ານ​ເຮືອນ​ຂອງ​ໃຜ​ລາວ.

2 ກະສັດ 13:23

ແຕ່​ພຣະເຈົ້າຢາເວ​ຍັງ​ເມດຕາປານີ​ພວກເຂົາ. ພຣະອົງ​ບໍ່​ຍອມ​ໃຫ້​ພວກເຂົາ​ຖືກ​ທຳລາຍ​ແຕ່​ໄດ້​ຊ່ວຍເຫລືອ​ພວກເຂົາ​ໄວ້ ເພາະ​ພຣະອົງ​ໄດ້​ເຮັດ​ພັນທະສັນຍາ​ໄວ້​ກັບ​ອັບຣາຮາມ, ອີຊາກ ແລະ​ຢາໂຄບ. ພຣະອົງ​ບໍ່ໄດ້​ລືມໄລ​ປະຊາຊົນ​ຂອງ​ພຣະອົງ​ເລີຍ.

1 ຂ່າວຄາວ 16:3

ແລະ​ແຈກ​ຢາຍ​ອາຫານ​ໃຫ້​ພວກເຂົາ​ທຸກຄົນ. ເພິ່ນ​ໄດ້​ເອົາ​ເຂົ້າຈີ່​ຢາຍ​ໃຫ້​ຜູ້ຊາຍ ແລະ​ຜູ້ຍິງ​ໃນ​ຊາດ​ອິດສະຣາເອນ ຄົນລະ​ກ້ອນ, ຊີ້ນ​ປີ້ງ​ຄົນລະ​ຕ່ອນ, ແລະ​ໝາກອະງຸ່ນ​ແຫ້ງ.

ເນເຫມີຢາ 9:31

ແຕ່​ຍ້ອນ​ພຣະເມດຕາ​ຊົງ​ຍິ່ງໃຫຍ່​ຫລາຍ ຈຶ່ງ​ບໍ່ໄດ້​ປະຖິ້ມ​ພວກເພິ່ນ ແລະ​ທຳລາຍ​ພວກເພິ່ນ. ພຣະອົງ​ເປັນ​ພຣະເຈົ້າ​ທີ່​ຊົງຄຸນງາມ​ຄວາມດີ ທັງ​ຊົງ​ເມດຕາ​ແລະ​ເອັນດູ​ດ້ວຍ.

ເພງ^ສັນລະເສີນ 123:2

ດັ່ງ​ຄົນ​ຮັບໃຊ້​ຜູ້ໜຶ່ງ​ເພິ່ງພາ​ອາໄສ​ນາຍ​ຂອງຕົນ ດັ່ງ​ສາວໃຊ້​ຜູ້ໜຶ່ງ​ເພິ່ງອີງ​ນາຍຍິງ​ຂອງຕົນ​ນັ້ນ. ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ​ເອີຍ ຈະ​ແນມຫາ​ຈົນ​ພຣະເມດຕາ​ມາຮອດ.

ອົບພະຍົບ 32:6

ໃນ​ມື້​ຕໍ່ມາ ພວກເຂົາ​ໄດ້​ຕື່ນ​ແຕ່​ເຊົ້າໆ ພວກເຂົາ​ໄດ້​ເຜົາ​ສັດ​ທັງ​ໂຕ​ຖວາຍບູຊາ ແລະ​ນຳ​ເອົາ​ສັດ​ໂຕ​ອື່ນ​ມາ​ຂ້າ​ກິນ​ເພື່ອ​ຄວາມ​ສາມັກຄີທຳ. ປະຊາຊົນ​ຕ່າງ​ກໍໄດ້​ນັ່ງ​ລົງ​ກິນ​ແລະ​ດື່ມ ຊຶ່ງ​ຕໍ່ມາ​ກໍ​ໄດ້​ມີ​ການ​ເຕັ້ນລຳ​ຖວາຍ​ບູຊາ​ຮູບເຄົາຣົບ​ຢ່າງ​ເຖິງ​ໃຈ.

ຍອດເພງ 2:5

ຂໍ​ໃຫ້​ຂ້ອຍ​ໄດ້​ກິນ​ໝາກອະງຸ່ນ ເພື່ອ​ໃຫ້​ມີ​ແຮງ​ຂຶ້ນ ແລະ​ໃຫ້​ຂ້ອຍ​ໄດ້​ກິນ​ໝາກຈອງ ເພື່ອ​ໃຫ້​ໄດ້​ຊື່ນໃຈ​ຂຶ້ນ ເພາະ​ຂ້ອຍ​ປ່ວຍ​ເປັນ​ໂຣກ​ຄວາມຮັກ.

ເອຊາຢາ 45:22

ຊາວ​ໂລກ​ທັງ​ໂລກ ຈົ່ງ​ກັບ​ມາ​ຫາ​ເຮົາ ເຮົາ​ເທົ່ານັ້ນ​ຄື​ພຣະເຈົ້າ​ແລະ​ຊ່ວຍ​ໃຫ້​ພົ້ນ​ໄດ້.

ເຢເຣມີຢາ 3:20

ແຕ່​ເຈົ້າ​ຍັງ​ເປັນ​ດັ່ງ​ເມຍ​ທີ່​ຫລິ້ນຊູ້​ແລະ​ບໍ່​ສັດຊື່.” ພຣະເຈົ້າຢາເວ​ກ່າວ​ດັ່ງນີ້ແຫລະ.

ເຢເຣມີຢາ 31:20

ອິດສະຣາເອນ​ເອີຍ ເຈົ້າ​ຄື​ລູກ​ທີ່​ຮັກ​ຂອງເຮົາ ເປັນ​ເດັກນ້ອຍ​ທີ່​ເຮົາ​ຮັກແພງ​ຫລາຍ​ແທ້ໆ. ເມື່ອ​ເຮົາ​ເອີ່ຍ​ເຖິງ​ເຈົ້າ​ຄື​ເອີ່ຍ​ເຖິງ​ຊື່​ເຈົ້າ​ຍາມໃດ ເຮົາ​ກໍ​ມີ​ຄວາມຮັກ​ແລະ​ຄິດເຖິງ​ເຈົ້າ​ຍາມນັ້ນ; ຈິດໃຈ​ເຮົາ​ຄິດເຖິງ​ແຕ່​ເຈົ້າ​ຢູ່​ສະເໝີ​ມາ ເຮົາ​ບັງຄັບ​ເຮົາເອງ​ບໍ່​ໃຫ້​ເມດຕາ​ເຈົ້າ​ບໍ່ໄດ້.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ໂຮເສອາ 11:8

ເອຟຣາອິມ​ເອີຍ ເຮົາ​ຈະ​ເຊົາ​ກ່ຽວຂ້ອງ​ກັບ​ເຈົ້າ​ໄດ້​ຢ່າງໃດ? ຊາດ​ອິດສະຣາເອນ​ເອີຍ ເຮົາ​ຈະ​ປະຖິ້ມ​ເຈົ້າ​ໄປ​ໄດ້​ຢ່າງໃດ? ເຮົາ​ຈະ​ທຳລາຍ​ເຈົ້າ​ດັ່ງ​ທຳລາຍ​ອັດມາ​ກໍ​ບໍ່ໄດ້ ຫລື​ເຮັດ​ຕໍ່​ເຈົ້າ​ດັ່ງ​ທີ່​ເຮັດ​ຕໍ່​ເຊບົວອິມ​ນັ້ນ? ຈິດໃຈ​ເຮົາ​ບໍ່​ຍອມ​ໃຫ້​ເຮົາ​ເຮັດ​ດັ່ງນັ້ນ​ເລີຍ ຄວາມຮັກ​ທີ່​ເຮົາ​ມີ​ກໍ​ແຮງ​ທີ່ສຸດ​ສຳລັບ​ເຈົ້າ.

ໂຮເສອາ 2:5

ນາງ​ເອງ​ໄດ້​ເວົ້າ​ວ່າ, “ຂ້ອຍ​ຈະ​ໄປ​ຫາ​ຄົນ​ຮັກ​ຂອງຂ້ອຍ ເພາະ​ພວກເຂົາ​ໄດ້​ນຳ​ເອົາ​ສິ່ງ​ເຫຼົ່ານີ້​ມາ​ໃຫ້​ຂ້ອຍ ເຊັ່ນ: ອາຫານ​ແລະ​ນໍ້າ, ເຄື່ອງ​ຂົນແກະ, ຜ້າເນື້ອລະອຽດ, ນໍ້າມັນ​ໝາກກອກເທດ ແລະ​ເຫຼົ້າ​ອະງຸ່ນ.”

ໂຮເສອາ 4:11

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເຫຼົ້າ​ອະງຸ່ນ​ທັງ​ເກົ່າ​ແລະ​ໃໝ່ ກຳລັງ​ເຮັດ​ໃຫ້​ປະຊາຊົນ​ຂອງເຮົາ​ເສຍ​ຄົນ.

ໂຮເສອາ 7:5

ໃນ​ງານສະຫລອງ​ສຳລັບ​ກະສັດ​ນັ້ນ ພວກເຂົາ​ໄດ້​ເອົາ​ເຫຼົ້າ​ອະງຸ່ນ​ໃຫ້​ກະສັດ​ກັບ​ພວກ​ຂ້າຣາຊການ​ຂອງ​ເພິ່ນ​ດື່ມ ຈົນ​ມືນເມົາ​ແລະ​ເສຍ​ສະຕິ​ໄປ.

ອາໂມດ 2:8

ໃນ​ສະຖານທີ່​ນະມັດສະການ​ທຸກບ່ອນ ພວກເຂົາ​ໃຊ້​ເສື້ອຜ້າ​ທີ່​ຄົນ​ຍາກຈົນ​ເອົາ​ມາ​ຈຳນຳ​ນັ້ນ​ປູ​ນອນ. ພວກເຂົາ​ດື່ມ​ເຫຼົ້າ​ອະງຸ່ນ​ທີ່​ຢຶດ​ມາ​ຈາກ​ລູກໜີ້​ໃນ​ວິຫານ​ພຣະເຈົ້າ​ຂອງ​ພວກເຂົາ.”

ອາໂມດ 6:6

ພວກເຈົ້າ​ໃຊ້​ຈອກ​ໃຫຍ່​ດື່ມ​ເຫຼົ້າ​ອະງຸ່ນ ແລະ​ທາ​ນໍ້າຫອມ​ຢ່າງດີ; ແຕ່​ພວກເຈົ້າ​ບໍ່ໄດ້​ໄວ້ທຸກ​ໃຫ້​ແກ່​ອານາຈັກ​ອິດສະຣາເອນ ທີ່​ຢູ່​ໃນ​ສະພາບ​ຮົກຮ້າງ​ເພພັງ.

ມີກາ 7:7

ແຕ່​ຂ້າພະເຈົ້າ​ຈະ​ເຝົ້າ​ຄອງຄອຍ​ຫາ​ພຣະເຈົ້າຢາເວ; ຂ້າພະເຈົ້າ​ຈະ​ລໍຖ້າ​ພຣະເຈົ້າ ຜູ້​ຈະ​ຊ່ວຍ​ຂ້າພະເຈົ້າ​ໃຫ້​ພົ້ນ ດ້ວຍ​ຄວາມ​ເຊື່ອໝັ້ນ​ຕາຍໃຈ. ພຣະເຈົ້າ​ຂອງ​ຂ້າພະເຈົ້າ​ຈະ​ຟັງ​ຂ້າພະເຈົ້າ.

ເຊກາຣີຢາ 1:16

ເພາະສະນັ້ນ ພຣະເຈົ້າຢາເວ​ຈຶ່ງ​ກ່າວ​ວ່າ, ‘ເຮົາ​ຈະ​ກັບ​ມາ​ທີ່​ນະຄອນ​ເຢຣູຊາເລັມ​ອີກ ເພື່ອ​ສຳແດງ​ຄວາມ​ເມດຕາ​ຕໍ່​ນະຄອນ​ນີ້. ວິຫານ​ຂອງເຮົາ​ຈະ​ຖືກ​ສ້າງ​ຂຶ້ນ​ໃໝ່ ແລະ​ນະຄອນ​ກໍ​ຈະ​ຖືກ​ສ້າງ​ຂຶ້ນ​ໃໝ່​ດ້ວຍ.’ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ມັດທາຍ 26:50

ພຣະເຢຊູເຈົ້າ​ຕອບ​ວ່າ, “ສະຫາຍ​ເອີຍ ຈົ່ງ​ເຮັດ​ຕາມ​ສິ່ງ​ທີ່​ເຈົ້າ​ຕັ້ງໃຈ​ໄວ້​ສາ.” ແລ້ວ​ພວກເຂົາ​ກໍ​ເຂົ້າ​ໄປ​ຈັບກຸມ​ພຣະເຢຊູເຈົ້າ​ໄວ້.

1 ໂກຣິນໂທ 10:21

ພວກເຈົ້າ​ດື່ມ​ຈາກ​ຈອກ​ຂອງ​ອົງພຣະ​ຜູ້​ເປັນເຈົ້າ​ແດ່ ແລະ​ດື່ມ​ຈາກ​ຈອກ​ຂອງ​ຜີມານຮ້າຍ​ແດ່ ກໍ​ບໍ່​ຫ່ອນ​ໄດ້ ພວກເຈົ້າ​ກິນ​ທີ່​ໂຕະ​ຂອງ​ອົງພຣະ​ຜູ້​ເປັນເຈົ້າ​ແດ່ ແລະ​ກິນ​ທີ່​ໂຕະ​ຂອງ​ຜີມານຮ້າຍ​ແດ່ ກໍ​ບໍ່ໄດ້​ເຊັ່ນກັນ.

1 ໂກຣິນໂທ 10:7

ຢ່າ​ກາຍເປັນ​ຄົນ​ຂາບໄຫວ້​ຮູບເຄົາຣົບ ເໝືອນ​ບາງຄົນ​ໃນ​ພວກ​ນັ້ນ​ໄດ້​ຂາບໄຫວ້ ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ປະຊາຊົນ​ໄດ້​ນັ່ງ​ລົງ​ກິນ​ແລະ​ດື່ມ ແລ້ວ​ກໍ​ລຸກ​ຂຶ້ນ​ເຕັ້ນລຳ.”

1 ເປໂຕ 4:3

ດ້ວຍວ່າ, ຜ່ານ​ມາ​ນັ້ນ ພວກເຈົ້າ​ໄດ້​ໃຊ້​ເວລາ​ດົນນານ ເຮັດ​ໃນ​ສິ່ງ​ທີ່​ຄົນ​ຕ່າງ​ຄວາມເຊື່ອ​ມັກ​ເຮັດ ຄື​ເມື່ອ​ພວກເຈົ້າ​ໄດ້​ດຳເນີນ​ຊີວິດ​ຕາມ​ຣາຄະ​ຕັນຫາ, ໃນ​ຄວາມ​ປາຖະໜາ​ອັນ​ຊົ່ວຊ້າ, ດື່ມ​ເຫຼົ້າ​ເມົາ​ສຸຣາ, ກິນລ້ຽງ​ຢ່າງ​ມົວເມົາ, ຮ່ວມ​ສັງສັນ​ກິນ​ເຫຼົ້າ​ຢ່າງ​ເກີນສ່ວນ ແລະ​ຂາບໄຫວ້​ຮູບເຄົາຣົບ​ທີ່​ໜ້າລັງກຽດ.

ພວກ^ຜູ້ປົກຄອງ 10:16

ດັ່ງນັ້ນ ພວກເຂົາ​ຈຶ່ງ​ເຊົາ​ເຊື່ອຖື​ບັນດາ​ພະ​ຕ່າງຊາດ ແລະ​ກັບ​ມາ​ນະມັດສະການ​ພຣະເຈົ້າຢາເວ​ອີກ. ແລ້ວ​ພຣະອົງ​ກໍ​ທຸກຮ້ອນໃຈ ທີ່​ເຫັນ​ຄວາມ​ລຳບາກ​ຂອງ​ຊາດ​ອິດສະຣາເອນ.

ພວກ^ຜູ້ປົກຄອງ 9:27

ພວກເຂົາ​ພາກັນ​ອອກ​ໄປ​ທີ່​ສວນອະງຸ່ນ ເພື່ອ​ເກັບ​ເອົາ​ໝາກອະງຸ່ນ​ມາ​ເຮັດ​ເຫຼົ້າ ແລະ​ຈັດ​ງານ​ກິນລ້ຽງ​ຂຶ້ນ​ໃນ​ວັດ​ຂອງ​ພວກເຂົາ. ພວກເຂົາ​ກິນ​ແລະ​ດື່ມ​ທັງ​ເວົ້າ​ເຍາະເຍີ້ຍ​ສຽດສີ​ອາບີເມເຫຼັກ.