ໂຮເສອາ 13:8 - ພຣະຄຳພີສັກສິ

⁸ ເຮົາ​ຈະ​ຄຸບ​ກັດ​ພວກເຈົ້າ​ເໝືອນ​ໝີ​ທີ່​ສູນເສຍ​ລູກ​ຂອງ​ມັນ; ເຮົາ​ຈະ​ຈີກ​ພວກເຈົ້າ​ອອກ. ເຮົາ​ຈະ​ເປັນ​ດັ່ງ​ສິງ​ທີ່​ຈີກ​ພວກເຈົ້າ​ກິນ​ຄາ​ບ່ອນ ແລະ​ຈະ​ເປັນ​ດັ່ງ​ສັດປ່າ​ທີ່​ຈີກ​ພວກເຈົ້າ​ອອກ​ເປັນ​ຕ່ອນໆ.

ໂຮເສອາ 13:8 Jak'a apnaqawi uñst'ayäwi

2 ຊາມູເອນ 17:8

ທ່ານ​ກໍ​ຮູ້​ຢູ່​ແລ້ວ​ວ່າ ພໍ່​ຂອງທ່ານ​ກັບ​ພັກພວກ​ຂອງ​ເພິ່ນ​ນັ້ນ​ເປັນ​ນັກຮົບ​ທີ່​ເກັ່ງກ້າ ແລະ​ໂຫດຮ້າຍ​ດັ່ງ​ໝີ​ປ່າ​ທີ່​ຄົນ​ລັກ​ເອົາ​ລູກ​ຂອງ​ມັນ​ໄປ. ພໍ່​ຂອງທ່ານ​ເປັນ​ນັກຮົບ​ທີ່​ຊຳນິ​ຊຳນານ ເພິ່ນ​ບໍ່​ຢູ່​ນຳ​ທະຫານ​ໃນ​ເວລາ​ຕອນ​ກາງຄືນ​ດອກ.

ເພງ^ສັນລະເສີນ 50:22

ຈົ່ງ​ພິຈາລະນາ​ເຖິງ​ເລື່ອງນີ້​ໃຫ້​ດີ​ຜູ້​ທີ່​ມັກ​ລືມ​ພຣະເຈົ້າ​ເອີຍ ຖ້າບໍ່​ດັ່ງນັ້ນ​ແລ້ວ ເຮົາ​ຈະ​ທຳລາຍ​ພວກເຈົ້າ​ໃຫ້​ແຕກ​ເປັນ​ປ່ຽງໆ ແລະ​ຈະ​ບໍ່ມີ​ຜູ້ໃດ​ຊ່ວຍ​ເຈົ້າ​ໃຫ້​ພົ້ນ​ໄດ້.

ເພງ^ສັນລະເສີນ 80:13

ແລ້ວ​ຝູງ​ໝູປ່າ​ກໍໄດ້​ມາ​ຢຽບຢໍ່າ​ທຳລາຍ​ມັນ​ລົງ ແລະ​ສັດປ່າ​ທັງຫລາຍ​ກໍ​ມາ​ກັດກິນ​ມັນ​ດ້ວຍ.

ສຸພາສິດ 17:12

ພົບ​ໝີແມ່​ທີ່​ລູກນ້ອຍ​ຖືກ​ລັກ​ໄປ ກໍດີກວ່າ​ພົບ​ຄົນໂງ່ຈ້າ​ທີ່​ອັບ​ປັນຍາ.

ເອຊາຢາ 5:29

ພວກ​ທະຫານ​ຕ່າງ​ກໍ​ຄວນຄາງ ສຽງດັງ​ຄື​ສຽງ​ໂຕສິງ​ທີ່​ໄດ້​ຂ້າ​ເຫຍື່ອ ແລະ​ຄາບ​ໄປ​ສູ່​ບ່ອນ​ທີ່​ບໍ່ມີ​ຜູ້ໃດ​ຍາດ​ເອົາ​ຈາກ​ມັນ​ໄດ້.

ເອຊາຢາ 56:9

ອົງພຣະ​ຜູ້​ເປັນເຈົ້າ​ໄດ້​ບອກ​ຊາດ​ຕ່າງດ້າວ​ທັງຫລາຍ​ໃຫ້​ມາ​ດັ່ງ​ຝູງ​ສັດປ່າ ແລະ​ກັດ​ກິນ​ປະຊາຊົນ​ຂອງ​ພຣະອົງ.

ເຢເຣມີຢາ 12:9

ປະຊາຊົນ​ທີ່​ເຮົາ​ໄດ້​ເລືອກ​ນັ້ນ​ຄື​ນົກ​ໂຕໜຶ່ງ ຖືກ​ຝູງ​ແຫລວ​ຫຸ້ມລ້ອມ​ໂຈມຕີ​ທຸກ​ດ້ານ​ທຸກ​ແຈ. ຈົ່ງ​ໃຫ້​ຄົນ​ເອີ້ນ​ເອົາ​ສັດປ່າ​ທັງຫລາຍ​ມາ ຮ່ວມ​ສັງສັນ​ໃນ​ງານກິນລ້ຽງ​ເທາະ

ເຢເຣມີຢາ 25:38

ພຣະອົງ​ໄດ້​ປະຖິ້ມ​ປະຊາຊົນ​ຂອງ​ພຣະອົງ​ສາ​ແລ້ວ ດັ່ງ​ໂຕສິງ​ໜີ​ຈາກ​ບ່ອນ​ທີ່​ມັນ​ຊ້ອນຕົວ​ຢູ່. ການ​ຢ້ານກົວ​ສົງຄາມ​ແລະ​ຄວາມ​ໂກດຮ້າຍ​ຂອງ​ພຣະເຈົ້າຢາເວ ໄດ້​ປ່ຽນ​ປະເທດ​ນີ້​ໃຫ້​ເປັນ​ຖິ່ນ​ແຫ້ງແລ້ງ​ກັນດານ.

ໂຮເສອາ 2:12

ເຮົາ​ຈະ​ທຳລາຍ​ເຄືອ​ອະງຸ່ນ​ແລະ​ກົກ​ໝາກເດື່ອເທດ​ຂອງ​ນາງ ຊຶ່ງ​ນາງ​ເວົ້າ​ວ່າ, ແມ່ນ​ຄົນຮັກ​ທີ່​ເອົາ​ໃຫ້​ນາງ ເພາະ​ນາງ​ຮັບໃຊ້​ບໍລິການ​ພວກເຂົາ. ເຮົາ​ຈະ​ເຮັດ​ໃຫ້​ສວນ​ໝາກອະງຸ່ນ ແລະ​ສວນ​ໝາກໄມ້​ທັງຫລາຍ​ຂອງ​ນາງ ເປັນ​ຖິ່ນ​ແຫ້ງແລ້ງ​ກັນດານ; ຝູງ​ສັດປ່າ​ຈະ​ທຳລາຍ​ສິ່ງ​ເຫຼົ່ານັ້ນ​ຖິ້ມ.

ໂຮເສອາ 5:14

ເຮົາ​ຈະ​ໂດດ​ໃສ່​ປະຊາຊົນ​ເອຟຣາອິມ ແລະ​ຢູດາ​ເໝືອນ​ສິງ​ຄຸບ​ກິນ​ພວກເຂົາ. ເຮົາ​ຈະ​ຈີກ​ພວກເຂົາ​ອອກ​ເປັນ​ຕ່ອນໆ ແລະ​ປະຖິ້ມ​ໄວ້. ເມື່ອ​ເຮົາ​ລາກ​ພວກເຂົາ​ໄປ​ແລ້ວ ຈະ​ບໍ່ມີ​ຜູ້ໃດ​ສາມາດ​ຊ່ວຍເຫລືອ​ພວກເຂົາ​ໄດ້.