ໂຮເສອາ 13:7 - ພຣະຄຳພີສັກສິ

⁷ ສະນັ້ນ ເຮົາ​ຈຶ່ງ​ຈະ​ໂດດ​ກັດ​ພວກເຈົ້າ​ເໝືອນ​ສິງ. ເຮົາ​ຈະ​ເປັນ​ດັ່ງ​ເສືອດາວ​ທີ່​ນອນ​ຄອຍ​ຢູ່​ຕາມ​ທາງ​ຂອງ​ພວກເຈົ້າ.

ໂຮເສອາ 13:7 Jak'a apnaqawi uñst'ayäwi

ພຣະທຳ​ໂຢບ 10:16

ພຣະອົງ​ບໍ່​ປ່ອຍ​ໃຫ້​ຂ້ານ້ອຍ​ສຳເລັດຜົນ​ໃດໆ ພໍ​ແຕ່​ໂປໂລ​ຫົວ​ຂຶ້ນ​ມາ ພຣະອົງ​ກໍ​ຂົ່ມ​ຫົວ​ລົງ​ໂລດ. ເພື່ອ​ໃຫ້​ເຈັບປວດ ຊົງ​ຕາມລ່າ​ຂ້ານ້ອຍ​ດັ່ງ​ສິງໂຕ ແລະ​ເຮັດ​ການ​ອັດສະຈັນ​ຕໍ່ສູ້​ຂ້ານ້ອຍ​ດ້ວຍ.

ເອຊາຢາ 42:13

ພຣະເຈົ້າຢາເວ​ອອກ​ສູ່​ສະໜາມ ດັ່ງ​ນັກຮົບ​ຜູ້ໜຶ່ງ ຕຽມ​ເຂົ້າ​ສູ່​ສົງຄາມ ແລະ​ຫ້າວຫັນ​ເພື່ອ​ສູ້ຮົບ. ພໍ​ພຣະອົງ​ຮ້ອງ​ຕໍ່ສູ້​ກໍ​ມີ​ສຽງ​ສູ້ຮົບ​ໃນ​ສະໜາມ ເປັນ​ສົງຄາມ​ສູ້ຮົບ​ສັດຕູ​ດ້ວຍ​ຣິດທານຸພາບ.

ເຢເຣມີຢາ 25:38

ພຣະອົງ​ໄດ້​ປະຖິ້ມ​ປະຊາຊົນ​ຂອງ​ພຣະອົງ​ສາ​ແລ້ວ ດັ່ງ​ໂຕສິງ​ໜີ​ຈາກ​ບ່ອນ​ທີ່​ມັນ​ຊ້ອນຕົວ​ຢູ່. ການ​ຢ້ານກົວ​ສົງຄາມ​ແລະ​ຄວາມ​ໂກດຮ້າຍ​ຂອງ​ພຣະເຈົ້າຢາເວ ໄດ້​ປ່ຽນ​ປະເທດ​ນີ້​ໃຫ້​ເປັນ​ຖິ່ນ​ແຫ້ງແລ້ງ​ກັນດານ.

ເຢເຣມີຢາ 5:6

ສະນັ້ນ ຝູງ​ໂຕສິງ​ຈາກ​ປ່າ​ຈະ​ກັດກິນ​ພວກເຂົາ ໝາປ່າ​ແຕ່​ຖິ່ນ​ແຫ້ງແລ້ງ​ກັນດານ​ຈະ​ຈີກ​ພວກເຂົາ​ເປັນ​ຕ່ອນ ແລະ​ເສືອດາວ​ຈະ​ດັກສະກັດ​ຢູ່​ຕາມ​ເມືອງ​ຂອງ​ພວກເຂົາ ຖ້າ​ອອກ​ໄປ ພວກເຂົາ​ຈະ​ຖືກ​ພວກມັນ​ຈີກ​ເປັນ​ຕ່ອນໆ; ເພາະ​ການບາບ​ທີ່​ພວກເຂົາ​ກະທຳ​ມີ​ຢ່າງ​ຫລວງຫລາຍ ພວກເຂົາ​ໄດ້​ຫັນໜີ​ຈາກ​ພຣະເຈົ້າ​ເທື່ອແລ້ວ​ເທື່ອອີກ.

ເພງ^ຄໍ່າຄວນ 3:10

ພຣະອົງ​ໄດ້​ຄອຍຖ້າ​ຈັບ​ຂ້ອຍ​ດັ່ງ​ໂຕໝີ ແລະ​ລີ້​ໂດດ​ຄຸບ​ໃສ່​ໂດຍ​ໄວ​ເໝືອນ​ສິງ​ໂຕໜຶ່ງ.

ໂຮເສອາ 5:14

ເຮົາ​ຈະ​ໂດດ​ໃສ່​ປະຊາຊົນ​ເອຟຣາອິມ ແລະ​ຢູດາ​ເໝືອນ​ສິງ​ຄຸບ​ກິນ​ພວກເຂົາ. ເຮົາ​ຈະ​ຈີກ​ພວກເຂົາ​ອອກ​ເປັນ​ຕ່ອນໆ ແລະ​ປະຖິ້ມ​ໄວ້. ເມື່ອ​ເຮົາ​ລາກ​ພວກເຂົາ​ໄປ​ແລ້ວ ຈະ​ບໍ່ມີ​ຜູ້ໃດ​ສາມາດ​ຊ່ວຍເຫລືອ​ພວກເຂົາ​ໄດ້.

ອາໂມດ 1:2

ອາໂມດ​ໄດ້​ກ່າວ​ວ່າ, “ພຣະເຈົ້າຢາເວ​ສົ່ງ​ສຽງ​ກຶກກ້ອງ​ມາ​ຈາກ​ພູເຂົາ​ຊີໂອນ ຈາກ​ນະຄອນ​ເຢຣູຊາເລັມ​ສຽງ​ພຣະອົງ​ດັງ​ກ້ອງສະໜັ່ນ ສະນັ້ນ ທົ່ງຫຍ້າ​ຈຶ່ງ​ຫ່ຽວແຫ້ງ​ໄປ​ໝົດ ຫຍ້າຂຽວ​ເທິງ​ຈອມພູ​ກາເມນ​ລ່າເຫລືອງ​ໄປສິ້ນ.”

ອາໂມດ 3:4

ຖ້າ​ສິງ​ບໍ່​ພົບ​ເຫຍື່ອ​ມັນ​ຈະ​ຮ້ອງ​ຄຳຣາມ​ຢູ່​ໃນ​ປ່າ​ບໍ? ຖ້າ​ສິງໜຸ່ມ​ບໍ່​ຄຸບ​ຫຍັງ​ໄດ້​ມັນ​ຈະ​ຮ້ອງຄາງ​ຢູ່​ໃນ​ຖໍ້າ​ຫລື?

ອາໂມດ 3:8

ເມື່ອ​ໄດ້ຍິນ​ໂຕສິງ​ຮ້ອງ​ແຜດສຽງ​ຄຳຣາມ ຜູ້ໃດ​ເດ​ຈະ​ລະງັບ​ຄວາມ​ຢ້ານກົວ​ໄວ້​ໄດ້? ເມື່ອ​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ຈາ ຜູ້ໃດ​ແດ່​ຈະ​ກ້າ​ປະຕິເສດ​ຖ້ອຍຄຳ​ຂອງ​ພຣະອົງ​ໄດ້?

ພຣະນິມິດ 13:2

ສັດຮ້າຍ​ທີ່​ຂ້າພະເຈົ້າ​ໄດ້​ເຫັນ​ນັ້ນ ໂຕ​ເໝືອນ​ເສືອ​ດາວ ຕີນ​ເໝືອນ​ຕີນ​ໝີ ແລະ​ປາກ​ເໝືອນ​ປາກ​ສິງ ພະຍານາກ​ໄດ້​ໃຫ້​ຣິດເດດ ແລະ​ບັນລັງ​ກັບ​ອຳນາດ​ອັນ​ໃຫຍ່​ຫລວງ​ຂອງຕົນ​ແກ່​ສັດຮ້າຍ​ນັ້ນ.