ໂຮເສອາ 13:5 - ພຣະຄຳພີສັກສິ

⁵ ເຮົາ​ໄດ້​ລ້ຽງ​ພວກເຈົ້າ​ໃນ​ບ່ອນ​ແຫ້ງແລ້ງ ແລະ​ໃນ​ຖິ່ນ​ແຫ້ງແລ້ງ​ກັນດານ.

ໂຮເສອາ 13:5 Jak'a apnaqawi uñst'ayäwi

ປະຖົມມະການ 31:40

ມີ​ຫລາຍ​ເທື່ອ​ທີ່​ຂ້ອຍ​ຕ້ອງ​ທົນ​ຕໍ່​ແສງ​ແດດ​ເຜົາຜານ​ໃນ​ເວລາ​ກາງເວັນ ແລະ​ທົນ​ຕໍ່​ຄວາມ​ໜາວ​ໃນ​ເວລາ​ກາງຄືນ ຈົນ​ຂ້ອຍ​ບໍ່​ອາດ​ຈະ​ນອນ​ຕາ​ຫລັບ​ໄດ້.

ເພງ^ສັນລະເສີນ 1:6

ເພາະວ່າ​ພຣະເຈົ້າຢາເວ ຊົງ​ພິທັກ​ຮັກສາ​ຄົນ​ຊອບທຳ ແຕ່​ທາງ​ຂອງ​ຄົນ​ອະທຳ​ຈະ​ຈິບຫາຍໄປ.

ເພງ^ສັນລະເສີນ 142:3

ເມື່ອໃດ​ຂ້ານ້ອຍ​ເກີດ​ຄວາມ​ທໍ້ຖອຍ​ໃຈ ພຣະອົງ​ກໍ​ຮູ້​ວ່າ​ຂ້ານ້ອຍ​ຄວນ​ເຮັດ​ຢ່າງ​ໃດ. ຕາມ​ຫົນທາງ​ທີ່​ຂ້ານ້ອຍ​ຍ່າງ​ທຽວ​ໄປ ສັດຕູ​ກໍ​ຫ້າງ​ແຮ້ວ​ເພື່ອ​ດັກຈັບ​ຂ້ານ້ອຍ​ໄວ້.

ເພງ^ສັນລະເສີນ 31:7

ຂ້ານ້ອຍ​ຈະ​ຊົມຊື່ນ​ຍິນດີ​ເພາະ​ຄວາມຮັກ​ອັນ​ໝັ້ນຄົງ ເພາະ​ພຣະອົງ​ເຫັນ​ຂ້ານ້ອຍ​ທົນທຸກ​ແລະ​ເດືອດຮ້ອນ.

ເພງ^ສັນລະເສີນ 63:1

ຂ້າແດ່​ພຣະເຈົ້າ ພຣະອົງ​ເປັນ​ພຣະເຈົ້າ​ຂອງ​ຂ້ານ້ອຍ ຈິດວິນຍານ​ຂອງ​ຂ້ານ້ອຍ​ຫິວກະຫາຍ​ຫາ​ພຣະອົງ ດັ່ງ​ດິນ​ແຫ້ງແລ້ງ​ທີ່​ຂາດ​ນໍ້າ​ລໍ່ລ້ຽງ​ສັນໃດ ເນື້ອໜັງ​ຂອງ​ຂ້ານ້ອຍ​ກໍ​ຫິວກະຫາຍ​ຫາ​ພຣະອົງ​ສັນນັ້ນ.

ອົບພະຍົບ 2:25

ພຣະເຈົ້າ​ເບິ່ງ​ເຫັນ​ສະພາບ​ການ​ເປັນ​ທາດຮັບໃຊ້​ຂອງ​ຊາວ​ອິດສະຣາເອນ. ສະນັ້ນ ພຣະເຈົ້າ​ຈຶ່ງ​ຫ່ວງໃຍ​ພວກເຂົາ.

ເຢເຣມີຢາ 2:2

ໃຫ້​ໄປ​ປະກາດ​ຂ່າວ​ນີ້​ແກ່​ທຸກໆຄົນ​ໃນ​ນະຄອນ​ເຢຣູຊາເລັມ, ພຣະເຈົ້າຢາເວ​ກ່າວ​ດັ່ງນີ້: “ເຮົາ​ຈື່ຈຳ​ຄວາມສັດຊື່​ຂອງເຈົ້າ​ຄາວ​ເປັນ​ສາວ ເຈົ້າ​ຮັກ​ເຮົາ​ຫລາຍ​ສໍ່າໃດ​ເມື່ອ​ແຕ່ງງານ​ກັນ​ໃໝ່ໆ; ເຈົ້າ​ໄດ້​ຕາມ​ເຮົາ​ໄປ​ທົ່ວ​ຖິ່ນ​ແຫ້ງແລ້ງ​ກັນດານ ໂດຍ​ຜ່ານ​ດິນແດນ​ໜຶ່ງ​ທີ່​ບໍ່ມີ​ການ​ເພາະປູກ.

ເຢເຣມີຢາ 2:6

ພວກເຂົາ​ບໍ່ໄດ້​ເອົາໃຈໃສ່​ຕໍ່​ພຣະເຈົ້າຢາເວ​ແຕ່​ຢ່າງໃດ​ເລີຍ ເຖິງ​ວ່າ​ເຮົາ​ໄດ້​ນຳພາ​ພວກເຂົາ​ອອກ​ຈາກ​ເອຢິບ​ກໍ​ຕາມ ທັງ​ພາ​ພວກເຂົາ​ຍ່າງ​ຜ່ານ​ຖິ່ນ​ແຫ້ງແລ້ງ​ກັນດານ ຄື​ດິນແດນ​ເປົ່າປ່ຽວ​ມີ​ປ່າ​ດິນ​ຊາຍ​ດ້ວຍ ເປັນ​ດິນແດນ​ທີ່​ແຫ້ງແລ້ງ ແລະ ມີ​ອັນຕະລາຍ ບໍ່ມີ​ຄົນ​ຢູ່​ອາໄສ​ທັງ​ບໍ່ມີ​ຜູ້ໃດ​ທ່ອງທ່ຽວ​ໄປມາ​ດ້ວຍ.

ໂຮເສອາ 5:3

ເຮົາ​ຮູ້ວ່າ​ອິດສະຣາເອນ​ເປັນ​ຢ່າງໃດ ນາງ​ຈະ​ຫລົບລີ້​ຈາກ​ເຮົາ​ບໍ່ໄດ້. ນາງ​ບໍ່​ສັດຊື່​ຕໍ່​ເຮົາ ແລະ​ປະຊາຊົນ​ຂອງ​ນາງ​ກໍ​ບໍ່​ຄູ່ຄວນ​ທີ່​ຈະ​ນະມັດສະການ​ເຮົາ.”

ໂຮເສອາ 9:10

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເມື່ອ​ເຮົາ​ພົບເຫັນ​ຊາດ​ອິດສະຣາເອນ​ເທື່ອ​ທຳອິດ ກໍ​ເໝືອນ​ໄດ້​ພົບ​ໝາກອະງຸ່ນ​ທີ່​ກຳລັງ​ເກີດຂຶ້ນ​ໃນ​ຖິ່ນ​ແຫ້ງແລ້ງ​ກັນດານ. ເມື່ອ​ເຮົາ​ໄດ້​ເຫັນ​ບັນພະບຸລຸດ​ຂອງ​ພວກເຈົ້າ​ເທື່ອ​ທຳອິດ ກໍ​ເໝືອນ​ໄດ້​ເຫັນ​ໝາກ​ເດື່ອເທດ​ສຸກ​ໃນ​ຕົ້ນ​ລະດູການ. ແຕ່​ເມື່ອ​ພວກເຂົາ​ໄດ້ມາ​ເຖິງ​ພູ​ເປອໍ​ແລ້ວ ພວກເຂົາ​ກໍໄດ້​ເລີ່ມ​ຂາບໄຫວ້​ພະບາອານ ແລະ​ບໍ່ດົນ​ພວກເຂົາ​ກໍ​ເປັນ​ໜ້າກຽດຊັງ ດັ່ງ​ບັນດາ​ຮູບພະ​ທີ່​ພວກເຂົາ​ຮັກ​ນັ້ນ.

ນາຮູມ 1:7

ພຣະເຈົ້າຢາເວ​ດີເລີດ ແລະ​ແສນ​ປະເສີດ​ຫລາຍ ພຣະອົງ​ປົກປ້ອງ​ຄຸ້ມຄອງ​ປະຊາຊົນ​ຂອງ​ພຣະເຈົ້າ ຄື​ຄຸ້ມຄອງ​ພວກ​ເຂົາເຈົ້າ​ໃນ​ຄາວ​ລຳບາກ​ມາເຖິງ ທັງ​ຫ່ວງໃຍ​ພວກ​ທີ່​ຕ່າວຄືນ​ມາຫາ​ພຣະອົງ.

1 ໂກຣິນໂທ 8:3

ແຕ່​ຖ້າ​ຜູ້ໃດ​ຮັກ​ພຣະເຈົ້າ ພຣະເຈົ້າ​ກໍ​ຊົງ​ຮູ້ຈັກ​ຜູ້ນັ້ນ.

ຄາລາເຕຍ 4:9

ແຕ່​ບັດນີ້​ເຈົ້າ​ທັງຫລາຍ​ຮູ້ຈັກ​ພຣະເຈົ້າ​ແລ້ວ (ຫລື​ຈະ​ເວົ້າ​ໃຫ້​ຖືກ​ກວ່າ ກໍ​ວ່າ​ພຣະເຈົ້າ​ຊົງ​ຮູ້ຈັກ​ເຈົ້າ​ທັງຫລາຍ​ແລ້ວ) ດ້ວຍເຫດໃດ​ພວກເຈົ້າ​ຈຶ່ງ​ຈະ​ກັບ​ໄປ​ຫາ​ອຳນາດ​ສິ່ງ​ສັກສິດ​ທຳມະດາ ອັນ​ອ່ອນແອ​ແລະ​ບໍ່ມີ​ປະໂຫຍດ? ພວກເຈົ້າ​ຢາກ​ຕົກ​ເປັນ​ຂ້ອຍຂ້າ​ຂອງ​ມັນ​ອີກ​ບໍ?

ພຣະບັນຍັດສອງ 2:7

ຈົ່ງ​ຈົດຈຳ​ໄວ້​ວ່າ ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ອວຍພອນ​ທຸກໆ​ສິ່ງ​ທີ່​ພວກເຈົ້າ​ໄດ້​ເຮັດ. ພຣະອົງ​ເບິ່ງແຍງ​ພວກເຈົ້າ ໃນ​ຂະນະທີ່​ພວກເຈົ້າ​ທ່ອງທ່ຽວ​ຜ່ານ​ຖິ່ນ​ແຫ້ງແລ້ງ​ກັນດານ​ອັນ​ກວ້າງໃຫຍ່. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສະຖິດ​ຢູ່​ກັບ​ພວກເຈົ້າ​ເປັນ​ເວລາ​ສີ່ສິບ​ປີ ແລະ​ພວກເຈົ້າ​ກໍ​ມີ​ທຸກໆ​ສິ່ງ​ທີ່​ຈຳເປັນ.

ພຣະບັນຍັດສອງ 32:10

ພຣະອົງ​ໄດ້​ເຫັນ​ພວກເຂົາ​ເຄື່ອນຍ້າຍ ຜ່ານ​ຜ່າ​ທ້ອງຖິ່ນ​ທະເລຊາຍ ເປົ່າປ່ຽວ​ທຸລະກັນດານ ທັງ​ລົມ​ພັດ​ແຮງ​ເຫລືອຮ້າຍ; ພຣະອົງ​ເລີຍ​ດູແລ​ປົກປ້ອງ​ໄວ້ ແລະ​ເອົາໃຈໃສ່​ພວກເຂົາ ແລະ​ເຝົ້າ​ປົກປັກ​ຮັກສາ ເໝືອນດັ່ງ​ແກ້ວຕາ​ຂອງ​ພຣະອົງ​ນັ້ນ.

ພຣະບັນຍັດສອງ 8:15

ພຣະອົງ​ໄດ້​ນຳພາ​ພວກເຈົ້າ​ຜ່ານ​ຖິ່ນ​ແຫ້ງແລ້ງ​ກັນດານ​ອັນ​ກວ້າງໃຫຍ່ ແລະ​ໜ້າຢ້ານກົວ ຊຶ່ງ​ມີ​ທັງ​ງູພິດ​ແລະ​ແມງງອດ. ໃນ​ດິນແດນ​ທີ່​ແຫ້ງແລ້ງ​ແລະ​ຂາດ​ນໍ້າ​ນັ້ນ ພຣະອົງ​ໄດ້​ເຮັດ​ໃຫ້​ນໍ້າ​ໄຫລ​ອອກ​ມາ​ຈາກ​ໂງ່ນຫີນ​ສຳລັບ​ພວກເຈົ້າ.