ໂຮເສອາ 1:4 - ພຣະຄຳພີສັກສິ

⁴ ພຣະເຈົ້າຢາເວ​ໄດ້​ກ່າວ​ແກ່​ລາວ​ວ່າ, “ຈົ່ງ​ຕັ້ງຊື່​ໃຫ້​ລາວ​ວ່າ, ‘ຢິດຊະເຣນ’ ເພາະ​ຍັງ​ອີກ​ບໍ່ດົນ​ເຮົາ​ຈະ​ລົງໂທດ​ກະສັດ​ແຫ່ງ​ອິດສະຣາເອນ​ເນື່ອງ​ຈາກ​ວ່າ​ເຢຮູ ບັນພະບຸລຸດ​ຂອງ​ລາວ​ໄດ້​ຂ້າ​ຫລາຍ​ຄົນ​ທີ່​ຢິດຊະເຣນ. ເຮົາ​ຈະ​ເຮັດ​ໃຫ້​ເຊື້ອວົງ​ຂອງ​ເຢຮູ ສິ້ນສຸດລົງ.

ໂຮເສອາ 1:4 Jak'a apnaqawi uñst'ayäwi

2 ກະສັດ 10:1

ກະສັດ​ອາຮາບ​ມີ​ລູກຫລານ​ເຈັດສິບ​ຄົນ ທີ່​ນະຄອນ​ຊາມາເຣຍ. ເຢຮູ​ໄດ້​ຂຽນ​ຈົດໝາຍ​ສົ່ງ​ໄປ​ຫາ​ບັນດາ​ຜູ້ປົກຄອງ​ເມືອງ, ບັນດາ​ຜູ້ນຳ​ປະຊາຊົນ ແລະ​ບັນດາ​ຜູ້​ເບິ່ງແຍງ​ລູກຫລານ​ຂອງ​ກະສັດ​ອາຮາບ. ຈົດໝາຍ​ນັ້ນ​ມີ​ເນື້ອຄວາມ​ດັ່ງນີ້:

2 ກະສັດ 10:17

ເມື່ອ​ໄປຮອດ​ທີ່​ນັ້ນ​ແລ້ວ ເຢຮູ​ໄດ້​ຂ້າ​ຍາດຕິພີ່ນ້ອງ​ທຸກຄົນ​ຂອງ​ກະສັດ​ອາຮາບ ໂດຍ​ບໍ່ເຫລືອ​ຈັກ​ຄົນ. ນີ້​ຄື​ເຫດການ​ທີ່​ເກີດຂຶ້ນ​ຕາມ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ບອກ​ໄວ້​ກັບ​ເອລີຢາ.

2 ກະສັດ 15:29

ໃນ​ຄາວ​ທີ່​ເຈົ້າ​ເປກາ​ໄດ້​ເປັນ​ກະສັດ​ແຫ່ງ​ອິດສະຣາເອນ​ນັ້ນ ຕີກະລາດ​ປີເລເສ ກະສັດ​ແຫ່ງ​ອັດຊີເຣຍ​ໄດ້​ຢຶດເອົາ​ເມືອງ​ຕ່າງໆ​ດັ່ງນີ້: ອີໂຢນ, ອາເບັນ​ເບັດ​ມາອາກາ, ຢາໂນອາ, ເກເດັດ, ຮາໂຊ, ເຂດແດນ​ທັງໝົດ​ຂອງ​ກີເລອາດ, ຄາລີເລ ແລະ​ເນັບທາລີ ແລະ​ໄດ້​ນຳ​ເອົາ​ປະຊາຊົນ​ໄປ​ເປັນ​ຊະເລີຍ​ທີ່​ອັດຊີເຣຍ.

2 ກະສັດ 15:8

ໃນ​ຣາຊການ​ປີ​ທີ​ສາມສິບແປດ​ຂອງ​ເຈົ້າ​ອຸດຊີຢາ ກະສັດ​ແຫ່ງ​ຢູດາຍ; ເຈົ້າເຊກາຣີຢາ​ລູກຊາຍ​ຂອງ​ເຈົ້າ​ເຢໂຣໂບອາມ​ທີສອງ ໄດ້​ຂຶ້ນ​ເປັນ​ກະສັດ​ແຫ່ງ​ອິດສະຣາເອນ ແລະ​ປົກຄອງ​ຢູ່​ທີ່​ນະຄອນ​ຊາມາເຣຍ​ເປັນ​ເວລາ​ຫົກ​ເດືອນ.

ເອຊາຢາ 7:14

ເພາະສະນັ້ນ ອົງພຣະ​ຜູ້​ເປັນເຈົ້າ​ຈະ​ໃຫ້​ເຈົ້າ​ເຫັນ​ໝາຍສຳຄັນ​ຢ່າງ​ໜຶ່ງ ຄື​ຍິງ​ສາວ​ຜູ້ໜຶ່ງ ຈະ​ຖືພາ​ແລະ​ຈະ​ອອກລູກ​ເປັນ​ຜູ້ຊາຍ​ແລະ​ຈະ​ມີ​ຊື່​ວ່າ, ‘ເອມານູເອນ’

ເອຊາຢາ 8:3

ຕໍ່ມາ ເມຍ​ຂອງ​ຂ້າພະເຈົ້າ​ກໍໄດ້​ຖືພາ​ແລະ​ເກີດ​ລູກຊາຍ​ຜູ້ໜຶ່ງ. ພຣະເຈົ້າຢາເວ​ໄດ້ກ່າວ​ແກ່​ຂ້າພະເຈົ້າ​ວ່າ, “ຈົ່ງ​ໃສ່​ຊື່​ເດັກ​ນັ້ນ​ວ່າ ‘ລົງ​ມື​ປຸ້ນ​ທັນທີ ໄດ້​ຂອງ​ປຸ້ນ​ມາ​ໄວ.’

ເອຊາຢາ 9:6

ມີ​ເດັກນ້ອຍ​ຜູ້ໜຶ່ງ​ໄດ້​ເກີດ​ມາ​ໃຫ້​ພວກເຮົາ ມີ​ລູກຊາຍ​ຜູ້ໜຶ່ງ​ຖືກ​ມອບໝາຍ​ໃຫ້​ພວກເຮົາ​ແລ້ວ ພຣະອົງ​ຈະ​ຊົງ​ນາມ​ວ່າ, “ຜູ້​ປຶກສາ​ທີ່​ອັດສະຈັນ” “ພຣະເຈົ້າ​ຊົງຣິດ” “ພຣະບິດາ​ສືບໄປ” “ອົງ​ສັນຕິຣາດ”

ເຢເຣມີຢາ 20:3

ເຊົ້າ​ຂອງ​ວັນ​ຕໍ່ມາ ຫລັງຈາກ​ປັດຊູ​ແກ້​ໂສ້​ທີ່​ລາວ​ໄດ້​ໃຊ້​ລ່າມ​ຂ້າພະເຈົ້າ​ແລ້ວ ຂ້າພະເຈົ້າ​ຈຶ່ງ​ກ່າວ​ຕໍ່​ລາວ​ວ່າ, “ພຣະເຈົ້າຢາເວ​ບໍ່ໄດ້​ເອີ້ນ​ຊື່​ເຈົ້າ​ວ່າ ປັດຊູ, ແຕ່​ໄດ້​ເອີ້ນ​ຊື່​ເຈົ້າ​ວ່າ, ‘ຕົກໃຈ​ຢ້ານ​ຢູ່​ທຸກບ່ອນ.’

ເຢເຣມີຢາ 23:2

ຕໍ່ໄປນີ້​ແມ່ນ​ຖ້ອຍຄຳ​ຂອງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ທີ່​ມີ​ກ່າວ​ເຖິງ​ບັນດາ​ພວກ​ຜູ້ລ້ຽງແກະ ຄື​ຜູ້​ມີ​ໜ້າທີ່​ລ້ຽງດູ​ປະຊາຊົນ​ຂອງ​ພຣະອົງ​ວ່າ, “ພວກເຈົ້າ​ບໍ່ໄດ້​ລ້ຽງດູ​ປະຊາຊົນ​ຂອງເຮົາ; ພວກເຈົ້າ​ໄດ້​ເຮັດ​ໃຫ້​ພວກເຂົາ​ກະຈັດ​ກະຈາຍ​ໄປ ແລະ​ຂັບໄລ່​ພວກເຂົາ​ໃຫ້​ໜີໄປ ແລະ​ບໍ່ໄດ້​ເອົາໃຈໃສ່​ພວກເຂົາ. ບັດນີ້ ເຮົາ​ຈະ​ລົງໂທດ​ພວກເຈົ້າ​ສຳລັບ​ການ​ຊົ່ວຊ້າ​ທີ່​ພວກເຈົ້າ​ໄດ້​ເຮັດ​ນັ້ນ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 3:8

ຢູດາ​ໄດ້​ເຫັນ​ເຊັ່ນກັນ​ວ່າ ເຮົາ​ໄດ້​ປະຮ້າງ​ອິດສະຣາເອນ ແລະ ສົ່ງ​ນາງ​ໜີໄປ​ເພາະ​ນາງ​ໄດ້​ຫັນໜີ​ຈາກ​ເຮົາ​ໄປ​ເປັນ​ຍິງ​ແມ່ຈ້າງ. ແຕ່​ຢູດາ ນ້ອງສາວ​ຜູ້​ທີ່​ບໍ່​ສັດຊື່​ຂອງ​ອິດສະຣາເອນ​ບໍ່ໄດ້​ຢ້ານກົວ​ເລີຍ. ນາງ​ເປັນ​ຍິງ​ແມ່ຈ້າງ​ເຊັ່ນດຽວ​ກັນ

ເອເຊກຽນ 23:10

ພວກເຂົາ​ໄດ້​ແກ້​ເຄື່ອງນຸ່ງ​ຂອງ​ນາງ​ອອກ, ຈັບ​ເອົາ​ລູກ​ຊາຍ​ຍິງ​ຂອງ​ນາງ​ໄປ ແລະ​ໃຊ້​ດາບ​ຂ້າ​ນາງ​ຖິ້ມ. ພວກຜູ້ຍິງ​ທົ່ວໄປ​ຊຸບຊິບ​ກັນ​ເຖິງ​ຊາຕາກຳ​ຂອງ​ນາງ.

ເອເຊກຽນ 23:31

ເຈົ້າ​ໄດ້​ກະທຳ​ຕາມ​ແບບຢ່າງ​ຂອງ​ເອື້ອຍ​ເຈົ້າ; ເພາະສະນັ້ນ ເຮົາ​ຈຶ່ງ​ຈະ​ມອບ​ຈອກ​ແຫ່ງ​ການລົງໂທດ​ຢ່າງ​ດຽວກັນ​ນັ້ນ​ໃຫ້​ເຈົ້າ​ໄດ້​ດື່ມ.”

ໂຮເສອາ 1:6

ຕໍ່ມາ ນາງ​ໂກເມ​ໄດ້​ຖືພາ​ອີກ; ຄາວ​ນີ້​ນາງ​ໄດ້​ລູກ​ເປັນ​ແມ່ຍິງ. ພຣະເຈົ້າຢາເວ​ຈຶ່ງ​ໄດ້​ກ່າວ​ແກ່​ໂຮເສອາ​ວ່າ, “ຈົ່ງ​ຕັ້ງຊື່​ໃຫ້​ນາງ​ວ່າ, ‘ຂາດ​ຮັກ’ ເພາະ​ເຮົາ​ຈະ​ບໍ່​ສະແດງ​ຄວາມຮັກ ຫລື​ອະໄພ​ໃຫ້​ປະຊາຊົນ​ອິດສະຣາເອນ​ອີກ​ຕໍ່ໄປ.

ໂຮເສອາ 1:9

ພຣະເຈົ້າຢາເວ​ຈຶ່ງ​ໄດ້ກ່າວ​ວ່າ, “ຈົ່ງ​ຕັ້ງຊື່​ໃຫ້​ລາວ​ວ່າ, ‘ບໍ່ແມ່ນ​ປະຊາຊົນ​ຂອງເຮົາ’ ເພາະ​ປະຊາຊົນ​ອິດສະຣາເອນ​ບໍ່ແມ່ນ​ປະຊາຊົນ​ຂອງເຮົາ ແລະ​ເຮົາ​ບໍ່ແມ່ນ​ພຣະເຈົ້າ​ຂອງ​ພວກເຂົາ.”

ໂຮເສອາ 2:13

ເຮົາ​ຈະ​ລົງໂທດ​ນາງ​ສຳລັບ​ເວລາ​ທີ່​ນາງ​ໄດ້​ລືມໄລ​ເຮົາ ຄື​ເມື່ອ​ນາງ​ເຜົາ​ເຄື່ອງຫອມ​ບູຊາ​ໃຫ້​ແກ່​ພະບາອານ ແລະ​ໃສ່​ເຄື່ອງ​ເພັດພອຍ​ໜີ​ຕາມ​ຄົນຮັກ​ໄປ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ໂຮເສອາ 2:22

ເຮົາ​ຈະ​ເທ​ຝົນ​ແກ່​ແຜ່ນດິນ​ໂລກ ແລະ​ໃຫ້​ເກີດ​ມີ​ເຂົ້າ​ສາລີ ໝາກອະງຸ່ນ ໝາກກອກເທດ.

ໂຮເສອາ 9:17

ພຣະເຈົ້າ​ຂອງ​ຂ້າພະເຈົ້າ​ຈະ​ປະຖິ້ມ​ປະຊາຊົນ​ຂອງ​ພຣະອົງ ເພາະ​ພວກເຂົາ​ບໍ່​ເຊື່ອຟັງ​ພຣະອົງ. ພວກເຂົາ​ຈະ​ເປັນ​ຄົນ​ພະເນຈອນ​ຢູ່​ທ່າມກາງ​ບັນດາ​ປະຊາຊາດ.

ອາໂມດ 9:8

ອົງພຣະ​ຜູ້​ເປັນເຈົ້າ ພຣະເຈົ້າ​ກຳລັງ​ສັງເກດ​ເບິ່ງ​ອານາຈັກ​ທີ່​ເຕັມ​ໄປ​ດ້ວຍ​ການບາບ ແລະ​ເຮົາ​ຈະ​ທຳລາຍ​ມັນ​ໃຫ້​ໝົດໄປ​ຈາກ​ຜືນ​ແຜ່ນດິນ​ໂລກ​ນີ້. ແຕ່​ເຮົາ​ຈະ​ບໍ່​ທຳລາຍ​ຄອບຄົວ​ທັງໝົດ​ຂອງ​ຢາໂຄບ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ມັດທາຍ 1:21

ນາງ​ຈະ​ເກີດ​ລູກຊາຍ​ຜູ້​ໜຶ່ງ ແລະ​ເຈົ້າ​ຈົ່ງ​ໃສ່​ຊື່​ໃຫ້​ເດັກ​ນີ້​ວ່າ ເຢຊູ​ ເພາະ​ເພິ່ນ​ຈະ​ໂຜດ​ຊ່ວຍ​ປະຊາຊົນ​ຂອງ​ຕົນ ໃຫ້​ລອດ​ພົ້ນ​ຈາກ​ບາບກຳ​ຂອງ​ພວກເຂົາ.”

ລູກາ 1:13

ແຕ່​ເທວະດາ​ຕົນ​ນັ້ນ​ກ່າວ​ແກ່​ເພິ່ນ​ວ່າ, “ເຊກາຣີຢາ​ເອີຍ ຢ່າ​ຢ້ານ​ເລີຍ ພຣະເຈົ້າ​ໄດ້ຍິນ​ຄຳ​ພາວັນນາ​ອະທິຖານ​ຂອງ​ເຈົ້າ​ແລ້ວ ແລະ ເອລີຊາເບັດ​ເມຍ​ຂອງ​ເຈົ້າ ຈະ​ເກີດ​ລູກຊາຍ​ຄົນ​ໜຶ່ງ​ໃຫ້​ເຈົ້າ ເຈົ້າ​ຈົ່ງ​ໃສ່​ຊື່​ໃຫ້​ລາວ​ວ່າ ໂຢຮັນ.

ລູກາ 1:31

ເຈົ້າ​ຈະ​ຕັ້ງທ້ອງ ແລະ​ເກີດ​ລູກຊາຍ​ຜູ້ໜຶ່ງ ແລະ​ເຈົ້າ​ຈົ່ງ​ໃສ່​ຊື່​ໃຫ້​ກຸມມານ​ນັ້ນ​ວ່າ ເຢຊູ.

ລູກາ 1:63

ເຊກາຣີຢາ​ຂໍ​ໃຫ້​ເຂົາ​ເອົາ​ກະດານ​ມາ ແລ້ວ​ເພິ່ນ​ຂຽນ​ວ່າ, “ຊື່​ຂອງ​ລາວ​ແມ່ນ​ໂຢຮັນ.” ແລ້ວ​ທຸກຄົນ​ຕ່າງ​ກໍ​ປະຫລາດ​ໃຈ

ໂຢຮັນ 1:42

ແລ້ວ​ລາວ​ກໍ​ພາ​ຊີໂມນ​ໄປ​ຫາ​ພຣະເຢຊູເຈົ້າ. ເມື່ອ​ພຣະເຢຊູເຈົ້າ​ເບິ່ງ​ລາວ​ແລ້ວ ຈຶ່ງ​ກ່າວ​ວ່າ, “ເຈົ້າ​ຊື່ ຊີໂມນ​ລູກ​ຂອງ​ໂຢຮັນ ແຕ່​ເຈົ້າ​ຈະ​ໄດ້​ຊື່​ໃໝ່​ວ່າ ເກຟາ.” (ທີ່​ແປ​ວ່າ “ເປໂຕ” ແລະ​ໝາຍຄວາມວ່າ, “ຫີນ”).

ໂຢຊວຍ 19:18

ເຂດແດນ​ຂອງ​ພວກເຂົາ​ມີ​ດັ່ງນີ້: ຢິດຊະເຣນ, ເກສຸນໂລດ, ຊູເນມ,