ເຮັບເຣີ 9:4 - ພຣະຄຳພີສັກສິ

⁴ ໃນ​ຫ້ອງ​ນັ້ນ ມີ​ແທ່ນ​ຄຳ​ສຳລັບ​ເຜົາ​ເຄື່ອງຫອມ ມີ​ຫີບ​ຫຸ້ມຫໍ່​ດ້ວຍ​ຄຳ​ທຸກ​ດ້ານ​ສຳລັບ​ໃສ່​ພັນທະສັນຍາ ຢູ່​ໃນ​ຫີບ​ນັ້ນ​ມີ​ຂັນ​ຄຳ​ໃສ່​ມານາ​ໄວ້ ມີ​ໄມ້​ຄ້ອນເທົ້າ​ຂອງ​ອາໂຣນ​ທີ່​ປົ່ງ​ຍອດ ແລະ​ມີ​ແຜ່ນ​ຫີນ​ຈາລຶກ​ພັນທະສັນຍາ​ແລ້ວ.

ພຣະຄຳພີລາວສະບັບສະໄໝໃໝ່

⁴ ໃນ​ຫ້ອງ​ນີ້​ມີ​ແທ່ນບູຊາ​ທີ່​ເຮັດ​ດ້ວຍ​ຄຳ​ສຳລັບ​ເຜົາ​ເຄື່ອງຫອມ ແລະ ມີ​ຫີບພັນທະສັນຍາ​ທີ່​ໂອບ​ດ້ວຍ​ຄຳ. ພາຍໃນ​ຫີບ​ນີ້​ມີ​ຂັນ​ຄຳ​ທີ່​ບັນຈຸ​ມານາ, ໄມ້ຄ້ອນເທົ້າ​ຂອງ​ອາໂຣນ​ທີ່​ແຕກໜໍ່​ອອກມາ ແລະ ແຜ່ນຫີນ​ແຫ່ງ​ພັນທະສັນຍາ.

ເຮັບເຣີ 9:4 Jak'a apnaqawi uñst'ayäwi

1 ກະສັດ 7:50

ຈອກ, ມີດຕັດ​ສຳລັບ​ຕັດ​ໃສ້ຕະກຽງ, ຊາມ, ຖ້ວຍ​ສຳລັບ​ໃສ່​ເຄື່ອງຫອມ, ໝໍ້​ສຳລັບ​ໃສ່​ຖ່ານໄຟ​ແດງ, ບານພັບ​ປະຕູ​ບ່ອນ​ສັກສິດ​ທີ່ສຸດ ແລະ​ບານພັບ​ປະຕູ​ທາງ​ນອກ​ພຣະວິຫານ. ສິ່ງ​ເຫຼົ່ານີ້​ໄດ້​ໃຊ້​ຄຳ​ເຮັດ​ທັງໝົດ.

1 ກະສັດ 8:21

ຂ້າພະເຈົ້າ​ຍັງ​ໄດ້​ຈັດ​ບ່ອນ​ໃນ​ພຣະວິຫານ​ໄວ້​ສຳລັບ​ຫີບ​ພັນທະສັນຍາ ຊຶ່ງ​ບັນຈຸ​ແຜ່ນ​ຫີນ​ແຫ່ງ​ພັນທະສັນຍາ ທີ່​ພຣະເຈົ້າຢາເວ​ໄດ້​ມີ​ໄວ້​ກັບ​ພວກ​ປູ່ຍ່າຕາຍາຍ​ຂອງ​ພວກເຮົາ ຄື​ເມື່ອ​ພຣະອົງ​ໄດ້​ນຳພາ​ພວກເພິ່ນ​ອອກ​ມາ​ຈາກ​ປະເທດ​ເອຢິບ​ນັ້ນ.”

1 ກະສັດ 8:9

ໃນ​ຫີບ​ພັນທະສັນຍາ​ນັ້ນ​ມີ​ແຕ່​ຫີນ​ສອງ​ແຜ່ນ ຊຶ່ງ​ໂມເຊ​ໄດ້​ໃສ່​ໄວ້​ໃນ​ນັ້ນ​ຄາວ​ຢູ່​ທີ່​ພູເຂົາ​ຊີນາຍ ເມື່ອ​ພຣະເຈົ້າຢາເວ​ໄດ້​ເຮັດ​ພັນທະສັນຍາ​ກັບ​ປະຊາຊົນ​ອິດສະຣາເອນ ໃນ​ຂະນະທີ່​ພວກເຂົາ​ກຳລັງ​ອອກ​ມາ​ຈາກ​ປະເທດ​ເອຢິບ.

2 ຂ່າວຄາວ 5:10

ຢູ່​ໃນ​ຫີບ​ນັ້ນ​ມີ​ພຽງແຕ່​ຫີນ​ສອງ​ແຜ່ນ ຊຶ່ງ​ໂມເຊ​ໄດ້​ໃສ່​ລົງ​ໄວ້​ໃນ​ນັ້ນ​ທີ່​ພູເຂົາ​ຊີນາຍ ເມື່ອ​ພຣະເຈົ້າຢາເວ​ໄດ້​ເຮັດ​ພັນທະສັນຍາ​ກັບ​ປະຊາຊົນ​ອິດສະຣາເອນ ໃນ​ເວລາ​ທີ່​ພວກເຂົາ​ໄດ້​ອອກ​ມາ​ຈາກ​ປະເທດ​ເອຢິບ.

ອົບພະຍົບ 26:33

ຈົ່ງ​ໃຊ້​ຂໍເກາະ​ແຂວນ​ຜ້າກັ້ງ​ຢ່ອນ​ລົງ​ມາ​ແຕ່​ເພ​ດານ​ຂອງ​ຫໍເຕັນ ແລ້ວ​ຈົ່ງ​ວາງ​ຫີບ​ພັນທະສັນຍາ​ທີ່​ໃຊ້​ບັນຈຸ​ຫີນ​ສອງ​ແຜ່ນ​ນັ້ນ ໄວ້​ທາງ​ດ້ານຫລັງ​ຂອງ​ຜ້າກັ້ງ. ຜ້າກັ້ງ​ນັ້ນ​ຈະ​ແຍກ​ບ່ອນ​ສັກສິດ​ຈາກ​ບ່ອນ​ສັກສິດ​ທີ່ສຸດ.

ອົບພະຍົບ 31:18

ເມື່ອ​ພຣະເຈົ້າ​ໄດ້​ກ່າວ​ກັບ​ໂມເຊ​ທີ່​ເທິງ​ພູເຂົາ​ຊີນາຍ​ຈົບ​ແລ້ວ ພຣະອົງ​ໄດ້​ເອົາ​ຫີນ​ສອງ​ແຜ່ນ ຊຶ່ງ​ໄດ້​ຈາລຶກ​ຂໍ້ຄຳສັ່ງ​ຂອງ​ພຣະອົງ ຊຶ່ງ​ຂຽນ​ໂດຍ​ພຣະຫັດ(ມື)​ຂອງ​ພຣະເຈົ້າ​ເອງ​ນັ້ນ ຍື່ນໃຫ້​ໂມເຊ.

ອົບພະຍົບ 32:15

ໂມເຊ​ໄດ້​ລົງ​ຈາກ​ພູ​ໄປ​ພ້ອມ​ທັງ​ຖື​ແຜ່ນ​ຫີນ​ສອງ​ແຜ່ນ ຊຶ່ງ​ແຕ່ລະ​ຂ້າງ​ຖືກ​ຈາລຶກ​ດ້ວຍ​ຂໍ້ຄຳສັ່ງ​ຕ່າງໆ.

ອົບພະຍົບ 34:29

ເມື່ອ​ໂມເຊ​ຖື​ແຜ່ນຫີນ​ທີ່​ບັນຈຸ​ກົດບັນຍັດ​ສິບ​ປະການ​ລົງ​ມາ​ຈາກ​ພູເຂົາ​ຊີນາຍ ເພິ່ນ​ບໍ່ໄດ້​ຮູ້​ເມື່ອ​ຕົວ​ວ່າ​ໜ້າ​ຂອງຕົນ​ສ່ອງແສງ​ເຫລື້ອມ ເພາະ​ຕົນ​ໄດ້​ກ່າວ​ກັບ​ພຣະເຈົ້າ.

ອົບພະຍົບ 37:25

ເບຊາເລນ​ໄດ້​ເຮັດ​ແທ່ນ​ສຳລັບ​ເຜົາ​ເຄື່ອງຫອມ​ດ້ວຍ​ໄມ້​ກະຖິນເທດ. ແທ່ນ​ນັ້ນ​ເປັນ​ຮູບ​ສີ່​ຫລ່ຽມ​ມົນທິນ ຊຶ່ງ​ແຕ່ລະ​ຂ້າງ​ແທກ​ໄດ້ 45 ເຊັນ ແລະ​ສູງ 90 ເຊັນ. ສ່ວນ​ຍອດ​ແທນ​ທັງ​ສີ່​ຫລ່ຽມ​ນັ້ນ​ໄດ້​ເຮັດ​ເປັນ​ໄມ້​ທ່ອນ​ດຽວກັນ​ກັບ​ແທ່ນ.

ອົບພະຍົບ 39:35

ຫີບ​ໃສ່​ແຜ່ນຫີນ​ພັນທະສັນຍາ​ພ້ອມ​ທັງ​ຄານຫາມ ແລະ​ຝາອັດ​ຫີບ;

ອົບພະຍົບ 40:3

ຈົ່ງ​ເອົາ​ຫີບ​ພັນທະສັນຍາ ວາງ​ໄວ້​ໃນ​ນັ້ນ​ແລະ​ກາງ​ຜ້າກັ້ງ​ບັງ​ໄວ້.

ລະບຽບ^ພວກເລວີ 16:12

ເພິ່ນ​ຕ້ອງ​ເອົາ​ໝໍ້ຂາງ​ທີ່​ມີ​ຖ່ານໄຟ​ລຸກ​ແດງ​ຢູ່​ຈາກ​ແທ່ນບູຊາ​ທີ່​ຢູ່​ຕໍ່ໜ້າ​ພຣະເຈົ້າຢາເວ ພ້ອມ​ທັງ​ກຳຍານ​ທີ່​ບົດ​ໃຫ້​ລະອຽດ​ແລ້ວ​ສອງ​ກຳ ມາ​ບ່ອນ​ສັກສິດ​ທີ່ສຸດ.

ຈົດບັນຊີ 17:10

ແລະ​ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ເອົາ​ໄມ້ຄ້ອນເທົ້າ​ຂອງ​ອາໂຣນ ໄປ​ວາງ​ໄວ້​ຕໍ່ໜ້າ​ຫີບ​ພັນທະສັນຍາ ເພື່ອ​ຮັກສາ​ໄວ້​ເປັນ​ສິ່ງ​ເຕືອນໃຈ​ຊາວ​ອິດສະຣາເອນ​ຜູ້​ກະບົດ​ຕໍ່​ເຮົາ​ວ່າ ພວກເຂົາ​ຈະ​ເຊົາ​ຈົ່ມຮ້າຍ​ຕໍ່​ເຮົາ ເພື່ອ​ພວກເຂົາ​ຈະ​ບໍ່​ຕາຍ.”

ຈົດບັນຊີ 17:5

ແລ້ວ​ໄມ້ຄ້ອນເທົ້າ​ຂອງ​ໃຜ​ທີ່​ເຮົາ​ໄດ້​ເລືອກ​ເອົາ ກໍ​ຈະ​ອອກ​ດອກ. ດ້ວຍ​ວິທີ​ນີ້ ເຮົາ​ຈະ​ເຮັດ​ໃຫ້​ຊາວ​ອິດສະຣາເອນ​ເຊົາ​ຈົ່ມຮ້າຍ​ໃສ່​ພວກເຈົ້າ.”

ຈົດບັນຊີ 17:8

ວັນ​ຕໍ່ມາ ເມື່ອ​ໂມເຊ​ໄດ້​ເຂົ້າ​ໄປ​ໃນ​ຫໍເຕັນ ເພິ່ນ​ຈຶ່ງ​ໄດ້​ເຫັນ​ວ່າ​ໄມ້ຄ້ອນເທົ້າ​ຂອງ​ອາໂຣນ ຊຶ່ງ​ເປັນ​ຂອງ​ເຜົ່າເລວີ​ນັ້ນ​ອອກ​ດອກ​ຄື: ດອກຈູມ, ດອກບານ ແລະ​ມີ​ໝາກອາມອນ​ສຸກ​ຄ້າຍໆ​ໝາກບົກ​ຕິດ​ຢູ່​ດ້ວຍ

ພຣະບັນຍັດສອງ 9:11

ຫລັງຈາກ​ສີ່ສິບ​ວັນ​ສີ່ສິບ​ຄືນ​ແລ້ວ ພຣະເຈົ້າຢາເວ​ໄດ້​ໃຫ້​ຫີນ​ສອງ​ແຜ່ນ ຊຶ່ງ​ພຣະອົງ​ໄດ້​ຂຽນ​ພັນທະສັນຍາ​ໃສ່.

ພຣະບັນຍັດສອງ 9:9

ຂ້າພະເຈົ້າ​ໄດ້​ຂຶ້ນ​ໄປ​ເທິງ​ພູ ເພື່ອ​ຮັບ​ເອົາ​ແຜ່ນຫີນ ຊຶ່ງ​ເປັນ​ແຜ່ນຫີນ​ແຫ່ງ​ພັນທະສັນຍາ​ທີ່​ພຣະເຈົ້າຢາເວ​ໄດ້​ເຮັດ​ໄວ້​ກັບ​ພວກເຈົ້າ. ຂ້າພະເຈົ້າ​ໄດ້​ຢູ່​ທີ່​ນັ້ນ​ສີ່ສິບ​ວັນ​ສີ່ສິບ​ຄືນ ໂດຍ​ບໍ່ໄດ້​ກິນ​ແລະ​ດື່ມ​ຫຍັງ.

ພຣະນິມິດ 11:19

ແລ້ວ​ວິຫານ​ຂອງ​ພຣະເຈົ້າ​ໃນ​ສະຫວັນ​ກໍ​ໄຂ​ອອກ ແລະ​ຫີບ​ພັນທະສັນຍາ ກໍ​ປາກົດ​ໃຫ້​ເຫັນ​ຢູ່​ໃນ​ທີ່ນັ້ນ ແລ້ວ​ມີ​ຟ້າ​ແມບເຫຼື້ອມ, ສຽງ​ແຕກ​ສະໜັ່ນ, ຟ້າຮ້ອງ​ຢູ່​ບໍ່​ຂາດ​ໄລຍະ, ແຜ່ນດິນ​ໄຫວ ແລະ​ໝາກເຫັບ​ຕົກ​ຢ່າງ​ຫລວງຫລາຍ.

ພຣະນິມິດ 8:3

ມີ​ເທວະດາ​ອີກ​ຕົນ​ໜຶ່ງ ຖື​ໝໍ້​ຄຳ​ໃສ່​ເຄື່ອງຫອມ​ອອກ​ມາ​ຢືນ​ຢູ່​ຕໍ່ໜ້າ​ແທ່ນບູຊາ. ເພິ່ນ​ໄດ້​ຮັບ​ເຄື່ອງຫອມ​ຢ່າງ​ຫລວງຫລາຍ ເພື່ອ​ຈະ​ຖວາຍ​ຮ່ວມ​ກັບ​ຄຳ​ພາວັນນາ​ອະທິຖານ​ແຫ່ງ​ໄພ່ພົນ​ທັງໝົດ​ຂອງ​ພຣະເຈົ້າ ເທິງ​ແທ່ນບູຊາ​ຄຳ​ທີ່​ຢູ່​ຕໍ່ໜ້າ​ພຣະ​ບັນລັງ​ນັ້ນ.