ເຮັບເຣີ 9:1 - ພຣະຄຳພີສັກສິ

¹ ເຖິງ​ແມ່ນ​ພັນທະສັນຍາ​ເດີມ​ນັ້ນ ກໍ​ມີ​ກົດ​ໃນ​ການ​ນະມັດສະການ ແລະ​ມີ​ສະຖານທີ່​ສັກສິດ​ທີ່​ແຜ່ນດິນ​ໂລກ.

ພຣະຄຳພີລາວສະບັບສະໄໝໃໝ່

¹ ພັນທະສັນຍາເດີມ​ນັ້ນ​ມີ​ກົດລະບຽບ​ກ່ຽວກັບ​ການນະມັດສະການ ແລະ ມີ​ສະຖານ​ນະມັດສະການ​ຂອງ​ໂລກ​ນີ້

ເຮັບເຣີ 9:1 Jak'a apnaqawi uñst'ayäwi

ອົບພະຍົບ 25:8

ຊາວ​ອິດສະຣາເອນ​ຕ້ອງ​ສ້າງ​ຫໍເຕັນ​ສັກສິດ​ສຳລັບ​ເຮົາ ເພື່ອ​ວ່າ​ເຮົາ​ຈະ​ຢູ່​ທ່າມກາງ​ພວກເຂົາ.

ເອເຊກຽນ 43:11

ແລ້ວ​ຖ້າ​ພວກເຂົາ​ລະອາຍ​ໃຈ​ໃນ​ສິ່ງ​ທີ່​ພວກເຂົາ​ໄດ້​ເຮັດ​ນັ້ນ ຈົ່ງ​ອະທິບາຍ​ແຜນຜັງ​ຂອງ​ພຣະວິຫານ​ສູ່​ພວກເຂົາ​ຟັງ​ເຊັ່ນ: ແບບແຜນ, ທາງເຂົ້າ​ແລະ​ທາງອອກ, ຮູບຮ່າງ​ຂອງ​ພຣະວິຫານ, ການ​ຈັດແຈງ​ທຸກໆສິ່ງ, ຕະຫລອດ​ທັງ​ຂໍ້​ບັງຄັບ ແລະ​ກົດລະບຽບ​ຕ່າງໆ​ດ້ວຍ. ຈົ່ງ​ຂຽນ​ທັງໝົດ​ນີ້​ໃຫ້​ພວກເຂົາ ເພື່ອ​ພວກເຂົາ​ຈະ​ເຫັນ​ໄດ້​ວ່າ​ຄວນ​ຈັດແຈງ​ທຸກໆສິ່ງ​ຢ່າງໃດ ແລະ​ຈະ​ປະຕິບັດ​ຕາມ​ກົດ​ຂໍ້​ບັງຄັບ​ທັງໝົດ​ໄດ້​ຢ່າງໃດ.

ລະບຽບ^ພວກເລວີ 18:30

ເຫດສະນັ້ນ ຈົ່ງ​ເຊື່ອຟັງ​ຂໍ້ຄຳສັ່ງ​ທີ່​ເຮົາ​ໃຫ້​ພວກເຈົ້າ ແລະ​ຢ່າ​ເຮັດ​ຕາມ​ຮີດຄອງ​ຂອງ​ປະຊາຊົນ ທີ່​ໄດ້​ອາໄສ​ຢູ່​ໃນ​ດິນແດນ​ນີ້​ກ່ອນ​ພວກເຈົ້າ ແລະ​ຢ່າ​ເຮັດ​ໃຫ້​ພວກເຈົ້າ​ເປັນ​ມົນທິນ ໂດຍ​ປະຕິບັດ​ຕາມ​ຮີດຄອງ​ເຫຼົ່ານັ້ນ. ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.”

ລະບຽບ^ພວກເລວີ 22:9

ປະໂຣຫິດ​ທຸກຄົນ​ຈະ​ຕ້ອງ​ປະຕິບັດ​ຕາມ​ລະບຽບການ​ຕ່າງໆ ທີ່​ເຮົາ​ໄດ້​ມອບ​ໃຫ້​ນີ້. ຖ້າບໍ່​ດັ່ງນັ້ນ ພວກເຂົາ​ຈະ​ເຮັດ​ຜິດ​ແລະ​ຕາຍ ເພາະ​ໄດ້​ຝ່າຝືນ​ລະບຽບ​ການ​ອັນ​ສັກສິດ. ເຮົາ​ແມ່ນ​ພຣະເຈົ້າຢາເວ ແລະ​ເຮົາ​ໄດ້​ເຮັດ​ໃຫ້​ພວກເຂົາ​ບໍຣິສຸດ.

ຈົດບັນຊີ 9:12

ຢ່າ​ປະ​ອາຫານ​ໃດໆ​ເຫຼືອ​ໄວ້​ຮອດ​ມື້ອື່ນ​ເຊົ້າ ແລະ​ຢ່າ​ຫັກ​ກະດູກ​ໃດໆ​ຂອງ​ສັດ. ຈົ່ງ​ສະຫລອງ​ປັດສະຄາ​ນີ້​ຕາມ​ລະບຽບ​ທຸກຢ່າງ​ທີ່​ໄດ້​ວາງ​ໄວ້.

ລູກາ 1:6

ສອງ​ຜົວ​ເມຍ​ນີ້​ດຳເນີນ​ຊີວິດ​ຢ່າງ​ຖືກຕ້ອງ​ຕໍ່​ສາຍ​ພຣະເນດ​ຂອງ​ພຣະເຈົ້າ ໂດຍ​ເຊື່ອຟັງ​ກົດບັນຍັດ​ຂອງ​ອົງພຣະ​ຜູ້​ເປັນເຈົ້າ ແລະ​ຂໍ້ຄຳສັ່ງ​ຂອງ​ພຣະອົງ​ຢ່າງ​ບໍ່ມີ​ທີ່ຕິ.

ໂຣມ 9:4

ພວກເຂົາ​ເປັນ​ຊົນຊາດ​ອິດສະຣາເອນ ໄດ້​ຮັບ​ການ​ຊົງ​ໃຫ້​ເປັນ​ລູກ​ຂອງ​ພຣະເຈົ້າ ໃຫ້​ພວກເຂົາ​ຮັບ​ພຣະ​ສະຫງ່າຣາສີ ຮັບ​ບັນດາ​ພັນທະສັນຍາ ກັບ​ພວກເຂົາ ແລະ​ມອບ​ກົດບັນຍັດ, ພິທີ​ນະມັດສະການ ແລະ​ບັນດາ​ຄຳສັນຍາ​ໃຫ້​ແກ່​ພວກເຂົາ.

ໂກໂລຊາຍ 2:8

ຈົ່ງ​ລະວັງ​ໃຫ້​ດີ ຢ່າ​ໃຫ້​ຜູ້ໃດ​ນຳ​ພວກເຈົ້າ​ຕົກ​ໄປ​ເປັນ​ເຫຍື່ອ​ຂອງ​ສະຕິປັນຍາ ອັນ​ຫລອກລວງ​ແລະ​ໄຮ້​ສາລະ ຊຶ່ງ​ມາ​ຈາກ​ຄຳສັ່ງສອນ​ຂອງ​ມະນຸດ ແລະ​ມາ​ຈາກ​ສິ່ງ​ສັກສິດ​ແຫ່ງ​ສາກົນ​ຈັກກະວານ ແລະ​ບໍ່ແມ່ນ​ມາ​ຈາກ​ພຣະຄຣິດ.

ເຮັບເຣີ 8:13

ເມື່ອ​ພຣະອົງ​ຊົງ​ກ່າວ​ວ່າ, “ພັນທະສັນຍາ​ໃໝ່” ກໍ​ເປັນ​ທີ່​ເຮັດ​ໃຫ້​ພັນທະສັນຍາ​ເດີມ​ນັ້ນ ພົ້ນ​ສະໄໝ​ໄປ​ແລ້ວ ສິ່ງ​ທີ່​ພົ້ນ​ສະໄໝ​ແລະ​ເກົ່າ​ໄປ​ແລ້ວ ກໍ​ກຳລັງ​ຈະ​ເສື່ອມສູນ​ໄປ.

ເຮັບເຣີ 8:2

ພຣະອົງ​ບົວລະບັດ​ຮັບໃຊ້​ເປັນ​ມະຫາ​ປະໂຣຫິດ​ຢູ່​ໃນ​ສະຖານທີ່​ສັກສິດ​ທີ່ສຸດ ຄື​ຢູ່​ໃນ​ຫໍເຕັນ​ສັກສິດ​ອັນ​ແທ້ຈິງ ຊຶ່ງ​ບໍ່ແມ່ນ​ມະນຸດ​ເປັນ​ຜູ້​ຕັ້ງ​ຂຶ້ນ ແຕ່​ແມ່ນ​ອົງພຣະ​ຜູ້​ເປັນເຈົ້າ​ໄດ້​ຊົງ​ຕັ້ງ​ໄວ້.

ເຮັບເຣີ 8:7

ດ້ວຍວ່າ, ຖ້າ​ພັນທະສັນຍາ​ເດີມ​ນັ້ນ​ບໍ່ມີ​ຂໍ້​ບົກຜ່ອງ​ແລ້ວ ກໍ​ບໍ່​ຈຳເປັນ​ຊອກ​ພັນທະສັນຍາ​ທີ​ສອງ​ມາ​ແທນ.

ເຮັບເຣີ 9:24

ເພາະວ່າ ພຣະຄຣິດ​ບໍ່ໄດ້​ສະເດັດ​ເຂົ້າ​ໄປ​ໃນ​ສະຖານ​ສັກສິດ ທີ່​ຖືກ​ສ້າງ​ຂຶ້ນ​ດ້ວຍ​ມື​ມະນຸດ​ຕາມ​ແບບຢ່າງ​ໃນ​ສະຫວັນ ແຕ່​ເວລາ​ນີ້ ພຣະອົງ​ໄດ້​ສະເດັດ​ເຂົ້າ​ໄປ​ໃນ​ສະຫວັນ ເພື່ອ​ເຂົ້າ​ເຝົ້າ​ພຣະເຈົ້າ​ແທນ​ພວກເຮົາ.