ເຮັບເຣີ 7:9 - ພຣະຄຳພີສັກສິ

⁹ ຖ້າ​ຈະ​ເວົ້າ​ອີກ​ຢ່າງ​ໜຶ່ງ ກໍ​ວ່າ​ເລວີ​ຜູ້​ຮັບ​ໜຶ່ງສ່ວນສິບ​ນັ້ນ ກໍ​ຍັງ​ໄດ້​ຖວາຍ​ໜຶ່ງສ່ວນສິບ​ແກ່​ເມຄີເຊເດັກ​ທາງ​ອັບຣາຮາມ.

ພຣະຄຳພີລາວສະບັບສະໄໝໃໝ່

⁹ ເວົ້າ​ໄດ້​ອີກ​ຢ່າງ​ໜຶ່ງ​ວ່າ​ເລວີ​ຜູ້​ທີ່​ຮັບ​ໜຶ່ງສ່ວນສິບ​ນັ້ນ​ໄດ້​ຖວາຍ​ໜຶ່ງສ່ວນສິບ​ຜ່ານ​ທາງ​ອັບຣາຮາມ,

ເຮັບເຣີ 7:9 Jak'a apnaqawi uñst'ayäwi

ປະຖົມມະການ 14:20

ຈົ່ງ​ຫັນ​ມາ​ອວຍພອນ​ໃຫ້​ອັບຣາມ​ເຖີດ ສາທຸການ​ແດ່​ພຣະເຈົ້າ​ຜູ້​ໃຫ້​ຊະນະ​ເຫຼົ່າ​ສັດຕູ.” ແລ້ວ​ອັບຣາມ​ກໍໄດ້​ຖວາຍ​ໜຶ່ງສ່ວນສິບ​ໃນ​ສິ່ງຂອງ​ທັງໝົດ ຊຶ່ງ​ເພິ່ນ​ໄດ້​ມາ​ຈາກ​ການ​ສູ້ຮົບ​ນັ້ນ ໃຫ້​ແກ່​ເມຄີເຊເດັກ.

ມັດທາຍ 7:8

ດ້ວຍວ່າ, ທຸກຄົນ​ທີ່​ຂໍ​ກໍ​ຈະ​ໄດ້​ຮັບ, ທຸກຄົນ​ທີ່​ຊອກ​ຫາ​ກໍ​ຈະ​ໄດ້​ພົບ ແລະ​ທຸກຄົນ​ທີ່​ເຄາະ​ກໍ​ຈະ​ມີ​ຜູ້​ໄຂ​ໃຫ້.

ໂຣມ 5:12

ດ້ວຍເຫດນັ້ນ ຄວາມ​ບາບ​ໄດ້​ເຂົ້າ​ມາ​ໃນ​ໂລກ ເພາະ​ດ້ວຍ​ມະນຸດ​ຄົນ​ດຽວ ແລະ​ຄວາມ​ຕາຍ​ກໍໄດ້​ເກີດ​ມາ​ຍ້ອນ​ຄວາມ​ຜິດບາບ​ນັ້ນ. ຢ່າງ​ນັ້ນ​ແຫຼະ ຄວາມ​ຕາຍ​ຈຶ່ງ​ໄດ້​ລາມ​ໄປ​ເຖິງ​ມະນຸດ​ທຸກຄົນ ເພາະວ່າ​ທຸກຄົນ​ໄດ້​ເຮັດ​ບາບ​ແລ້ວ.

ພຣະບັນຍັດສອງ 26:12

ທຸກໆ​ສາມ​ປີ​ໃດ ຈົ່ງ​ມອບ​ໜຶ່ງສ່ວນສິບ​ຜົນລະປູກ​ຂອງ​ພວກເຈົ້າ​ໃຫ້​ຊາວ​ເລວີ, ຊາວ​ຕ່າງດ້າວ, ລູກກຳພ້າ ແລະ​ແມ່ໝ້າຍ ເພື່ອ​ວ່າ​ພວກເຂົາ​ທຸກຄົນ​ຈະ​ໄດ້​ກິນ​ອີ່ມໜຳ​ສຳລານ​ຕາມ​ຄວາມ​ຕ້ອງການ. ເມື່ອ​ພວກເຈົ້າ​ຖວາຍ​ເຄື່ອງ​ເຫຼົ່ານັ້ນ​ແລ້ວ

ເຮັບເຣີ 7:10

ເພາະວ່າ​ໃນ​ຂະນະທີ່​ເມຄີເຊເດັກ​ໄດ້​ພົບ​ກັບ​ອັບຣາຮາມ ເລວີ​ຍັງ​ຢູ່​ໃນ​ສາຍ​ເລືອດ​ຂອງ​ບັນພະບຸລຸດ ຄື​ອັບຣາຮາມ.

ເຮັບເຣີ 7:4

ຈົ່ງ​ຄິດ​ເບິ່ງ ແມ່ນ​ວ່າ​ທ່ານ​ຜູ້​ນີ້​ໃຫຍ່​ພໍ​ພຽງ​ໃດ ທີ່​ອັບຣາຮາມ​ຜູ້​ເປັນ​ຕົ້ນ​ຕະກຸນ​ນັ້ນ ຍັງ​ໄດ້​ແບ່ງ​ໜຶ່ງສ່ວນສິບ​ຂອງ​ຊັບ​ທີ່​ໄດ້​ມາ​ຈາກ​ຊະເລີຍ​ອັນ​ດີທີ່ສຸດ​ມາ​ຖວາຍ​ແກ່​ທ່ານ.

ເຮັບເຣີ 7:8

ອີກ​ປະການ​ໜຶ່ງ ໃນ​ກໍລະນີ​ປະໂຣຫິດ​ຕະກຸນ​ເລວີ​ນັ້ນ ມະນຸດ​ທີ່​ຕ້ອງ​ຕາຍ​ກໍ​ເປັນ​ຜູ້​ຮັບ​ໜຶ່ງສ່ວນສິບ ແຕ່​ໃນ​ກໍລະນີ​ເມຄີເຊເດັກ​ຜູ້​ຮັບ​ໜຶ່ງສ່ວນສິບ​ນັ້ນ ມີ​ຫຼັກຖານ​ໃນ​ພຣະຄຳພີ​ວ່າ ທ່ານ​ຍັງ​ມີ​ຊີວິດ​ຢູ່.