ປະຖົມມະການ 9:4 - ພຣະຄຳພີສັກສິ

⁴ ແຕ່​ມີ​ສິ່ງ​ໜຶ່ງ​ທີ່​ເຈົ້າ​ບໍ່​ຕ້ອງ​ກິນ​ຄື: ຊີ້ນ​ທີ່​ມີ​ເລືອດ; ເພາະ​ເລືອດ​ແມ່ນ​ຫລັກ​ສຳຄັນ​ແຫ່ງ​ຊີວິດ.

ປະຖົມມະການ 9:4 Jak'a apnaqawi uñst'ayäwi

ເອເຊກຽນ 33:25

ຈົ່ງ​ບອກ​ພວກເຂົາ​ເຖິງ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວວ່າ: ‘ພວກເຈົ້າ​ກິນ​ຊີ້ນ​ທີ່​ຍັງ​ມີ​ເລືອດ​ຢູ່. ພວກເຈົ້າ​ຂາບໄຫວ້​ບັນດາ​ຮູບເຄົາຣົບ. ພວກເຈົ້າ​ຂ້າ​ຄົນ. ແມ່ນ​ຫຍັງ​ທີ່​ເຮັດ​ໃຫ້​ພວກເຈົ້າ​ຄິດວ່າ ດິນແດນ​ນັ້ນ​ເປັນ​ຂອງ​ພວກເຈົ້າ?

ລະບຽບ^ພວກເລວີ 19:26

ຢ່າ​ກິນ​ຊີ້ນ​ທີ່​ຍັງ​ມີ​ເລືອດ​ຢູ່​ໃນ​ນັ້ນ. ຢ່າ​ຝຶກ​ເວດມົນ​ຄາຖາ​ຊະນິດ​ໃດໆ​ທັງ​ສິ້ນ.

ລະບຽບ^ພວກເລວີ 3:17

ຢ່າ​ໃຫ້​ຊາວ​ອິດສະຣາເອນ​ຄົນ​ໃດ​ກິນ​ໄຂມັນ ຫລື​ກິນ​ເລືອດ; ອັນ​ນີ້​ແມ່ນ​ລະບຽບການ ທີ່​ຊາວ​ອິດສະຣາເອນ​ຕ້ອງ​ຢຶດຖື​ຕະຫລອດໄປ​ບໍ່​ວ່າ​ພວກເຂົາ​ຈະ​ອາໄສ​ຢູ່​ທີ່​ໃດ​ກໍຕາມ.

ລະບຽບ^ພວກເລວີ 7:26

ຊາວ​ອິດສະຣາເອນ​ບໍ່​ວ່າ​ພວກເຂົາ​ຈະ​ຢູ່​ບ່ອນ​ໃດ​ກໍຕາມ ຢ່າ​ເອົາ​ເລືອດ​ນົກ​ຫລື​ເລືອດ​ສັດ ມາ​ກິນ​ເປັນ​ອາຫານ.

ກິດຈະການ 15:20

ແຕ່​ເຮົາ​ຈົ່ງ​ສັ່ງ​ພວກເຂົາ​ເປັນ​ລາຍລັກ​ອັກສອນ ໃຫ້​ເວັ້ນເສຍ​ຈາກ​ສິ່ງ​ຊົ່ວ​ມົວໝອງ ເນື່ອງ​ດ້ວຍ​ພະທຽມ, ຈາກ​ການ​ຫລິ້ນຊູ້, ຈາກ​ການ​ກິນ​ສັດ​ຕາຍ​ຮັດ​ຄໍ ແລະ​ຈາກ​ການ​ກິນ​ເລືອດ.

ກິດຈະການ 15:25

ສະນັ້ນ ພວກເຮົາ​ຈຶ່ງ​ໄດ້​ມາ​ປະຊຸມ​ຕົກລົງ​ກັນ ແລະ​ເຫັນພ້ອມພຽງ​ກັນ​ວ່າ ໃຫ້​ເລືອກ​ເອົາ​ບາງຄົນ​ມາ​ຫາ​ພວກທ່ານ, ພ້ອມ​ກັບ​ບາຣະນາບາ ແລະ ໂປໂລ.

ກິດຈະການ 15:29

ຄື​ໃຫ້​ງົດເວັ້ນ​ເສຍ​ຈາກ​ກິນ​ອາຫານ​ທີ່​ຖວາຍບູຊາ​ແກ່​ຮູບເຄົາຣົບ​ແລ້ວ, ໃຫ້​ງົດ​ຈາກ​ການ​ກິນ​ເລືອດ, ໃຫ້​ງົດ​ຈາກ​ການ​ກິນ​ສັດ​ທີ່​ຕາຍ​ເພາະ​ຖືກ​ຮັດ​ຄໍ ແລະ​ໃຫ້​ຫລີກເວັ້ນ​ຈາກ​ການ​ຫລິ້ນຊູ້, ຖ້າ​ພວກທ່ານ​ງົດ​ຈາກ​ສິ່ງ​ເຫຼົ່ານີ້​ໄດ້ ພວກທ່ານ​ກໍ​ຢູ່ເຢັນ​ເປັນສຸກ ຈົ່ງ​ຈະເລີນ​ເທີ້ນ.”

ພຣະບັນຍັດສອງ 12:16

ແຕ່​ພວກເຈົ້າ​ບໍ່​ຕ້ອງ​ກິນ​ເລືອດ​ສັດ​ສຳລັບ​ເປັນ​ອາຫານ; ໃຫ້​ເທ​ລົງ​ດິນ​ເໝືອນ​ດັ່ງ​ເທ​ນໍ້າ.

ພຣະບັນຍັດສອງ 12:23

ແຕ່​ຢ່າ​ກິນ​ຊີ້ນ​ທີ່​ຍັງ​ມີ​ເລືອດ​ຢູ່​ໃນ​ນັ້ນ ເພາະ​ຊີວິດ​ແມ່ນ​ຢູ່​ໃນ​ເລືອດ ແລະ​ພວກເຈົ້າ​ບໍ່​ຕ້ອງ​ກິນ​ຊີວິດ​ພ້ອມ​ກັບ​ຊີ້ນ.

ພຣະບັນຍັດສອງ 14:21

ຢ່າ​ກິນ​ສັດ​ໃດໆ​ທີ່​ຕາຍ​ເອງ. ພວກເຈົ້າ​ອາດ​ຈະ​ເອົາ​ໃຫ້​ຊາວ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກເຈົ້າ​ກິນ​ໄດ້ ຫລື​ຂາຍ​ໃຫ້​ຄົນ​ຕ່າງດ້າວ​ພວກ​ອື່ນໆ​ໄດ້. ສ່ວນ​ພວກເຈົ້າ​ເປັນ​ພວກ​ບໍຣິສຸດ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ. ຢ່າ​ຕົ້ມ​ຊີ້ນ​ລູກແກະ​ຫລື​ລູກ​ແບ້​ດ້ວຍ​ນໍ້ານົມ​ຂອງ​ແມ່​ມັນ.”

ພຣະບັນຍັດສອງ 15:23

ຢ່າ​ໃຊ້​ເລືອດ​ສັດ​ສຳລັບ​ເປັນ​ອາຫານ ແຕ່​ໃຫ້​ເທ​ລົງ​ດິນ​ເໝືອນ​ດັ່ງ​ເທ​ນໍ້າ.”

1 ຕີໂມທຽວ 4:4

ສິ່ງສາລະພັດ​ທີ່​ພຣະເຈົ້າ​ສ້າງ​ໄວ້​ນັ້ນ ເປັນ​ຂອງ​ດີ​ທັງໝົດ ບໍ່ຄວນ​ປະຖິ້ມ​ສິ່ງໃດ​ເລີຍ ແຕ່​ຈົ່ງ​ຮັບ​ເອົາ​ທຸກສິ່ງ​ດ້ວຍ​ການ​ໂມທະນາ​ຂອບພຣະຄຸນ,

1 ຊາມູເອນ 14:32

ດັ່ງນັ້ນ ພວກເຂົາ​ຈຶ່ງ​ຟ້າວ​ແລ່ນ​ໄປ​ຢຶດເອົາ​ສິ່ງຂອງ ທີ່​ພວກ​ຕົນ​ຢຶດ​ມາ​ໄດ້​ຈາກ​ສັດຕູ​ນັ້ນ ຄື​ໄດ້​ເອົາ​ແກະ​ແລະ​ງົວ​ໄປ​ຂ້າ​ກັບ​ບ່ອນ ແລະ​ກິນ​ຊີ້ນ​ທີ່​ຍັງ​ມີ​ເລືອດ.