ປະຖົມມະການ 9:2 - ພຣະຄຳພີສັກສິ

² ສັດ​ທຸກ​ຊະນິດ, ນົກ​ທຸກ​ໂຕ, ສັດ​ເລືອຄານ ແລະ​ປາ​ທຸກ​ຊະນິດ​ຈະ​ມີ​ຊີວິດ​ຢູ່​ໂດຍ​ຢ້ານກົວ​ພວກເຈົ້າ.

ປະຖົມມະການ 9:2 Jak'a apnaqawi uñst'ayäwi

ປະຖົມມະການ 1:21

ດັ່ງນັ້ນ ພຣະເຈົ້າ​ຈຶ່ງ​ໄດ້​ນິຣະມິດ​ສ້າງ​ສັດ​ທະເລ​ຂະໜາດ​ໃຫຍ່ ພ້ອມ​ກັບ​ບັນດາ​ສັດນໍ້າ​ທີ່​ມີ​ຊີວິດ​ເຄື່ອນໄຫວ​ໄປມາ​ຕາມ​ຊະນິດ​ຂອງ​ມັນ ເກີດຂື້ນ​ຢ່າງ​ບໍຣິບູນ​ໃນ​ນໍ້າ​ນັ້ນ; ນົກ​ທຸກ​ປະເພດ​ຕາມ​ຊະນິດ​ຂອງ​ມັນ. ແລະ​ພຣະເຈົ້າ​ໄດ້ເຫັນ​ວ່າ​ສິ່ງ​ນັ້ນ​ດີ.

ປະຖົມມະການ 1:26

ແລ້ວ​ພຣະເຈົ້າ​ໄດ້ກ່າວ​ວ່າ, “ບັດນີ້ ເຮົາ​ຈະ​ສ້າງ​ມະນຸດ​ໃຫ້​ມີ​ຮູບ​ລັກສະນະ​ຄື​ເຮົາ, ຕາມ​ແບບຢ່າງ​ຂອງ​ເຮົາ; ເຂົາ​ຈະ​ມີ​ອຳນາດ​ເໜືອ​ປາ, ນົກ, ສັດ​ທັງໝົດ; ບໍ່​ວ່າ​ສັດ​ລ້ຽງ​ຫລື​ສັດປ່າ, ສັດ​ໃຫຍ່​ຫລື​ສັດ​ນ້ອຍ​ກໍດີ.”

ປະຖົມມະການ 1:28

ພຣະເຈົ້າ​ໄດ້​ອວຍພອນ​ພວກເຂົາ ແລະ​ພຣະເຈົ້າ​ໄດ້ກ່າວ​ແກ່​ພວກເຂົາ​ວ່າ, “ຈົ່ງ​ມີ​ລູກຫລານ​ໃຫ້​ແຜ່ຜາຍ​ຂະຫຍາຍ​ທະວີຄູນ​ຫລາຍ​ຂຶ້ນ ເພື່ອ​ເຊື້ອສາຍ​ຂອງ​ເຈົ້າ​ຈະ​ມີ​ຢູ່​ທົ່ວ​ທຸກ​ແຫ່ງຫົນ ແລະ​ປົກຄອງ​ທຸກສິ່ງ​ເທິງ​ແຜ່ນດິນ​ໂລກ​ນີ້. ເຮົາ​ໃຫ້​ເຈົ້າ​ມີ​ອຳນາດ​ເໜືອ​ປາ, ນົກ ແລະ​ສັດປ່າ​ທຸກ​ຊະນິດ.”

ປະຖົມມະການ 2:19

ແລ້ວ​ພຣະເຈົ້າຢາເວ​ພຣະເຈົ້າ​ຈຶ່ງ​ເອົາ​ຂີ້ດິນ​ຈາກ​ພື້ນດິນ ມາ​ປັ້ນ​ເປັນ​ຮູບ​ສັດ​ຕ່າງໆ​ທີ່​ຢູ່​ໃນ​ທົ່ງ ແລະ​ນົກ​ທັງຫລາຍ​ທີ່​ຢູ່​ໃນ​ອາກາດ ແລະ​ໄດ້​ນຳ​ສັດ​ເຫຼົ່ານັ້ນ​ມາ​ໃຫ້​ຊາຍ​ນັ້ນ​ເບິ່ງ​ວ່າ ລາວ​ຈະ​ໃສ່​ຊື່​ໃຫ້​ຢ່າງໃດ ແລະ​ຊື່​ໃດ​ທີ່​ລາວ​ຕັ້ງ​ໃຫ້​ສັດ​ທັງຫລາຍ​ທີ່ມີ​ຊີວິດ​ຈຶ່ງ​ເປັນ​ຊື່​ຕໍ່ໆມາ.

ປະຖົມມະການ 35:5

ເມື່ອ​ຢາໂຄບ​ພ້ອມ​ກັບ​ລູກຊາຍ​ກຳລັງ​ອອກ​ເດີນທາງ​ໄປ​ນັ້ນ ຊາວ​ເມືອງ​ໃກ້ຄຽງ​ກໍ​ເກີດ​ຄວາມ​ຢ້ານກົວ​ຫຼາຍ ແລະ​ບໍ່​ກ້າ​ໄລ່​ຕິດຕາມ​ພວກເຂົາ​ໄປ.

ປະຖົມມະການ 9:1

ພຣະເຈົ້າ​ໄດ້​ອວຍພອນ​ແກ່​ໂນອາ ແລະ​ພວກ​ລູກຊາຍ​ທັງ​ສາມ​ຄົນ​ຂອງ​ລາວ​ວ່າ, “ຈົ່ງ​ມີ​ລູກຫລານ​ໃຫ້​ມາກ​ຫລາຍ ເພື່ອ​ວ່າ​ເຊື້ອສາຍ​ຂອງ​ເຈົ້າ​ຈະ​ມີ​ຊີວິດ​ຢູ່​ທົ່ວ​ເທິງ​ແຜ່ນດິນ​ໂລກ​ນີ້.

ປະຖົມມະການ 9:3

ບັດນີ້ ເຈົ້າ​ກິນ​ສັດ​ນັ້ນ ແລະ​ພືດ​ໃບ​ຂຽວ​ໄດ້ ເພາະ​ເຮົາ​ໄດ້​ໃຫ້​ສິ່ງ​ເຫຼົ່ານີ້​ແກ່​ພວກເຈົ້າ​ເປັນ​ອາຫານ.

ພຣະທຳ​ໂຢບ 39:11

ເຈົ້າ​ເພິ່ງ​ກຳລັງ​ອັນ​ຍິ່ງໃຫຍ່​ຂອງ​ມັນ​ໄດ້​ບໍ? ເຈົ້າ​ຫວັງ​ໃຫ້​ມັນ​ມາ​ເຮັດ​ວຽກ​ໜັກ​ໃຫ້​ເຈົ້າ​ໄດ້​ຫລື​ບໍ່?

ເອເຊກຽນ 34:25

ເຮົາ​ຈະ​ເຮັດ​ພັນທະສັນຍາ​ປະກັນ​ຄວາມ​ປອດໄພ​ໃຫ້​ແກ່​ພວກເຂົາ. ເຮົາ​ຈະ​ກຳຈັດ​ສັດຮ້າຍ​ທັງໝົດ​ອອກ​ໄປ​ຈາກ​ດິນແດນ ເພື່ອ​ແກະ​ຂອງເຮົາ​ຈະ​ໄດ້​ຢູ່​ຢ່າງ​ປອດໄພ​ຕາມ​ທົ່ງນາ​ຫລື​ໃນ​ປ່າ.

ໂຮເສອາ 2:18

ໃນ​ເວລາ​ນັ້ນ ເຮົາ​ຈະ​ເຮັດ​ພັນທະສັນຍາ​ກັບ​ສັດປ່າ​ແລະ​ຝູງນົກ​ທັງປວງ ເພື່ອ​ວ່າ​ພວກມັນ​ຈະ​ບໍ່​ທຳຮ້າຍ​ປະຊາຊົນ​ຂອງເຮົາ. ເຮົາ​ຈະ​ເອົາ​ອາວຸດ​ແຫ່ງ​ການ​ຮົບເສິກ​ໜີໄປ​ຈາກ​ດິນແດນ ຄື​ດາບ​ແລະ​ລູກທະນູ ແລະ​ຈະ​ໃຫ້​ປະຊາຊົນ​ຂອງເຮົາ​ມີ​ຊີວິດ​ຢູ່​ຢ່າງ​ສຸກ​ສະບາຍ ແລະ​ປອດໄພ.

ລະບຽບ^ພວກເລວີ 26:22

ເຮົາ​ຈະ​ໃຫ້​ສັດຮ້າຍ​ມາ​ທຳຮ້າຍ​ລູກ​ຂອງ​ພວກເຈົ້າ​ໃຫ້​ຕາຍ ຝູງສັດ​ຂອງ​ພວກເຈົ້າ​ຈະ​ຈິບຫາຍ ຈົນ​ຕາມ​ຖະໜົນ​ຫົນທາງ​ບໍ່ມີ​ຄົນ​ທຽວ​ໄປມາ​ເລີຍ.

ລະບຽບ^ພວກເລວີ 26:6

ເຮົາ​ຈະ​ນຳ​ຄວາມ​ສະຫງົບສຸກ​ມາ​ສູ່​ດິນແດນ​ຂອງ​ພວກເຈົ້າ ແລະ​ພວກເຈົ້າ​ກໍ​ຈະ​ສາມາດ​ນອນຫລັບ​ສະບາຍ​ຢ່າງ​ຫາຍ​ກັງວົນ. ເຮົາ​ຈະ​ກຳຈັດ​ຝູງສັດ​ທີ່​ນຳ​ອັນຕະລາຍ​ມາ​ສູ່​ທີ່​ດິນແດນ​ທຳມາ​ຫາກິນ​ຂອງ​ພວກເຈົ້າ ແລະ​ໃນ​ທີ່ນັ້ນ​ເສິກ​ສົງຄາມ​ຈະ​ບໍ່ມີ​ອີກ​ຕໍ່ໄປ.

ຢາໂກໂບ 3:7

ມະນຸດ​ສາມາດ​ຝຶກແອບ​ສັດ​ທັງໝົດ​ໄດ້ ບໍ່​ວ່າ​ສັດປ່າ​ແລະ​ນົກ ສັດ​ເລືອຄານ​ແລະ​ປາ.