ປະຖົມມະການ 7:11 - ພຣະຄຳພີສັກສິ

¹¹ ເມື່ອ​ໂນອາ​ອາຍຸ​ໄດ້ 600 ປີ, ຄື​ໃນ​ວັນ​ທີ​ສິບເຈັດ​ຂອງ​ເດືອນ​ທີ​ສອງ ຟ້າ​ສະຫວັນ​ໄດ້​ຖອກ​ເທ​ຫ່າຝົນ​ລົງ​ມາ​ສູ່​ໂລກ; ນໍ້າ​ໃນ​ບໍ່ ໃນ​ເຫວ ແລະ​ໃນ​ຫ້ວຍຮ່ອງ​ກໍໄດ້​ພຸ່ງ​ຂຶ້ນ;

ປະຖົມມະການ 7:11 Jak'a apnaqawi uñst'ayäwi

ປະຖົມມະການ 1:7

ພຣະ​ເຈົ້າ​ຈຶ່ງ​ຊົງ​ສ້າງ​ແຜ່ນ​ຟ້າ ແລະ​ແຍກ​ນໍ້າ​ອອກ​ຈາກ​ກັນ​ຄື: ນໍ້າ​ທີ່​ຢູ່​ເທິງ​ແຜ່ນ​ຟ້າ​ແລະ​ນໍ້າ​ທີ່​ຢູ່​ລຸ່ມ​ແຜ່ນ​ຟ້າ. ແລະ​ກໍ​ເປັນ​ດັ່ງນັ້ນ.

ປະຖົມມະການ 6:17

ເຮົາ​ຈະ​ເຮັດ​ໃຫ້​ມີ​ນໍ້າ​ຖ້ວມ​ເທິງ​ແຜ່ນດິນ​ໂລກ​ເພື່ອ​ທຳລາຍ​ທຸກສິ່ງ​ທີ່​ມີ​ຊີວິດ​ຢູ່. ທຸກໆ​ສິ່ງ​ເທິງ​ແຜ່ນດິນ​ໂລກ​ຈະ​ດັບສູນ​ໄປ

ປະຖົມມະການ 7:6

ເມື່ອ​ນໍ້າ​ຖ້ວມ​ໂລກ​ນັ້ນ ໂນອາ​ມີ​ອາຍຸ​ໄດ້ 600 ປີ.

ປະຖົມມະການ 8:14

ໃນ​ວັນ​ທີ​ຊາວເຈັດ​ຂອງ​ເດືອນ​ທີ​ສອງ ພື້ນດິນ​ຈຶ່ງ​ໄດ້​ແຫ້ງ​ໝົດ.

ປະຖົມມະການ 8:2

ຮູ​ນໍ້າ​ໃຕ້​ພື້ນດິນ ແລະ​ປ່ອງ​ນໍ້າ​ເທິງ​ຟ້າ​ສະຫວັນ ຖືກ​ອັດ​ໝົດ ຝົນ​ເຊົາ​ຕົກ

2 ກະສັດ 7:19

ກ່ຽວກັບ​ເລື່ອງນີ້​ນາຍ​ທະຫານ​ຈຶ່ງ​ຕອບ​ວ່າ, “ເຖິງ​ແມ່ນ​ວ່າ​ພຣະເຈົ້າຢາເວ​ຈະ​ເປີດ​ປ່ອງຢ້ຽມ​ແຫ່ງ​ຟ້າ​ສະຫວັນ​ໃຫ້ ສິ່ງນີ້​ຈະ​ເປັນ​ໄປໄດ້​ບໍ່?” ແລ້ວ​ເອລີຊາ​ກໍ​ຕອບ​ວ່າ, “ທ່ານ​ຈະ​ໄດ້​ເຫັນ​ເຫດການ​ເກີດຂຶ້ນ​ກັບຕາ​ຂອງທ່ານ​ເປັນແນ່ ແຕ່​ທ່ານ​ເອງ​ຈະ​ບໍ່ໄດ້​ກິນ.”

2 ກະສັດ 7:2

ນາຍ​ທະຫານ​ປະຈຳຕົວ​ຂອງ​ກະສັດ​ໄດ້​ເວົ້າ​ຕໍ່​ເອລີຊາ​ວ່າ, “ເຖິງ​ແມ່ນ​ວ່າ​ພຣະເຈົ້າຢາເວ​ຈະ​ເປີດ​ປ່ອງຢ້ຽມ​ແຫ່ງ​ຟ້າ​ສະຫວັນ​ໃຫ້ ສິ່ງນີ້​ຈະ​ເປັນ​ໄປໄດ້​ບໍ່?” ເອລີຊາ​ຕອບ​ວ່າ, “ທ່ານ​ຈະ​ໄດ້​ເຫັນ​ສິ່ງ​ນີ້​ເກີດຂຶ້ນ​ກັບຕາ​ຂອງທ່ານ​ເປັນແນ່ ແຕ່​ທ່ານ​ເອງ​ຈະ​ບໍ່ໄດ້​ກິນ.”

ພຣະທຳ​ໂຢບ 12:15

ເມື່ອ​ພຣະອົງ​ກັກ​ຝົນ ຄວາມ​ແຫ້ງ​ແລ້ງ​ກໍ​ມີ​ຂຶ້ນ; ເມື່ອ​ພຣະອົງ​ໃຫ້​ຝົນ​ລິນຫລັ່ງ ນໍ້າ​ຖ້ວມ​ກໍ​ມາ​ເຖິງ.

ພຣະທຳ​ໂຢບ 28:4

ໄກ​ຈາກ​ທີ່​ຄົນ​ຢູ່ ຫລື​ຕີນ​ຍ່າງຍ້າຍ​ໄປມາ ມະນຸດ​ຊອກຫາ​ບໍ່ແຮ່​ໂດຍ​ຂຸດ​ເປັນ​ທາງ​ລອດພື້ນ ທີ່ນັ້ນ ພວກເຂົາ​ເຮັດ​ວຽກ​ຢ່າງ​ໂດດດ່ຽວ​ປ່ຽວໃຈ ຕິດຫ້ອຍ​ຢູ່​ກັບ​ເຊືອກ​ທີ່​ຢ່ອນ​ພວກເຂົາ​ລົງ​ໃນ​ຫລຸມ​ນັ້ນ.

ພຣະທຳ​ໂຢບ 38:16

ເຈົ້າ​ເຄີຍ​ໄປ​ທີ່​ນໍ້າພຸ​ໃນ​ພື້ນ​ທະເລ​ເລິກ​ບໍ? ເຈົ້າ​ເຄີຍ​ຍ່າງ​ເທິງ​ໜ້າ​ນໍ້າ​ໃນ​ມະຫາສະໝຸດ​ຫລື​ບໍ່?

ພຣະທຳ​ໂຢບ 38:37

ຜູ້ໃດ​ແດ່​ມີ​ປັນຍາ ພໍ​ທີ່​ຈະ​ນັບ​ກ້ອນ​ເມກ​ໄດ້​ນໍ? ແລະ​ງ່ຽງ​ໄຫ​ນໍ້າ​ແຫ່ງ​ຟ້າ​ສະຫວັນ​ໄດ້?

ເພງ^ສັນລະເສີນ 33:7

ພຣະອົງ​ໄດ້​ໂຮມ​ທະເລ​ທຸກ​ແຫ່ງ​ໄວ້​ໃນ​ບ່ອນດຽວ ຂັງ​ມະຫາສະໝຸດ​ເລິກ​ໃນ​ບ່ອນ​ຂອງ​ມັນ​ນັ້ນ.

ເພງ^ສັນລະເສີນ 74:15

ພຣະອົງ​ໄດ້​ເຮັດ​ໃຫ້​ລຳນໍ້າ​ແລະ​ນໍ້າພຸ​ຫລັ່ງໄຫລ ພຣະອົງ​ເຮັດ​ໃຫ້​ແມ່ນໍ້າ​ບົກແຫ້ງ​ລົງ​ໄດ້.

ສຸພາສິດ 3:20

ດ້ວຍ​ຄວາມຮອບຄອບ​ຂອງ​ພຣະອົງ​ນັ້ນ ນໍ້າ​ບາດານ​ກໍ​ພຸ​ອອກ​ມາ ແລະ​ເມກ​ກໍ​ເຮັດ​ໃຫ້​ນໍ້າໝອກ ນໍ້າ​ຄ້າງ​ຕົກລົງ​ມາ.

ເອຊາຢາ 24:18

ຜູ້ໃດ​ທີ່​ຊອກຫາ​ປົບໜີ​ຈາກ​ຄວາມ​ຢ້ານກົວ​ອັນ​ໃຫຍ່​ນັ້ນ ກໍ​ຈະ​ຕົກລົງ​ໃນ​ຫລຸມ; ແລະ​ຜູ້ໃດ​ທີ່​ປົບໜີ​ຈາກ​ຫລຸມ​ກໍ​ຈະ​ຖືກ​ແຮ້ວ. ຫ່າຝົນ​ຈະ​ຕົກລົງ​ມາ​ຈາກ​ທ້ອງຟ້າ ແລະ​ຮາກຖານ​ຂອງ​ໂລກ​ກໍ​ຈະ​ສັ່ນ​ຄອນແຄນ​ໝົດ.

ເອຊາຢາ 24:19

ໂລກ​ຈະ​ແຕກ​ເປັນ​ປ່ຽງ​ແລະ​ຍະ​ອອກ.

ເຢເຣມີຢາ 5:22

ເຮົາ​ແມ່ນ​ພຣະເຈົ້າຢາເວ ເປັນຫຍັງ​ພວກເຈົ້າ​ຈຶ່ງ​ບໍ່​ຢຳເກງ​ເຮົາ? ເປັນຫຍັງ​ພວກເຈົ້າ​ຈຶ່ງ​ບໍ່​ຢ້ານກົວ​ຕົວສັ່ນ​ຕໍ່ໜ້າ​ເຮົາ? ເຮົາ​ເປັນ​ຜູ້​ຈັດສັນ​ດິນ​ຊາຍ​ໄວ້​ເປັນ​ເຂດ​ອ້ອມ​ທະເລ ເພື່ອ​ໃຫ້​ເປັນ​ເຄື່ອງ​ກີດກັ້ນ​ອັນ​ຖາວອນ​ບໍ່​ໃຫ້​ນໍ້າ​ທະເລ​ຜ່ານ​ໄປ​ໄດ້. ນໍ້າ​ທະເລ​ອາດ​ໂຍກຂຶ້ນ​ໂຍກລົງ ແຕ່​ກໍ​ເລີຍ​ຂອບເຂດ​ນັ້ນ​ໄປ​ບໍ່ໄດ້; ຄື້ນ​ທະເລ​ອາດ​ດັງ​ກ້ອງສະໜັ່ນ ແຕ່​ກໍ​ຜ່ານ​ໄປ​ບໍ່ໄດ້.

ເຢເຣມີຢາ 51:16

ໂດຍ​ພຣະ​ຄຳສັ່ງ ນໍ້າ​ທີ່​ເທິງ​ຟ້າ​ສະຫວັນ ດັງ​ຄຶກຄະນອງ ພຣະອົງ​ນຳ​ເມກ​ມາ​ຈາກ​ສົ້ນສຸດ​ແຜ່ນດິນ​ໂລກ. ພຣະອົງ​ໃຫ້​ມີ​ຟ້າ​ແມບເຫລື້ອມ​ທ່າມກາງ​ສາຍຝົນ ແລະ​ສົ່ງ​ລົມ​ໃຫ້​ພັດ​ມາ​ແຕ່​ຄັງ​ຂອງ​ພຣະອົງ​ນັ້ນ.

ເອເຊກຽນ 26:19

ແລ້ວ​ອົງພຣະ​ຜູ້​ເປັນເຈົ້າ ພຣະເຈົ້າ​ກໍ​ກ່າວ​ວ່າ: “ເຮົາ​ຈະ​ເຮັດ​ໃຫ້​ເຈົ້າ​ກາຍເປັນ​ດັ່ງ​ເມືອງ​ທີ່​ເປົ່າຫວ່າງ​ແລະ​ຮົກຮ້າງ​ເພພັງ​ທີ່​ບໍ່ມີ​ຜູ້ໃດ​ຢູ່​ອາໄສ. ເຮົາ​ຈະ​ໃຫ້​ນໍ້າ​ຈາກ​ມະຫາສະໝຸດ​ເລິກ​ໄຫລ​ມາ​ຖ້ວມ​ເຈົ້າ.

ມາລາກີ 3:10

ຈົ່ງ​ນຳ​ໜຶ່ງສ່ວນສິບ​ເຕັມ​ຈຳນວນ​ມາ​ທີ່​ວິຫານ​ຂອງເຮົາ ເພື່ອ​ວ່າ​ໃນ​ທີ່ນັ້ນ​ຈະ​ມີ​ອາຫານ​ຢ່າງ​ເຕັມ​ບໍຣິບູນ. ຈົ່ງ​ລອງ​ເຮັດ​ຢ່າງນັ້ນ​ກັບ​ເຮົາ​ເບິ່ງ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ ແລະ​ພວກເຈົ້າ​ຈະ​ເຫັນ​ວ່າ ເຮົາ​ຈະ​ໄຂ​ປະຕູ​ສະຫວັນ ແລະ​ຖອກເທ​ພຣະພອນ​ນາໆ​ຊະນິດ ຈົນ​ບໍ່ມີ​ຫ້ອງ​ໃສ່​ໄວ້​ໃນ​ເຮືອນ​ຂອງ​ພວກເຈົ້າ.

ມັດທາຍ 24:38

ກ່ອນ​ວັນ​ນໍ້າ​ໄດ້​ຖ້ວມ​ໂລກ​ນັ້ນ ປະຊາຊົນ​ໄດ້​ກິນ​ແລະ​ໄດ້​ດື່ມ ແລະ​ໄດ້​ເອົາ​ກັນ​ເປັນ​ຜົວ​ເປັນ​ເມຍ ຈົນເຖິງ​ວັນ​ທີ່​ໂນອາ​ໄດ້​ເຂົ້າ​ໄປ​ໃນ​ເຮືອ,

1 ເທສະໂລນິກ 5:3

ເມື່ອໃດ​ພວກເຂົາ​ເວົ້າ​ວ່າ, “ສະຫງົບສຸກ ແລະ​ປອດໄພ​ດີ​ແລ້ວ” ເມື່ອນັ້ນ​ແຫຼະ ຄວາມ​ພິນາດ​ຈິບຫາຍ​ຈະ​ມາ​ເຖິງ​ພວກເຂົາ​ໃນ​ທັນທີ ເໝືອນ​ດັ່ງ​ຄວາມ​ເຈັບປວດ​ມາ​ເຖິງ​ຍິງ​ທີ່​ມີ​ທ້ອງ ແລະ​ພວກເຂົາ​ຈະ​ໜີ​ບໍ່​ພົ້ນ​ເປັນ​ແນ່.

2 ເປໂຕ 3:6

ດ້ວຍ​ນໍ້າ​ນັ້ນ​ແຫຼະ ມະນຸດສະໂລກ​ໃນ​ສະໄໝ​ບູຮານ ຈຶ່ງ​ຖືກ​ທຳລາຍ​ດ້ວຍ​ນໍ້າ​ຖ້ວມ.