ປະຖົມມະການ 48:1 - ພຣະຄຳພີສັກສິ

¹ ຫລັງຈາກ​ນັ້ນ​ມາ​ບໍ່​ດົນນານ ກໍ​ມີ​ຄົນ​ມາ​ບອກ​ໂຢເຊັບ​ວ່າ​ພໍ່​ຂອງ​ເພິ່ນ​ເຈັບ​ໜັກ. ສະນັ້ນ ໂຢເຊັບ​ຈຶ່ງ​ພາ​ລູກຊາຍ​ທັງສອງ​ຂອງຕົນ​ຄື ມານາເຊ​ແລະ​ເອຟຣາອິມ ໄປ​ຫາ​ພໍ່​ຂອງຕົນ.

ປະຖົມມະການ 48:1 Jak'a apnaqawi uñst'ayäwi

ປະຖົມມະການ 46:20

ຢູ່​ໃນ​ປະເທດ​ເອຢິບ ໂຢເຊັບ​ມີ​ລູກຊາຍ​ສອງ​ຄົນ​ຊື່​ວ່າ ມານາເຊ​ແລະ​ເອຟຣາອິມ ທີ່​ໄດ້​ນຳ​ນາງ​ອາເສນາດ​ລູກສາວ​ຂອງ​ໂປຕີເຟຣາ​ປະໂຣຫິດ​ແຫ່ງ​ເມືອງ​ເຮລີໂອໂປລີ.

ປະຖົມມະການ 48:2

ເມື່ອ​ຢາໂຄບ​ຮູ້​ວ່າ​ໂຢເຊັບ​ລູກຊາຍ​ຂອງຕົນ​ມາ​ຢາມ ເພິ່ນ​ຈຶ່ງ​ຮວບຮວມ​ເຫື່ອແຮງ​ທັງໝົດ​ທີ່​ຕົນ​ມີ​ຢູ່ ລຸກ​ຂຶ້ນ​ນັ່ງ​ເທິງ​ຕຽງ.

ປະຖົມມະການ 48:5

ຢາໂຄບ​ກ່າວ​ຕໍ່ໄປ​ວ່າ, “ໂຢເຊັບ​ເອີຍ ລູກຊາຍ​ຂອງ​ເຈົ້າ​ສອງ​ຄົນ​ທີ່​ໄດ້​ເກີດ​ຢູ່​ໃນ​ປະເທດ​ເອຢິບ ກ່ອນ​ພໍ່​ມາ​ຢູ່​ນີ້​ເປັນ​ລູກ​ຂອງ​ພໍ່. ເອຟຣາອິມ​ແລະ​ມານາເຊ​ກໍ​ເທົ່າໆ​ກັບ​ຣູເບັນ​ແລະ​ຊີເມໂອນ.

ປະຖົມມະການ 50:23

ເພິ່ນ​ມີ​ຊີວິດ​ຢູ່​ຈົນ​ເຫັນ​ລູກ ແລະ​ຫລານ​ຂອງ​ເອຟຣາອິມ. ເພິ່ນ​ມີ​ຊີວິດ​ຢູ່​ຈົນ​ໄດ້​ຮັບ​ເອົາ​ລູກ​ຂອງ​ມາກີ ລູກຊາຍ​ຂອງ​ມານາເຊ​ເຂົ້າ​ໃນ​ຄອບຄົວ​ຄືກັນ.

2 ກະສັດ 13:14

ຜູ້ທຳນວາຍ​ເອລີຊາ​ໄດ້​ປ່ວຍ​ດ້ວຍ​ພະຍາດ​ອັນ​ຮ້າຍແຮງ. ໃນ​ຂະນະທີ່​ເພິ່ນ​ນອນ​ຄອຍ​ຂາດໃຈ​ຕາຍ​ຢູ່ນັ້ນ ເຈົ້າ​ເຢໂຮອາດ​ກະສັດ​ແຫ່ງ​ອິດສະຣາເອນ​ກໍ​ມາ​ຢ້ຽມ​ເພິ່ນ. ກະສັດ​ຮ້ອງໄຫ້ ແລະ​ທັງ​ເວົ້າ​ວ່າ, “ພໍ່ເອີຍ ພໍ່ເອີຍ ພໍ່​ຜູ້​ເປັນ​ກຳລັງ​ປ້ອງກັນ​ອັນ​ເຂັ້ມແຂງ​ຂອງ​ອິດສະຣາເອນ​ເອີຍ.”

2 ກະສັດ 13:20

ເອລີຊາ​ໄດ້​ຕາຍໄປ​ແລະ​ໄດ້​ຖືກ​ຝັງ​ໄວ້. ແຕ່ລະປີ ຊາວ​ໂມອາບ​ໄດ້​ບຸກລຸກ​ດິນແດນ​ຂອງ​ຊາດ​ອິດສະຣາເອນ.

ພຣະທຳ​ໂຢບ 42:16

ຫລັງຈາກ​ນັ້ນ​ມາ ໂຢບ​ກໍ​ມີ​ຊີວິດ​ຢູ່​ອີກ​ໜຶ່ງຮ້ອຍ​ສີ່ສິບ​ປີ ນານ​ພໍ​ເຫັນ​ຫລານ​ເຫຼັນ​ຂອງຕົນ.

ເພງ^ສັນລະເສີນ 128:6

ຂໍ​ໃຫ້​ເຈົ້າ​ມີ​ຊີວິດ​ຢູ່​ຢ່າງ​ຍືນຍາວ ຈົນ​ໄດ້​ເຫັນ​ລູກຫລານ​ເຫຼັນ​ຫລ້ອນ ຂໍ​ໃຫ້​ສັນຕິສຸກ​ຈົ່ງ​ມີ​ແກ່​ຊາດ​ອິດສະຣາເອນ​ເທີ້ນ.

ໂຢຮັນ 11:3

ທັງສອງ​ເອື້ອຍ​ນ້ອງ​ໄດ້​ໃຊ້​ຄົນ​ໄປ​ບອກ​ພຣະເຢຊູເຈົ້າ​ວ່າ, “ພຣະອົງເຈົ້າ​ເອີຍ ເພື່ອນ​ທີ່​ພຣະອົງ​ຮັກ​ນັ້ນ​ກຳລັງ​ປ່ວຍ​ຢູ່.”

ເຮັບເຣີ 11:21

ເພາະ​ຢາໂຄບ​ມີ​ຄວາມເຊື່ອ​ແບບ​ນີ້ ຈຶ່ງ​ໄດ້​ອວຍພອນ​ລູກຊາຍ​ຂອງ​ໂຢເຊັບ ແຕ່ລະຄົນ​ກ່ອນ​ເພິ່ນ​ຈະ​ຕາຍ ເພິ່ນ​ໝູບ​ລົງ​ເໜືອ​ຍອດ​ໄມ້ເທົ້າ​ຂອງຕົນ ແລະ​ນະມັດສະການ​ພຣະເຈົ້າ.

ໂຢຊວຍ 14:4

ແຕ່​ພວກເຂົາ​ໄດ້​ຮັບ​ເມືອງ​ຕ່າງໆ​ອາໄສ​ຢູ່ ລວມທັງ​ທົ່ງ​ສຳລັບ​ລ້ຽງ​ຝູງງົວ​ແລະ​ຝູງແກະ​ຂອງ​ພວກເຂົາ.