ປະຖົມມະການ 4:11 - ພຣະຄຳພີສັກສິ

¹¹ ເຈົ້າ​ຈະ​ຖືກ​ສາບແຊ່ງ ແລະ​ຖືກ​ຂັບໄລ່​ໃຫ້​ອອກ​ຈາກ​ທົ່ງນາ​ແຫ່ງ​ນີ້. ມັນ​ຊຸ່ມ​ໄປ​ດ້ວຍ​ເລືອດ​ນ້ອງຊາຍ​ຂອງ​ເຈົ້າ ເໝືອນ​ກັບ​ວ່າ​ພື້ນດິນ​ນັ້ນ​ອ້າ​ປາກ​ຮັບ​ເລືອດ​ຈາກ​ມື​ຂອງ​ເຈົ້າ ເມື່ອ​ຂ້າ​ນ້ອງຊາຍ​ນັ້ນ.

ປະຖົມມະການ 4:11 Jak'a apnaqawi uñst'ayäwi

ປະຖົມມະການ 3:14

ແລ້ວ​ພຣະເຈົ້າຢາເວ​ພຣະເຈົ້າ​ກໍໄດ້​ກ່າວ​ແກ່​ງູ​ນັ້ນ​ວ່າ, “ດ້ວຍວ່າ ມຶງ​ໄດ້​ເຮັດ​ສິ່ງ​ນີ້ ມຶງ​ຈຶ່ງ​ຖືກ​ສາບແຊ່ງ, ໃນ​ຈຳພວກ​ສັດ​ແຫ່ງ​ໂລກ​ນີ້​ທັງໝົດ. ແຕ່​ນີ້​ຕໍ່ໄປ​ມຶງ​ຈະ​ເລືອ​ດ້ວຍ​ທ້ອງ​ຂອງ​ມຶງ ແລະ​ຈະ​ໄດ້​ກິນ​ຂີ້ຝຸ່ນ​ດິນ​ເປັນ​ອາຫານ​ໄປ​ເລື້ອຍໆ.

ປະຖົມມະການ 4:14

ພຣະອົງ​ໄລ່​ຂ້ານ້ອຍ​ໃຫ້​ໜີ​ຈາກ​ບ່ອນ​ທີ່​ທຳມາ​ຫາກິນ ແລະ​ໃຫ້​ຫ່າງໄກ​ຈາກ​ພຣະອົງ. ຂ້ານ້ອຍ​ຈະ​ເປັນ​ຄົນ​ຂາດ​ທີ່​ເພິ່ງ ແລະ​ພະເນຈອນ​ໄປ​ເທິງ​ແຜ່ນດິນ​ໂລກ ແລະ​ຜູ້ໃດ​ຜູ້ໜຶ່ງ​ທີ່​ພົບ​ຂ້ານ້ອຍ ກໍ​ຈະ​ສັງຫານ​ຂ້ານ້ອຍ​ເສຍ.”

ປະຖົມມະການ 5:29

ແລະ​ລາວ​ເວົ້າ​ວ່າ, “ເດັກນ້ອຍ​ຜູ້​ນີ້​ຈະ​ເລົ້າໂລມ​ພວກເຮົາ​ໃຫ້​ຫາຍ​ຄວາມ​ອິດເມື່ອຍ​ຈາກ​ວຽກງານ​ໜັກ ເນື່ອງ​ຈາກ​ພຣະເຈົ້າຢາເວ​ໄດ້​ສາບແຊ່ງ​ດິນ.” ສະນັ້ນ ເພິ່ນ​ຈຶ່ງ​ໃສ່​ຊື່​ເດັກນ້ອຍ​ນີ້​ວ່າ ໂນອາ.

ພຣະທຳ​ໂຢບ 16:18

ໂອ ແຜ່ນດິນ​ເອີຍ ຢ່າ​ປົກປິດ​ຄວາມຜິດ​ທີ່​ເຮັດ​ຕໍ່​ຂ້ອຍ​ເດີ ຢ່າ​ໃຫ້​ສຽງ​ຮ້ອງຂໍ​ຄວາມ​ເປັນທຳ​ມິດຫາຍ​ໄປຈ້ອຍ

ເອຊາຢາ 26:21

ພຣະເຈົ້າຢາເວ​ກຳລັງ​ມາ​ແຕ່​ບ່ອນ​ທີ່​ພຣະອົງ​ສະຖິດ​ຢູ່ ເພື່ອ​ລົງໂທດ​ປະຊາກອນ​ໃນ​ໂລກນີ້ ເພາະ​ບາບ​ທີ່​ພວກເຂົາ​ໄດ້​ເຮັດ. ຄາດຕະກອນ​ທີ່​ໄດ້​ຂ້າ​ຄົນ​ຢ່າງ​ລັບລີ້​ຈະ​ຖືກ​ເປີດເຜີຍ ແລະ​ພື້ນດິນ​ກໍ​ຈະ​ບໍ່​ເຊື່ອງຊ້ອນ​ຊາກສົບ​ຂອງ​ຜູ້​ທີ່​ໄດ້​ຖືກ​ຂ້າ​ອີກ​ຕໍ່ໄປ.

ຄາລາເຕຍ 3:10

ດ້ວຍວ່າ, ທຸກຄົນ​ທີ່​ອາໄສ​ການ​ປະຕິບັດ​ຕາມ​ກົດບັນຍັດ ກໍ​ຢູ່​ໃຕ້​ຄຳສາບແຊ່ງ ຕາມ​ທີ່​ມີ​ຄຳ​ຂຽນ​ໄວ້​ແລ້ວ​ວ່າ, “ຜູ້ໃດ​ກໍຕາມ​ທີ່​ບໍ່ໄດ້​ປະຕິບັດ​ຕາມ​ທຸກ​ຂໍ້ ທີ່​ຂຽນ​ໄວ້​ໃນ​ກົດບັນຍັດ ກໍ​ຢູ່​ໃຕ້​ຄຳສາບແຊ່ງ”

ພຣະນິມິດ 12:16

ແຕ່​ແຜ່ນດິນ​ໂລກ​ໄດ້​ຊ່ວຍ​ນາງ​ໄວ້ ດ້ວຍ​ການ​ຍະ​ອອກ​ກືນ​ກິນ​ນໍ້າ ທີ່​ພະຍານາກ​ໄດ້​ໃຊ້​ປາກ​ພົ່ນ​ອອກ​ມາ​ນັ້ນ.