ປະຖົມມະການ 39:4 - ພຣະຄຳພີສັກສິ

⁴ ໂປຕີຟາ​ພໍໃຈ​ກັບ​ວຽກງານ​ທີ່​ໂຢເຊັບ​ໄດ້​ເຮັດ ແລະ​ແຕ່ງຕັ້ງ​ລາວ​ໃຫ້​ເປັນ​ຄົນ​ຮັບໃຊ້​ປະຈຳ​ຕົນ; ສະນັ້ນ ເພິ່ນ​ຈຶ່ງ​ມອບ​ທຸກໆ​ສິ່ງ​ທີ່​ເພິ່ນ​ມີ ໃຫ້​ໂຢເຊັບ​ເປັນ​ຜູ້​ເບິ່ງແຍງ​ແລະ​ຮັບຜິດຊອບ​ແທນ​ຕົນ.

ປະຖົມມະການ 39:4 Jak'a apnaqawi uñst'ayäwi

ປະຖົມມະການ 15:2

ແຕ່​ອັບຣາມ​ໄດ້​ຕອບ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ພຣະອົງ​ຢາກ​ໃຫ້​ບຳເໜັດ​ແກ່​ຂ້ານ້ອຍ​ເຮັດ​ຫຍັງ​ໃນ​ເມື່ອ​ຂ້ານ້ອຍ​ບໍ່ມີ​ລູກ? ຜູ້​ທີ່​ຈະ​ສືບ​ມໍຣະດົກ​ແທນ​ຂ້ານ້ອຍ​ກໍ​ແມ່ນ​ເອລີເອເຊ ຊາວ​ດາມັສກັດ.

ປະຖົມມະການ 18:3

ເພິ່ນ​ກົ້ມ​ຂາບລົງ​ແລະ​ກ່າວ​ວ່າ, “ທ່ານເອີຍ ກ່ອນ​ຈະ​ໄປ​ທີ່​ອື່ນ ເຊີນແວ່​ບ້ານ​ຂອງ​ຂ້ານ້ອຍ​ເທາະ ຂ້ານ້ອຍ​ຍິນດີ​ຈະ​ຮັບໃຊ້​ພວກທ່ານ.

ປະຖົມມະການ 19:19

ການ​ທີ່​ທ່ານ​ຊ່ວຍ​ຊີວິດ​ພວກ​ຂ້ານ້ອຍ​ໄວ້ ກໍ​ເປັນ​ຄວາມ​ເມດຕາ​ອັນ​ໃຫຍ່ຫລວງ​ຢູ່​ແລ້ວ. ແຕ່​ເນີນພູ​ນັ້ນ​ຢູ່​ໄກ​ຫລາຍ. ໄພພິບັດ​ອາດ​ຕາມ​ມາ​ທັນ​ຂ້ານ້ອຍ​ກໍໄດ້ ແລະ​ຂ້ານ້ອຍ​ຈະ​ຕາຍ​ກ່ອນ​ຈະ​ໄປ​ເຖິງ​ທີ່​ນັ້ນ.

ປະຖົມມະການ 24:2

ເພິ່ນ​ເວົ້າ​ກັບ​ຄົນ​ຮັບໃຊ້​ຜູ້​ອາວຸໂສ ທີ່​ຮັບຜິດຊອບ​ຊັບສົມບັດ​ທັງໝົດ​ຂອງຕົນ​ວ່າ, “ຈົ່ງ​ວາງ​ມື​ໃສ່​ວ່າງ​ຂາ​ຂອງຂ້ອຍ ແລະ​ສາບານ​ສາ.

ປະຖົມມະການ 32:5

ຂ້ານ້ອຍ​ມີ​ຝູງງົວ, ຝູງ​ລໍ, ຝູງແບ້ ແລະ​ຝູງແກະ​ພ້ອມ​ທັງ​ຄົນ​ຮັບໃຊ້​ຊາຍ​ຍິງ​ຢ່າງ​ຫລວງຫລາຍ. ດັ່ງນັ້ນ ຈຶ່ງ​ໄດ້​ໃຊ້​ຄົນ​ມາ​ຄຳນັບ​ທ່ານ ໂດຍ​ຫວັງ​ວ່າ​ທ່ານ​ຈະ​ໃຫ້​ຄວາມ​ເຫັນອົກ​ເຫັນໃຈ.”

ປະຖົມມະການ 33:10

ຢາໂຄບ​ເວົ້າ​ວ່າ, “ບໍ່ແມ່ນ​ຢ່າງ​ນັ້ນ ຖ້າ​ອ້າຍ​ກະລຸນາ​ນ້ອງ​ແລ້ວ ຈົ່ງ​ຮັບ​ເອົາ​ຂອງຕ້ອນ​ນີ້​ເຖີດ. ເຫັນ​ໜ້າ​ອ້າຍ​ກໍ​ເທົ່າ​ກັບ​ໄດ້​ເຫັນ​ໜ້າ​ພຣະເຈົ້າ ດຽວ​ນີ້​ອ້າຍ​ດີ​ຕໍ່​ນ້ອງ​ແທ້ໆ.

ປະຖົມມະການ 33:8

ເອຊາວ​ຈຶ່ງ​ຖາມ​ວ່າ, “ຖ້າດັ່ງນັ້ນ ໝວດ​ທີ່​ອ້າຍ​ພົບ​ມາ​ກ່ອນ​ຫັ້ນ​ເດ ແມ່ນ​ພວກ​ໃດ?” ຢາໂຄບ​ຕອບ​ວ່າ, “ພວກ​ນັ້ນ​ແມ່ນ​ນ້ອງ​ໄດ້​ສົ່ງ​ໄປ​ຂໍ​ຄວາມ​ກະລຸນາ​ຈາກ​ອ້າຍ.”

ປະຖົມມະການ 39:8

ໂຢເຊັບ​ປະຕິເສດ ແລະ​ຕອບ​ນາງ​ວ່າ, “ເບິ່ງດູ ນາຍ​ຂອງຂ້ອຍ​ບໍ່​ກັງວົນ​ສົນໃຈ​ນຳ​ສິ່ງໃດ​ເລີຍ​ຢູ່​ໃນ​ເຮືອນ​ນີ້ ຍ້ອນ​ເພິ່ນ​ໄວ້ເນື້ອ​ເຊື່ອໃຈ​ຂ້ອຍ. ເພິ່ນ​ໃຫ້​ຂ້ອຍ​ຮັບຜິດຊອບ​ທຸກໆ​ສິ່ງ​ທີ່​ເພິ່ນ​ມີ.

1 ກະສັດ 16:9

ແຕ່​ວ່າ​ຊິມຣີ ນາຍ​ທະຫານ​ຄົນ​ໜຶ່ງ​ທີ່​ເປັນ​ຜູ້​ຄວບຄຸມ​ລົດຮົບ​ໄດ້​ວາງ​ອຸບາຍ​ຕໍ່ສູ້​ເພິ່ນ. ໃນ​ມື້​ໜຶ່ງ​ທີ່​ນະຄອນ​ຕີຣະຊາ ກະສັດ​ເອລາ​ພວມ​ນັ່ງ​ດື່ມ​ເຫຼົ້າ​ຈົນ​ເມົາ​ຢູ່​ໃນ​ເຮືອນ​ຂອງ​ອາຣະຊາ ຜູ້ເບິ່ງແຍງ​ຮັກສາ​ວັງ.

ເອສະເທີ 2:9

ເຮໄກ​ພໍໃຈ​ໃນ​ຕົວ​ນາງ​ເອສະເທີ ແລະ​ໃຫ້​ຄວາມ​ກະລຸນາ​ແກ່​ນາງ. ເຮໄກ​ຈຶ່ງ​ເລີ່ມ​ຕົບແຕ່ງ​ຄວາມງາມ​ຂອງ​ນາງ​ໂດຍ​ການ​ນວດ​ຮ່າງກາຍ ແລະ​ໃຫ້​ນາງ​ກິນ​ອາຫານ​ພິເສດ. ລາວ​ໃຫ້​ນາງ​ຢູ່​ໃນ​ບ່ອນ​ດີທີ່ສຸດ​ໃນ​ໂຮງ​ຂອງ​ພວກ​ນາງ​ສະໜົມ ແລະ​ແຕ່ງຕັ້ງ​ຜູ້ຍິງ​ເຈັດ​ຄົນ​ເປັນ​ພິເສດ​ຈາກ​ວັງ​ໃຫ້​ເປັນ​ຜູ້ຮັບໃຊ້​ນາງ.

ສຸພາສິດ 14:35

ກະສັດ​ພໍໃຈ​ນຳ​ຂ້າຣາຊການ​ທີ່​ມີ​ຄວາມ​ສາມາດ, ແຕ່​ຜູ້​ທີ່​ຫລົ້ມເຫລວ​ຈະ​ຖືກ​ລົງໂທດ.

ສຸພາສິດ 16:7

ເມື່ອ​ເຈົ້າ​ເຮັດ​ໃຫ້​ພຣະເຈົ້າຢາເວ​ພໍໃຈ​ເຈົ້າ​ກໍ​ເຮັດ​ໃຫ້ ສັດຕູ​ກາຍເປັນ​ມິດ.

ສຸພາສິດ 17:2

ຄົນ​ຮັບໃຊ້​ຜູ້​ສະຫລາດ​ມີ​ສິດ​ເໜືອ​ລູກ​ທີ່​ໄຮ້​ຄ່າ​ຂອງ​ນາຍ ແລະ​ທັງ​ຮັບ​ສ່ວນແບ່ງ​ແຫ່ງ​ມູນ​ມໍຣະດົກ​ຢູ່​ໃນ​ຄອບຄົວ​ດ້ວຍ.

ສຸພາສິດ 22:29

ຈົ່ງ​ນຳ​ເອົາ​ຄົນ​ທີ່​ເຮັດ​ວຽກ​ດີ​ມາ​ໃຫ້​ຂ້ອຍ​ເບິ່ງ ແລະ​ຂ້ອຍ​ຈະ​ໃຫ້​ເຈົ້າ​ເຫັນ​ຜູ້​ທີ່​ເຮັດ​ວຽກ​ດີ​ຍອດຢ້ຽມ ແລະ​ສົມ​ທີ່​ຈະ​ເປັນ​ເພື່ອນ​ຂອງ​ບັນດາ​ກະສັດ.

ສຸພາສິດ 27:18

ຜູ້​ທີ່​ບົວລະບັດ​ຕົ້ນ​ໝາກເດື່ອເທດ ກໍ​ຈະ​ໄດ້​ກິນ​ໝາກ​ຂອງ​ມັນ. ຄົນ​ຮັບໃຊ້​ທີ່​ບົວລະບັດ​ນາຍ​ຂອງຕົນ​ກໍ​ຈະ​ໄດ້​ຮັບ​ກຽດ.

ສຸພາສິດ 3:4

ຖ້າ​ເຈົ້າ​ເຮັດ​ເຊັ່ນນີ້ ທັງ​ພຣະເຈົ້າ​ແລະ​ມະນຸດ​ກໍ​ຈະ​ພໍໃຈ​ນຳ.

ກິດຈະການ 20:28

ທ່ານ​ທັງຫລາຍ ຈົ່ງ​ລະວັງ​ຕົວເອງ​ໃຫ້​ດີ ແລະ​ເຝົ້າ​ຮັກສາ​ຝູງແກະ ທີ່​ພຣະວິນຍານ​ບໍຣິສຸດເຈົ້າ​ໄດ້​ມອບ​ໄວ້​ໃຫ້​ພວກທ່ານ​ເປັນ​ຜູ້​ດູແລ, ຈົ່ງ​ບຳລຸງ​ລ້ຽງ​ຄຣິສຕະຈັກ​ຂອງ​ພຣະເຈົ້າ ທີ່​ພຣະອົງ​ເປັນ​ເຈົ້າ​ຂອງ ໂດຍ​ພຣະບຸດ​ໄດ້​ຊົງ​ໄຖ່​ມາ​ດ້ວຍ​ພຣະ​ໂລຫິດ​ຂອງ​ພຣະອົງ​ເອງ.

ນາງຣຸດ 2:6

ຫົວໜ້າ​ຄົນງານ​ຕອບ​ວ່າ, “ເປັນ​ຍິງສາວ​ຈາກ​ໂມອາບ​ທີ່​ໄດ້​ຄືນ​ມາ​ກັບ​ນາງ​ນາໂອມີ.

1 ຊາມູເອນ 16:22

ແລ້ວ​ກະສັດ​ໂຊນ​ກໍ​ສັ່ງ​ຄວາມ​ໄປ​ບອກ​ເຢຊີ​ວ່າ, “ເຮົາ​ພໍໃຈ​ນຳ​ດາວິດ​ຫລາຍ ຂໍ​ໃຫ້​ລາວ​ຢູ່​ຮັບໃຊ້​ເຮົາ​ໃນ​ທີ່​ນີ້​ສາ.”

1 ຊາມູເອນ 2:26

ເດັກຊາຍ​ຊາມູເອນ​ສືບຕໍ່​ເຕີບ​ໃຫຍ່​ຂຶ້ນ ທັງ​ໄດ້​ຮັບ​ຄວາມ​ພໍໃຈ​ຈາກ​ພຣະເຈົ້າຢາເວ​ແລະ​ມະນຸດ.