ປະຖົມມະການ 3:12 - ພຣະຄຳພີສັກສິ

¹² ຜູ້ຊາຍ​ຕອບ​ວ່າ, “ຜູ້ຍິງ​ທີ່​ພຣະອົງ​ມອບ​ໃຫ້​ຂ້ານ້ອຍ​ນັ້ນ ຍື່ນ​ໝາກໄມ້​ໃຫ້​ຂ້ານ້ອຍ​ກິນ ແລະ​ຂ້ານ້ອຍ​ກໍໄດ້​ກິນ.”

ປະຖົມມະການ 3:12 Jak'a apnaqawi uñst'ayäwi

ປະຖົມມະການ 2:18

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ກ່າວ​ອີກ​ວ່າ, “ບໍ່​ເປັນ​ການ​ສົມຄວນ​ທີ່​ຜູ້ຊາຍ​ຕ້ອງ​ຢູ່​ໂດດດ່ຽວ​ຢ່າງ​ນີ້. ເຮົາ​ຈະ​ສ້າງ​ຜູ້​ຊ່ວຍ​ທີ່​ເໝາະສົມ​ໃຫ້​ລາວ.”

ປະຖົມມະການ 2:20

ສະນັ້ນ ຊາຍ​ຜູ້​ນີ້​ຈຶ່ງ​ຕັ້ງ​ຊື່​ໃຫ້​ສັດ​ລ້ຽງ​ທັງຫລາຍ​ແລະ​ຝູງ​ນົກ​ໃນ​ອາກາດ ແລະ​ໃຫ້​ສັດປ່າ​ທັງໝົດ; ແຕ່​ບໍ່ມີ​ສັດ​ໂຕ​ໃດ​ເລີຍ​ເປັນ​ຜູ້​ຊ່ວຍ​ທີ່​ເໝາະສົມ​ແກ່​ລາວ.

ປະຖົມມະການ 2:22

ພຣະເຈົ້າຢາເວ​ພຣະເຈົ້າ​ເອົາ​ກະດູກ​ຂ້າງ​ມາ​ສ້າງ​ເປັນ​ຜູ້ຍິງ ແລະ​ນຳ​ນາງ​ມາ​ມອບ​ໃຫ້​ລາວ.

ປະຖົມມະການ 3:11

ພຣະອົງ​ຖາມ​ວ່າ, “ໃຜ​ບອກ​ວ່າ​ເຈົ້າ​ປະເປືອຍ​ຢູ່? ບໍ່ແມ່ນ​ເຈົ້າ​ກິນ​ໝາກໄມ້ ທີ່​ເຮົາ​ໄດ້​ຫ້າມ​ເຈົ້າ​ບໍ່​ໃຫ້​ກິນ​ນັ້ນ​ບໍ?”

ພຣະທຳ​ໂຢບ 31:33

ຄົນອື່ນ​ນັ້ນ ພະຍາຍາມ​ເຊື່ອງຊ້ອນ​ບາບ​ຕົນເອງ ແຕ່​ຂ້ອຍ​ບໍ່ເຄີຍ​ປິດບັງ​ບາບ​ຂອງຂ້ອຍ​ຈັກເທື່ອ.

ສຸພາສິດ 19:3

ບາງຄົນ​ເຮັດ​ສິ່ງ​ໂງ່ງ່າວ​ກໍ​ທຳລາຍ​ຕົນເອງ ແລ້ວ​ກໍ​ເປັ່ງ​ສຽງ​ກ່າວຫາ​ພຣະເຈົ້າຢາເວ.

ສຸພາສິດ 28:13

ຜູ້​ທີ່​ຊ້ອນເຊື່ອງ​ບາບກຳ​ໄວ້ ຊີວິດ​ຈະ​ບໍ່​ຈະເລີນ​ຮຸ່ງເຮືອງ. ຜູ້​ທີ່​ສາລະພາບ​ບາບກຳ​ຂອງຕົນ ພຣະເຈົ້າ​ຈະ​ເມດຕາ​ຜູ້ນັ້ນ.

ລູກາ 10:29

ແຕ່​ທຳບັນດິດ​ຄົນ​ນັ້ນ ຢາກ​ສະແດງ​ວ່າ​ຕົນ​ເປັນ​ຄົນ​ສິນທຳ ຈຶ່ງ​ຖາມ​ພຣະເຢຊູເຈົ້າ​ຕື່ມ​ວ່າ, “ແມ່ນ​ຜູ້ໃດ​ເປັນ​ເພື່ອນບ້ານ​ຂອງ​ຂ້ານ້ອຍ?”

ໂຣມ 10:3

ເພາະ​ພວກເຂົາ​ບໍ່ໄດ້​ຮູ້ຈັກ​ຄວາມ​ຊອບທຳ ຊຶ່ງ​ພຣະເຈົ້າ​ປະທານ​ໃຫ້ ແຕ່​ພວກເຂົາ​ໄດ້​ພະຍາຍາມ​ຕັ້ງ​ຄວາມ​ຊອບທຳ​ຂອງ​ພວກເຂົາ​ເອງ​ແທນ, ພວກເຂົາ​ຈຶ່ງ​ບໍ່​ຍອມ​ຢູ່​ໃຕ້​ຄວາມ​ຊອບທຳ​ທີ່​ມາ​ຈາກ​ພຣະເຈົ້າ.

1 ຊາມູເອນ 15:15

ກະສັດ​ໂຊນ​ຕອບ​ວ່າ, “ຄົນ​ຂອງ​ຂ້າພະເຈົ້າ​ໄດ້​ສັດ​ເຫຼົ່ານັ້ນ​ມາ​ຈາກ​ຊາວ​ອາມາເຫຼັກ. ພວກເຂົາ​ໄດ້​ເອົາ​ແກະ​ແລະ​ງົວ​ໂຕ​ດີທີ່ສຸດ​ໄວ້ ເພື່ອ​ເປັນ​ເຄື່ອງ​ບູຊາ​ຖວາຍ​ແກ່​ພຣະເຈົ້າຢາເວ ພຣະເຈົ້າ​ຂອງທ່ານ ແລະ​ສ່ວນ​ທີ່​ເຫຼືອ​ນັ້ນ ພວກເຮົາ​ໄດ້​ທຳລາຍ​ຖິ້ມ​ໝົດ.”