ປະຖົມມະການ 27:1 - ພຣະຄຳພີສັກສິ

¹ ອີຊາກ​ເຖົ້າແກ່​ຫລາຍ ແລະ​ສາຍ​ຕາ​ກໍ​ມືດມົວ​ລົງ. ເພິ່ນ​ເອີ້ນ​ເອຊາວ​ລູກຊາຍກົກ​ມາ ແລະ​ເວົ້າ​ວ່າ, “ລູກເອີຍ” ລາວ​ຕອບ​ວ່າ, “ໂດຍ ລູກ​ກຳລັງ​ຟັງ​ຢູ່.”

ປະຖົມມະການ 27:1 Jak'a apnaqawi uñst'ayäwi

ປະຖົມມະການ 25:33

ຢາໂຄບ​ຈຶ່ງ​ຕອບ​ວ່າ, “ສາບານ​ກ່ອນ​ແມ​ວ່າ ເຈົ້າ​ຈະ​ມອບ​ສິດ​ອ້າຍກົກ​ໃຫ້​ຂ້ອຍ.” ເອຊາວ​ຈຶ່ງ​ສາບານ ແລະ​ຂາຍ​ສິດ​ອ້າຍກົກ​ຂອງຕົນ​ໃຫ້​ຢາໂຄບ.

ປະຖົມມະການ 48:10

ສາຍຕາ​ຂອງ​ຢາໂຄບ​ອ່ອນ​ລົງ​ຫລາຍ ຍ້ອນ​ຄວາມ​ຊະລາ​ແລະ​ບໍ່​ເຫັນ​ຮຸ່ງ​ຄັກ. ເມື່ອ​ໂຢເຊັບ​ນຳ​ພວກເຂົາ​ເຂົ້າ​ມາ ເພິ່ນ​ຈຶ່ງ​ກອດ​ແລະ​ຈູບ​ພວກເຂົາ.

1 ກະສັດ 14:4

ດັ່ງນັ້ນ ຜູ້​ເປັນ​ເມຍ​ຈຶ່ງ​ໄປ​ຫາ​ອາຮີຢາ​ທີ່​ເມືອງ​ຊີໂລ. ສ່ວນ​ອາຮີຢາ​ກໍ​ເຖົ້າແກ່​ຫລາຍ​ຈົນ​ຕາ​ບໍ່​ເຫັນ​ຮຸ່ງ.

ປັນຍາຈານ 12:3

ແລ້ວ​ແຂນ​ທີ່​ປົກປ້ອງ​ເຈົ້າ​ກໍ​ຈະ​ສັ່ນເຊັນ ແລະ​ຂາ​ທີ່​ດຽວ​ນີ້​ຍັງ​ແຂງແຮງ​ຢູ່​ກໍ​ຈະ​ອ່ອນເພຍ​ລົງ. ແຂ້ວ​ທີ່​ເຈົ້າ​ໃຊ້​ຫຍໍ້າ​ອາຫານ​ກໍ​ຈະ​ຍັງ​ມີ​ໜ້ອຍດຽວ ແລະ​ຕາ​ກໍ​ຈະ​ມົວ​ລົງ​ເຫັນ​ບໍ່​ແຈ້ງ.

ໂຢຮັນ 9:3

ພຣະເຢຊູເຈົ້າ​ຊົງ​ຕອບ​ວ່າ, “ບໍ່ແມ່ນ​ຍ້ອນ​ການບາບ​ຂອງ​ລາວ ຫລື​ບາບກຳ​ຂອງ​ພໍ່ແມ່​ລາວ ລາວ​ຕາບອດ​ເພື່ອ​ໃຫ້​ພາລະກິດ​ຂອງ​ພຣະເຈົ້າ​ສຳແດງ​ໃນ​ຕົວ​ລາວ.

ພຣະບັນຍັດສອງ 34:7

ເມື່ອ​ໂມເຊ​ຕາຍ​ນັ້ນ ເພິ່ນ​ມີ​ອາຍຸ​ໄດ້ 120 ປີ ທັງ​ຍັງ​ແຂງແຮງ​ດີ ແລະ​ຕາ​ກໍ​ຍັງ​ເຫັນ​ຮຸ່ງ​ຢູ່.

1 ຊາມູເອນ 3:2

ໃນຄືນໜຶ່ງ ເອລີ​ຜູ້​ທີ່​ເກືອບ​ບໍ່​ເຫັນ​ຮຸ່ງ​ແລ້ວ ພວມ​ນອນ​ຫລັບ​ຢູ່​ໃນ​ຫ້ອງ​ສ່ວນຕົວ​ຂອງ​ເພິ່ນ