ປະຖົມມະການ 26:12 - ພຣະຄຳພີສັກສິ

¹² ອີຊາກ​ເຮັດ​ນາ​ໃນ​ປະເທດ​ນີ້ ແລະ​ໃນ​ປີ​ນັ້ນ​ເອງ ເພິ່ນ​ເກັບກ່ຽວ​ເຂົ້າ​ໄດ້​ຮ້ອຍ​ເທົ່າ​ໃນ​ຈຳນວນ​ເຂົ້າ​ທີ່​ເພາະ​ປູກ ເພາະ​ພຣະເຈົ້າຢາເວ​ອວຍພອນ​ເພິ່ນ.

ປະຖົມມະການ 26:12 Jak'a apnaqawi uñst'ayäwi

ປະຖົມມະການ 24:1

ມາບັດນີ້ ອັບຣາຮາມ​ກໍ​ເຖົ້າແກ່​ແລະ​ມີ​ອາຍຸ​ສູງ​ຫລາຍ​ແລ້ວ; ແລະ​ພຣະເຈົ້າຢາເວ​ໄດ້​ອວຍພອນ​ວຽກງານ​ທຸກຢ່າງ​ທີ່​ເພິ່ນ​ໄດ້​ເຮັດ.

ປະຖົມມະການ 24:35

ພຣະເຈົ້າຢາເວ​ໄດ້​ອວຍພອນ​ນາຍ​ຂອງຂ້ອຍ​ຢ່າງ​ຫລວງຫລາຍ. ສະນັ້ນ ເພິ່ນ​ຈຶ່ງ​ກາຍເປັນ​ຄົນ​ຮັ່ງມີ. ພຣະອົງ​ໂຜດ​ໃຫ້​ເພິ່ນ​ມີ​ຝູງແກະ, ຝູງແບ້, ຝູງງົວ, ຝູງ​ລໍ ແລະ​ຝູງ​ອູດ ທັງ​ມີ​ເງິນຄຳ​ແລະ​ຄົນ​ຮັບໃຊ້​ຊາຍ​ຍິງ​ຢ່າງ​ຫຼວງຫລາຍ.

ປະຖົມມະການ 25:11

ຫລັງຈາກ​ອັບຣາຮາມ​ໄດ້​ຕາຍໄປ​ແລ້ວ ພຣະເຈົ້າ​ໄດ້​ອວຍພອນ​ອີຊາກ​ລູກຊາຍ​ຂອງ​ເພິ່ນ ຜູ້​ທີ່​ອາໄສ​ຢູ່​ໃກ້ “ນໍ້າສ້າງ​ຂອງ​ພຣະເຈົ້າ​ຜູ້​ເຫັນ​ຂ້ອຍ.”

ປະຖົມມະການ 26:29

ພວກເຮົາ​ປະສົງ​ຢາກ​ໃຫ້​ເຈົ້າ​ສັນຍາ​ວ່າ​ຈະ​ບໍ່​ທຳຮ້າຍ​ພວກເຮົາ ດັ່ງ​ທີ່​ພວກເຮົາ​ບໍ່ໄດ້​ທຳຮ້າຍ​ເຈົ້າ. ພວກເຮົາ​ເມດຕາ​ເຈົ້າ​ໂດຍ​ໃຫ້​ເດີນທາງ​ອອກ​ໜີ​ມາ​ຢ່າງ​ສະຫງົບສຸກ. ມາບັດນີ້ ເປັນ​ການ​ຈະແຈ້ງ​ແລ້ວ​ວ່າ ແມ່ນ​ພຣະເຈົ້າຢາເວ​ທີ່​ອວຍພອນ​ເຈົ້າ.”

ປະຖົມມະການ 26:3

ໃນ​ທີ່​ນີ້ ເຮົາ​ຈະ​ຢູ່​ນຳ​ເຈົ້າ​ແລະ​ອວຍພອນ​ເຈົ້າ. ເຮົາ​ຈະ​ມອບ​ດິນແດນ​ທັງໝົດ​ນີ້​ໃຫ້​ແກ່​ເຈົ້າ​ກັບ​ເຊື້ອສາຍ​ຂອງ​ເຈົ້າ. ເຮົາ​ຈະ​ເຮັດ​ໃຫ້​ຄຳ​ສາບານ ຊຶ່ງ​ເຮົາ​ໄດ້​ປະຕິຍານ​ໄວ້​ກັບ​ອັບຣາຮາມ ພໍ່​ຂອງ​ເຈົ້າ​ສຳເລັດ.

ປະຖົມມະການ 30:30

ກ່ອນ​ຫລານ​ມາ ລູງ​ມີ​ສັດ​ແຕ່​ໜ້ອຍດຽວ. ແຕ່​ມາບັດນີ້ ລູງ​ມີ​ຝູງສັດ​ຈຳນວນ​ຫລວງຫລາຍ ແລະ​ພຣະເຈົ້າຢາເວ​ໄດ້​ອວຍພອນ​ລູງ​ກໍ​ເພາະ​ຫລານ. ບັດນີ້ ເຖິງ​ເວລາ​ແລ້ວ​ທີ່​ຫລານ​ຈະ​ມີ​ຝູງສັດ​ເປັນ​ຂອງ​ຕົນເອງ.”

ພຣະທຳ​ໂຢບ 42:12

ພຣະເຈົ້າຢາເວ​ໄດ້​ອວຍພອນ​ຊີວິດ​ບັ້ນປາຍ​ຂອງ​ໂຢບ ຫລາຍກວ່າ​ພຣະອົງ​ໄດ້​ອວຍພອນ​ຊີວິດ​ບັ້ນຕົ້ນ​ຂອງ​ເພິ່ນ. ໂຢບ​ມີ​ແກະ​ສິບສີ່ພັນ​ໂຕ, ອູດ​ຫົກພັນ​ໂຕ, ງົວ​ສອງພັນ​ໂຕ ແລະ​ລໍ​ໜຶ່ງພັນ​ໂຕ.

ເພງ^ສັນລະເສີນ 67:6

ທີ່ດິນ​ເກີດ​ຜົນລະປູກ​ໃຫ້​ໄດ້​ເກັບກ່ຽວ, ພຣະເຈົ້າ, ພຣະເຈົ້າ​ຂອງ​ພວກເຮົາ​ໄດ້​ອວຍພຣະພອນ​ແກ່​ພວກເຮົາ.

ເພງ^ສັນລະເສີນ 72:16

ຂໍ​ໃຫ້​ດິນແດນ​ນັ້ນ​ເຕັມ​ໄປ​ດ້ວຍ​ເຂົ້າ ຂໍ​ໃຫ້​ເນີນພູ​ທັງຫຼາຍ​ນັ້ນ​ເຕັມ​ໄປ​ດ້ວຍ​ຜົນລະປູກ ເກີດ​ໝາກຜົນ​ຫຼວງຫຼາຍ​ເໝືອນດັ່ງ​ມີ​ຢູ່ ທີ່​ເນີນພູ​ເລບານອນ​ແລະ​ໃຫ້​ເມືອງ​ຕ່າງໆ ເຕັມ​ໄປ​ດ້ວຍ​ປະຊາຊົນ​ເໝືອນດັ່ງ​ທົ່ງນາ​ທີ່​ເຕັມ​ໄປ​ດ້ວຍ​ຫຍ້າ.

ສຸພາສິດ 10:22

ພຣະພອນ​ຂອງ​ພຣະເຈົ້າຢາເວ​ເຮັດ​ໃຫ້​ມະນຸດ​ຮັ່ງມີ ແລະ​ພຣະອົງ​ບໍ່​ໃຫ້​ຄວາມ​ໂສກເສົ້າ​ເພາະ​ເຈົ້າ​ເປັນ​ຄົນຮັ່ງມີ.

ປັນຍາຈານ 11:6

ຈົ່ງ​ປູກຝັງ​ໃນ​ຕອນເຊົ້າ​ແລະ​ໃນ​ຕອນແລງ​ດ້ວຍ. ເຈົ້າ​ບໍ່​ຮູ້​ດອກ​ວ່າ​ມັນ​ຈະ​ງອກງາມ​ໝົດ ຫລື​ຕົ້ນໜຶ່ງ​ຈະ​ດີກວ່າ​ຕົ້ນອື່ນ​ອີກ.

ເຊກາຣີຢາ 8:12

ພວກເຂົາ​ຈະ​ປູກ​ພືດພັນ​ຂອງຕົນ​ຢ່າງ​ສະຫງົບສຸກ. ຕົ້ນອະງຸ່ນ​ຂອງ​ພວກເຂົາ​ຈະ​ເກີດ​ໝາກ​ຫລາຍ ແຜ່ນດິນ​ຈະ​ຜະລິດ​ຜົນລະປູກ​ໄດ້​ດີ ແລະ​ຝົນ​ກໍ​ຈະ​ຕົກລົງ​ມາ​ຢ່າງ​ບໍຣິບູນ. ເຮົາ​ຈະ​ໃຫ້​ພຣະພອນ​ທັງໝົດ​ເຫຼົ່ານີ້​ແກ່​ປະຊາຊົນ ທີ່​ລອດຊີວິດ​ຢູ່​ໃນ​ຊາດ​ຂອງເຮົາ​ນັ້ນ.

ມັດທາຍ 13:23

ສ່ວນ​ເມັດ​ທີ່​ຕົກ​ໃສ່​ດິນ​ດີ ຄື​ຄົນ​ທີ່​ໄດ້ຍິນ​ພຣະທຳ ແລະ​ເຂົ້າໃຈ​ພຣະທຳ​ນັ້ນ, ຜູ້ນັ້ນ​ຈຶ່ງ​ເກີດຜົນ​ໄດ້​ຮ້ອຍ​ຕໍ່, ຫົກສິບ​ຕໍ່ ແລະ​ສາມສິບ​ຕໍ່.”

ມັດທາຍ 13:8

ແຕ່​ບາງ​ເມັດ​ຕົກ​ໃສ່​ດິນ​ດີ​ພືດ​ຈຶ່ງ​ເກີດຜົນ: ເມັດ​ໜຶ່ງ​ໄດ້​ຮ້ອຍ​ຕໍ່, ເມັດ​ໜຶ່ງ​ໄດ້​ຫົກສິບ​ຕໍ່ ແລະ​ເມັດ​ໜຶ່ງ​ໄດ້​ສາມສິບ​ຕໍ່.

ມາຣະໂກ 4:8

ແຕ່​ບາງ​ເມັດ​ຕົກ​ໃສ່​ດິນ​ດີ, ພືດ​ກໍ​ງອກງາມ​ແລະ​ຈະເລີນ​ຂຶ້ນ ຈຶ່ງ​ເກີດຜົນ: ສາມສິບ​ຕໍ່, ຫົກສິບ​ຕໍ່ ແລະ​ຮ້ອຍ​ຕໍ່.”

1 ໂກຣິນໂທ 3:6

ເຮົາ​ເປັນ​ຜູ້​ປູກ, ອາໂປໂລ​ເປັນ​ຜູ້​ຫົດ​ນໍ້າ, ແຕ່​ແມ່ນ​ພຣະເຈົ້າ​ທີ່​ເປັນ​ຜູ້​ເຮັດ​ໃຫ້​ໃຫຍ່​ຂຶ້ນ.