ປະຖົມມະການ 24:4 - ພຣະຄຳພີສັກສິ

⁴ ແຕ່​ຈະໃຫ້​ເຈົ້າ​ກັບ​ໄປ​ທີ່​ບ້ານເກີດ​ເມືອງນອນ​ຂອງຂ້ອຍ ແລະ​ຊອກ​ຫາ​ເມຍ​ໃຫ້​ອີຊາກ​ໃນ​ທ່າມກາງ​ພວກ​ຍາດຕິພີ່ນ້ອງ​ຂອງຂ້ອຍ.”

ປະຖົມມະການ 24:4 Jak'a apnaqawi uñst'ayäwi

ປະຖົມມະການ 11:25

ຫລັງຈາກ​ນັ້ນ​ຕໍ່ມາ ເພິ່ນ​ກໍ​ມີ​ອາຍຸ​ຍືນ​ຕື່ມ​ອີກ 119 ປີ ແລະ​ມີ​ລູກ​ຊາຍ​ຍິງ​ຕື່ມ​ອີກ​ຫລາຍ​ຄົນ.

ປະຖົມມະການ 12:1

ພຣະເຈົ້າຢາເວ​ໄດ້​ບອກ​ອັບຣາມ​ວ່າ, “ຈົ່ງ​ອອກ​ໜີ​ຈາກ​ປະເທດ, ຍາດຕິພີ່ນ້ອງ ແລະ​ບ້ານເກີດ​ເມືອງນອນ​ຂອງ​ເຈົ້າ ແລະ​ໄປ​ສູ່​ດິນແດນ​ທີ່​ເຮົາ​ຈະ​ຊີ້​ແຈງ​ໃຫ້​ເຈົ້າ​ເຫັນ.

ປະຖົມມະການ 12:7

ພຣະເຈົ້າຢາເວ​ໄດ້​ປາກົດ​ແກ່​ອັບຣາມ ແລະ​ບອກ​ເພິ່ນ​ວ່າ, “ນີ້​ແມ່ນ​ດິນແດນ ທີ່​ເຮົາ​ຈະ​ມອບ​ໃຫ້​ແກ່​ເຊື້ອສາຍ​ຂອງ​ເຈົ້າ.” ແລ້ວ​ຢູ່​ໃນ​ບ່ອນ​ນີ້ ອັບຣາມ​ໄດ້​ກໍ່ສ້າງ​ແທ່ນບູຊາ​ແທ່ນ​ໜຶ່ງ ຖວາຍ​ແກ່​ພຣະເຈົ້າຢາເວ​ອົງ​ທີ່​ໄດ້​ປາກົດ​ແກ່​ຕົນ.

ປະຖົມມະການ 24:38

ແຕ່​ໃຫ້​ໄປ​ຫາ​ຄົນ​ຈາກ​ຄອບຄົວ​ຂອງ​ພໍ່​ຂ້ອຍ ແລະ​ຍາດຕິພີ່ນ້ອງ​ຂອງຂ້ອຍ ໃຫ້​ມາ​ເປັນ​ເມຍ​ລູກຊາຍ​ຂອງຂ້ອຍ.’

ປະຖົມມະການ 24:5

ແຕ່​ຄົນ​ຮັບໃຊ້​ຖາມ​ວ່າ, “ຈະ​ເຮັດ​ແນວ​ໃດ ເມື່ອ​ຜູ້ຍິງ​ບໍ່​ຍອມ​ຈາກ​ບ້ານ​ມາ​ຢູ່​ນຳ​ເຮົາ​ທີ່​ດິນແດນ​ນີ້? ຈະ​ໃຫ້​ຂ້ານ້ອຍ​ພາ​ລູກຊາຍ​ຂອງທ່ານ​ໄປ​ຢູ່​ພຸ້ນ​ບໍ?”

ປະຖົມມະການ 28:1

ອີຊາກ​ໄດ້​ເອີ້ນ​ຢາໂຄບ​ມາ​ເພື່ອ​ອວຍພອນ ແລະ​ສັ່ງ​ວ່າ, “ລູກ​ຢ່າ​ເອົາ​ຍິງສາວ​ຊາວ​ການາອານ​ມາ​ເປັນ​ເມຍ​ເດີ

ປະຖົມມະການ 28:2

ແຕ່​ຈົ່ງ​ໄປ​ຫາ​ເບທູເອນ​ພໍ່​ຂອງ​ແມ່​ເຈົ້າ​ທີ່​ເມໂຊໂປຕາເມຍ ແລະ​ຫາ​ເອົາ​ຍິງ​ສາວ​ຜູ້ໜຶ່ງ​ໃນ​ພວກ​ຜູ້​ສາວ​ຢູ່​ທີ່​ນັ້ນ​ມາ​ເປັນ​ເມຍ​ຄື: ລູກສາວ​ຄົນ​ໜຶ່ງ​ໃນ​ພວກ​ລູກສາວ​ຂອງ​ລາບານ​ລູງ​ຂອງ​ເຈົ້າ.

2 ຂ່າວຄາວ 24:3

ເຢໂຮຍອາດາ​ໄດ້​ເລືອກ​ເມຍ​ສອງ​ຄົນ​ໃຫ້​ກະສັດ​ໂຢອາດ ແລະ​ພວກ​ນາງ​ກໍໄດ້​ເກີດ​ລູກຊາຍ ແລະ​ລູກຍິງ​ຫລາຍ​ຄົນ​ໃຫ້​ເພິ່ນ.

ເຮັບເຣີ 11:15

ພວກເພິ່ນ​ບໍ່ໄດ້​ຄິດເຖິງ​ບ້ານ​ເມືອງ​ທີ່​ພວກເພິ່ນ​ຈາກ​ມາ ຖ້າ​ພວກເພິ່ນ​ຍັງ​ຄິດເຖິງ​ຢູ່ ພວກເພິ່ນ​ກໍ​ຄົງ​ມີ​ໂອກາດ​ກັບຄືນ​ເມືອ​ໄດ້.

ພວກ^ຜູ້ປົກຄອງ 14:3

ແຕ່​ພໍ່​ແມ່​ໄດ້​ຖາມ​ລາວ​ວ່າ, “ເປັນຫຍັງ​ລູກ​ຈຶ່ງ​ຢາກ​ໄປ​ເອົາ​ເມຍ​ຊາວ​ຟີລິດສະຕິນ ຄົນ​ບໍ່​ນັບຖື​ພຣະເຈົ້າ? ລູກ​ຊອກ​ຫາ​ຜູ້​ສາວ​ໃນ​ຕະກຸນ​ຂອງເຮົາ​ເອງ ໃນ​ທ່າມກາງ​ປະຊາຊົນ​ຂອງ​ພວກເຮົາ​ນີ້​ບໍ່ໄດ້​ຊັ້ນບໍ?” ແຕ່​ແຊມຊັນ​ຕອບ​ພໍ່​ວ່າ, “ລູກ​ພໍໃຈ​ນຳ​ນາງ​ແຕ່​ຄົນດຽວ ໄປ​ສູ່​ຂໍ​ນາງ​ໃຫ້​ລູກ​ແດ່.”