ປະຖົມມະການ 24:1 - ພຣະຄຳພີສັກສິ

¹ ມາບັດນີ້ ອັບຣາຮາມ​ກໍ​ເຖົ້າແກ່​ແລະ​ມີ​ອາຍຸ​ສູງ​ຫລາຍ​ແລ້ວ; ແລະ​ພຣະເຈົ້າຢາເວ​ໄດ້​ອວຍພອນ​ວຽກງານ​ທຸກຢ່າງ​ທີ່​ເພິ່ນ​ໄດ້​ເຮັດ.

ປະຖົມມະການ 24:1 Jak'a apnaqawi uñst'ayäwi

ປະຖົມມະການ 12:2

ເຮົາ​ຈະ​ໃຫ້​ເຈົ້າ​ມີ​ເຊື້ອສາຍ​ຫລາຍ ແລະ​ພວກເຂົາ​ຈະ​ກາຍເປັນ​ຊົນຊາດ​ໃຫຍ່. ເຮົາ​ຈະ​ອວຍພອນ​ເຈົ້າ ແລະ​ໃຫ້​ເຈົ້າ​ມີ​ຊື່ສຽງ ແລະ​ເຈົ້າ​ຈະ​ໄດ້​ເປັນ​ທໍ່​ພຣະພອນ​ໃຫ້​ແກ່​ຊົນຊາດ​ອື່ນໆ​ເທິງ​ແຜ່ນດິນ​ໂລກ.

ປະຖົມມະການ 13:2

ອັບຣາມ​ເປັນ​ຄົນ​ຮັ່ງມີ; ເພິ່ນ​ມີ​ຝູງແກະ, ຝູງແບ້ ແລະ​ຝູງງົວ ພ້ອມ​ທັງ​ເງິນຄຳ​ຢ່າງ​ຫລວງຫລາຍ.

ປະຖົມມະການ 18:11

ອັບຣາຮາມ​ກັບ​ຊາຣາ​ຕ່າງ​ກໍ​ເຖົ້າແກ່​ແລ້ວ ແລະ​ຊາຣາ​ເອງ​ກໍ​ເຊົາ​ເປັນ​ປະຈຳເດືອນ​ແລ້ວ.

ປະຖົມມະການ 21:5

ເມື່ອ​ອີຊາກ​ເກີດ​ມາ ອັບຣາຮາມ​ອາຍຸ​ໄດ້ 100 ປີ

ປະຖົມມະການ 24:35

ພຣະເຈົ້າຢາເວ​ໄດ້​ອວຍພອນ​ນາຍ​ຂອງຂ້ອຍ​ຢ່າງ​ຫລວງຫລາຍ. ສະນັ້ນ ເພິ່ນ​ຈຶ່ງ​ກາຍເປັນ​ຄົນ​ຮັ່ງມີ. ພຣະອົງ​ໂຜດ​ໃຫ້​ເພິ່ນ​ມີ​ຝູງແກະ, ຝູງແບ້, ຝູງງົວ, ຝູງ​ລໍ ແລະ​ຝູງ​ອູດ ທັງ​ມີ​ເງິນຄຳ​ແລະ​ຄົນ​ຮັບໃຊ້​ຊາຍ​ຍິງ​ຢ່າງ​ຫຼວງຫລາຍ.

ປະຖົມມະການ 25:20

ອີຊາກ​ມີ​ອາຍຸ​ໄດ້ 40 ປີ ເມື່ອ​ແຕ່ງງານ​ກັບ​ເຣເບກາ​ລູກສາວ​ຂອງ​ເບທູເອນ (ຊາວ​ປາດານ-ອາຣາມ​ຈາກ​ເມໂຊ​ໂປຕາເມຍ) ແລະ​ເປັນ​ນ້ອງສາວ​ຂອງ​ລາບານ.

ປະຖົມມະການ 26:12

ອີຊາກ​ເຮັດ​ນາ​ໃນ​ປະເທດ​ນີ້ ແລະ​ໃນ​ປີ​ນັ້ນ​ເອງ ເພິ່ນ​ເກັບກ່ຽວ​ເຂົ້າ​ໄດ້​ຮ້ອຍ​ເທົ່າ​ໃນ​ຈຳນວນ​ເຂົ້າ​ທີ່​ເພາະ​ປູກ ເພາະ​ພຣະເຈົ້າຢາເວ​ອວຍພອນ​ເພິ່ນ.

ປະຖົມມະການ 49:25

ຍ້ອນ​ຄວາມ​ຊ່ວຍຊູ​ຂອງ​ພຣະເຈົ້າ​ແຫ່ງ​ພຣະ​ບິດາ ອົງ​ຊົງຣິດ​ອຳນາດ​ຍິ່ງໃຫຍ່​ຖອກເທ​ພອນ​ລົງ​ມາ ເໝືອນ​ດັ່ງ​ຫ່າຝົນ​ເທ​ລົງ​ມາ​ສູ່​ພິພົບ ປັດຖະພີ​ບໍ່​ຫລົບຫລີກ​ໄດ້​ເລີຍ​ໄປ​ສູ່​ພື້ນ​ທ້ອງ​ທາລາ. ໂດຍ​ອວຍພອນ​ໃຫ້​ມີ​ລົ້ນ ທັງ​ຝູງງົວ​ແລະ​ລູກຫລານ​ຕື່ມ ໃຫ້​ເປັນ​ກໍ​ເປັນ​ເຫງົ້າ​ຢ່າງ​ຫລວງຫລາຍ.

1 ກະສັດ 1:1

ມາບັດນີ້ ກະສັດ​ດາວິດ​ກໍ​ເຖົ້າແກ່​ຊະຣາ​ຫລາຍ​ແລ້ວ ເຖິງ​ແມ່ນ​ວ່າ ພວກ​ຄົນ​ຮັບໃຊ້​ຫົ່ມ​ຜ້າ​ໃຫ້​ເພິ່ນ​ຫລາຍ​ຜືນ​ກໍ​ຍັງ​ບໍ່​ອົບອຸ່ນ.

ສຸພາສິດ 10:22

ພຣະພອນ​ຂອງ​ພຣະເຈົ້າຢາເວ​ເຮັດ​ໃຫ້​ມະນຸດ​ຮັ່ງມີ ແລະ​ພຣະອົງ​ບໍ່​ໃຫ້​ຄວາມ​ໂສກເສົ້າ​ເພາະ​ເຈົ້າ​ເປັນ​ຄົນຮັ່ງມີ.

ເອຊາຢາ 51:2

ຈົ່ງ​ຄິດເຖິງ​ບັນພະບຸລຸດ​ພວກເຈົ້າ​ຄື​ອັບຣາຮາມ ແລະ​ນາງ​ຊາຣາ​ຜູ້​ທີ່​ສືບ​ເຊື້ອສາຍ​ໃຫ້​ພວກເຈົ້າ. ເມື່ອ​ເຮົາ​ໄດ້​ເອີ້ນ​ອັບຣາຮາມ​ນັ້ນ​ລາວ​ບໍ່ມີ​ລູກ​ເລີຍ ແຕ່​ເຮົາ​ໄດ້​ອວຍພອນ​ລາວ​ໃຫ້​ໄດ້​ມີ​ລູກ; ເຮົາ​ໄດ້​ໃຫ້​ອັບຣາຮາມ​ກາຍເປັນ​ບັນພະບຸລຸດ​ຜູ້ໜຶ່ງ ຜູ້​ທີ່​ສືບ​ເຊື້ອສາຍ​ໃຫ້​ຊົນຊາດ​ທັງຫລາຍ.

ມັດທາຍ 6:33

ແຕ່​ກ່ອນ​ອື່ນ​ໝົດ ເຈົ້າ​ທັງຫລາຍ​ຈົ່ງ​ສະແຫວງ​ຫາ​ຣາຊອານາຈັກ​ຂອງ​ພຣະເຈົ້າ ແລະ​ຄວາມ​ຊອບທຳ​ຂອງ​ພຣະອົງ ແລ້ວ​ພຣະອົງ​ຈະ​ຊົງ​ເພີ່ມເຕີມ​ສິ່ງ​ທັງປວງ​ເຫຼົ່ານີ້​ໃຫ້​ແກ່​ພວກເຈົ້າ.

ລູກາ 1:7

ແຕ່​ພວກເພິ່ນ​ບໍ່ມີ​ລູກ ເພາະ​ນາງ​ເອລີຊາເບັດ​ເປັນ​ໝັນ ແລະ​ທັງສອງ​ກໍ​ເຖົ້າແກ່​ແລ້ວ.

ຄາລາເຕຍ 3:9

ອັບຣາຮາມ​ໄດ້​ເຊື່ອ ແລະ​ໄດ້​ຮັບ​ພຣະພອນ. ດັ່ງນັ້ນ ທຸກຄົນ​ທີ່​ວາງໃຈເຊື່ອ​ຈຶ່ງ​ໄດ້​ຮັບ​ພຣະພອນ​ເໝືອນກັນ​ກັບ​ເພິ່ນ.

ເອເຟໂຊ 1:3

ສາທຸການ​ແດ່​ພຣະເຈົ້າ ຄື​ພຣະບິດາເຈົ້າ​ຂອງ​ອົງ​ພຣະເຢຊູ​ຄຣິດເຈົ້າ​ຂອງ​ເຮົາ​ທັງຫລາຍ ຜູ້​ໄດ້​ຊົງ​ໂຜດ​ປະທານ​ພຣະພອນ​ທຸກປະການ​ຝ່າຍ​ວິນຍານ ໃຫ້​ແກ່​ເຮົາ​ທັງຫລາຍ​ໃນ​ສະຫວັນ​ສະຖານ​ໂດຍ​ພຣະຄຣິດ.

1 ຕີໂມທຽວ 4:8

ການ​ຝຶກຝົນ​ທາງ​ກາຍ​ນັ້ນ ມີ​ປະໂຫຍດ​ບາງ​ຢ່າງ ແຕ່​ການ​ນັບຖື​ພຣະເຈົ້າ​ຢ່າງ​ຖືກຕ້ອງ​ນັ້ນ ມີ​ປະໂຫຍດ​ທຸກຢ່າງ ເພາະ​ໄດ້​ຮັບ​ພຣະສັນຍາ​ອັນ​ປະເສີດ​ສຳລັບ​ຊີວິດ​ໃນ​ປະຈຸບັນ ແລະ​ໃນ​ອະນາຄົດ​ອີກ​ດ້ວຍ.