ປະຖົມມະການ 23:4 - ພຣະຄຳພີສັກສິ

⁴ “ຂ້ານ້ອຍ​ເປັນ​ຄົນ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກທ່ານ; ສະນັ້ນ ຂໍ​ຂາຍ​ທີ່ດິນ​ບາງ​ຕອນ​ໃຫ້​ຂ້ານ້ອຍ ເພື່ອ​ຈະ​ໄດ້​ຝັງສົບ​ເມຍ​ຂອງ​ຂ້ານ້ອຍ​ແດ່ທ້ອນ.”

ປະຖົມມະການ 23:4 Jak'a apnaqawi uñst'ayäwi

ປະຖົມມະການ 17:8

ເຮົາ​ຈະ​ມອບ​ດິນແດນ ທີ່​ເຈົ້າ​ອາໄສ​ຢູ່​ປັດຈຸບັນ​ໃນ​ຖານະ​ເປັນ​ຄົນ​ຕ່າງດ້າວ​ນີ້ ໃຫ້​ແກ່​ເຈົ້າ​ແລະ​ເຊື້ອສາຍ​ຂອງ​ພວກເຈົ້າ. ດິນແດນ​ການາອານ​ທັງໝົດ ຈະ​ເປັນ​ຂອງ​ພວກເຈົ້າ​ຕະຫລອດໄປ ແລະ​ເຮົາ​ຈະ​ເປັນ​ພຣະເຈົ້າ​ຂອງ​ພວກເຂົາ.”

ປະຖົມມະການ 23:5

ຊາວ​ຮິດຕີ​ຕອບ​ອັບຣາຮາມ​ວ່າ,

ປະຖົມມະການ 3:19

ເຈົ້າ​ຈະ​ເຮັດ​ວຽກ​ໜັກ​ຈົນ​ເຫື່ອ​ໄຫລ​ໄຄ​ຍ້ອຍ​ອອກ​ມາ; ເພື່ອ​ຈະ​ເຮັດ​ໃຫ້​ດິນ​ເກີດຜົນ​ພຽງພໍ​ລ້ຽງ​ຊີວິດ​ເຈົ້າ. ຈົນກວ່າ​ເຈົ້າ​ຄືນ​ໄປ​ສູ່​ດິນ​ທີ່​ເຈົ້າ​ຖືກ​ສ້າງ​ຂຶ້ນ​ມາ; ເຈົ້າ​ຖືກ​ສ້າງ​ມາ​ແຕ່​ດິນ ເຈົ້າ​ຈະ​ຄືນ​ໄປ​ເປັນ​ດິນ​ອີກ.”

ປະຖົມມະການ 47:9

ຢາໂຄບ​ຕອບ​ວ່າ, “ຊີວິດ​ທີ່​ທ່ອງທ່ຽວ​ໄປມາ​ຂອງ​ຂ້ານ້ອຍ ມີ​ຢູ່ 130 ປີ. ເປັນ​ເວລາສັ້ນ​ແລະ​ລຳບາກ ບໍ່​ຄື​ຊີວິດ​ທີ່​ທ່ອງທ່ຽວ​ໄປມາ​ຂອງ​ບັນພະບຸລຸດ​ຂອງ​ຂ້ານ້ອຍ.”

ປະຖົມມະການ 49:30

ທີ່​ມັກເປລາ ທາງທິດ​ຕາເວັນອອກ​ຂອງ​ມຳເຣ​ໃນ​ການາອານ. ອັບຣາຮາມ​ໄດ້​ຊື້​ຖໍ້າ​ໃນ​ທົ່ງນາ​ຂອງ​ເອຟະໂຣນ​ຊາວ​ຮິດຕີ​ໄວ້ ກໍ​ເພື່ອ​ເຮັດ​ເປັນ​ບ່ອນ​ຝັງສົບ.

ປະຖົມມະການ 50:13

ພວກເຂົາ​ໄດ້​ຫາມ​ຊາກສົບ​ຂອງ​ພໍ່​ໄປ​ສູ່​ການາອານ ແລະ​ຝັງ​ໄວ້​ຢູ່​ໃນ​ຖໍ້າ​ຝັງສົບ​ທີ່​ມັກເປລາ; ທາງ​ທິດ​ຕາເວັນອອກ​ຂອງ​ມຳເຣ ໃນ​ນາ​ຊຶ່ງ​ອັບຣາຮາມ​ໄດ້​ຊື້​ຈາກ​ເອຟະໂຣນ​ຊາວ​ຮິດຕີ ເພື່ອ​ເອົາ​ໄວ້​ເປັນ​ບ່ອນ​ຝັງສົບ.

1 ຂ່າວຄາວ 29:15

ພວກ​ຂ້ານ້ອຍ​ມີ​ຊີວິດ​ທີ່​ຜ່ານ​ມາ ດັ່ງ​ຄົນ​ທີ່​ຖືກ​ເນລະເທດ​ແລະ​ຄົນຕ່າງດ້າວ ເໝືອນ​ບັນພະບຸລຸດ​ຂອງ​ພວກ​ຂ້ານ້ອຍ​ທີ່​ເຄີຍ​ເປັນ​ມາ. ຊີວິດ​ຂອງ​ພວກ​ຂ້ານ້ອຍ​ປຽບ​ດັ່ງ​ເງົາ​ທີ່​ຜ່ານ​ພົ້ນ​ໄປ ແລະ​ພວກ​ຂ້ານ້ອຍ​ກໍ​ບໍ່​ອາດ​ຫລີກລ້ຽງ​ຈາກ​ຄວາມຕາຍ​ໄດ້.

ພຣະທຳ​ໂຢບ 30:23

ຂ້ານ້ອຍ​ຮູ້ວ່າ​ພຣະອົງ​ກຳລັງ​ສົ່ງ​ຂ້ານ້ອຍ​ໄປ​ສູ່​ຄວາມຕາຍ ໄປ​ສູ່​ເຄາະກຳ​ທີ່​ຮັກສາ​ໄວ້​ສຳລັບ​ທຸກໆຄົນ​ນັ້ນ.

ເພງ^ສັນລະເສີນ 119:19

ຂ້ານ້ອຍ​ຢູ່​ໃນ​ແຜ່ນດິນ​ໂລກ​ພຽງແຕ່​ຊົ່ວຄາວ ຂໍ​ຢ່າ​ປິດບັງ​ກົດບັນຍັດ​ຂອງ​ພຣະອົງ​ຈາກ​ຂ້ານ້ອຍ​ເລີຍ.

ເພງ^ສັນລະເສີນ 39:12

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຟັງ​ຂ້ານ້ອຍ​ພາວັນນາ​ອະທິຖານ ໂຜດ​ຟັງ​ຄຳ​ທູນຂໍ​ໃຫ້​ຊ່ວຍເຫລືອ​ຂອງ​ຂ້ານ້ອຍ​ແດ່ທ້ອນ ຂ້ານ້ອຍ​ກໍ​ເປັນ​ດັ່ງ​ບັນພະບຸລຸດ​ໝົດ​ທຸກຄົນ ຂ້ານ້ອຍ​ເປັນ​ພຽງແຕ່​ແຂກ​ຂອງ​ພຣະອົງ​ຊົ່ວຄາວ​ເທົ່ານັ້ນ.

ອົບພະຍົບ 2:22

ນາງ​ໄດ້​ເກີດ​ລູກຊາຍ​ຜູ້ໜຶ່ງ​ໃຫ້​ໂມເຊ ແລະ​ໂມເຊ​ຄິດ​ໃນ​ໃຈ​ວ່າ, “ຂ້ອຍ​ເປັນ​ຄົນ​ຕ່າງດ້າວ​ທີ່​ໄດ້​ມາ​ອາໄສ​ຢູ່​ໃນ​ປະເທດ​ນີ້. ສະນັ້ນ ຂ້ອຍ​ຈຶ່ງ​ຈະ​ໃສ່​ຊື່​ໃຫ້​ລູກຊາຍ​ຜູ້​ນີ້​ວ່າ ເກໂຊມ.”

ປັນຍາຈານ 12:5

ເຈົ້າ​ຈະ​ຢ້ານ​ຍ່າງ​ຂຶ້ນຄ້ອຍ ເຈົ້າ​ຈະ​ຍ່າງ​ໄປມາ​ບໍ່ໄດ້​ສະດວກ​ສະບາຍ ຜົມ​ຂອງ​ເຈົ້າ​ຈະ​ຫງອກ, ເຈົ້າ​ຈະ​ບໍ່​ວ່ອງໄວ​ດັ່ງ​ຕັກແຕນ ແລະ​ຕັນຫາ​ຂອງເຈົ້າ​ກໍ​ຈະ​ເສື່ອມ​ລົງ. ພວກເຮົາ​ກຳລັງ​ຈະ​ໄປ​ສູ່​ບ່ອນ​ຢູ່​ອັນ​ຖາວອນ ແລະ​ຕາມ​ຖະໜົນ​ຫົນທາງ​ກໍ​ຈະ​ມີ​ການ​ໄວ້ທຸກ.

ປັນຍາຈານ 12:7

ຮ່າງກາຍ​ຂອງ​ພວກເຮົາ​ຈະ​ກັບ​ເປັນ​ຂີ້ຝຸ່ນ​ດິນ​ອີກ ແລະ​ຈິດວິນຍານ​ຂອງ​ພວກເຮົາ​ກໍ​ຈະ​ກັບຄືນ​ໄປ​ຫາ​ພຣະເຈົ້າ ຜູ້​ຊົງ​ປະທານ​ໃຫ້​ນັ້ນ.

ປັນຍາຈານ 6:3

ຄົນ​ໜຶ່ງ​ອາດ​ຈະ​ມີ​ລູກ​ເຖິງ​ຮ້ອຍ​ຄົນ ແລະ​ມີ​ຊີວິດ​ຍືນຍາວ​ກໍໄດ້ ເຖິງ​ແມ່ນ​ວ່າ​ລາວ​ຈະ​ມີ​ອາຍຸ​ຍືນຍາວ​ຈັກ​ເທົ່າໃດ​ກໍຕາມ, ແຕ່​ຖ້າ​ລາວ​ບໍ່ໄດ້​ຮັບ​ຄວາມສຸກ​ທີ່​ລາວ​ຄວນ​ໄດ້​ຮັບ ແລະ​ບໍ່ມີ​ຄົນ​ເຮັດ​ພິທີ​ຝັງສົບ​ໃຫ້​ຢ່າງ​ມີ​ກຽດ​ແລ້ວ ຂ້າພະເຈົ້າ​ຂໍ​ບອກ​ວ່າ, ເປັນ​ແອນ້ອຍ​ເກີດ​ມາ​ແລ້ວ​ຕາຍ​ກໍ​ຍັງ​ດີກວ່າ.

ລະບຽບ^ພວກເລວີ 25:23

“ທີ່ດິນ​ຂອງ​ພວກເຈົ້າ​ຂາຍ​ໃນ​ລັກສະນະ​ຖາວອນ​ບໍ່ໄດ້ ເພາະວ່າ​ພວກເຈົ້າ​ບໍ່ແມ່ນ​ເຈົ້າຂອງ​ທີ່ດິນ​ນັ້ນ; ທີ່ດິນ​ເປັນ​ຂອງ​ເຮົາ ແລະ​ພວກເຈົ້າ​ກໍ​ເປັນ​ດັ່ງ​ຄົນ​ຕ່າງດ້າວ​ທັງຫລາຍ ທີ່​ໄດ້​ຮັບ​ອະນຸຍາດ​ໃຫ້​ປູກຝັງ​ກິນ​ໃນ​ທີ່ດິນ​ເທົ່ານັ້ນ.

ກິດຈະການ 7:16

ແລະ​ພວກເຂົາ​ໄດ້​ນຳ​ເອົາ​ຊາກສົບ​ຂອງ​ພວກເພິ່ນ​ກັບຄືນ​ມາ​ທີ່​ຊີເຄມ ແລະ​ໄດ້​ວາງ​ໄວ້​ໃນ​ອຸບມຸງ ທີ່​ອັບຣາຮາມ​ໄດ້​ຊື້​ຈາກ​ຕະກຸນ​ຮາໂມ ດ້ວຍ​ເງິນ​ຈຳນວນ​ໜຶ່ງ​ໃນ​ເມືອງ​ຊີເຄມ.

ກິດຈະການ 7:5

ພຣະເຈົ້າ​ບໍ່ໄດ້​ໃຫ້​ອັບຣາຮາມ​ຮັບ​ສ່ວນ​ໃດໆ​ຂອງ​ດິນແດນ​ນີ້ ເປັນ​ກຳມະສິດ​ຂອງຕົນ ແມ່ນແຕ່​ທໍ່​ຮອຍຕີນ ແຕ່​ໃນ​ຂະນະທີ່​ເພິ່ນ​ຍັງ​ບໍ່ມີ​ລູກ ພຣະເຈົ້າ​ໄດ້​ສັນຍາ​ວ່າ ພຣະອົງ​ຈະ​ມອບ​ດິນແດນ​ໃຫ້​ເພິ່ນ​ເປັນ​ກຳມະສິດ ແລະ​ໃຫ້​ແກ່​ເຊື້ອສາຍ​ພາຍ​ຫລັງ​ເພິ່ນ​ດ້ວຍ.

ເຮັບເຣີ 11:9

ເພາະ​ຄວາມເຊື່ອ​ແບບ​ນີ້ ເພິ່ນ​ໄດ້​ອາໄສ​ຢູ່​ໃນ​ດິນແດນ ທີ່​ພຣະເຈົ້າ​ໄດ້​ຊົງ​ສັນຍາ​ໄວ້​ແກ່​ຕົນ​ນັ້ນ ເໝືອນ​ດັ່ງ​ຄົນ​ຕ່າງດ້າວ ເພິ່ນ​ໄດ້​ອາໄສ​ຢູ່​ໃນ​ຜ້າເຕັນ​ດ້ວຍ​ກັນ​ກັບ​ອີຊາກ​ແລະ​ຢາໂຄບ ຜູ້​ທີ່​ໄດ້​ຮັບ​ພຣະສັນຍາ​ເປັນ​ມໍຣະດົກ​ອັນ​ດຽວກັນ.

1 ເປໂຕ 2:11

ເຈົ້າ​ທັງຫລາຍ​ທີ່ຮັກ​ເອີຍ ຂ້າພະເຈົ້າ​ຂໍ​ເຕືອນ​ສະຕິ​ພວກເຈົ້າ ເໝືອນ​ເປັນ​ຄົນຕ່າງຊາດ​ທີ່​ທ່ອງທ່ຽວ​ໃນ​ໂລກນີ້ ໃຫ້​ງົດເວັ້ນ​ຈາກ​ຕັນຫາ​ແນວ​ມະນຸດ ຊຶ່ງ​ທຳ​ການ​ຕໍ່ສູ້​ຈິດ​ວິນຍານ.