ປະຖົມມະການ 21:9 - ພຣະຄຳພີສັກສິ

⁹ ມື້​ໜຶ່ງ​ອິດຊະມາເອນ​ລູກຊາຍ​ຂອງ​ອັບຣາຮາມ ຜູ້​ທີ່​ເກີດ​ຈາກ​ນາງ​ຮາກາ​ຊາວ​ເອຢິບ ກຳລັງ​ເຢາະເຢີ້ຍ ອີຊາກ​ລູກຊາຍ​ຂອງ​ນາງ​ຊາຣາ.

ປະຖົມມະການ 21:9 Jak'a apnaqawi uñst'ayäwi

ປະຖົມມະການ 16:1

ນາງ​ຊາຣາຍ ເມຍ​ຂອງ​ອັບຣາມ ບໍ່ມີ​ລູກ​ໃຫ້​ເພິ່ນ​ຈັກ​ຄົນ. ແຕ່​ນາງ​ມີ​ສາວ​ໃຊ້​ຊາວ​ເອຢິບ​ຜູ້ໜຶ່ງ​ຊື່​ວ່າ ຮາກາ.

ປະຖົມມະການ 16:15

ນາງ​ຮາກາ​ໄດ້​ເກີດ​ລູກຊາຍ​ໃຫ້​ອັບຣາມ ແລະ​ເພິ່ນ​ໄດ້​ຕັ້ງ​ຊື່​ໃຫ້​ເດັກ​ນັ້ນ​ວ່າ ອິດຊະມາເອນ.

ປະຖົມມະການ 17:20

ເຮົາ​ໄດ້ຍິນ​ເຈົ້າ​ຂໍຮ້ອງ​ກ່ຽວກັບ​ອິດຊະມາເອນ; ເຮົາ​ຈະ​ອວຍພອນ​ລາວ​ແລະ​ໃຫ້​ລາວ​ມີ​ລູກ​ຫລາຍ​ຄົນ ແລະ​ທັງ​ມີ​ເຊື້ອສາຍ​ຢ່າງ​ຫລວງຫລາຍ. ລາວ​ຈະ​ເປັນ​ພໍ່​ຂອງ​ເຈົ້າຊາຍ​ສິບສອງ​ຄົນ ແລະ​ເຊື້ອສາຍ​ຂອງ​ລາວ​ກໍ​ຈະ​ກາຍເປັນ​ປະເທດ​ທີ່​ຍິ່ງໃຫຍ່.

ປະຖົມມະການ 21:8

ເດັກນ້ອຍ​ນັ້ນ​ໄດ້​ຈະເລີນ​ເຕີບໂຕ​ຂຶ້ນ ແລະ​ໃນ​ມື້​ທີ່​ອີຊາກ​ເຊົາ​ນົມ ອັບຣາຮາມ​ໄດ້​ຈັດ​ງານກິນລ້ຽງ​ຢ່າງ​ຍິ່ງໃຫຍ່.

2 ຂ່າວຄາວ 30:10

ພວກ​ສົ່ງຂ່າວ​ໄດ້​ໄປ​ທຸກໆ​ເມືອງ ໃນ​ເຂດແດນ​ຂອງ​ເຜົ່າ​ເອຟຣາອິມ​ແລະ​ມານາເຊ ແລະ​ໄກ​ອອກ​ໄປ​ຈົນຮອດ​ທາງເໜືອ​ຂອງ​ເຜົ່າ​ເຊບູໂລນ ແຕ່​ປະຊາຊົນ​ຫົວເລາະ​ແລະ​ເຍາະເຍີ້ຍ​ພວກເຂົາ.

2 ຂ່າວຄາວ 36:16

ແຕ່​ພວກເຂົາ​ໄດ້​ຫົວ​ເຍາະເຍີ້ຍ​ໃສ່​ພວກ​ຜູ້ນຳຂ່າວ​ຂອງ​ພຣະເຈົ້າ ໂດຍ​ບໍ່ຍອມ​ຮັບ​ເອົາ​ຖ້ອຍຄຳ​ຂອງ​ພຣະອົງ ແລະ​ຫົວຂວັນ​ໃສ່​ຜູ້ທຳນວາຍ​ຂອງ​ພຣະອົງ; ຈົນ​ໃນທີ່ສຸດ ພຣະເຈົ້າຢາເວ​ໄດ້​ໂກດຮ້າຍ​ປະຊາຊົນ​ຂອງ​ພຣະອົງ​ຫລາຍ​ຍິ່ງ​ຂຶ້ນ ຈົນ​ບໍ່ມີ​ຜູ້ໃດ​ໜີພົ້ນ​ໄປ​ໄດ້.

ພຣະທຳ​ໂຢບ 30:1

ແຕ່​ບັດນີ້ ຂ້ອຍ​ຊໍ້າ​ຖືກ​ຫົວເລາະ​ຫຍໍ້ຫຍັນ ໂດຍ​ເດັກນ້ອຍ​ສາມັນ​ທີ່​ບໍ່​ນັບຖື​ອາຍຸ​ຂອງຂ້ອຍ; ພໍ່​ຂອງ​ພວກເຂົາ​ສະໄໝ​ກ່ອນ ເຄີຍ​ເປັນ​ຄົນ​ບໍ່​ສຳຄັນ​ຫຍັງ ບໍ່​ສົມ​ກັບ​ຝູງ​ໝາ​ທີ່​ເຝົ້າ​ຝູງແກະ​ຂອງຂ້ອຍ​ຊໍ້າ.

ເພງ^ສັນລະເສີນ 22:6

ຂ້ານ້ອຍ​ບໍ່ແມ່ນ​ມະນຸດ​ແຕ່​ເປັນ​ພຽງ​ໂຕ​ໜອນ ທີ່​ທຸກຄົນ​ຫຍໍ້ຫຍັນ​ແລະ​ກຽດຊັງ

ເພງ^ສັນລະເສີນ 42:10

ຂ້ານ້ອຍ​ຖືກ​ຢຽບຢໍ່າ​ຍ້ອນ​ເຂົາ​ເວົ້າ​ນິນທາ ພວກເຂົາ​ຖາມ​ຂ້ານ້ອຍ​ຢູ່​ເລື້ອຍໆ​ວ່າ, “ພຣະເຈົ້າ​ຂອງ​ເຈົ້າ​ຢູ່​ໃສ?”

ສຸພາສິດ 20:11

ແມ່ນແຕ່​ຄວາມ​ປະພຶດ​ຂອງ​ເດັກນ້ອຍ​ກໍ​ສໍ່​ໃຫ້​ເຫັນ​ວ່າ​ລາວ​ເປັນ​ຄົນ​ແບບໃດ ເຮົາ​ສາມາດ​ບອກ​ໄດ້​ວ່າ​ລາວ​ເປັນ​ຄົນ​ສັດຊື່​ແລະ​ເປັນ​ຄົນດີ.

ສຸພາສິດ 22:10

ຈົ່ງ​ກຳຈັດ​ຄົນ​ອວດດີ​ໃຫ້​ໝົດສິ້ນ ແລະ​ການ​ໂຕ້ຖຽງ​ກັນ​ກໍ​ຈະ​ບໍ່ມີ ແລ້ວ​ການ​ວິວາດ​ສຽດສີ​ກັນ​ກໍ​ຈະ​ຫາຍ​ໄປສິ້ນ.

ເພງ^ຄໍ່າຄວນ 1:7

ບັດນີ້ ເມື່ອ​ຕົກ​ຢູ່​ໃນ​ສະພາບ​ຮົກຮ້າງ​ເພພັງ ນະຄອນ​ເຢຣູຊາເລັມ​ກໍ​ຄິດເຖິງ​ສິ່ງ​ຮຸ່ງເຮືອງ​ໃນ​ອະດີດ. ເມື່ອ​ນາງ​ຢູ່​ໃນ​ກຳມື​ຂອງ​ສັດຕູ​ນັ້ນ​ກໍ​ບໍ່ມີ​ຜູ້ໃດ​ຊ່ວຍເຫຼືອ​ນາງ, ຜູ້​ທີ່​ຊະນະ​ເພາະ​ຕົນ​ຫຼົ້ມຈົມ​ກໍ​ຫົວຂວັນ​ໃສ່​ຊໍ້າ.

ຄາລາເຕຍ 4:22

ຕາມ​ທີ່​ມີ​ຂຽນ​ໄວ້​ວ່າ, ອັບຣາຮາມ​ມີ​ລູກຊາຍ​ສອງ​ຄົນ, ຄົນ​ໜຶ່ງ​ເກີດ​ຈາກ​ຍິງ​ຂ້ອຍຂ້າ ແລະ​ອີກ​ຄົນ​ໜຶ່ງ​ເກີດ​ຈາກ​ຍິງ​ທີ່​ບໍ່​ເປັນ​ຂ້ອຍຂ້າ.

ຄາລາເຕຍ 4:29

ໃນ​ຄາວ​ນັ້ນ ລູກ​ທີ່​ເກີດ​ຕາມ​ທຳມະດາ ໄດ້​ຂົ່ມເຫັງ​ຜູ້​ທີ່​ເກີດ​ຕາມ​ພຣະວິນຍານ​ສັນໃດ ແລະ​ປະຈຸບັນ​ນີ້ ກໍ​ຍັງ​ເປັນ​ເໝືອນກັນ​ສັນນັ້ນ.

ເຮັບເຣີ 11:36

ບາງຄົນ​ອີກ ຖືກ​ຫຍໍ້ຫຍັນ​ແລະ​ຖືກ​ຂ້ຽນຕີ ຄົນອື່ນ​ອີກ ຖືກ​ລ່າມໂສ້​ແລະ​ຖືກ​ຄຸມຂັງ​ໃນ​ຄຸກ.