ປະຖົມມະການ 21:2 - ພຣະຄຳພີສັກສິ

² ນາງ​ໄດ້​ຕັ້ງ​ທ້ອງ​ແລະ​ເກີດ​ລູກຊາຍ​ຜູ້ໜຶ່ງ​ໃຫ້​ແກ່​ອັບຣາຮາມ ເມື່ອ​ເພິ່ນ​ເຖົ້າແກ່​ແລ້ວ. ເດັກຊາຍ​ນັ້ນ​ເກີດ​ມາ ຕາມ​ເວລາ​ທີ່​ພຣະເຈົ້າ​ໄດ້​ກຳນົດ​ໄວ້.

ປະຖົມມະການ 21:2 Jak'a apnaqawi uñst'ayäwi

ປະຖົມມະການ 17:19

ແຕ່​ພຣະເຈົ້າ​ໄດ້ກ່າວ​ວ່າ, “ບໍ່, ແມ່ນ​ຊາຣາ​ເມຍ​ຂອງ​ເຈົ້າ​ເອງ ທີ່​ຈະ​ເກີດ​ລູກຊາຍ​ໃຫ້​ເຈົ້າ ແລະ​ຈົ່ງ​ໃສ່​ຊື່​ເດັກ​ນັ້ນ​ວ່າ ອີຊາກ. ເຮົາ​ຈະ​ຮັກສາ​ພັນທະສັນຍາ​ຂອງເຮົາ​ໄວ້​ກັບ​ລາວ ແລະ​ກັບ​ເຊື້ອສາຍ​ຂອງ​ລາວ​ຕະຫລອດໄປ. ມັນ​ເປັນ​ພັນທະສັນຍາ​ອັນ​ຕະຫລອດໄປ.

ປະຖົມມະການ 17:21

ແຕ່​ເຮົາ​ຈະ​ຮັກສາ​ພັນທະສັນຍາ​ຂອງເຮົາ​ກັບ​ອີຊາກ ລູກຊາຍ​ຂອງ​ເຈົ້າ ຜູ້​ທີ່​ຈະ​ເກີດ​ຈາກ​ຊາຣາ​ໃນ​ທ້າຍ​ປີ​ໜ້າ​ລະຫວ່າງ​ລະດູ​ນີ້.”

ປະຖົມມະການ 18:10

ຜູ້ໜຶ່ງ​ໃນ​ສາມ​ຄົນ​ເວົ້າ​ວ່າ, “ອີກ​ເກົ້າ​ເດືອນ ເຮົາ​ຈະ​ກັບ​ມາ ແລະ​ຊາຣາ​ຈະ​ມີ​ລູກຊາຍ​ຄົນ​ໜຶ່ງ.” ນາງ​ຊາຣາ​ຢືນ​ຟັງ​ຢູ່​ໃກ້​ປະຕູ​ເຂົ້າ​ເຕັນ ຂ້າງ​ຫລັງ​ຜົວ​ຂອງຕົນ.

ປະຖົມມະການ 18:14

ມີ​ຫຍັງ​ແດ່​ຍາກ​ສຳລັບ​ພຣະເຈົ້າຢາເວ​ບໍ? ຕາມ​ທີ່​ເຮົາ​ບອກ​ເຈົ້າ​ແລ້ວ ໃນ​ລະຫວ່າງ​ເກົ້າ​ເດືອນ ເຮົາ​ຈະ​ກັບ​ມາ​ອີກ​ແລະ​ຊາຣາ​ຈະ​ມີ​ລູກຊາຍ​ຜູ້ໜຶ່ງ.”

ລູກາ 1:36

ເອລີຊາເບັດ​ພີ່ນ້ອງ​ຂອງ​ເຈົ້າ ນາງ​ກຳລັງ​ຈະ​ໄດ້​ລູກຊາຍ​ຜູ້ໜຶ່ງ ເຖິງ​ວ່າ​ນາງ​ເຖົ້າແກ່​ແລ້ວ​ກໍຕາມ ຄົນ​ເວົ້າ​ກັນ​ວ່າ ນາງ​ເປັນ​ໝັນ ແຕ່​ບັດນີ້​ນາງ​ຖືພາ​ໄດ້​ຫົກ​ເດືອນ​ແລ້ວ.

ກິດຈະການ 7:8

ແລ້ວ​ພຣະເຈົ້າ​ກໍ​ໃຫ້​ອັບຣາຮາມ​ເຮັດ​ພິທີຕັດ ເພື່ອ​ເປັນ​ເຄື່ອງໝາຍ​ແຫ່ງ​ພັນທະສັນຍາ. ດັ່ງນັ້ນ ອັບຣາຮາມ​ຜູ້​ເປັນ​ພໍ່ ຈຶ່ງ​ເຮັດ​ພິທີຕັດ​ໃຫ້​ອີຊາກ​ໃນ​ວັນ​ທີ​ແປດ ຫລັງຈາກ​ທີ່​ລາວ​ໄດ້​ເກີດ​ມາ ອີຊາກ​ໄດ້​ເຮັດ​ພິທີຕັດ​ໃຫ້​ຢາໂຄບ ແລະ​ຢາໂຄບ​ໄດ້​ເຮັດ​ພິທີຕັດ​ໃຫ້​ລູກຊາຍ​ສິບສອງ​ຄົນ​ຂອງຕົນ ຄື​ບັນພະບຸລຸດ​ແຫ່ງ​ເຊື້ອຊາດ​ຂອງ​ພວກເຮົາ.

ໂຣມ 9:9

ເພາະ​ພຣະເຈົ້າ​ຊົງ​ສັນຍາ​ໄວ້​ ດັ່ງນີ້​ວ່າ, “ເມື່ອ​ເຖິງ​ເວລາ​ກຳນົດ ເຮົາ​ຈະ​ກັບຄືນ​ມາ ແລະ​ນາງ​ຊາຣາ​ກໍ​ຈະ​ມີ​ລູກຊາຍ.”

ຄາລາເຕຍ 4:22

ຕາມ​ທີ່​ມີ​ຂຽນ​ໄວ້​ວ່າ, ອັບຣາຮາມ​ມີ​ລູກຊາຍ​ສອງ​ຄົນ, ຄົນ​ໜຶ່ງ​ເກີດ​ຈາກ​ຍິງ​ຂ້ອຍຂ້າ ແລະ​ອີກ​ຄົນ​ໜຶ່ງ​ເກີດ​ຈາກ​ຍິງ​ທີ່​ບໍ່​ເປັນ​ຂ້ອຍຂ້າ.

ເຮັບເຣີ 11:11

ເພາະ​ເພິ່ນ​ມີ​ຄວາມເຊື່ອ​ແບບ​ນີ້ ເພິ່ນ​ຈຶ່ງ​ມີ​ກຳລັງ​ໃຫ້​ບັງເກີດ​ເຊື້ອສາຍ ເມື່ອ​ອາຍຸ​ແກ່​ເກີນ​ແລ້ວ ແລະ​ນາງ​ຊາຣາ​ກໍ​ເປັນ​ໝັນ ແຕ່​ອັບຣາຮາມ​ກໍ​ຖື​ວ່າ ພຣະອົງ​ຜູ້​ຊົງ​ສັນຍາ​ນັ້ນ​ເປັນ​ຜູ້​ສັດຊື່.

ໂຢຊວຍ 24:3

ແລ້ວ​ເຮົາ​ກໍໄດ້​ພາ​ອັບຣາຮາມ​ປູ່ຍ່າຕາຍາຍ​ຂອງ​ພວກເຈົ້າ ອອກ​ໜີ​ຈາກ​ດິນແດນ​ແມ່ນໍ້າ​ເອີຟຣັດ​ເບື້ອງ​ພຸ້ນ ແລະ​ຜ່ານ​ໄປ​ທົ່ວ​ດິນແດນ​ການາອານ. ເຮົາ​ໄດ້​ໃຫ້​ລາວ​ມີ​ເຊື້ອສາຍ​ຢ່າງ​ຫລວງຫລາຍ