ປະຖົມມະການ 21:1 - ພຣະຄຳພີສັກສິ

¹ ພຣະເຈົ້າຢາເວ​ໄດ້ມາ​ຢ້ຽມຢາມ​ນາງ​ຊາຣາ ເໝືອນດັ່ງ​ທີ່​ພຣະອົງ​ໄດ້​ກ່າວໄວ້, ແລະ​ພຣະເຈົ້າຢາເວ​ໄດ້​ກະທຳ​ແກ່​ນາງ​ຊາຣາ​ຕາມ​ທີ່​ຊົງ​ສັນຍາ​ໄວ້;

ປະຖົມມະການ 21:1 Jak'a apnaqawi uñst'ayäwi

ປະຖົມມະການ 17:16

ເຮົາ​ຈະ​ອວຍພອນ​ນາງ​ໃຫ້​ມີ​ລູກຊາຍ​ຜູ້ໜຶ່ງ ແລະ​ຈະ​ອວຍພອນ​ນາງ​ໃຫ້​ເປັນ​ແມ່​ຂອງ​ຊົນຊາດ​ທັງຫລາຍ ຈົນ​ກະສັດ​ຫລາຍ​ຄົນ​ຈະ​ມາ​ຈາກ​ເຊື້ອສາຍ​ຂອງ​ນາງ.”

ປະຖົມມະການ 17:19

ແຕ່​ພຣະເຈົ້າ​ໄດ້ກ່າວ​ວ່າ, “ບໍ່, ແມ່ນ​ຊາຣາ​ເມຍ​ຂອງ​ເຈົ້າ​ເອງ ທີ່​ຈະ​ເກີດ​ລູກຊາຍ​ໃຫ້​ເຈົ້າ ແລະ​ຈົ່ງ​ໃສ່​ຊື່​ເດັກ​ນັ້ນ​ວ່າ ອີຊາກ. ເຮົາ​ຈະ​ຮັກສາ​ພັນທະສັນຍາ​ຂອງເຮົາ​ໄວ້​ກັບ​ລາວ ແລະ​ກັບ​ເຊື້ອສາຍ​ຂອງ​ລາວ​ຕະຫລອດໄປ. ມັນ​ເປັນ​ພັນທະສັນຍາ​ອັນ​ຕະຫລອດໄປ.

ປະຖົມມະການ 17:21

ແຕ່​ເຮົາ​ຈະ​ຮັກສາ​ພັນທະສັນຍາ​ຂອງເຮົາ​ກັບ​ອີຊາກ ລູກຊາຍ​ຂອງ​ເຈົ້າ ຜູ້​ທີ່​ຈະ​ເກີດ​ຈາກ​ຊາຣາ​ໃນ​ທ້າຍ​ປີ​ໜ້າ​ລະຫວ່າງ​ລະດູ​ນີ້.”

ປະຖົມມະການ 18:10

ຜູ້ໜຶ່ງ​ໃນ​ສາມ​ຄົນ​ເວົ້າ​ວ່າ, “ອີກ​ເກົ້າ​ເດືອນ ເຮົາ​ຈະ​ກັບ​ມາ ແລະ​ຊາຣາ​ຈະ​ມີ​ລູກຊາຍ​ຄົນ​ໜຶ່ງ.” ນາງ​ຊາຣາ​ຢືນ​ຟັງ​ຢູ່​ໃກ້​ປະຕູ​ເຂົ້າ​ເຕັນ ຂ້າງ​ຫລັງ​ຜົວ​ຂອງຕົນ.

ປະຖົມມະການ 18:14

ມີ​ຫຍັງ​ແດ່​ຍາກ​ສຳລັບ​ພຣະເຈົ້າຢາເວ​ບໍ? ຕາມ​ທີ່​ເຮົາ​ບອກ​ເຈົ້າ​ແລ້ວ ໃນ​ລະຫວ່າງ​ເກົ້າ​ເດືອນ ເຮົາ​ຈະ​ກັບ​ມາ​ອີກ​ແລະ​ຊາຣາ​ຈະ​ມີ​ລູກຊາຍ​ຜູ້ໜຶ່ງ.”

ປະຖົມມະການ 24:36

ນາງ​ຊາຣາ​ເມຍ​ຂອງ​ນາຍ​ຂ້ອຍ​ມີ​ລູກຊາຍ​ຜູ້ໜຶ່ງ ເມື່ອ​ເວລາ​ເພິ່ນ​ເຖົ້າແກ່​ແລ້ວ ແລະ​ນາຍ​ຂອງຂ້ອຍ​ໄດ້​ມອບ​ຊັບສົມບັດ​ທັງໝົດ​ໃຫ້​ລາວ.

ປະຖົມມະການ 50:24

ໂຢເຊັບ​ກ່າວ​ແກ່​ພວກ​ອ້າຍ​ນ້ອງ​ວ່າ, “ຂ້ອຍ​ໃກ້​ຈະ​ສິ້ນໃຈ​ຕາຍ​ແລ້ວ, ແຕ່​ພຣະເຈົ້າ​ຈະ​ຮັກສາ​ພວກເຈົ້າ​ຢ່າງ​ແນ່ນອນ ແລະ​ພຣະອົງ​ຈະ​ນຳ​ພວກເຈົ້າ​ອອກ​ໄປ​ຈາກ​ປະເທດ​ນີ້ ຄືນ​ສູ່​ດິນແດນ​ທີ່​ພຣະອົງ​ໄດ້​ສັນຍາ​ໄວ້​ຢ່າງ​ໜັກແໜ້ນ​ກັບ​ອັບຣາຮາມ, ອີຊາກ ແລະ​ຢາໂຄບ.”

2 ກະສັດ 4:17

ແຕ່​ກໍ​ເປັນ​ໄປ​ຕາມ​ທີ່​ເອລີຊາ​ໄດ້​ກ່າວ​ໄວ້. ປີ​ຕໍ່ມາ ໃນ​ເວລາ​ດຽວກັນ​ນັ້ນ ນາງ​ກໍ​ເກີດ​ລູກຊາຍ​ຜູ້ໜຶ່ງ.

ເພງ^ສັນລະເສີນ 106:4

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ລະນຶກເຖິງ​ຂ້ານ້ອຍ​ດ້ວຍ ເມື່ອ​ພຣະອົງ​ຊ່ວຍເຫຼືອ​ໄພ່ພົນ​ຂອງ​ພຣະອົງ. ຂໍ​ຊົງ​ໂຜດ​ຮວມ​ເອົາ​ຂ້ານ້ອຍ​ເຂົ້າ​ນຳ ເມື່ອ​ພຣະອົງ​ຊ່ວຍ​ພວກເຂົາ​ໃຫ້​ພົ້ນ.

ເພງ^ສັນລະເສີນ 12:6

ຄຳສັນຍາ​ຂອງ​ພຣະເຈົ້າຢາເວ​ນັ້ນ​ກໍ​ເປັນ​ທີ່​ໄວ້ວາງໃຈ ບໍຣິສຸດ​ດັ່ງ​ເງິນ​ຖືກ​ຫລອມ​ໃນ​ໄຟ​ເຖິງ​ເຈັດ​ຄັ້ງ.

ອົບພະຍົບ 20:5

ຢ່າ​ນົບ​ຫລື​ຂາບໄຫວ້​ຮູບ​ເຫຼົ່ານັ້ນ ເພາະ​ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ເຈົ້າ ແລະ​ເຮົາ​ເປັນ​ພຣະເຈົ້າ​ທີ່​ຫວງແຫນ. ເຮົາ​ນຳ​ການ​ລົງໂທດ​ມາ​ສູ່​ພວກ​ທີ່​ກຽດຊັງ​ເຮົາ ຕະຫລອດ​ທັງ​ລູກຫລານ​ຂອງ​ພວກເຂົາ ເຖິງ​ສາມ ແລະ​ສີ່​ຊົ່ວ​ເຊັ່ນ​ຄົນ.

ອົບພະຍົບ 3:16

ບັດນີ້ ເຈົ້າ​ຈົ່ງ​ໄປ​ປະຊຸມ​ກັບ​ບັນດາ​ຜູ້ນຳ​ຂອງ​ຊົນຊາດ​ອິດສະຣາເອນ ແລະ​ບອກ​ພວກເຂົາ​ວ່າ, ‘ພຣະເຈົ້າຢາເວ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຈົ້າ ພຣະເຈົ້າ​ຂອງ​ອັບຣາຮາມ, ອີຊາກ ແລະ​ຢາໂຄບ ໄດ້​ປາກົດ​ແກ່​ຂ້ອຍ. ແລະ​ກ່າວ​ວ່າ: ເຮົາ​ໄດ້​ມາ​ຫາ​ພວກເຈົ້າ ແລະ​ໄດ້​ເຫັນ​ສິ່ງ​ທີ່​ຊາວ​ເອຢິບ​ໄດ້​ເຮັດ​ຕໍ່​ພວກເຈົ້າ.

ອົບພະຍົບ 4:31

ດັ່ງນັ້ນ ພວກເຂົາ​ຈຶ່ງ​ເຊື່ອ ແລະ​ເມື່ອ​ໄດ້ຍິນ​ວ່າ ພຣະເຈົ້າຢາເວ​ໄດ້​ມາ​ຫາ​ພວກເຂົາ ແລະ​ທັງ​ຮູ້​ວ່າ ພຣະອົງ​ໄດ້​ເຫັນ​ພວກເຂົາ​ຖືກ​ກົດຂີ່​ຢ່າງ​ໂຫດຮ້າຍ​ທາລຸນ​ຢ່າງ​ໃດ ພວກເຂົາ​ຈຶ່ງ​ໄດ້​ພາກັນ​ຂາບລົງ​ແລະ​ນ້ອມ​ນະມັດສະການ.

ມັດທາຍ 24:35

ຟ້າ​ແລະ​ດິນ​ກໍ​ຈະ​ລ່ວງພົ້ນ​ໄປ, ແຕ່​ຖ້ອຍຄຳ​ຂອງເຮົາ​ຈະ​ບໍ່​ລ່ວງພົ້ນ​ໄປ​ຈັກເທື່ອ.”

ລູກາ 1:68

“ຈົ່ງ​ສັນລະເສີນ​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ອິດສະຣາເອນ ດ້ວຍວ່າ, ພຣະອົງ​ໄດ້​ຊົງ​ຢ້ຽມຢາມ ແລະ ໄດ້​ຊົງ​ໄຖ່​ເອົາ​ພົນລະເມືອງ​ ຂອງ​ພຣະອົງ

ລູກາ 19:44

ພວກເຂົາ​ຈະ​ທຳລາຍ​ເຈົ້າ ແລະ​ລູກ​ທັງຫລາຍ​ທີ່​ຢູ່​ນຳ​ເຈົ້າ​ໃຫ້​ລົງ​ພຽງ​ດິນ. ພວກເຂົາ​ຈະ​ບໍ່​ປະ​ກ້ອນຫີນ​ໃຫ້​ຊ້ອນ​ທັບ​ກັນ​ໄວ້​ພາຍ​ໃນ​ເຈົ້າ ເພາະວ່າ​ເຈົ້າ​ບໍ່​ຮູ້​ເວລາ​ທີ່​ພຣະເຈົ້າ​ໄດ້​ມາ​ຢ້ຽມຢາມ​ເຈົ້າ.”

ຄາລາເຕຍ 4:23

ລູກຊາຍ​ຂອງ​ເພິ່ນ​ຜູ້​ທີ່​ໄດ້​ຈາກ​ຍິງ​ຂ້ອຍຂ້າ​ນັ້ນ ເກີດ​ຕາມ​ທຳມະດາ ແຕ່​ລູກຊາຍ​ຂອງ​ເພິ່ນ ຜູ້​ທີ່​ໄດ້​ຈາກ​ຍິງ​ທີ່​ບໍ່​ເປັນ​ຂ້ອຍຂ້າ​ນັ້ນ ແມ່ນ​ເກີດ​ຕາມ​ພຣະສັນຍາ.

ຄາລາເຕຍ 4:28

ບັດນີ້ ພີ່ນ້ອງ​ທັງຫລາຍ​ຂອງເຮົາ​ເອີຍ, ພວກເຈົ້າ​ກໍ​ເປັນ​ລູກໆ​ຂອງ​ພຣະເຈົ້າ ຕາມ​ພຣະສັນຍາ ເໝືອນດັ່ງ​ອີຊາກ.

ຕີໂຕ 1:2

ດ້ວຍ​ຫວັງ​ວ່າ​ຈະ​ໄດ້​ຊີວິດ​ນິຣັນດອນ ຊຶ່ງ​ພຣະເຈົ້າ​ຜູ້​ບໍ່​ຊົງ​ກ່າວ​ຄຳ​ຕົວະ​ໄດ້ ໄດ້​ຊົງ​ສັນຍາ​ໄວ້​ຕັ້ງແຕ່​ດຶກດຳບັນ,

ນາງຣຸດ 1:6

ຕໍ່ມາ ນາງ​ນາໂອມີ​ໄດ້ຍິນ​ວ່າ ພຣະເຈົ້າຢາເວ​ໄດ້​ອວຍພອນ​ປະຊາຊົນ​ຂອງ​ພຣະອົງ​ໂດຍ​ໃຫ້​ມີ​ການ​ເກັບກ່ຽວ​ໄດ້​ດີ. ສະນັ້ນ ນາງ​ພ້ອມ​ລູກໃພ້​ທັງສອງ​ຈຶ່ງ​ຕຽມຕົວ​ໜີໄປ​ຈາກ​ດິນແດນ​ໂມອາບ.

1 ຊາມູເອນ 1:19

ເຊົ້າ​ມື້​ໃໝ່​ມາ ເອນການາ​ພ້ອມ​ທັງ​ຄອບຄົວ​ໄດ້​ລຸກ​ແຕ່​ເຊົ້າ. ຫລັງຈາກ​ນະມັດສະການ​ຕໍ່ໜ້າ​ພຣະເຈົ້າຢາເວ​ແລ້ວ ພວກເຂົາ​ກໍ​ໄດ້​ກັບຄືນ​ເມືອ​ເຮືອນ​ຂອງ​ພວກເຂົາ​ທີ່​ຣາມາ. ເອນການາ​ໄດ້​ສົມສູ່​ກັບ​ນາງ​ຮັນນາ​ເມຍ​ຂອງຕົນ ແລະ​ພຣະເຈົ້າຢາເວ​ກໍໄດ້​ຊົງ​ລະນຶກເຖິງ​ນາງ.

1 ຊາມູເອນ 2:21

ພຣະເຈົ້າຢາເວ​ໄດ້​ອວຍພອນ​ນາງ​ຮັນນາ ແລະ​ນາງ​ໄດ້​ມີ​ລູກຊາຍ​ຕື່ມ​ອີກ​ສາມ​ຄົນ​ແລະ​ລູກສາວ​ສອງ​ຄົນ. ສ່ວນ​ເດັກຊາຍ​ຊາມູເອນ​ນັ້ນ​ກໍ​ເຕີບໃຫຍ່​ຂຶ້ນ​ໃນ​ການ​ບົວລະບັດ​ຮັບໃຊ້​ພຣະເຈົ້າຢາເວ.