ປະຖົມມະການ 20:3 - ພຣະຄຳພີສັກສິ

³ ໃນ​ຄືນ​ໜຶ່ງ ພຣະເຈົ້າ​ໄດ້​ປາກົດ​ແກ່​ກະສັດ​ໃນ​ຄວາມຝັນ​ວ່າ “ເຈົ້າ​ຈະ​ຕາຍ ເພາະ​ເຈົ້າ​ເອົາ​ຍິງ​ຜູ້​ນີ້​ມາ. ນາງ​ມີ​ຜົວ​ແລ້ວ.”

ປະຖົມມະການ 20:3 Jak'a apnaqawi uñst'ayäwi

ປະຖົມມະການ 12:17

ແຕ່​ຍ້ອນ​ກະສັດ​ໄດ້​ເອົາ​ຊາຣາຍ​ມາ​ຢູ່​ໃນ​ຣາຊວັງ ພຣະເຈົ້າຢາເວ​ຈຶ່ງ​ເຮັດ​ໃຫ້​ກະສັດ​ເອງ ແລະ​ຄົນ​ໃນ​ຣາຊວັງ​ເປັນ​ພະຍາດ​ຢ່າງ​ຮ້າຍແຮງ.

ປະຖົມມະການ 12:18

ແລ້ວ​ກະສັດ​ເອຢິບ​ກໍ​ເອີ້ນ​ອັບຣາມ​ມາ ແລະ​ສອບຖາມ​ວ່າ, “ເປັນຫຍັງ​ເຈົ້າ​ຈຶ່ງ​ເຮັດ​ກັບ​ເຮົາ​ແບບ​ນີ້? ເປັນຫຍັງ​ຈຶ່ງ​ບໍ່​ບອກ​ເຮົາ​ວ່າ ນາງ​ເປັນ​ເມຍ​ຂອງ​ເຈົ້າ?

ປະຖົມມະການ 20:7

ແຕ່​ບັດນີ້ ຈົ່ງ​ເອົາ​ຍິງ​ຜູ້​ນີ້​ໄປ​ສົ່ງ​ໃຫ້​ຜົວ​ຂອງ​ນາງ. ຜົວ​ຂອງ​ນາງ​ເປັນ​ຜູ້ທຳນວາຍ ແລະ​ລາວ​ຈະ​ພາວັນນາ​ອະທິຖານ​ສຳລັບ​ເຈົ້າ​ເພື່ອ​ເຈົ້າ​ຈະ​ບໍ່​ຕາຍ, ແຕ່​ເຮົາ​ຂໍ​ເຕືອນ​ເຈົ້າ​ວ່າ ຖ້າ​ເຈົ້າ​ບໍ່​ສົ່ງ​ນາງ​ຄືນ​ໄປ ເຈົ້າ​ແລະ​ປະຊາຊົນ​ທັງໝົດ​ຂອງ​ເຈົ້າ​ຈະ​ຕ້ອງ​ຕາຍ.”

ປະຖົມມະການ 28:12

ເມື່ອ​ຫລັບ​ໄປ ລາວ​ໄດ້​ຝັນ​ເຫັນ​ຂັ້ນໄດ​ແຕ່​ດິນ​ຈົນ​ຈຸ​ສະຫວັນ ແລະ ມີ​ບັນດາ​ເທວະດາ​ຂອງ​ພຣະເຈົ້າ​ກຳລັງ​ຍ່າງ​ຂຶ້ນ​ຍ່າງ​ລົງ​ຕາມ​ຂັ້ນໄດ​ນັ້ນ.

ປະຖົມມະການ 31:24

ໃນ​ຄືນ​ນັ້ນ ພຣະເຈົ້າ​ໄດ້​ປາກົດ​ໃນ​ຄວາມຝັນ​ຂອງ​ລາບານ​ຊາວ​ອາຣາມ ແລະ​ກ່າວ​ແກ່​ລາວ​ວ່າ, “ຈົ່ງ​ລະວັງ ເຈົ້າ​ຢ່າ​ຂູ່ເຂັນ​ຢາໂຄບ​ແຕ່​ຢ່າງ​ໃດ​ເລີຍ.”

ປະຖົມມະການ 37:5

ຄືນ​ໜຶ່ງ ໂຢເຊັບ​ຝັນ ເມື່ອ​ລາວ​ເລົ່າ​ຄວາມຝັນ​ສູ່​ພວກ​ອ້າຍ​ຟັງ ພວກເຂົາ​ແຮ່ງ​ກຽດຊັງ​ລາວ​ຫລາຍ​ຂຶ້ນ.

ປະຖົມມະການ 37:9

ແລ້ວ​ໂຢເຊັບ​ກໍ​ຝັນ​ອີກ ແລະ​ເລົ່າ​ຄວາມຝັນ​ສູ່​ພວກ​ອ້າຍ​ຟັງ​ຕື່ມ​ວ່າ, “ຂ້ອຍ​ຝັນ​ອີກ. ຂ້ອຍ​ຝັນ​ເຫັນ​ຕາເວັນ, ເດືອນ ແລະ​ດວງດາວ​ສິບເອັດ​ດວງ​ກົ້ມຂາບ​ຂ້ອຍ.”

ປະຖົມມະການ 40:5

ຄືນ​ໜຶ່ງ ໃນ​ຫ້ອງ​ຂັງ​ນັ້ນ ຂ້າຣາຊການ​ສອງ​ຄົນ​ຕ່າງ​ກໍ​ຝັນ; ຄວາມຝັນ​ຂອງ​ແຕ່ລະຄົນ​ມີ​ຄວາມໝາຍ​ແຕກຕ່າງ​ກັນ.

ປະຖົມມະການ 40:8

ພວກເຂົາ​ຕອບ​ວ່າ, “ພວກຂ້ອຍ​ຝັນ ແລະ​ບໍ່ມີ​ຜູ້ໃດ​ໃນ​ທີ່​ນີ້​ສາມາດ​ແກ້​ຄວາມຝັນ​ໄດ້.” ໂຢເຊັບ​ເວົ້າ​ຂຶ້ນ​ວ່າ, “ແມ່ນ​ພຣະເຈົ້າ​ເທົ່ານັ້ນ​ທີ່​ຈະ​ແກ້​ໄດ້ ພວກທ່ານ​ລອງ​ເລົ່າ​ຄວາມຝັນ​ສູ່​ຂ້ານ້ອຍ​ຟັງ​ເບິ່ງດູ.”

ປະຖົມມະການ 46:2

ໃນ​ຄືນ​ນັ້ນ ພຣະເຈົ້າ​ໄດ້​ກ່າວ​ກັບ​ຢາໂຄບ​ທາງ​ຄວາມຝັນ​ວ່າ, “ຢາໂຄບ ຢາໂຄບ​ເອີຍ.” ເພິ່ນ​ຂານ​ຕອບ​ວ່າ, “ໂດຍ ຂ້ານ້ອຍ​ກຳລັງ​ຟັງ​ຢູ່.”

1 ຂ່າວຄາວ 16:21

ແຕ່​ພຣະອົງ​ບໍ່​ຍອມ​ໃຫ້​ຜູ້ໃດ​ກົດຂີ່​ພວກເຂົາ ພຣະອົງ​ເຕືອນ​ກະສັດ​ໃຫ້​ປົກປ້ອງ​ພວກເຂົາ​ໄວ້​ວ່າ,

ພຣະທຳ​ໂຢບ 33:15

ຕອນ​ກາງຄືນ​ເມື່ອ​ມະນຸດ​ນອນ​ຫລັບ​ສະໜິດ ພຣະເຈົ້າ​ເວົ້າ​ໃນ​ຄວາມຝັນ ແລະ​ໃນ​ນິມິດ​ຕ່າງໆ.

ພຣະທຳ​ໂຢບ 33:17

ພຣະເຈົ້າ​ເວົ້າ​ເພື່ອ​ໃຫ້​ພວກເຂົາ​ຢຸດ​ເຮັດ​ຊົ່ວ​ເສຍທີ ຊ່ວຍ​ພວກເຂົາ​ໃຫ້​ພົ້ນ​ຈາກ​ການ​ເປັນ​ຜູ້​ຈອງຫອງ​ພອງຕົວ​ຂຶ້ນ.

ເພງ^ສັນລະເສີນ 105:14

ພຣະອົງ​ບໍ່​ໃຫ້​ຜູ້ໃດ​ກົດຂີ່​ພວກເພິ່ນ ເພື່ອ​ປົກປ້ອງ ພຣະອົງ​ໄດ້​ເຕືອນ ບັນດາ​ກະສັດ​ດັ່ງນີ້:

ໂຢນາ 3:4

ໂຢນາ​ໄດ້​ຕັ້ງຕົ້ນ​ຍ່າງ​ເຂົ້າ​ໄປ​ໃນເມືອງ ແລະ​ຫລັງຈາກ​ຍ່າງ​ໄດ້​ສາມ​ວັນ​ເຕັມ ເພິ່ນ​ຈຶ່ງ​ປະກາດ​ວ່າ, “ໃນ​ສີ່ສິບ​ວັນ ເມືອງ​ນີເນເວ​ຈະ​ຖືກ​ທຳລາຍ.”

ຈົດບັນຊີ 22:9

ພຣະເຈົ້າ​ໄດ້​ມາ​ຫາ​ບາລາອາມ ແລະ​ຖາມ​ລາວ​ວ່າ, “ຄົນ​ເຫຼົ່ານີ້​ທີ່​ມາ​ພັກ​ນຳ​ເຈົ້າ​ນັ້ນ​ແມ່ນ​ໃຜ?”

ມັດທາຍ 1:20

ແຕ່​ໃນ​ຂະນະ​ທີ່​ໂຢເຊັບ​ຄິດເຖິງ​ເລື່ອງ​ນີ້​ຢູ່ ກໍ​ມີ​ເທວະດາ​ຂອງ​ອົງພຣະ​ຜູ້​ເປັນເຈົ້າ​ຕົນ​ໜຶ່ງ​ໄດ້​ປາກົດ​ຕໍ່​ລາວ​ໃນ​ຄວາມ​ຝັນ ແລະ​ກ່າວ​ວ່າ, “ໂຢເຊັບ ລູກ​ດາວິດ​ເອີຍ ຢ່າ​ສູ່​ຢ້ານ​ທີ່​ຈະ​ຮັບ​ເອົາ​ມາຣີ​ມາ​ເປັນ​ເມຍ​ຂອງ​ເຈົ້າ ການ​ທີ່​ມາຣີ​ຕັ້ງ​ທ້ອງ​ນັ້ນ​ກໍ​ມີ​ໂດຍ​ຣິດເດດ​ຂອງ​ພຣະວິນຍານ​ບໍຣິສຸດເຈົ້າ.

ມັດທາຍ 27:19

ຂະນະທີ່​ປີລາດ​ນັ່ງ​ຢູ່​ບ່ອນ​ຕັດສິນ​ຄວາມ​ນັ້ນ ເມຍ​ຂອງ​ເພິ່ນ​ກໍ​ໃຊ້​ຄົນ​ມາ​ບອກ​ເພິ່ນ​ວ່າ, “ຢ່າ​ໄດ້​ພົວພັນ​ກັບ​ເລື່ອງ​ຂອງ​ຄົນ​ບໍ່ມີ​ຄວາມຜິດ​ນັ້ນ ເພາະ​ວັນ​ນີ້​ນ້ອງ​ເປັນທຸກ​ໜັກໃຈ ຍ້ອນ​ຄວາມຝັນ​ກ່ຽວກັບ​ຜູ້ນັ້ນ.”