ປະຖົມມະການ 19:1 - ພຣະຄຳພີສັກສິ

¹ ເມື່ອ​ເທວະດາ​ສອງ​ຕົນ ໄດ້​ເຂົ້າ​ໄປ​ຮອດ​ເມືອງ​ໂຊໂດມ​ໃນ​ຕອນ​ຄໍ່າ​ຂອງ​ມື້​ນັ້ນ ແລະ​ໂລດ​ກໍ​ກຳລັງ​ນັ່ງ​ຢູ່​ທີ່​ປະຕູ​ເມືອງ. ໃນທັນໃດ​ທີ່​ເຫັນ​ເທວະດາ​ນັ້ນ ເພິ່ນ​ກໍ​ຟ້າວ​ລຸກ​ຂຶ້ນ​ອອກ​ໄປ​ຕ້ອນຮັບ​ທັນທີ

ປະຖົມມະການ 19:1 Jak'a apnaqawi uñst'ayäwi

ປະຖົມມະການ 11:27

ຕໍ່ໄປນີ້​ແມ່ນ​ເຊື້ອສາຍ​ຂອງ​ເຕຣາ ຜູ້​ເປັນ​ພໍ່​ຂອງ​ອັບຣາມ, ນາໂຮ ແລະ​ຮາຣານ. ຮາຣານ​ເປັນ​ພໍ່​ຂອງ​ໂລດ

ປະຖົມມະການ 13:12

ອັບຣາມ​ອາໄສ​ຢູ່​ໃນ​ດິນແດນ​ການາອານ ສ່ວນ​ໂລດ​ນັ້ນ​ຕັ້ງ​ຖິ່ນຖານ​ຢູ່​ທ່າມກາງ​ເມືອງ​ຕ່າງໆ ໃນ​ທົ່ງ​ຮາບພຽງ​ໃກ້​ກັບ​ເມືອງ​ໂຊໂດມ

ປະຖົມມະການ 18:16

ຫລັງຈາກ​ນັ້ນ ຊາຍ​ທັງ​ສາມ​ກໍ​ຈາກ​ໄປ​ສູ່​ບ່ອນ​ທີ່​ພວກ​ຕົນ​ຈະ​ເຫັນ​ເມືອງ​ໂຊໂດມ​ໄດ້ ແລະ​ອັບຣາຮາມ​ກໍຕາມ​ໄປ​ສົ່ງ​ດ້ວຍ.

ປະຖົມມະການ 18:22

ແລ້ວ​ຊາຍ​ສອງ​ຄົນ​ກໍ​ຈາກ​ໄປ ໂດຍ​ມຸ່ງໜ້າ​ສູ່​ເມືອງ​ໂຊໂດມ, ແຕ່​ພຣະເຈົ້າຢາເວ​ຍັງ​ຢູ່​ກັບ​ອັບຣາຮາມ.

ປະຖົມມະການ 19:10

ແຕ່​ຊາຍ​ທັງສອງ​ທີ່​ຢູ່​ໃນ​ເຮືອນ ໄຂ​ປະຕູ​ອອກ​ມາ​ດຶງ​ເອົາ​ໂລດ​ເຂົ້າ​ໄປ​ໃນ​ເຮືອນ​ແລະ​ອັດ​ປະຕູ​ໄວ້.

ປະຖົມມະການ 19:2

ແລະ​ເວົ້າ​ວ່າ, “ທ່ານເອີຍ ຂ້ານ້ອຍ​ຜູ້ຮັບໃຊ້​ຂອງທ່ານ. ຂໍ​ກະລຸນາ​ແວ່​ເຂົ້າ​ໄປ​ໃນ​ເຮືອນ​ຂອງ​ຂ້ານ້ອຍ​ກ່ອນ​ແດ່ທ້ອນ. ທ່ານ​ຈະ​ລ້າງ​ຕີນ ແລະ​ພັກ​ແຮມຄືນ​ກໍໄດ້. ພໍ​ຮຸ່ງ​ເຊົ້າ​ຂຶ້ນ​ມາ ທ່ານ​ຈຶ່ງ​ຄ່ອຍ​ເດີນທາງ​ໄປ​ຕໍ່.” ແຕ່​ພວກເພິ່ນ​ຕອບ​ວ່າ, “ບໍ່, ເຮົາ​ຈະ​ຄ້າງຄືນ​ທີ່​ສີ່​ແຍກ​ຂອງ​ເມືອງ​ນີ້.”

ປະຖົມມະການ 23:12

ແຕ່​ອັບຣາຮາມ​ກົ້ມຂາບ​ຊາວ​ເມືອງ​ນັ້ນ

ປະຖົມມະການ 48:12

ແລ້ວ​ໂຢເຊັບ​ກໍ​ເອົາ​ເຂົາ​ທັງສອງ​ອອກ​ຈາກ​ຕັກ​ຂອງ​ຢາໂຄບ ແລະ​ພາ​ພວກເຂົາ​ກົ້ມ​ຂາບລົງ​ຕໍ່ໜ້າ​ເພິ່ນ.

ພຣະທຳ​ໂຢບ 29:7

ເທື່ອໃດ​ທີ່​ເຖົ້າແກ່​ໃນ​ເມືອງ​ນັດພົບ​ປະຊຸມກັນ ເທື່ອນັ້ນ​ຂ້ອຍ​ກໍ​ມີໜ້າ​ຢູ່ນຳ​ໃນ​ທີ່​ປະຊຸມ​ຜູ້ໜຶ່ງ.

ພຣະທຳ​ໂຢບ 31:32

ຄົນ​ທຽວທາງ​ນັ້ນ ຂ້ອຍ​ເຊີນ​ພວກເຂົາ​ໃຫ້​ເຂົ້າ​ພັກ​ໃນ​ເຮືອນ ແລະ​ບໍ່ເຄີຍ​ປ່ອຍ​ໃຫ້​ນອນ​ຕາມຫົນທາງ​ຈັກເທື່ອ.

ເພງ^ສັນລະເສີນ 69:12

ຄົນ​ເວົ້າ​ເລື່ອງ​ຂ້ານ້ອຍ​ນັ້ນ​ຕາມ​ຫົນທາງ ແລະ​ຄົນ​ຂີ້ເຫລົ້າ​ກໍ​ແຕ່ງເພງ​ຮ້ອງ​ສຽດສີ​ໃສ່​ຂ້ານ້ອຍ.

ລູກາ 17:28

ໃນ​ສະໄໝ​ຂອງ​ໂລດ​ກໍ​ເໝືອນກັນ ຄົນ​ທັງຫລາຍ​ໄດ້​ກິນ​ແລະ​ດື່ມ ໄດ້​ຊື້​ແລະ​ໄດ້​ຂາຍ ໄດ້​ປູກຝັງ​ແລະ​ໄດ້​ກໍ່ສ້າງ.

ເຮັບເຣີ 13:2

ຢ່າ​ລືມ​ການ​ຕ້ອນຮັບ​ແຂກ ເພາະ​ດ້ວຍ​ການ​ເຮັດ​ເຊັ່ນນີ້ ມີ​ບາງຄົນ​ກໍໄດ້​ຕ້ອນຮັບ​ເທວະດາ​ຢ່າງ​ບໍ່​ຮູ້​ຕົວ.

ນາງຣຸດ 4:1

ໂບອາດ​ໄດ້​ໄປ​ບ່ອນ​ປະຊຸມ​ທີ່​ປະຕູ​ເມືອງ​ແລະ​ນັ່ງ​ຢູ່​ທີ່​ນັ້ນ. ແລ້ວ​ພີ່ນ້ອງ​ຜູ້​ໃກ້ຊິດ​ຂອງ​ເອລີເມເຫຼັກ ທີ່​ໂບອາດ​ກ່າວ​ເຖິງ​ນັ້ນ​ກໍ​ຍ່າງ​ຜ່ານ​ມາ. ໂບອາດ​ຈຶ່ງ​ເອີ້ນ​ໃສ່​ວ່າ, “ເພື່ອນ​ເອີຍ ເຊີນ​ມາ​ນັ່ງ​ທີ່ນີ້​ກ່ອນ.” ລາວ​ຈຶ່ງ​ເຂົ້າ​ໄປ​ນັ່ງ.