ປະຖົມມະການ 18:1 - ພຣະຄຳພີສັກສິ

¹ ພຣະເຈົ້າຢາເວ​ໄດ້​ປາກົດ​ແກ່​ອັບຣາຮາມ​ທີ່​ຕົ້ນໄມ້​ສັກສິດ​ຂອງ​ມຳເຣ ໃນ​ຂະນະທີ່​ເພິ່ນ​ກຳລັງ​ນັ່ງ​ຢູ່​ທີ່​ປະຕູ​ເຕັນ​ເວລາ​ແດດ​ກ້າ

ປະຖົມມະການ 18:1 Jak'a apnaqawi uñst'ayäwi

ປະຖົມມະການ 12:7

ພຣະເຈົ້າຢາເວ​ໄດ້​ປາກົດ​ແກ່​ອັບຣາມ ແລະ​ບອກ​ເພິ່ນ​ວ່າ, “ນີ້​ແມ່ນ​ດິນແດນ ທີ່​ເຮົາ​ຈະ​ມອບ​ໃຫ້​ແກ່​ເຊື້ອສາຍ​ຂອງ​ເຈົ້າ.” ແລ້ວ​ຢູ່​ໃນ​ບ່ອນ​ນີ້ ອັບຣາມ​ໄດ້​ກໍ່ສ້າງ​ແທ່ນບູຊາ​ແທ່ນ​ໜຶ່ງ ຖວາຍ​ແກ່​ພຣະເຈົ້າຢາເວ​ອົງ​ທີ່​ໄດ້​ປາກົດ​ແກ່​ຕົນ.

ປະຖົມມະການ 13:18

ດັ່ງນັ້ນ ອັບຣາມ​ຈຶ່ງ​ຍົກຍ້າຍ​ຂະບວນ​ທີ່​ພັກ​ໄປ​ຕັ້ງ​ຢູ່​ໃກ້​ຕົ້ນໄມ້​ສັກສິດ​ຂອງ​ມຳເຣ​ທີ່​ເຮັບໂຣນ ແລະ​ໃນ​ທີ່ນັ້ນ ເພິ່ນ​ໄດ້​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າຢາເວ.

ປະຖົມມະການ 14:13

ແຕ່​ມີ​ຊາຍ​ຄົນ​ໜຶ່ງ​ປົບໜີ​ມາ​ໄດ້ ຈຶ່ງ​ບອກ​ເລື່ອງ​ໃຫ້​ອັບຣາມ​ຄົນ​ເຮັບເຣີ​ຮູ້ ຊຶ່ງ​ໃນ​ເວລາ​ນັ້ນ​ເພິ່ນ​ອາໄສ​ຢູ່​ໃກ້​ຕົ້ນໄມ້​ສັກສິດ​ຂອງ​ມຳເຣ ຊາວ​ອາໂມ. ມຳເຣ​ເປັນ​ອ້າຍ​ຂອງ​ເອັດຊະໂຄນ ແລະ​ອາເນ. ສ່ວນ​ຄົນ​ພວກ​ນີ້​ເປັນ​ພັນທະມິດ​ຂອງ​ອັບຣາມ.

ປະຖົມມະການ 15:1

ຫລັງຈາກ​ນັ້ນ ອັບຣາມ​ກໍ​ໄດ້​ຍິນ​ພຣະເຈົ້າຢາເວ​ກ່າວ​ແກ່​ຕົນ​ທາງ​ນິມິດ​ວ່າ, “ອັບຣາມ​ເອີຍ ເຈົ້າ​ຢ່າ​ຢ້ານ​ແຕ່​ຢ່າງໃດ​ເລີຍ ເຮົາ​ແມ່ນ​ໂລ້​ຕ້ານທານ​ທີ່​ຄອຍ​ຮັກສາ​ເຈົ້າ ຈາກ​ເຫຼົ່າ​ໂພຍໄພ​ຮ້າຍ​ອັນຕະລາຍ​ຕ່າງໆ ເຮົາ​ຈະ​ໃຫ້​ບຳເໜັດ​ເຈົ້າ​ຢ່າງ​ຫລວງຫລາຍ.”

ປະຖົມມະການ 17:22

ເມື່ອ​ພຣະເຈົ້າ​ກ່າວ​ແກ່​ອັບຣາຮາມ​ແລ້ວໆ ພຣະອົງ​ກໍ​ຈາກ​ເພິ່ນ​ໄປ.

ປະຖົມມະການ 18:22

ແລ້ວ​ຊາຍ​ສອງ​ຄົນ​ກໍ​ຈາກ​ໄປ ໂດຍ​ມຸ່ງໜ້າ​ສູ່​ເມືອງ​ໂຊໂດມ, ແຕ່​ພຣະເຈົ້າຢາເວ​ຍັງ​ຢູ່​ກັບ​ອັບຣາຮາມ.

ປະຖົມມະການ 20:1

ອັບຣາຮາມ​ໄດ້​ຍ້າຍ​ຈາກ​ເມືອງ​ມຳເຣ ໄປ​ທີ່​ເຂດ​ພາກໃຕ້​ຂອງ​ການາອານ ແລະ​ເພິ່ນ​ໄດ້​ຕັ້ງ​ຖິ່ນຖານ​ຢູ່​ລະຫວ່າງ​ເມືອງ​ກາເດັດ​ແລະ​ເມືອງ​ຊູເຣ. ຕໍ່ມາ ເມື່ອ​ອັບຣາຮາມ​ພັກ​ຢູ່​ທີ່​ເມືອງ​ເກຣາກ​ນັ້ນ

ປະຖົມມະການ 26:2

ພຣະເຈົ້າຢາເວ​ໄດ້​ປາກົດ​ແກ່​ອີຊາກ ແລະ​ບອກ​ເພິ່ນ​ວ່າ, “ຢ່າ​ໄປ​ປະເທດ​ເອຢິບ; ຈົ່ງ​ຢູ່​ໃນ​ດິນແດນ​ນີ້​ຊຶ່ງ​ເປັນ​ບ່ອນ​ທີ່​ເຮົາ​ບອກ​ເຈົ້າ​ຢູ່.

ປະຖົມມະການ 35:27

ຢາໂຄບ​ໄດ້​ກັບຄືນ​ມາ​ຫາ​ອີຊາກ​ພໍ່​ຂອງຕົນ​ທີ່​ມຳເຣ ໃກ້​ກັບ​ເຮັບໂຣນ ບ່ອນ​ທີ່​ອັບຣາຮາມ​ແລະ​ອີຊາກ​ເຄີຍ​ອາໄສ​ຢູ່.

ປະຖົມມະການ 48:3

ຢາໂຄບ​ກ່າວ​ແກ່​ໂຢເຊັບ​ວ່າ, “ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ປາກົດ​ແກ່​ພໍ່​ທີ່​ເມືອງ​ລູເຊ ໃນ​ການາອານ​ແລະ​ອວຍພອນ​ພໍ່.

2 ຂ່າວຄາວ 1:7

ແລ້ວ​ໃນ​ຄືນ​ນັ້ນ ພຣະເຈົ້າ​ກໍໄດ້​ປາກົດ​ແກ່​ກະສັດ​ໂຊໂລໂມນ ແລະ​ຖາມ​ເພິ່ນ​ວ່າ, “ເຈົ້າ​ຕ້ອງການ​ຢາກ​ໃຫ້​ເຮົາ​ເອົາ​ຫຍັງ​ໃຫ້​ແກ່​ເຈົ້າ? ຈົ່ງ​ຂໍ​ມາ​ເຖີດ.”

ອົບພະຍົບ 4:1

ໂມເຊ​ໄດ້​ຕອບ​ວ່າ, “ແຕ່​ຖ້າ​ວ່າ​ຊາວ​ອິດສະຣາເອນ​ບໍ່​ເຊື່ອ ແລະ​ທັງ​ບໍ່​ຟັງ​ສິ່ງ​ທີ່​ຂ້ານ້ອຍ​ກ່າວ​ໄປ​ນັ້ນ, ແຕ່​ພວກເຂົາ​ກັບ​ເວົ້າ​ວ່າ, ‘ພຣະເຈົ້າຢາເວ​ບໍ່ໄດ້​ປາກົດ​ຕໍ່​ເຈົ້າ​ດອກ.’ ພຣະອົງ​ຈະ​ໃຫ້​ຂ້ານ້ອຍ​ເຮັດ​ຢ່າງ​ໃດ?”

ກິດຈະການ 7:2

ຝ່າຍ​ຊະເຕຟາໂນ​ໄດ້​ຕອບ​ວ່າ, “ພີ່ນ້ອງ​ແລະ​ພວກ​ຍາພໍ່​ທັງຫລາຍ​ເອີຍ, ຂໍໂຜດ​ຟັງ​ຂ້ານ້ອຍ​ກ່າວ​ເທີ້ນ ພຣະເຈົ້າ​ແຫ່ງ​ສະຫງ່າຣາສີ​ໄດ້​ປາກົດ​ແກ່​ອັບຣາຮາມ ບັນພະບຸລຸດ​ຂອງ​ພວກເຮົາ ເມື່ອ​ເພິ່ນ​ຍັງ​ຢູ່​ທີ່​ເມໂຊໂປຕາເມຍ ກ່ອນ​ທີ່​ເພິ່ນ​ໄດ້​ໄປ​ອາໄສ​ຢູ່​ໃນ​ເມືອງ​ຮາຣານ

ເຮັບເຣີ 11:9

ເພາະ​ຄວາມເຊື່ອ​ແບບ​ນີ້ ເພິ່ນ​ໄດ້​ອາໄສ​ຢູ່​ໃນ​ດິນແດນ ທີ່​ພຣະເຈົ້າ​ໄດ້​ຊົງ​ສັນຍາ​ໄວ້​ແກ່​ຕົນ​ນັ້ນ ເໝືອນ​ດັ່ງ​ຄົນ​ຕ່າງດ້າວ ເພິ່ນ​ໄດ້​ອາໄສ​ຢູ່​ໃນ​ຜ້າເຕັນ​ດ້ວຍ​ກັນ​ກັບ​ອີຊາກ​ແລະ​ຢາໂຄບ ຜູ້​ທີ່​ໄດ້​ຮັບ​ພຣະສັນຍາ​ເປັນ​ມໍຣະດົກ​ອັນ​ດຽວກັນ.

ເຮັບເຣີ 13:2

ຢ່າ​ລືມ​ການ​ຕ້ອນຮັບ​ແຂກ ເພາະ​ດ້ວຍ​ການ​ເຮັດ​ເຊັ່ນນີ້ ມີ​ບາງຄົນ​ກໍໄດ້​ຕ້ອນຮັບ​ເທວະດາ​ຢ່າງ​ບໍ່​ຮູ້​ຕົວ.

ໂຢຊວຍ 5:13

ເມື່ອ​ໂຢຊວຍ​ຢູ່​ໃກ້​ກັບ​ເມືອງ​ເຢຣິໂກ ໃນທັນໃດ ເພິ່ນ​ກໍໄດ້​ເຫັນ​ຊາຍ​ຄົນໜຶ່ງ​ພວມ​ຖື​ດາບ​ຢືນ​ຢູ່​ຕໍ່ໜ້າ​ເພິ່ນ. ໂຢຊວຍ​ຈຶ່ງ​ຫຍັບ​ເຂົ້າ​ໄປ​ໃກ້ ແລະ​ຖາມ​ຊາຍ​ຄົນ​ນັ້ນ​ວ່າ, “ທ່ານ​ເປັນ​ຝ່າຍເຮົາ​ຫລື​ຝ່າຍ​ສັດຕູ?”