ປະຖົມມະການ 13:9 - ພຣະຄຳພີສັກສິ

⁹ ສະນັ້ນ ໃຫ້​ພວກເຮົາ​ແຍກທາງ​ກັນ​ເສຍ. ຈົ່ງ​ເລືອກ​ເອົາ​ທີ່ດິນ​ທີ່​ເຈົ້າ​ຕ້ອງການ. ຖ້າ​ເຈົ້າ​ໄປ​ທາງ​ຊ້າຍ ຂ້ອຍ​ກໍ​ຈະ​ໄປ​ທາງ​ຂວາ ຖ້າ​ເຈົ້າ​ໄປ​ທາງ​ຂວາ ຂ້ອຍ​ກໍ​ຈະ​ໄປ​ທາງ​ຊ້າຍ.”

ປະຖົມມະການ 13:9 Jak'a apnaqawi uñst'ayäwi

ປະຖົມມະການ 13:10

ໂລດ​ຫລຽວ​ໄປ​ຮອບໆ​ຈຶ່ງ​ເຫັນ​ວ່າ ທົ່ງ​ຮາບພຽງ​ຂອງ​ແມ່ນໍ້າ​ຈໍແດນ​ທັງໝົດ ຈົນເຖິງ​ເມືອງ​ໂຊອາ ມີ​ນໍ້າ​ຫລາຍ​ເໝືອນ​ດັ່ງ​ສວນ​ຂອງ​ພຣະເຈົ້າຢາເວ ຫລື​ດິນແດນ​ຂອງ​ປະເທດ​ເອຢິບ. (ກ່ອນ​ທີ່​ພຣະເຈົ້າຢາເວ​ໄດ້​ທຳລາຍ​ເມືອງ​ໂຊໂດມ​ກັບ​ເມືອງ​ໂກໂມຣາ ທົ່ງ​ຮາບ​ພຽງ​ນີ້​ອຸດົມສົມບູນ​ຫລາຍ.)

ປະຖົມມະການ 13:8

ແລ້ວ​ອັບຣາມ​ກໍ​ເວົ້າ​ກັບ​ໂລດ​ວ່າ, “ເຮົາ​ທັງສອງ​ເປັນ​ພີ່ນ້ອງ​ກັນ ຂໍ​ຢ່າ​ໃຫ້​ຄົນ​ຂອງ​ເຈົ້າ ແລະ​ຄົນ​ຂອງຂ້ອຍ​ຕ້ອງ​ຜິດຖຽງ​ກັນ​ເລີຍ.

ປະຖົມມະການ 20:15

ເຈົ້າ​ອາບີເມເຫຼັກ​ເວົ້າ​ກັບ​ອັບຣາຮາມ​ວ່າ, “ທີ່​ນີ້​ເປັນ​ດິນແດນ​ຂອງເຮົາ​ທັງໝົດ; ເຈົ້າ​ຢູ່​ບ່ອນ​ໃດ​ກໍໄດ້​ຕາມ​ທີ່​ເຈົ້າ​ຕ້ອງການ.”

ປະຖົມມະການ 34:10

ແລ້ວ​ພວກເຈົ້າ​ກໍ​ສາມາດ​ຢູ່​ໃນ​ດິນແດນ​ຂອງ​ພວກເຮົາ​ນີ້​ນຳ​ກັນ; ພວກເຈົ້າ​ຈະ​ຢູ່​ບ່ອນ​ໃດ​ກໍໄດ້ ຈະ​ຄ້າຂາຍ​ແລະ​ມີ​ທີ່ດິນ​ເປັນ​ຂອງ​ຕົນເອງ​ໄດ້​ຕາມໃຈມັກ.”

ເພງ^ສັນລະເສີນ 120:7

ເມື່ອ​ເອີ່ຍ​ປາກ​ເວົ້າ​ເຖິງ​ຄວາມ​ສະຫງົບສຸກ ພວກເຂົາ​ກໍ​ເອີ່ຍ​ວາຈາ​ເຖິງ​ເສິກ​ສົງຄາມ​ທັນທີ.

ເຢເຣມີຢາ 40:4

ບັດນີ້ ຂ້ອຍ​ຈະ​ແກ້​ໂສ້​ທີ່​ລ່າມ​ເຈົ້າ​ອອກ ແລະ​ປົດປ່ອຍ​ເຈົ້າ​ໃຫ້​ເປັນ​ອິດສະຫລະ. ຖ້າ​ເຈົ້າ​ຢາກ​ໄປ​ບາບີໂລນ​ນຳ​ຂ້ອຍ ເຈົ້າ​ກໍ​ໄປ​ໄດ້ ແລະ​ຂ້ອຍ​ຈະ​ເບິ່ງແຍງ​ເຈົ້າ. ແຕ່​ຖ້າ​ເຈົ້າ​ບໍ່​ຢາກ​ໄປ ກໍ​ບໍ່​ຈຳເປັນ​ຕ້ອງ​ໄປ. ເຈົ້າ​ເລືອກ​ໄປ​ທີ່ໃດ​ກໍໄດ້​ໃນ​ທົ່ວ​ດິນແດນ​ນີ້ ແລະ​ເຈົ້າ​ໄປ​ທີ່ໃດ​ກໍໄດ້​ຕາມ​ທີ່​ເຈົ້າ​ຕ້ອງການ.”

ໂຣມ 12:18

ຖ້າ​ເປັນ​ໄປ​ໄດ້ ໃນ​ເລື່ອງ​ທີ່​ຂຶ້ນ​ຢູ່​ກັບ​ພວກເຈົ້າ​ນັ້ນ ຈົ່ງ​ຢູ່​ຢ່າງ​ສະຫງົບສຸກ​ກັບ​ທຸກໆ​ຄົນ.

1 ໂກຣິນໂທ 6:7

ທີ່​ເຈົ້າ​ທັງຫລາຍ​ມີ​ຄະດີ​ກ່ຽວຂ້ອງ​ກັນແລະກັນ​ນັ້ນ ກໍ​ເປັນ​ການ​ຂາດ​ສິນທຳ​ແທ້. ເປັນຫຍັງ​ພວກເຈົ້າ​ຈຶ່ງ​ບໍ່​ທົນ​ເອົາ ເມື່ອ​ພວກເຂົາ​ເຮັດ​ຮ້າຍ​ແກ່​ຕົນ ເປັນຫຍັງ​ຈຶ່ງ​ບໍ່​ຍອມ​ໃຫ້​ພວກເຂົາ​ໂກງ​ຕົນເອງ​ກໍດີກວ່າ?

ເຮັບເຣີ 12:14

ຈົ່ງ​ພະຍາຍາມ​ທີ່​ຈະ​ຢູ່​ກັບ​ທຸກຄົນ​ຢ່າງ​ສະຫງົບສຸກ ແລະ​ຈົ່ງ​ພະຍາຍາມ​ທີ່​ຈະ​ມີ​ໃຈ​ບໍຣິສຸດ ເພາະ​ຖ້າ​ໃຈ​ບໍ່​ບໍຣິສຸດ ກໍ​ຈະ​ບໍ່ມີ​ຜູ້ໃດ​ໄດ້​ເຫັນ​ອົງພຣະ​ຜູ້​ເປັນເຈົ້າ.