ປະຖົມມະການ 13:7 - ພຣະຄຳພີສັກສິ

⁷ ເມື່ອ​ເປັນ​ເຊັ່ນນັ້ນ ຄົນ​ລ້ຽງ​ສັດ​ຂອງ​ອັບຣາມ ແລະ​ໂລດ​ຈຶ່ງ​ຜິດຖຽງ​ກັນ. (ຊາວ​ການາອານ ແລະ​ຊາວ​ເປຣີຊີ​ກໍ​ຍັງ​ຢູ່​ໃນ​ດິນແດນ​ນັ້ນ.)

ປະຖົມມະການ 13:7 Jak'a apnaqawi uñst'ayäwi

ປະຖົມມະການ 10:19

ຈົນ​ເຂດແດນ​ຂອງ​ພວກເຂົາ ແຕ່​ຊີໂດນ​ທາງ​ພາກ​ໃຕ້​ໄປ​ເຖິງ​ເມືອງ​ເກຣາກ, ກາຊາ; ແລະ​ໃນ​ພາກ​ຕາເວັນອອກ​ໄປ​ຈົນເຖິງ​ເມືອງ​ໂຊໂດມ, ໂກໂມຣາ, ອັດມາ ແລະ​ເມືອງ​ເຊບົວອິມ ທີ່​ຢູ່​ໃກ້​ກັບ​ເມືອງ​ລາຊາ.

ປະຖົມມະການ 12:6

ອັບຣາມ​ໄດ້​ເດີນທາງ​ຜ່ານ​ປະເທດ​ໄປ​ຕໍ່ ຈົນ​ຮອດ​ຕົ້ນໄມ້​ສັກສິດ​ທີ່​ໂມເຣ ຊຶ່ງ​ເປັນ​ບ່ອນ​ສັກສິດ​ຂອງ​ເມືອງ​ຊີເຄມ. (ໃນ​ຄາວ​ນັ້ນ ຊາວ​ການາອານ​ຍັງ​ອາໄສ​ຢູ່​ໃນ​ດິນແດນ​ນີ້.)

ປະຖົມມະການ 21:25

ອັບຣາຮາມ​ຮ້ອງ​ຂໍ​ຕໍ່​ເຈົ້າ​ອາບີເມເຫຼັກ​ເຖິງ​ເລື່ອງ​ນໍ້າສ້າງ ທີ່​ຂ້າຣາຊການ​ຂອງ​ເພິ່ນ​ໄດ້​ຢຶດເອົາ​ໄປ​ນັ້ນ.

ປະຖົມມະການ 26:20

ຄົນ​ລ້ຽງສັດ​ຂອງ​ຊາວ​ເມືອງ​ເກຣາກ​ຈຶ່ງ​ມາ​ຖົກຖຽງ​ກັນ​ກັບ​ຄົນ​ລ້ຽງສັດ​ຂອງ​ອີຊາກ​ວ່າ, “ບໍ່ນໍ້າ​ນີ້​ເປັນ​ຂອງ​ພວກເຮົາ.” ດັ່ງນັ້ນ ອີຊາກ​ຈຶ່ງ​ໃສ່​ຊື່​ບໍ່ນໍ້າ​ນີ້​ວ່າ, “ທະເລາະ​ວິວາດ.”

ປະຖົມມະການ 34:30

ຢາໂຄບ​ຈຶ່ງ​ເວົ້າ​ກັບ​ຊີເມໂອນ​ແລະ​ເລວີ​ວ່າ, “ພວກເຈົ້າ​ກໍ່​ເລື່ອງ​ເດືອດຮ້ອນ​ມາ​ໃຫ້​ຂ້ອຍ​ແລ້ວ; ບັດນີ້ ຊາວ​ການາອານ, ຊາວ​ເປຣີຊີ ແລະ​ປະຊາຊົນ​ທຸກຄົນ​ໃນ​ດິນແດນ​ນີ້​ຈະ​ກຽດຊັງ​ຂ້ອຍ. ຖ້າ​ປະຊາຊົນ​ເຫຼົ່ານີ້​ພ້ອມໃຈ​ກັນ​ມາ​ໂຈມຕີ ຄອບຄົວ​ພວກເຮົາ​ກໍ​ຈະ​ຖືກ​ທຳລາຍ​ຖິ້ມ​ໝົດ ເພາະ​ຄົນ​ຂອງ​ພວກເຮົາ​ມີ​ບໍ່​ຫລາຍ.”

ປະຖົມມະການ 46:34

ໃຫ້​ພວກເຈົ້າ​ຕອບ​ວ່າ, ພວກເຈົ້າ​ລ້ຽງ​ສັດ​ເປັນ​ອາຊີບ​ເໝືອນ​ດັ່ງ​ບັນ​ພະບຸລຸດ​ຂອງ​ພວກເຮົາ. ໂດຍ​ວິທີ​ນີ້​ກະສັດ​ກໍ​ຈະ​ອະນຸຍາດ​ໃຫ້​ພວກເຈົ້າ​ອາໄສ​ຢູ່​ໃນ​ເຂດ​ໂກເຊັນ​ໄດ້.” ໂຢເຊັບ​ແນະນຳ​ເຊັ່ນນີ້ ເພາະ​ຊາວ​ເອຢິບ​ບໍ່​ມັກ​ພວກ​ລ້ຽງແກະ.

ເນເຫມີຢາ 5:9

ແລ້ວ​ຂ້າພະເຈົ້າ​ກໍ​ເວົ້າ​ວ່າ, “ສິ່ງ​ທີ່​ພວກທ່ານ​ເຮັດ​ໄປ​ນັ້ນ​ບໍ່​ຖືກຕ້ອງ ພວກທ່ານ​ຕ້ອງ​ຢຳເກງ​ພຣະເຈົ້າ​ຂອງ​ພວກເຮົາ ແລະ​ເຮັດ​ໃນ​ສິ່ງ​ທີ່​ຖືກຕ້ອງ. ແລ້ວ​ຄົນຕ່າງຊາດ​ທີ່​ເປັນ​ສັດຕູ​ຂອງ​ພວກເຮົາ ກໍ​ຈະ​ບໍ່ໄດ້​ຫົວ​ເຍາະເຍີ້ຍ​ພວກເຮົາ.

ອົບພະຍົບ 2:17

ແຕ່​ມີ​ຄົນລ້ຽງແກະ​ບາງ​ພວກ​ໄດ້​ມາ​ໄລ່​ໃຫ້​ພວກ​ນາງ​ໜີໄປ. ໂມເຊ​ໄດ້​ເຂົ້າ​ໄປ​ຊ່ວຍເຫລືອ ແລະ​ທັງ​ໄດ້​ຕັກ​ນໍ້າ​ໃຫ້​ຝູງສັດ​ຂອງ​ພວກ​ນາງ​ກິນ​ດ້ວຍ.

ສຸພາສິດ 20:3

ຫລີກ​ໜີ​ຈາກ​ການ​ຜິດຖຽງກັນ​ພາ​ໃຫ້​ມີ​ກຽດ ມີ​ແຕ່​ຄົນໂງ່ຈ້າ​ເທົ່ານັ້ນ​ທີ່​ມັກ​ຜິດຖຽງກັນ.

ມາຣະໂກ 3:25

ແລະ​ຖ້າ​ຄົນ​ໃນ​ຄອບຄົວ​ໃດ​ເກີດ​ແຕກແຍກ​ກັນ ຄອບຄົວ​ນັ້ນ​ກໍ​ຈະ​ຕັ້ງໝັ້ນ​ຢູ່​ບໍ່ໄດ້.

1 ໂກຣິນໂທ 3:3

ເພາະວ່າ ພວກເຈົ້າ​ຍັງ​ຢູ່​ຝ່າຍ​ມະນຸດ​ທຳມະດາ, ພວກເຈົ້າ​ຍັງ​ອິດສາ​ກັນ ແລະ​ຜິດຂ້ອງ​ຕ້ອງຖຽງ​ກັນ​ຢູ່ ພວກເຈົ້າ​ຢູ່​ຝ່າຍ​ມະນຸດ​ທຳມະດາ ແລະ​ບໍ່​ດຳເນີນ​ຊີວິດ​ຕາມ​ມະນຸດ​ທຳມະດາ​ບໍ?

ຄາລາເຕຍ 5:20

ການ​ຂາບໄຫວ້​ຮູບເຄົາຣົບ, ການ​ເຊື່ອ​ເວດມົນ​ຄາຖາ, ການ​ເປັນ​ສັດຕູ​ກັນ, ການ​ວິວາດ​ຜິດຖຽງ​ກັນ, ການ​ເຫິງສາ​ກັນ, ການ​ຄຽດແຄ້ນ​ກັນ ແລະ ການ​ມັກໃຫຍ່​ໃຝ່ສູງ​ຕໍ່​ກັນ, ການ​ແຕກແຍກ​ກັນ, ການ​ຖືພັກ​ຖືພວກ,

ໂກໂລຊາຍ 4:5

ຈົ່ງ​ປະຕິບັດ​ຕໍ່​ຄົນ​ພາຍນອກ​ດ້ວຍ​ໃຊ້​ສະຕິປັນຍາ ໂດຍ​ສວຍ​ໂອກາດ.

1 ເທສະໂລນິກ 4:12

ເພື່ອ​ການ​ດຳເນີນ​ຊີວິດ​ຂອງ​ພວກເຈົ້າ​ຈະ​ເປັນ​ທີ່​ນັບຖື​ແກ່​ຄົນ​ພາຍນອກ ແລ້ວ​ພວກເຈົ້າ​ຈະ​ບໍ່​ຕ້ອງ​ເອື່ອຍອີງ​ຄົນອື່ນ.

ຕີໂຕ 3:3

ເພາະວ່າ​ເມື່ອ​ກ່ອນ​ນັ້ນ ພວກເຮົາ​ເອງ​ກໍ​ເປັນ​ຄົນ​ໂງ່, ບໍ່​ຍອມ​ເຊື່ອຟັງ, ຖືກ​ເຂົາ​ຫລອກລວງ​ໃຫ້​ຫລົງ, ເປັນ​ຂ້ອຍຂ້າ​ຂອງ​ກິເລດ​ຕັນຫາ ແລະ​ການ​ສະໜຸກ​ສະໜານ​ຫລາຍ​ປະການ, ເຄີຍ​ໃຊ້​ເວລາ​ໃນ​ການ​ຄິດຮ້າຍ ແລະ​ໃນ​ຄວາມ​ເຫິງສາ, ເປັນ​ຄົນ​ໜ້າຊັງ ແລະ​ກຽດຊັງ​ກັນ.

ຢາໂກໂບ 3:16

ບ່ອນ​ໃດ​ທີ່​ມີ​ຄວາມ​ອິດສາ​ແລະ​ການ​ເຫັນແກ່​ຕົວ ບ່ອນ​ນັ້ນ​ກໍ​ມີ​ການ​ວຸ້ນວາຍ​ແລະ​ມີ​ການ​ຊົ່ວຮ້າຍ​ທຸກ​ຊະນິດ.

ຢາໂກໂບ 4:1

ອັນ​ໃດ​ເປັນ​ສາເຫດ​ທີ່​ເຮັດ​ໃຫ້​ພວກເຈົ້າ​ຕໍ່ສູ້ ແລະ​ຜິດຖຽງ​ກັນ? ກໍ​ແມ່ນ​ກິເລດ​ຕັນຫາ​ຂອງ​ພວກເຈົ້າ​ນັ້ນ​ແຫຼະ ທີ່​ເຮັດ​ໃຫ້​ມີ​ການ​ຕໍ່ສູ້​ກັນ​ຢູ່​ບໍ່​ຂາດ​ພາຍໃນ​ພວກເຈົ້າ.

1 ເປໂຕ 2:12

ຈົ່ງ​ດຳເນີນ​ຊີວິດ​ອັນ​ດີງາມ​ຢູ່​ໃນ​ທ່າມກາງ​ຄົນ​ຕ່າງ​ຄວາມເຊື່ອ ເພື່ອ​ວ່າ​ເມື່ອ​ພວກເຈົ້າ​ຖືກ​ກ່າວຫາ​ວ່າ​ເປັນ​ຄົນ​ເຮັດ​ຊົ່ວ​ນັ້ນ, ພວກເຂົາ​ກໍ​ຈະ​ໄດ້​ເຫັນ​ຄຸນຄວາມດີ​ຂອງ​ພວກເຈົ້າ ຈະ​ໄດ້​ສັນລະເສີນ​ພຣະເຈົ້າ ໃນ​ວັນ​ທີ່​ພຣະອົງ​ສະເດັດ​ມາ​ປາກົດ.