ປະຖົມມະການ 11:8 - ພຣະຄຳພີສັກສິ

⁸ ດັ່ງນັ້ນ ພຣະເຈົ້າຢາເວ​ຈຶ່ງ​ເຮັດ​ໃຫ້​ພວກເຂົາ​ພັດພາກ​ຈາກ​ກັນ ໄປ​ຢູ່​ທົ່ວ​ທຸກຫົນ​ທຸກແຫ່ງ​ເທິງ​ແຜ່ນດິນ​ໂລກ ແລະ​ພວກເຂົາ​ກໍໄດ້​ຢຸດ​ການ​ກໍ່ສ້າງ​ເມືອງ.

ປະຖົມມະການ 11:8 Jak'a apnaqawi uñst'ayäwi

ປະຖົມມະການ 10:25

ເອເບມີ​ລູກຊາຍ​ສອງ​ຄົນ​ຄື: ຜູ້​ອ້າຍ​ຊື່​ວ່າ, “ເປເລັກ” ເພາະ​ໃນ​ສະໄໝ​ຂອງ​ເພິ່ນ​ນັ້ນ ຄົນ​ໃນ​ໂລກ​ໄດ້​ແບ່ງ​ແຍກ​ກັນ; ນ້ອງຊາຍ​ຂອງ​ລາວ​ຊື່​ວ່າ, “ໂຢກທານ”.

ປະຖົມມະການ 10:32

ຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ໂນອາ ທີ່​ແຍກ​ອອກ​ເປັນ​ຊົນຊາດ​ທີ່​ແຕກຕ່າງ​ກັນ​ໃນ​ໂລກ. ຫລັງຈາກ​ນໍ້າ​ຖ້ວມ​ໂລກ​ແລ້ວ ຊົນຊາດ​ທັງໝົດ​ທີ່​ຢູ່​ເທິງ​ແຜ່ນດິນ​ໂລກ ແມ່ນ​ສືບ​ເຊື້ອສາຍ​ມາ​ຈາກ​ໂນອາ​ແລະ​ລູກຊາຍ.

ປະຖົມມະການ 10:5

ພວກ​ເຫຼົ່ານີ້​ເປັນ​ເຊື້ອສາຍ​ຂອງ​ຢາເຟດ ທີ່​ອາໄສ​ຢູ່​ໃນ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ປາກ​ເວົ້າ​ພາສາ​ຂອງ​ຕົນເອງ.

ປະຖົມມະການ 11:4

ພວກເຂົາ​ເວົ້າ​ວ່າ, “ບັດ​ນີ້ ຈົ່ງ​ພາກັນ​ສ້າງ​ເມືອງ​ກັບ​ທັງ​ໃຫ້​ມີ​ຫໍຄອຍ​ທີ່​ມີ​ຍອດ​ສູງ​ຈຸ​ຟ້າ​ສະຫວັນ ເພື່ອ​ພວກເຮົາ​ຈະ​ໄດ້​ສ້າງ​ຊື່ສຽງ​ໄວ້ ແລະ​ຈະ​ບໍ່​ຖືກ​ພັດພາກ​ຈາກ​ກັນ​ໄປ​ທົ່ວ​ເທິງ​ແຜ່ນດິນ​ໂລກນີ້.”

ປະຖົມມະການ 11:9

ດັ່ງນັ້ນ ເຂົາ​ໄດ້​ໃສ່​ຊື່​ສະຖານທີ່​ນັ້ນ​ວ່າ, “ບາເບນ” ເພາະ​ໃນ​ທີ່ນັ້ນ ພຣະເຈົ້າຢາເວ​ໄດ້​ເຮັດ​ໃຫ້​ພາສາ​ຂອງ​ບັນດາ​ປະຊາຊາດ​ແຕກຕ່າງ​ກັນ ແລະ​ຈາກ​ທີ່​ນັ້ນ ພຣະເຈົ້າຢາເວ​ໄດ້​ເຮັດ​ໃຫ້​ພວກເຂົາ​ພັດພາກ​ຈາກ​ກັນ​ໄປ​ທົ່ວ​ເທິງ​ແຜ່ນດິນ​ໂລກ.

ປະຖົມມະການ 49:7

ຂ້ອຍ​ຂໍ​ສາບແຊ່ງ​ໄວ້ ຄວາມ​ໂຫດຫ້ຽມ​ຂອງ​ພວກເຂົາ. ຍ້ອນ​ເມົາມົວ​ໂມໂຫ​ຈຶ່ງ​ລືມ​ຕົວ​ເຮັດ​ຊົ່ວ​ໄວ້. ຂ້ອຍ​ຈະ​ໃຫ້​ພວກເຂົາ​ແຕກ​ກະຈັດ​ກະຈາຍ​ໄປ​ທົ່ວ​ອິດສະຣາເອນ; ຂ້ອຍ​ຈະ​ໃຫ້​ພວກເຂົາ​ແຕກ​ກັນ​ໃນ​ພວກ​ເຂົາເຈົ້າ.

ເພງ^ສັນລະເສີນ 33:10

ພຣະເຈົ້າຢາເວ​ມ້າງ​ຈຸດປະສົງ​ຊົນຊາດ​ທັງຫລາຍ ພຣະອົງ​ກີດກັ້ນ​ພວກເຂົາ​ບໍ່​ໃຫ້​ວາງແຜນ​ອອກ​ໄດ້.

ເພງ^ສັນລະເສີນ 92:9

ຂ້າແດ່​ພຣະເຈົ້າຢາເວ ພວກ​ຂ້ານ້ອຍ​ຮູ້ວ່າ​ສັດຕູ​ຂອງ​ພຣະອົງ​ຈະ​ຕາຍ ແລະ​ຄົນຊົ່ວຮ້າຍ​ທັງໝົດ​ກໍ​ຈະ​ຕ້ອງ​ພ່າຍແພ້.

ລູກາ 1:51

ເມື່ອ​ພຣະຫັດ​ອັນ​ຊົງ​ຣິດ ຂອງ​ພຣະອົງ​ຢຽດ​ອອກ ຄົນ​ຈອງຫອງ ແລະ​ແຜນການ​ ຂອງ​ພວກເຂົາ​ກໍ​ແຕກຊະ.

ພຣະບັນຍັດສອງ 32:8

ອົງ​ພຣະຜູ້​ສູງສຸດ​ໄດ້​ໃຫ້​ ຊາດ​ຕ່າງໆ​ມີ​ດິນແດນ​ຂອງຕົນ; ພຣະອົງ​ໄດ້​ກຳນົດ​ບ່ອນ​ໃຫ້​ລູກຫລານ​ຂອງ​ອິດສະຣາເອນ ເປັນ​ບ່ອນ​ທີ່​ພວກເຂົາ​ຈະ​ອາໄສ​ຢູ່ນັ້ນ.