ປະຖົມມະການ 11:2 - ພຣະຄຳພີສັກສິ

² ເມື່ອ​ພວກເຂົາ​ທ່ອງທ່ຽວ​ໄປ​ທາງທິດ​ຕາເວັນອອກ ຈຶ່ງ​ພົບ​ທົ່ງ​ຮາບພຽງ​ແຫ່ງ​ໜຶ່ງ​ທີ່​ບາບີໂລນ ແລະ​ພາກັນ​ຕັ້ງ​ຖິ່ນຖານ​ຫຼັກແຫຼ່ງ​ຢູ່​ທີ່​ນັ້ນ.

ປະຖົມມະການ 11:2 Jak'a apnaqawi uñst'ayäwi

ປະຖົມມະການ 10:10

ອານາຈັກ​ທຳອິດ​ທີ່​ນິມໂຣດ​ໄດ້​ປົກຄອງ​ມີ: ບາບີໂລນ, ເອເຣັກ ແລະ​ອັກກາດ. ເມືອງ​ທັງ​ສາມ​ນີ້​ຢູ່​ໃນ​ບາບີໂລນ.

ປະຖົມມະການ 11:1

ແຕ່​ທຳອິດ​ນັ້ນ ມະນຸດ​ທົ່ວ​ທັງ​ແຜ່ນດິນ​ໂລກ​ປາກ​ເວົ້າ​ພາສາ​ດຽວກັນ ແລະ​ໃຊ້​ຖ້ອຍຄຳ​ແບບ​ດຽວກັນ.

ປະຖົມມະການ 11:9

ດັ່ງນັ້ນ ເຂົາ​ໄດ້​ໃສ່​ຊື່​ສະຖານທີ່​ນັ້ນ​ວ່າ, “ບາເບນ” ເພາະ​ໃນ​ທີ່ນັ້ນ ພຣະເຈົ້າຢາເວ​ໄດ້​ເຮັດ​ໃຫ້​ພາສາ​ຂອງ​ບັນດາ​ປະຊາຊາດ​ແຕກຕ່າງ​ກັນ ແລະ​ຈາກ​ທີ່​ນັ້ນ ພຣະເຈົ້າຢາເວ​ໄດ້​ເຮັດ​ໃຫ້​ພວກເຂົາ​ພັດພາກ​ຈາກ​ກັນ​ໄປ​ທົ່ວ​ເທິງ​ແຜ່ນດິນ​ໂລກ.

ປະຖົມມະການ 13:11

ດັ່ງນັ້ນ ໂລດ​ຈຶ່ງ​ໄດ້​ຕັດສິນໃຈ​ເລືອກ​ເອົາ​ທົ່ງ​ຮາບພຽງ​ຂອງ​ແມ່ນໍ້າ​ຈໍແດນ​ທັງໝົດ ເປັນ​ບ່ອນ​ຢູ່​ອາໄສ​ຂອງຕົນ ແລະ​ເພິ່ນ​ໄດ້​ເຄື່ອນ​ຂະບວນ​ມຸ່ງໜ້າ​ໄປ​ທາງທິດ​ຕາເວັນອອກ. ໂລດ​ແລະ​ອັບຣາມ​ກໍໄດ້​ແຍກທາງ​ກັນ​ໄປ.

ປະຖົມມະການ 14:1

ມີ​ກະສັດ​ສີ່​ຄົນ​ດັ່ງນີ້: ເຈົ້າ​ອຳຣາເຟນ​ແຫ່ງ​ນະຄອນ​ບາບີໂລນ, ເຈົ້າ​ອາຣິໂອກ​ແຫ່ງ​ນະຄອນ​ເອນລາຊາ, ເຈົ້າ​ເຄໂດລາໂອເມ​ແຫ່ງ​ນະຄອນ​ເອລາມ ແລະ​ເຈົ້າ​ຕີດານ​ແຫ່ງ​ນະຄອນ​ກົວອິມ;

ເອຊາຢາ 11:11

ເມື່ອ​ວັນ​ນັ້ນ​ມາ​ເຖິງ ອີກເທື່ອໜຶ່ງ ອົງພຣະ​ຜູ້​ເປັນເຈົ້າ​ຈະ​ໃຊ້​ຣິດອຳນາດ​ຂອງ​ພຣະອົງ ແລະ​ນຳ​ປະຊາຊົນ​ຂອງ​ພຣະອົງ​ກັບຄືນ​ມາ​ຈາກ​ດິນແດນ​ເຫຼົ່ານີ້: ຄົນ​ທີ່​ເຫຼືອ​ຢູ່​ໃນ​ປະເທດ​ອັດຊີເຣຍ ແລະ​ໃນ​ປະເທດ​ເອຢິບ, ໃນ​ດິນແດນ​ປັດໂຣດ, ປະເທດ​ເອທີໂອເປຍ, ປະເທດ​ເອລາມ, ປະເທດ​ບາບີໂລນ ແລະ​ປະເທດ​ຮາມັດ ແລະ​ໃນ​ດິນແດນ​ຕາມ​ຝັ່ງ​ທະເລ​ແລະ​ທີ່​ເທິງ​ໝູ່ເກາະ.

ດານີເອນ 1:2

ອົງພຣະ​ຜູ້​ເປັນເຈົ້າ​ໄດ້​ໃຫ້​ກະສັດ​ເນບູ​ກາດເນັດຊາ​ຈັບ​ກະສັດ​ເຢໂຮຍອາກິມ ແລະ​ຢຶດເອົາ​ເຄຶ່ອງໃຊ້​ບາງ​ຢ່າງ​ໃນ​ວິຫານ​ຂອງ​ພຣະເຈົ້າ​ໄປ. ເພິ່ນ​ໄດ້​ຈັບ​ເອົາ​ຊະເລີຍ​ບາງຄົນ​ກັບຄືນ​ໄປ​ທີ່​ວິຫານ​ພະ​ຂອງ​ເພິ່ນ​ໃນ​ບາບີໂລນ ແລະ​ເອົາ​ຊັບສົມບັດ​ທີ່​ຢຶດ​ໄດ້​ນັ້ນ​ໄປ​ເກັບໄວ້​ໃນ​ຄັງ​ພະ​ຂອງຕົນ​ທີ່​ວິຫານ.

ເຊກາຣີຢາ 5:11

ເທວະດາ​ຕົນ​ນັ້ນ​ຕອບ​ວ່າ, “ໄປ​ບາບີໂລນ ບ່ອນ​ທີ່​ພວກ​ນາງ​ຈະ​ສ້າງ​ວິຫານ​ສຳລັບ​ກະຕ່າ​ນັ້ນ. ເມື່ອ​ສ້າງ​ວິຫານ​ສຳເລັດ​ແລ້ວ ກະຕ່າ​ນັ້ນ​ຈະ​ຖືກ​ປະ​ໄວ້​ທີ່​ນັ້ນ​ໃຫ້​ຄົນ​ຂາບໄຫວ້.”