ປະຖົມມະການ 10:5 - ພຣະຄຳພີສັກສິ

⁵ ພວກ​ເຫຼົ່ານີ້​ເປັນ​ເຊື້ອສາຍ​ຂອງ​ຢາເຟດ ທີ່​ອາໄສ​ຢູ່​ໃນ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ປາກ​ເວົ້າ​ພາສາ​ຂອງ​ຕົນເອງ.

ປະຖົມມະການ 10:5 Jak'a apnaqawi uñst'ayäwi

ປະຖົມມະການ 10:20

ຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ຮາມ ທີ່​ອາໄສ​ຢູ່​ຕາມ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ເວົ້າ​ພາສາ​ຂອງ​ຕົນເອງ.

ປະຖົມມະການ 10:25

ເອເບມີ​ລູກຊາຍ​ສອງ​ຄົນ​ຄື: ຜູ້​ອ້າຍ​ຊື່​ວ່າ, “ເປເລັກ” ເພາະ​ໃນ​ສະໄໝ​ຂອງ​ເພິ່ນ​ນັ້ນ ຄົນ​ໃນ​ໂລກ​ໄດ້​ແບ່ງ​ແຍກ​ກັນ; ນ້ອງຊາຍ​ຂອງ​ລາວ​ຊື່​ວ່າ, “ໂຢກທານ”.

ປະຖົມມະການ 10:32

ຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ໂນອາ ທີ່​ແຍກ​ອອກ​ເປັນ​ຊົນຊາດ​ທີ່​ແຕກຕ່າງ​ກັນ​ໃນ​ໂລກ. ຫລັງຈາກ​ນໍ້າ​ຖ້ວມ​ໂລກ​ແລ້ວ ຊົນຊາດ​ທັງໝົດ​ທີ່​ຢູ່​ເທິງ​ແຜ່ນດິນ​ໂລກ ແມ່ນ​ສືບ​ເຊື້ອສາຍ​ມາ​ຈາກ​ໂນອາ​ແລະ​ລູກຊາຍ.

ປະຖົມມະການ 10:4

ເຊື້ອສາຍ​ຂອງ​ຢາວານ​ແມ່ນ​ຊາວ​ເອລີຊາ, ສະເປນ, ໄຊປຣັດ ແລະ​ໂຣເດັດ; ພວກເຂົາ​ເປັນ​ປູ່ຍາຕາຍາຍ​ຂອງ​ປະຊາຊົນ ທີ່​ອາໄສ​ຢູ່​ຕາມ​ຝັ່ງ​ທະເລ ແລະ​ເກາະ​ດອນ​ຕ່າງໆ.

ປະຖົມມະການ 10:6

ລູກຊາຍ​ຂອງ​ຮາມ​ມີ​ດັ່ງນີ້: ກູເຊ, ເອຢິບ, ລີເບຍ ແລະ​ການາອານ, ຜູ້​ທີ່​ເປັນ​ບັນພະບຸລຸດ​ຂອງ​ຊົນຊາດ ທີ່​ໃສ່​ຊື່​ດັ່ງ​ກ່າວ​ນັ້ນ​ຕໍ່ໆ​ມາ.

ປະຖົມມະການ 9:19

ລູກຊາຍ​ທັງ​ສາມ​ຂອງ​ໂນອາ​ນີ້​ເປັນ​ບັນພະບຸລຸດ​ຂອງ​ປະຊາຊາດ​ທັງໝົດ​ທີ່​ເທິງ​ແຜ່ນດິນ​ໂລກ.

ເອສະເທີ 10:1

ກະສັດ​ເຊເຊັດ​ໄດ້​ກຳນົດ​ພາສີ​ແຮງງານ​ແກ່​ຄົນ​ທີ່​ຢູ່​ຕາມ​ຊາຍຝັ່ງ​ທະເລ​ຂອງ​ອານາຈັກ ແລະ​ຄົນ​ທີ່​ຢູ່​ພາຍ​ໃນ​ອານາຈັກ.

ເພງ^ສັນລະເສີນ 72:10

ກະສັດ​ຂອງ​ສະເປນ​ແລະ​ເກາະ​ດອນ​ທັງຫລາຍ ຕ່າງ​ກໍ​ຈະ​ນຳ​ຂອງ​ບັນນາການ​ມາ​ມອບ​ໃຫ້​ເພິ່ນ. ບັນດາ​ກະສັດ​ແຫ່ງ​ອາຣາເບຍ​ແລະ​ເອທີໂອເປຍ ກໍ​ຈະ​ນຳ​ເອົາ​ເຄື່ອງ​ຖວາຍ​ມາ​ມອບ​ໃຫ້.

ເອຊາຢາ 11:11

ເມື່ອ​ວັນ​ນັ້ນ​ມາ​ເຖິງ ອີກເທື່ອໜຶ່ງ ອົງພຣະ​ຜູ້​ເປັນເຈົ້າ​ຈະ​ໃຊ້​ຣິດອຳນາດ​ຂອງ​ພຣະອົງ ແລະ​ນຳ​ປະຊາຊົນ​ຂອງ​ພຣະອົງ​ກັບຄືນ​ມາ​ຈາກ​ດິນແດນ​ເຫຼົ່ານີ້: ຄົນ​ທີ່​ເຫຼືອ​ຢູ່​ໃນ​ປະເທດ​ອັດຊີເຣຍ ແລະ​ໃນ​ປະເທດ​ເອຢິບ, ໃນ​ດິນແດນ​ປັດໂຣດ, ປະເທດ​ເອທີໂອເປຍ, ປະເທດ​ເອລາມ, ປະເທດ​ບາບີໂລນ ແລະ​ປະເທດ​ຮາມັດ ແລະ​ໃນ​ດິນແດນ​ຕາມ​ຝັ່ງ​ທະເລ​ແລະ​ທີ່​ເທິງ​ໝູ່ເກາະ.

ເອຊາຢາ 24:15

ແລະ​ຜູ້​ທີ່​ຢູ່​ທາງທິດ​ຕາເວັນອອກ​ກໍ​ຈະ​ສັນລະເສີນ​ພຣະເຈົ້າຢາເວ. ປະຊາຊົນ​ທີ່​ຢູ່​ຕາມ​ແຄມ​ທະເລ​ຈະ​ສັນລະເສີນ​ພຣະນາມ​ຂອງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ.

ເອຊາຢາ 40:15

ສຳລັບ​ພຣະອົງ​ແລ້ວ​ຊົນຊາດ​ຕ່າງໆ​ໄຮ້​ຄ່າ​ໝົດ ພວກເຂົາ​ເທົ່າທຽມ​ກັບ​ຢອດນໍ້າ​ຢອດໜຶ່ງ​ເທົ່ານັ້ນ; ພວກເຂົາ​ເປັນ​ພຽງແຕ່​ຂີ້ຝຸ່ນ​ທີ່​ຊັ່ງ​ເທິງ​ຊີງ ໝູ່ເກາະ​ກໍ​ເປັນ​ພຽງແຕ່​ຂີ້ຝຸ່ນ​ດິນ​ສວດ​ຂຶ້ນ.

ເອຊາຢາ 41:5

ປະຊາຊົນ​ຂອງ​ດິນແດນ​ທັງຫລາຍ​ທີ່​ໄກຫ່າງ ຕ່າງ​ກໍໄດ້​ພົບ​ເຫັນ​ສິ່ງ​ທີ່​ເຮົາ​ໄດ້​ກະທຳ​ນັ້ນ; ພວກເຂົາ​ເກີດ​ຢ້ານ ແລະ​ສັ່ນເຊັນ​ທັງຕົວ ສະນັ້ນ ທັງໝົດ​ຈຶ່ງ​ເຕົ້າໂຮມ​ກັນ​ມາ​ມີໜ້າ.

ເອຊາຢາ 42:10

ຈົ່ງ​ຮ້ອງເພງ​ບົດໃໝ່​ຖວາຍ​ຍ້ອງຍໍ​ສັນລະເສີນ ທົ່ວ​ທັງໂລກ ຈົ່ງ​ຮ້ອງເພງ​ຍ້ອງຍໍ​ພຣະເຈົ້າຢາເວ ຜູ້​ເດີນເຮືອ​ໃນ​ທະເລ​ນັ້ນ ຈົ່ງ​ສັນລະເສີນ​ພຣະອົງ ທຸກສິ່ງ​ທີ່​ມີ​ຊີວິດ​ໃນ​ນັ້ນ ຈົ່ງ​ສັນລະເສີນ​ພຣະເຈົ້າ ບັນດາ​ປະເທດ​ຕ່າງໆ​ທີ່​ຢູ່​ຫ່າງໄກ​ແສນໄກ ແລະ​ປະຊາຊົນ​ທີ່​ອາໄສ​ຢູ່​ໃນເມືອງ​ນັ້ນ ຈົ່ງ​ສັນລະເສີນ​ພຣະເຈົ້າ

ເອຊາຢາ 42:4

ລາວ​ຈະ​ບໍ່​ເສຍຫວັງ​ຫລື​ຄວາມ​ກ້າຫານ​ໃດໆ ລາວ​ຈະ​ຕັ້ງ​ຄວາມ​ຍຸດຕິທຳ​ເທິງ​ແຜ່ນດິນ​ໂລກ. ບັນດາ​ປະເທດ​ທີ່​ຢູ່​ຫ່າງໄກ​ທັງຫລາຍ ສົນໃຈ​ລໍຖ້າ​ໃນ​ຄຳ​ສັ່ງສອນ​ຂອງ​ລາວ​ທັງນັ້ນ.”

ເອຊາຢາ 49:1

ບັນດາ​ຊົນຊາດ​ທີ່​ຢູ່​ຫ່າງໄກ​ເອີຍ ຈົ່ງ​ຟັງ​ເຮົາ​ເທີ້ນ ປະຊາຊົນ​ໃນ​ດິນແດນ​ຫ່າງໄກ​ອອກ​ໄປ​ພຸ້ນ ພຣະເຈົ້າຢາເວ​ເລືອກ​ຂ້ອຍ​ໄວ້​ກ່ອນ​ມື້​ເກີດ​ມາ ແລະ​ໄດ້​ຕັ້ງ​ຊື່​ໃຫ້​ຕັ້ງແຕ່​ຢູ່​ໃນ​ທ້ອງ​ແມ່.

ເອຊາຢາ 51:5

ເຮົາ​ຈະ​ມາ​ໃນ​ໄວໆ​ເພື່ອ​ຊ່ວຍ​ເອົາ​ພວກເຂົາ​ໃຫ້ພົ້ນ; ເວລາ​ແຫ່ງ​ໄຊຊະນະ​ຂອງເຮົາ​ກໍ​ມາ​ໃກ້​ແລ້ວ. ຝ່າຍ​ເຮົາເອງ​ນັ້ນ​ຈະ​ປົກຄອງ​ຊົນຊາດ​ທັງຫລາຍ ບັນດາ​ປະເທດ​ທີ່​ຫ່າງໄກ​ຕ່າງ​ກໍ​ລໍ​ຄອຍຖ້າ. ພວກເຂົາ​ທັງໝົດ​ຄອຍຖ້າ​ການ​ມາ​ຂອງເຮົາ ດ້ວຍ​ຄວາມຫວັງ​ໃຫ້​ເຮົາ​ຊ່ວຍ​ພວກເຂົາ​ໃຫ້​ພົ້ນ.

ເອຊາຢາ 59:18

ພຣະອົງ​ຈະ​ລົງໂທດ​ເຫຼົ່າ​ສັດຕູ​ຂອງ​ພຣະອົງ​ຕາມ​ການກະທຳ​ຂອງ​ພວກເຂົາ ແມ່ນແຕ່​ຄົນ​ທີ່​ອາໄສ​ຢູ່​ໃນ​ດິນແດນ​ຕ່າງໆ​ທີ່​ຫ່າງໄກ​ກໍຕາມ.

ເອຊາຢາ 60:9

ແມ່ນ​ຂະບວນ​ເຮືອ​ໃຫຍ່​ທີ່​ກຳລັງ​ມາ​ຈາກ​ແດນໄກ ກຳລັງ​ນຳ​ປະຊາຊົນ​ຂອງ​ພຣະອົງ​ກັບຄືນ​ມາ​ບ້ານ. ພວກເຂົາ​ເອົາ​ເງິນ​ແລະ​ຄຳ​ກັບຄືນ​ມາ​ນຳ ເພື່ອ​ຖວາຍ​ເປັນ​ກຽດ​ແກ່​ນາມຊື່​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ສຳລັບ​ອົງ​ບໍຣິສຸດ​ຂອງ​ຊາດ​ອິດສະຣາເອນ ທີ່​ເຮັດ​ໃຫ້​ທຸກ​ຊົນຊາດ​ຍົກຍໍ​ປະຊາຊົນ​ຂອງ​ພຣະອົງ.

ເຢເຣມີຢາ 2:10

ຈົ່ງ​ໄປ​ທາງ​ທິດ​ຕາເວັນຕົກ​ຂອງ​ເກາະ​ໄຊປຣັດ ສົ່ງ​ຜູ້ໜຶ່ງ​ໄປ​ທາງທິດ​ຕາເວັນອອກ​ຂອງ​ເກດາ​ພຸ້ນ. ພວກເຈົ້າ​ຈະ​ເຫັນ​ວ່າ​ບໍ່ມີ​ເຫດການ​ໃດໆ ທີ່​ເຄີຍ​ເກີດຂຶ້ນ​ມາ​ດັ່ງ​ເຫດການ​ເຫຼົ່ານີ້.

ເຢເຣມີຢາ 25:22

ບັນດາ​ກະສັດ​ທັງໝົດ​ຂອງ​ເມືອງ​ຕີເຣ​ແລະ​ຊີໂດນ; ບັນດາ​ກະສັດ​ທັງໝົດ​ຂອງ​ດິນແດນ​ຕ່າງໆ ແຖບ​ທະເລ​ເມດີແຕຣາເນ;

ເອເຊກຽນ 26:15

ອົງພຣະ​ຜູ້​ເປັນເຈົ້າ ພຣະເຈົ້າ​ມີ​ຖ້ອຍຄຳ​ທີ່​ຈະ​ຕ້ອງ​ກ່າວ​ແກ່​ເມືອງ​ຕີເຣ​ວ່າ, “ເມື່ອ​ເຈົ້າ​ຖືກ​ພວກເຂົາ​ຕີ​ຊະນະ​ແລ້ວ ປະຊາຊົນ​ທີ່​ອາໄສ​ຢູ່​ຕາມ​ແຄມ​ທະເລ​ຈະ​ສະທ້ານ​ຢ້ານກົວ ເມື່ອ​ໄດ້ຍິນ​ສຽງ​ຮ້ອງ​ຄວນຄາງ​ຂອງ​ພວກ​ທີ່​ຖືກ​ຂ້າ.

ເອເຊກຽນ 26:18

ບັດນີ້ ເຖິງ​ວັນ​ທີ່​ຕີເຣ​ຖືກ​ທຳລາຍ​ໃຫ້​ໝຸ່ນ​ທະລາຍ ເກາະດອນ​ກໍ​ຫວັ່ນໄຫວ​ທັງ​ຄົນ​ກໍ​ສະດຸ້ງ​ຕົກໃຈ​ດ້ວຍ.”

ດານີເອນ 11:18

ຫລັງຈາກ​ນັ້ນ ເພິ່ນ​ຈະ​ໂຈມຕີ​ຊົນຊາດ​ທັງຫລາຍ​ຕາມ​ແຄມ​ທະເລ ແລະ​ຢຶດເອົາ​ດິນແດນ​ໄດ້​ຢ່າງ​ຫລວງຫລາຍ. ແຕ່​ຈະ​ມີ​ແມ່ທັບ​ຊາວ​ຕ່າງ​ປະເທດ​ຄົນ​ໜຶ່ງ​ປາບ​ເພິ່ນ​ລົງ ແລະ​ກຳຈັດ​ຄວາມ​ທະເຍີ​ທະຍານ​ຂອງ​ເພິ່ນ​ໃຫ້​ໝົດສິ້ນ​ໄປ;

ເຊຟານີຢາ 2:11

ພຣະເຈົ້າຢາເວ​ຈະ​ເຮັດ​ໃຫ້​ພວກເຂົາ​ສະທ້ານ​ຢ້ານກົວ. ພຣະອົງ​ຈະ​ທຳລາຍ​ບັນດາ​ພະ​ໃນ​ແຜ່ນດິນ​ໂລກ ລົງ​ສູ່​ການ​ບໍ່ມີ​ປະໂຫຍດ ແລະ​ຕໍ່ໄປ ທຸກໆ​ຊົນຊາດ​ກໍ​ຈະ​ນະມັດສະການ​ພຣະອົງ​ໃນ​ດິນແດນ​ຂອງ​ຕົນເອງ.

ພຣະບັນຍັດສອງ 32:8

ອົງ​ພຣະຜູ້​ສູງສຸດ​ໄດ້​ໃຫ້​ ຊາດ​ຕ່າງໆ​ມີ​ດິນແດນ​ຂອງຕົນ; ພຣະອົງ​ໄດ້​ກຳນົດ​ບ່ອນ​ໃຫ້​ລູກຫລານ​ຂອງ​ອິດສະຣາເອນ ເປັນ​ບ່ອນ​ທີ່​ພວກເຂົາ​ຈະ​ອາໄສ​ຢູ່ນັ້ນ.