ປະຖົມມະການ 10:2 - ພຣະຄຳພີສັກສິ

² ລູກຊາຍ​ຂອງ​ຢາເຟດ​ມີ​ດັ່ງນີ້: ໂກເມ, ມາກົກ, ມາດາຍ, ຢາວານ, ຕູບານ, ເມເຊັກ ແລະ​ຕີຣາດ ຜູ້​ທີ່​ເປັນ​ປູ່ຍ່າຕາຍາຍ​ຂອງ​ຊົນຊາດ ຊຶ່ງ​ໃສ່​ຊື່​ດັ່ງ​ກ່າວ​ນັ້ນ​ຕໍ່ໆ​ມາ.

ປະຖົມມະການ 10:2 Jak'a apnaqawi uñst'ayäwi

ປະຖົມມະການ 10:1

ຕໍ່ໄປນີ້​ແມ່ນ​ເຊື້ອສາຍ​ຂອງ​ພວກ​ລູກຊາຍ​ໂນອາ ມີ​ດັ່ງນີ້: ເຊມ, ຮາມ ແລະ​ຢາເຟດ. ສາມ​ຄົນ​ນີ້​ຫລັງຈາກ​ນໍ້າ​ໄດ້​ຖ້ວມ​ແຜ່ນດິນ​ໂລກ ພວກເຂົາ​ກໍໄດ້​ລູກຊາຍ​ຫລາຍ​ຄົນ.

ປະຖົມມະການ 10:21

ເຊມ​ຜູ້​ທີ່​ເປັນ​ອ້າຍ​ກົກ​ຂອງ​ຢາເຟດ, ເປັນ​ພໍ່​ຂອງ​ລູກ​ທັງຫລາຍ​ຂອງ​ເອເບ.

ປະຖົມມະການ 9:27

ຂໍ​ພຣະເຈົ້າ​ຊ່ວຍ​ຢາເຟດ ໃຫ້​ຮັ່ງ​ມີເປັນດີ; ມີ​ເຊື້ອສາຍ​ຢ່າງ​ຫລວງຫລາຍ​ເຫຼືອ​ນັບ. ຂໍ​ໃຫ້​ເຊື້ອສາຍ​ຢາເຟດ​ຢູ່​ຮ່ວມ​ກັບ​ເຊື້ອສາຍ​ເຊມ; ຊາວ​ການາອານ​ຈະ​ເປັນ​ທາດຮັບໃຊ້​ຂອງ​ຢາເຟດ.”

2 ກະສັດ 17:6

ຊຶ່ງ​ເປັນ​ປີ​ທີ​ເກົ້າ ແຫ່ງ​ຣາຊການ​ຂອງ​ກະສັດ​ໂຮເຊຢາ; ກະສັດ​ແຫ່ງ​ອັດຊີເຣຍ ໄດ້​ຢຶດເອົາ​ນະຄອນ​ຊາມາເຣຍ ແລະ​ນຳ​ຊາວ​ອິດສະຣາເອນ​ໄປ​ເປັນ​ຊະເລີຍ​ທີ່​ອັດຊີເຣຍ. ເພິ່ນ​ໄດ້​ເອົາ​ພວກ​ເຫຼົ່ານີ້​ບາງຄົນ​ໄປ​ໄວ້​ຢູ່​ໃນ​ເມືອງ​ຮາລາ, ໃຫ້​ບາງຄົນ​ຢູ່​ໃກ້​ແມ່ນໍ້າ​ຮາໂບ​ໃນ​ເຂດ​ໂກຊານ ແລະ​ໃຫ້​ບາງຄົນ​ຢູ່​ໃນ​ເມືອງ​ຕ່າງໆ​ຂອງ​ແຂວງ​ເມເດຍ.

ເພງ^ສັນລະເສີນ 120:5

ການ​ອາໄສ​ຢູ່​ທ່າມກາງ​ພວກເຈົ້າ​ກໍ​ຊົ່ວ​ເທົ່າ​ກັບ​ຢູ່​ນຳ ຊາວ​ເມເຊັກ​ຫລື​ນຳ​ປະຊາຊົນ​ແຫ່ງ​ເກດາ​ນັ້ນ.

ເອຊາຢາ 66:19

ແລະ​ເຮົາ​ຈະ​ຕັ້ງ​ໝາຍສຳຄັນ​ໄວ້​ໃນ​ທ່າມກາງ​ພວກເຂົາ. ເຮົາ​ຈະ​ໄວ້​ຊີວິດ​ບາງຄົນ​ໃນ​ພວກເຂົາ ແລະ​ສົ່ງ​ພວກເຂົາ​ໄປ​ຍັງ​ຊົນຊາດ​ຕ່າງໆ​ແລະ​ສູ່​ດິນແດນ​ທີ່​ຫ່າງໄກ ບ່ອນ​ທີ່​ບໍ່ໄດ້ຍິນ​ເຖິງ​ຊື່ສຽງ ຫລື​ໄດ້​ເຫັນ​ຄວາມ​ຍິ່ງໃຫຍ່​ແລະ​ຣິດອຳນາດ​ຂອງເຮົາ​ເລີຍ​ຄື: ສະເປນ, ລີເບຍ, ແລະ​ລີເດຍ ພ້ອມ​ດ້ວຍ​ນັກຍິງທະນູ​ຜູ້​ທີ່​ຊຳນິ​ຊຳນານ ແລະ​ໄປ​ຍັງ​ຕູບານ​ແລະ​ກຣີກ. ໃນ​ທ່າມກາງ​ຊົນຊາດ​ເຫຼົ່ານີ້ ພວກເຂົາ​ຈະ​ປະກາດ​ຄວາມ​ຍິ່ງໃຫຍ່​ຂອງເຮົາ.

ເອເຊກຽນ 27:7

ຜ້າໃບ​ຂອງ​ເຈົ້າ​ເຮັດ​ດ້ວຍ​ຜ້າປ່ານ​ຈາກ​ປະເທດ​ເອຢິບ ຜ້າ​ແສ່ວ​ເປັນ​ສີແດງເຂັ້ມ​ເບິ່ງ​ເຫັນ​ແຕ່​ໄກ​ໄດ້. ຜ້າ​ເຫຼົ່ານີ້​ໄດ້​ເຮັດ​ມາ​ຈາກ​ເກາະ​ໄຊປຣັດ ຜ້າປ່ານ​ສີມ່ວງ​ຊັ້ນດີ​ເປັນ​ສິນຄ້າ​ຂອງ​ເຈົ້າ.

ເອເຊກຽນ 32:26

ເມເຊັກ​ກັບ​ຕູບານ​ກໍ​ຢູ່​ທີ່​ນັ້ນ ພ້ອມທັງ​ມີ​ຂຸມຝັງສົບ​ຂອງ​ບັນດາ​ທະຫານ​ຂອງ​ພວກເຂົາ​ອ້ອມຮອບ​ຢູ່. ພວກເຂົາ​ລ້ວນແຕ່​ບໍ່ໄດ້​ຮັບ​ພິທີຕັດ ໄດ້​ຖືກ​ຂ້າ​ໃນ​ສະໜາມຮົບ. ຄັ້ງໜຶ່ງ ພວກເຂົາ​ໄດ້​ເປັນ​ທີ່​ສະທ້ານ​ຢ້ານກົວ​ຂອງ​ໂລກ​ຄົນ​ເປັນ.

ເອເຊກຽນ 38:15

ຈາກ​ທີ່​ຂອງ​ເຈົ້າ​ທາງ​ທິດເໜືອ​ສຸດ ໂດຍ​ນຳ​ກອງທັບ​ອັນ​ໃຫຍ່​ໂຕ ທັງ​ມີ​ອຳນາດ​ຈາກ​ຫລາຍ​ປະເທດ ຊຶ່ງ​ລ້ວນແຕ່​ເປັນ​ທະຫານ​ມ້າ​ທັງນັ້ນ.

ເອເຊກຽນ 38:2

“ມະນຸດ​ເອີຍ ຈົ່ງ​ປະນາມ​ເຈົ້າໂກກ ນາຍ​ຜູ້ປົກຄອງ​ຊົນຊາດ​ເມເຊັກ​ແລະ​ຕູບານ ຢູ່​ໃນ​ດິນແດນ​ຂອງ​ມາໂກກ.

ເອເຊກຽນ 38:6

ນັກຮົບ​ທຸກຄົນ​ຈາກ​ດິນແດນ​ໂກເມ​ແລະ​ເບັດ​ໂຕກາມາ​ທາງ​ທິດເໜືອ ກໍ​ມາ​ກັບ​ເຈົ້າ​ຕະຫລອດ​ທັງ​ຊົນຊາດ​ອື່ນໆ​ດ້ວຍ.

ເອເຊກຽນ 39:1

“ເພາະສະນັ້ນ ມະນຸດ​ເອີຍ ຈົ່ງ​ທຳນວາຍ​ຕໍ່ສູ້​ໂກກ ນາຍ​ຜູ້ປົກຄອງ​ຊົນຊາດ​ເມເຊັກ ແລະ​ຕູບານ ແລະ​ບອກ​ລາວ​ວ່າ, ‘ອົງພຣະ​ຜູ້​ເປັນເຈົ້າ ພຣະເຈົ້າ​ໄດ້​ກ່າວ​ວ່າ ເຮົາ​ເປັນ​ສັດຕູ​ຂອງ​ເຈົ້າ.

ພຣະນິມິດ 20:8

ມັນ​ຈະ​ອອກ​ໄປ​ຫລອກລວງ​ບັນດາ​ປະຊາຊາດ​ທັງຫລາຍ ທີ່​ກະຈັດ​ກະຈາຍ​ຢູ່​ທົ່ວ​ໂລກ ຄື​ໂກກ​ແລະ​ມາໂກກ ໃຫ້​ມາ​ເຕົ້າໂຮມ​ກັນ​ເພື່ອ​ການ​ເຮັດ​ເສິກ ຈຳນວນ​ຄົນ​ເຫຼົ່ານັ້ນ​ມີ​ຫລວງຫລາຍ ເໝືອນ​ເມັດ​ຊາຍ​ຕາມ​ແຄມ​ຝັ່ງ​ທະເລ.