ປະຖົມມະການ 1:9 - ພຣະຄຳພີສັກສິ

⁹ ແລະ​ພຣະເຈົ້າ​ໄດ້ກ່າວ​ວ່າ, “ໃຫ້​ນໍ້າ​ທີ່​ຢູ່​ລຸ່ມ​ທ້ອງຟ້າ​ມາ​ໂຮມ​ກັນ​ຢູ່​ບ່ອນ​ດຽວ ເພື່ອ​ພື້ນດິນ​ແຫ້ງ​ຈະ​ໄດ້​ປາກົດ​ຂຶ້ນ.” ແລະ​ກໍ​ເປັນ​ດັ່ງນັ້ນ.

ປະຖົມມະການ 1:9 Jak'a apnaqawi uñst'ayäwi

ປະຖົມມະການ 1:8

ພຣະເຈົ້າ​ໄດ້ເອີ້ນ​ແຜ່ນ​ຟ້າ​ນັ້ນ​ວ່າ, “ຟ້າ.” ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ສອງ.

ເນເຫມີຢາ 9:6

ແລ້ວ​ປະຊາຊົນ​ອິດສະຣາເອນ​ກໍໄດ້​ພາວັນນາ​ອະທິຖານ​ດ້ວຍ​ຖ້ອຍຄຳ​ດັ່ງນີ້: “ຂ້າແດ່​ພຣະເຈົ້າຢາເວ ພຣະອົງ​ເທົ່ານັ້ນ ພຣະອົງ​ເທົ່ານັ້ນ; ພຣະອົງ​ໄດ້​ຊົງສ້າງ​ສະຫວັນ, ຟ້າ​ສະຫວັນ​ທີ່​ສູງສຸດ ພ້ອມທັງ​ບໍລິວານ​ຂອງ​ຟ້າ​ສະຫວັນ​ທຸກຢ່າງ​ທັງໝົດ, ແຜ່ນດິນ​ໂລກ​ກັບ​ທະເລ ແລະ​ທຸກໆສິ່ງ​ທີ່​ຢູ່​ໃນ​ນັ້ນ; ພຣະອົງ​ຊົງ​ພິທັກ​ຮັກສາ​ສິ່ງ​ເຫຼົ່ານັ້ນ​ທັງໝົດ ທຸກສິ່ງ​ໃນ​ສະຫວັນ​ກໍ​ນະມັດສະການ​ພຣະອົງ.

ພຣະທຳ​ໂຢບ 26:10

ພຣະອົງ​ໄດ້​ແຍກ​ແສງແຈ້ງ ອອກ​ຈາກ​ມືດ​ທັງໝົດ ໂດຍ​ໃຊ້​ວົງວຽນ​ໜຶ່ງ ເຄື່ອນ​ໄຫວ​ຢູ່​ເທິງ​ທະເລ​ກວ້າງ.

ພຣະທຳ​ໂຢບ 26:7

ພຣະເຈົ້າ​ໄດ້​ພື​ທ້ອງຟ້າ​ອອກ​ສູ່​ທາງທິດເໜືອ ແລະ​ແຂວນ​ແຜ່ນດິນ​ໂລກ​ໄວ້​ໃນ​ທີ່​ວ່າງເປົ່າ.

ເພງ^ສັນລະເສີນ 104:3

ສ້າງ​ບ່ອນ​ຢູ່​ຂອງ​ພຣະອົງ​ເທິງ​ນໍ້າ​ທັງຫລາຍ ພຣະອົງ​ໃຊ້​ກ້ອນເມກ​ເປັນ​ມ້າ​ແລະ​ຢູ່​ເທິງ​ປີກ​ລົມ​ຂີ່​ເຫາະໄປ.

ເພງ^ສັນລະເສີນ 33:7

ພຣະອົງ​ໄດ້​ໂຮມ​ທະເລ​ທຸກ​ແຫ່ງ​ໄວ້​ໃນ​ບ່ອນດຽວ ຂັງ​ມະຫາສະໝຸດ​ເລິກ​ໃນ​ບ່ອນ​ຂອງ​ມັນ​ນັ້ນ.

ເພງ^ສັນລະເສີນ 95:5

ພຣະອົງ​ປົກຄອງ​ເໜືອ​ນໍ້າ​ທະເລ​ທີ່​ພຣະອົງ​ໄດ້​ສ້າງ ຕະຫລອດ​ທັງ​ແຜ່ນດິນ​ທີ່​ພຣະຫັດ​ຂອງ​ພຣະອົງ​ໄດ້​ສ້າງ.

ປັນຍາຈານ 1:7

ແມ່ນໍ້າ​ທຸກ​ສາຍ​ໄຫລ​ໄປ​ສູ່​ທະເລ, ແຕ່​ທະເລ​ກໍ​ຍັງ​ບໍ່​ເຕັມ​ຈັກເທື່ອ. ນໍ້າ​ກັບຄືນ​ສູ່​ບ່ອນ​ທີ່​ແມ່ນໍ້າ​ຕັ້ງຕົ້ນ​ໄຫລ​ໄປ ແລະ​ຕັ້ງຕົ້ນ​ໄຫລ​ມາ​ອີກ​ໃໝ່.

ເຢເຣມີຢາ 5:22

ເຮົາ​ແມ່ນ​ພຣະເຈົ້າຢາເວ ເປັນຫຍັງ​ພວກເຈົ້າ​ຈຶ່ງ​ບໍ່​ຢຳເກງ​ເຮົາ? ເປັນຫຍັງ​ພວກເຈົ້າ​ຈຶ່ງ​ບໍ່​ຢ້ານກົວ​ຕົວສັ່ນ​ຕໍ່ໜ້າ​ເຮົາ? ເຮົາ​ເປັນ​ຜູ້​ຈັດສັນ​ດິນ​ຊາຍ​ໄວ້​ເປັນ​ເຂດ​ອ້ອມ​ທະເລ ເພື່ອ​ໃຫ້​ເປັນ​ເຄື່ອງ​ກີດກັ້ນ​ອັນ​ຖາວອນ​ບໍ່​ໃຫ້​ນໍ້າ​ທະເລ​ຜ່ານ​ໄປ​ໄດ້. ນໍ້າ​ທະເລ​ອາດ​ໂຍກຂຶ້ນ​ໂຍກລົງ ແຕ່​ກໍ​ເລີຍ​ຂອບເຂດ​ນັ້ນ​ໄປ​ບໍ່ໄດ້; ຄື້ນ​ທະເລ​ອາດ​ດັງ​ກ້ອງສະໜັ່ນ ແຕ່​ກໍ​ຜ່ານ​ໄປ​ບໍ່ໄດ້.

ໂຢນາ 1:9

ໂຢນາ​ຕອບ​ວ່າ, “ຂ້ອຍ​ເປັນ​ຄົນ​ເຮັບເຣີ ຂ້ອຍ​ນະມັດສະການ​ພຣະເຈົ້າຢາເວ ພຣະເຈົ້າ​ແຫ່ງ​ສະຫວັນ ຜູ້​ໄດ້​ສ້າງ​ນໍ້າ​ທະເລ​ແລະ​ແຜ່ນດິນ​ໂລກ.”

2 ເປໂຕ 3:5

ເພາະວ່າ​ພວກເຂົາ​ເຮັດ​ຄື​ລືມ​ຂໍ້​ນີ້​ເສຍ ດ້ວຍ​ພຣະທຳ​ຂອງ​ພຣະເຈົ້າ ຟ້າ​ສະຫວັນ​ຈຶ່ງ​ໄດ້​ມີ​ຢູ່​ຕັ້ງແຕ່​ບູຮານ ແລະ​ແຜ່ນດິນ​ໂລກ​ຈຶ່ງ​ໄດ້​ເກີດຂຶ້ນ​ຈາກ​ນໍ້າ​ແລະ​ດ້ວຍ​ທາງ​ນໍ້າ.

ພຣະນິມິດ 10:6

ແລະ​ສາບານ​ໃນ​ພຣະນາມ​ຂອງ​ພຣະເຈົ້າ ອົງ​ຊົງ​ຊີວິດ​ຢູ່​ນິຣັນດອນ ຜູ້​ທີ່​ໄດ້​ສ້າງ​ສະຫວັນ ແຜ່ນດິນ​ໂລກ ແລະ​ທະເລ ກັບ​ສັບພະທຸກສິ່ງ​ທີ່​ມີ​ຢູ່​ໃນ​ບ່ອນ​ເຫຼົ່ານັ້ນ ວ່າ, “ຈະ​ບໍ່ມີ​ການ​ຊັກຊ້າ​ອີກ​ຕໍ່ໄປ.”