ປະຖົມມະການ 1:5 - ພຣະຄຳພີສັກສິ

⁵ ແລະ​ພຣະເຈົ້າ​ໄດ້ເອີ້ນ​ແຈ້ງ​ນັ້ນ​ວ່າ, “ກາງ​ເວັນ.” ແລະ​ໄດ້ເອີ້ນ​ມືດ​ນັ້ນ​ວ່າ, “ກາງ​ຄືນ.” ມີ​ເວລາ​ຄໍ່າ​ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ໜຶ່ງ.

ປະຖົມມະການ 1:5 Jak'a apnaqawi uñst'ayäwi

ປະຖົມມະການ 1:13

ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ສາມ.

ປະຖົມມະການ 1:19

ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ສີ່.

ປະຖົມມະການ 1:23

ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ຫ້າ.

ປະຖົມມະການ 1:31

ພຣະເຈົ້າ​ໄດ້​ເຫັນ​ວ່າ​ທຸກໆ​ສິ່ງ​ທີ່​ໄດ້​ນິຣະມິດ​ສ້າງ​ຂຶ້ນ​ມາ ແລ້ວ​ກໍ​ໄດ້ເຫັນ​ວ່າ​ດີຫລາຍ. ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ຫົກ.

ປະຖົມມະການ 1:8

ພຣະເຈົ້າ​ໄດ້ເອີ້ນ​ແຜ່ນ​ຟ້າ​ນັ້ນ​ວ່າ, “ຟ້າ.” ມີ​ເວລາ​ຄໍ່າ ແລະ​ເວລາ​ເຊົ້າ ນັ້ນ​ແມ່ນ​ມື້​ທີ​ສອງ.

ປະຖົມມະການ 8:22

ຕາບໃດ​ທີ່​ໂລກ​ຍັງ​ຄົງ​ດຳລົງ​ຢູ່ ລະດູ​ຫວ່ານ​ກັບ​ລະດູ​ເກັບກ່ຽວ​ກໍ​ຍັງ​ມີ​ຢູ່​ຕໍ່ໄປ ຈະ​ມີ​ໜາວ​ມີ​ຮ້ອນ​ຮ່ວມ​ກັນ​ຢູ່​ສະເໝີ​ໄປ ຍາມຮ້ອນ​ແລະ​ຍາມ​ໜາວ ກາງເວັນ​ແລະ​ກາງຄືນ​ດ້ວຍ.”

ເພງ^ສັນລະເສີນ 104:20

ພຣະອົງ​ໄດ້​ສົ່ງ​ຄວາມມືດ​ມາ​ເປັນ​ຕອນ​ກາງຄືນ ຊຶ່ງ​ເປັນ​ເວລາ​ທີ່​ສັດປ່າ​ອອກ​ໄປ​ທ່ອງທ່ຽວ.

ເພງ^ສັນລະເສີນ 19:2

ແຕ່ລະວັນ​ກໍ​ປະກາດ​ເລື່ອງ​ນີ້​ໃຫ້​ວັນ​ຕໍ່ໄປ. ແຕ່ລະຄືນ​ກໍ​ກ່າວ​ຢໍ້າ​ເຖິງ​ເລື່ອງ​ນີ້

ເພງ^ສັນລະເສີນ 65:8

ທົ່ວ​ທັງ​ໂລກ​ຕົກ​ສະທ້ານ​ຢ້ານກົວ ຕໍ່​ສິ່ງ​ອັດສະຈັນ​ອັນ​ຍິ່ງໃຫຍ່ ທີ່​ພຣະອົງ​ໄດ້​ກະທຳ ຈາກ​ສົ້ນ​ໂລກ​ເບື້ອງນີ້​ເຖິງ​ສົ້ນ​ໂລກ​ເບື້ອງນັ້ນ ພຣະ​ຣາຊກິດ​ຂອງ​ພຣະອົງ ຈະ​ນຳ​ສຽງ​ໂຮຮ້ອງ​ຍິນດີ​ມາ.

ເພງ^ສັນລະເສີນ 74:16

ພຣະອົງ​ໄດ້ສ້າງ​ກາງເວັນ​ແລະ​ກາງຄືນ ດວງອາທິດ​ແລະ​ດວງເດືອນ​ກໍໄດ້​ຖືກ​ຕັ້ງ​ໄວ້.

ເອຊາຢາ 45:7

ເຮົາ​ໄດ້ສ້າງ​ຄວາມ​ສະຫວ່າງ​ຂຶ້ນ​ມາ ຄວາມມືດ ເຮົາ​ກໍ​ນິຣະມິດ​ສ້າງ​ຂຶ້ນ​ດ້ວຍ; ເຮົາ​ນຳ​ພອນ ແລະ​ຄວາມພິນາດ​ມາ​ຄືກັນ ເຮົາ​ຄື​ພຣະເຈົ້າຢາເວ​ເຮັດ​ທຸກສິ່ງ​ເຫຼົ່ານີ້.

ເຢເຣມີຢາ 33:20

“ພຣະເຈົ້າຢາເວ​ກ່າວ​ວ່າ​ດັ່ງນີ້: ເຮົາ​ໄດ້​ເຮັດ​ພັນທະສັນຍາ​ຢ່າງ​ໜຶ່ງ​ໄວ້​ກັບ​ມື້​ເວັນ​ແລະ​ກັບ​ມື້ຄືນ ເພື່ອ​ວ່າ​ສິ່ງນັ້ນ​ຈະ​ມາ​ຖືກຕ້ອງ​ຕາມ​ເວລາ​ສະເໝີ; ແລະ​ພັນທະສັນຍາ​ນັ້ນ​ຈະ​ບໍ່​ຖືກ​ລົບລ້າງ​ຈັກເທື່ອ.

ຈົດບັນຊີ 20:29

ເມື່ອ​ຊຸມຊົນ​ທັງໝົດ​ຮູ້​ວ່າ ອາໂຣນ​ໄດ້​ຕາຍ​ແລ້ວ ຄອບຄົວ​ອິດສະຣາເອນ​ທັງໝົດ​ກໍ​ພາກັນ​ໄວ້ທຸກ​ໃຫ້​ເພິ່ນ 30 ວັນ.

1 ໂກຣິນໂທ 3:13

ການງານ​ຂອງ​ແຕ່ລະຄົນ ກໍ​ຈະ​ປາກົດ​ໃຫ້​ເຫັນ​ແຈ່ມແຈ້ງ​ໃນ​ວັນ​ນັ້ນ. ດ້ວຍວ່າ, ໃນ​ວັນ​ນັ້ນ ໄຟ​ຈະ​ເປີດເຜີຍ​ການງານ​ຂອງ​ທຸກຄົນ ໄຟ​ນັ້ນ​ຈະ​ທົດລອງ​ເບິ່ງ​ວ່າ ການງານ​ຂອງ​ທຸກຄົນ​ເປັນ​ຢ່າງ​ໃດ.

ເອເຟໂຊ 5:13

ແຕ່​ເມື່ອ​ສິ່ງສາລະພັດ​ຖືກ​ເປີດເຜີຍ​ອອກ​ໂດຍ​ຄວາມ​ສະຫວ່າງ ສິ່ງ​ນັ້ນ​ກໍ​ປາກົດ​ແຈ້ງ ເພາະວ່າ​ທຸກສິ່ງ​ທີ່​ປາກົດ​ແຈ້ງ ກໍ​ຄື​ຄວາມ​ສະຫວ່າງ.

1 ເທສະໂລນິກ 5:5

ເພາະວ່າ​ພວກເຈົ້າ​ທຸກຄົນ​ເປັນ​ລູກ​ຂອງ​ຄວາມ​ສະຫວ່າງ ເປັນ​ລູກ​ຂອງ​ກາງເວັນ ພວກເຮົາ​ບໍ່​ເປັນ​ຝ່າຍ​ກາງຄືນ ຫລື​ຝ່າຍ​ຄວາມມືດ.