ປະຖົມມະການ 1:2 - ພຣະຄຳພີສັກສິ

² ໂລກ​ບໍ່ທັນ​ມີ​ຮູບຮ່າງ​ແລະ​ຍັງ​ວ່າງ​ເປົ່າ​ຢູ່. ຄວາມມືດ​ໄດ້​ຫຸ້ມຫໍ່​ມະຫາສະໝຸດ​ອັນ​ກວ້າງໃຫຍ່​ໄພສານ ແລະ​ພຣະວິນຍານ​ຂອງ​ພຣະເຈົ້າ ໄດ້​ປົກຄຸມ​ຢູ່​ເທິງ​ໜ້າ​ນໍ້າ.

ປະຖົມມະການ 1:2 Jak'a apnaqawi uñst'ayäwi

ພຣະທຳ​ໂຢບ 26:14

ແຕ່​ສິ່ງ​ທີ່​ກ່າວ​ມາ​ນີ້ ເປັນ​ພຽງແຕ່​ກ່າວ​ເຖິງ​ອຳນາດ​ພຽງເລັກນ້ອຍ​ຂອງ​ພຣະອົງ ເປັນ​ພຽງແຕ່​ສຽງ​ຊິ່ມ​ຄ່ອຍໆ ທີ່​ພວກເຮົາ​ໄດ້ຍິນ​ເທົ່ານັ້ນ. ຖ້າດັ່ງນັ້ນ ຜູ້ໃດ​ແດ່​ທີ່​ມີ​ຄວາມ​ເຂົ້າໃຈ ເຖິງ​ຄວາມ​ຍິ່ງໃຫຍ່​ອັນ​ແທ້ຈິງ​ຂອງ​ພຣະເຈົ້າ​ໄດ້​ແດ່?”

ພຣະທຳ​ໂຢບ 26:7

ພຣະເຈົ້າ​ໄດ້​ພື​ທ້ອງຟ້າ​ອອກ​ສູ່​ທາງທິດເໜືອ ແລະ​ແຂວນ​ແຜ່ນດິນ​ໂລກ​ໄວ້​ໃນ​ທີ່​ວ່າງເປົ່າ.

ພຣະທຳ​ໂຢບ 38:9

ແມ່ນ​ເຮົາ​ນີ້ ທີ່​ໃຊ້​ກ້ອນ​ເມກ​ຫຸ້ມຫໍ່​ນໍ້າ​ທະເລ ແລະ​ຫຸ້ມ​ນໍ້າ​ທະເລ​ຫລວງ​ໄວ້​ຢູ່​ໃນ​ຄວາມມືດ.

ພຣະທຳ​ໂຢບ 41:32

ມັນ​ປະ​ທາງ​ເຫລື້ອມ​ແມບມາບ​ໄວ້​ເບື້ອງຫລັງ​ຂອງ​ມັນ ແລະ​ປ່ຽນ​ນໍ້າ​ທະເລ​ໃຫ້​ເປັນ​ຟອງ​ສີຂາວ​ປຸມປວກ.

ເພງ^ສັນລະເສີນ 104:30

ແຕ່​ເມື່ອ​ພຣະອົງ​ສົ່ງ​ວິນຍານ​ຂອງ​ພຣະອົງ​ອອກ​ໄປ ພວກມັນ​ກໍ​ຖືກ​ສ້າງ​ຂຶ້ນ​ມາ ແລະ​ພຣະອົງ​ກໍ​ປ່ຽນ​ໂສມໜ້າ​ຂອງ​ແຜ່ນດິນ​ໂລກ​ຄືນ​ໃໝ່.

ເພງ^ສັນລະເສີນ 104:6

ພຣະອົງ​ໃຫ້​ມະຫາສະໝຸດ​ຫຸ້ມຫໍ່​ດັ່ງ​ເຄື່ອງນຸ່ງຫົ່ມ​ຮ່າງກາຍ ແລະ​ໃຫ້​ນໍ້າ​ປົກຄຸມ​ຢູ່​ເທິງ​ຖ້ວມ​ພູ​ທັງຫລາຍ​ໄວ້.

ເພງ^ສັນລະເສີນ 136:6

ພຣະອົງ​ໄດ້​ສ້າງ​ແຜ່ນດິນ​ໂລກ​ເໜືອ​ນໍ້າ​ເລິກ​ທັງຫລາຍ ຄວາມຮັກ​ໝັ້ນຄົງ​ຂອງ​ພຣະອົງ​ດຳລົງຢູ່​ສືບໄປ​ເປັນນິດ.

ເພງ^ສັນລະເສີນ 148:7

ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ​ເຖີດ ສັດ​ໃນ​ທ້ອງ​ທະເລ​ກັບ​ມະຫາສະໝຸດ​ເລິກ​ທັງຫລາຍ ຈາກ​ແຜ່ນດິນ​ໂລກ​ເຮົາ​ນີ້

ເພງ^ສັນລະເສີນ 33:6

ພຣະເຈົ້າຢາເວ​ໄດ້​ສ້າງ​ຟ້າ​ສະຫວັນ​ດ້ວຍ​ຖ້ອຍຄຳ​ຂອງ​ພຣະອົງ ຕາເວັນ, ເດືອນ​ແລະ​ດາວ​ກໍ​ໂດຍ​ລົມປາກ​ຂອງ​ພຣະອົງ.

ສຸພາສິດ 8:24

ເຮົາ​ໄດ້​ເກີດ​ມາ​ກ່ອນ​ມະຫາສະໝຸດ ເມື່ອ​ຍັງ​ບໍ່ທັນ​ມີ​ບໍ່​ນໍ້າພຸ​ທັງຫລາຍ​ພຸ້ນ.

ເອຊາຢາ 31:5

ນົກ​ບິນ​ເວີ່ນ​ເທິງ​ຮັງ​ຂອງ​ມັນ​ເພື່ອ​ປ້ອງກັນ​ລູກນ້ອຍ​ຂອງມັນ​ໄວ້​ສັນໃດ; ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ກໍ​ຈະ​ປົກປັກ​ຮັກສາ​ນະຄອນ​ເຢຣູຊາເລັມ​ໄວ້​ສັນນັ້ນ.”

ເອຊາຢາ 45:18

ພຣະເຈົ້າຢາເວ​ໄດ້​ນິຣະມິດ​ສ້າງ​ຈັກກະວານ ແມ່ນ​ພຣະອົງ​ແຕ່​ຜູ້ດຽວ​ທີ່​ເປັນ​ພຣະເຈົ້າ ພຣະອົງ​ໄດ້​ຈັດ​ຮູບຮ່າງ​ສ້າງ​ແຜ່ນດິນ​ໂລກ​ຂຶ້ນ​ມາ ໄດ້​ເຮັດ​ໃຫ້​ໂລກ​ໝັ້ນຄົງ ແລະ​ຢັ້ງຢືນ​ຄົງຢູ່​ໄດ້. ພຣະອົງ​ບໍ່ໄດ້​ເຮັດ​ໃຫ້​ເປັນ​ທີ່​ເປົ່າຮ້າງ​ຫວ່າງຄົນ ແຕ່​ເປັນ​ບ່ອນ​ທີ່​ມະນຸດ​ເຮົາ​ພັກພາ​ອາໄສ​ຢູ່ ພຣະເຈົ້າ​ລັ່ນປາກ​ກ່າວ​ໄຂ​ວາຈາ​ວ່າ, “ເຮົາ​ຄື​ພຣະເຈົ້າຢາເວ ພຣະເຈົ້າ​ອົງ​ອື່ນ​ບໍ່ມີ.

ເຢເຣມີຢາ 4:23

ຂ້ານ້ອຍ​ຈ້ອງ​ຕາ​ເບິ່ງ​ແຜ່ນດິນ​ໂລກ ເຫັນ​ເປັນ​ທີ່​ຮ້າງ​ຫວ່າງເປົ່າ​ທັງໝົດ ແລະ​ແນມເບິ່ງ​ຟ້າ​ສະຫວັນ​ກໍ​ບໍ່​ເຫັນ ແສງ​ສະຫວ່າງ​ໃດໆ​ທັງສິ້ນ.

ນາຮູມ 2:10

ນີເນເວ​ເອີຍ ເຈົ້າ​ຖືກ​ທຳລາຍ​ສາ​ແລ້ວ ເປັນ​ເມືອງ​ຮ້າງວ່າງຄົນ​ແລະ​ເປັນ​ຖິ່ນ​ເປົ່າປ່ຽວ ທຸກຄົນ​ຕ່າງ​ກໍ​ຢ້ານ​ຈົນ​ອົກສັ່ນ​ຂວັນເສຍ ຈົນ​ຫົວເຂົ່າ​ທຸກຄົນ​ສັ່ນເຊັນ​ດ້ວຍ​ຄວາມຢ້ານ ແລະ​ທຸກຄົນ​ຕ່າງ​ກໍ​ໝົດເຫື່ອໝົດແຮງ ຈົນ​ສີໜ້າ​ມ້ານ​ຫລ່າເຫລືອງ​ໄປ​ທັງນັ້ນ.

2 ໂກຣິນໂທ 4:6

ເພາະ​ພຣະເຈົ້າ​ອົງ​ທີ່​ໄດ້​ກ່າວ​ວ່າ, “ໃຫ້​ແສງແຈ້ງ​ສ່ອງ​ອອກ​ຈາກ​ຄວາມມືດ” ເປັນ​ພຣະເຈົ້າ​ອົງ​ທີ່​ສ່ອງ​ແສງ​ສະຫວ່າງ​ເຂົ້າ​ມາ​ໃນ​ຈິດໃຈ​ຂອງ​ພວກເຮົາ ເພື່ອ​ໃຫ້​ພວກເຮົາ​ຮູ້ຈັກ​ເຖິງ​ສະຫງ່າຣາສີ​ຂອງ​ພຣະເຈົ້າ ຊຶ່ງ​ສ່ອງ​ແສງ​ສະຫວ່າງ​ໃນ​ໃບ​ໜ້າ​ຂອງ​ພຣະເຢຊູ​ຄຣິດເຈົ້າ.

ພຣະບັນຍັດສອງ 32:11

ເໝືອນດັ່ງ​ນົກອິນຊີ​ໂຕໜຶ່ງ​ໄດ້ ສອນ​ລູກໆ​ຂອງ​ມັນ​ໃຫ້​ບິນ​ໄປ ກາງ​ປີກ​ຂອງຕົນ​ອອກ​ໄວ້​ລໍ​ຮັບ ລູກໆ​ນັ້ນ​ໄວ້​ຢ່າງ​ປອດໄພ​ໄດ້. ທັງ​ໄດ້​ປົກປ້ອງ​ຄຸ້ມຄອງ​ແລະ​ຮັກສາ ຊົນຊາດ​ອິດສະຣາເອນ ບໍ່​ໃຫ້​ຫຼົ້ມຈົມ​ລົງ​ໄດ້.