ປະຖົມມະການ 1:16 - ພຣະຄຳພີສັກສິ

¹⁶ ສະນັ້ນ ພຣະເຈົ້າ​ຈຶ່ງ​ສ້າງ​ດວງແຈ້ງ​ໃຫຍ່​ສອງ​ດວງ​ຄື: ດວງ​ຕາເວັນ​ເພື່ອ​ຄອບຄອງ​ກາງເວັນ ແລະ​ດວງຈັນ​ເພື່ອ​ຄອບຄອງ​ກາງຄືນ; ພຣະອົງ​ຍັງ​ສ້າງ​ດວງດາວ​ອື່ນໆ​ອີກ.

ປະຖົມມະການ 1:16 Jak'a apnaqawi uñst'ayäwi

ປະຖົມມະການ 1:15

ໃຫ້​ດວງແຈ້ງ​ແຫ່ງ​ຈັກກະວານ​ນັ້ນ ສ່ອງ​ແສງ​ລົງ​ມາ​ເທິງ​ແຜ່ນດິນ​ໂລກ.” ແລະ​ກໍ​ເປັນ​ດັ່ງນັ້ນ.

ພຣະທຳ​ໂຢບ 31:26

ຂ້ອຍ​ບໍ່ເຄີຍ​ຂາບໄຫວ້​ດວງອາທິດ​ທີ່​ສ່ອງໃສ ຫລື​ດວງຈັນ​ເຕັມ​ດວງ​ທີ່​ສະຫງ່າງາມ​ນັ້ນ.

ພຣະທຳ​ໂຢບ 38:7

ໃນ​ຮຸ່ງເຊົ້າ​ຂອງ​ວັນ​ນັ້ນ ໝູ່​ດວງດາວ​ຮ້ອງເພງ​ນຳກັນ ພວກ​ເທວະດາ​ຂອງ​ພຣະອົງ ກໍ​ເປັ່ງ​ສຽງ​ໂຮຮ້ອງ​ຍິນດີ​ທັງນັ້ນ.

ເພງ^ສັນລະເສີນ 148:3

ດວງຕາເວັນ ດວງເດືອນ ພ້ອມ​ດວງດາວ​ທັງຫລາຍ ທີ່​ສ່ອງແສງ​ແຈ້ງໃສ ຈົ່ງ​ຍ້ອງຍໍ​ສັນລະເສີນ​ພຣະອົງ​ເທີ້ນ.

ເພງ^ສັນລະເສີນ 148:5

ຈົ່ງ​ຍ້ອງຍໍ​ສັນລະເສີນ​ພຣະນາມ​ຂອງ​ພຣະເຈົ້າຢາເວ​ເຖີດ ພຽງແຕ່​ພຣະອົງ​ສັ່ງ​ເທົ່ານັ້ນ ແລະ​ທຸກສິ່ງ​ເຫຼົ່ານີ້​ກໍ​ຖືກ​ສ້າງ​ຂຶ້ນ​ມາ.

ເພງ^ສັນລະເສີນ 19:6

ມັນ​ຂຶ້ນ​ຈາກ​ຟ້າ​ສະຫວັນ​ເບື້ອງໜຶ່ງ​ໄປ​ຫາ​ອີກ​ເບື້ອງໜຶ່ງ ບໍ່ມີ​ສິ່ງໃດ​ຫລົບລີ້​ຈາກ​ຄວາມຮ້ອນ​ຂອງ​ມັນ​ໄດ້.

ເພງ^ສັນລະເສີນ 74:16

ພຣະອົງ​ໄດ້ສ້າງ​ກາງເວັນ​ແລະ​ກາງຄືນ ດວງອາທິດ​ແລະ​ດວງເດືອນ​ກໍໄດ້​ຖືກ​ຕັ້ງ​ໄວ້.

ເພງ^ສັນລະເສີນ 8:3

ເມື່ອ​ຂ້ານ້ອຍ​ຫລຽວ​ເບິ່ງ​ຟ້າ​ສະຫວັນ​ທີ່​ພຣະອົງ​ໄດ້​ສ້າງ​ຂຶ້ນ​ມາ ເດືອນ​ດາວ​ທີ່​ພຣະອົງ​ຕັ້ງ​ໄວ້​ໃນ​ບ່ອນ​ຂອງ​ມັນ​ນັ້ນ

ເອຊາຢາ 13:10

ດວງດາວ​ທັງຫລາຍ​ແຫ່ງ​ຟ້າ​ສະຫວັນ​ຈະ​ຢຸດ​ສ່ອງແສງ ດວງອາທິດ​ຈະ​ມືດດຳ​ໄປ ເມື່ອ​ມັນ​ຂຶ້ນ​ສູ່​ຂອບຟ້າ ແລະ​ດວງເດືອນ​ກໍ​ຈະ​ບໍ່​ສ່ອງແຈ້ງ.

ເອຊາຢາ 24:23

ດວງຈັນ​ຈະ​ມືດມົວ ແລະ​ດວງອາທິດ​ຈະ​ບໍ່​ສ່ອງແສງ. ດ້ວຍວ່າ, ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ຈະ​ຂຶ້ນ​ເປັນ​ກະສັດ. ພຣະອົງ​ຈະ​ປົກຄອງ​ຢູ່​ໃນ​ນະຄອນ​ເຢຣູຊາເລັມ​ທີ່​ເທິງ​ພູເຂົາ​ຊີໂອນ ແລະ​ພວກ​ຜູ້ນຳ​ປະຊາຊົນ​ຈະ​ເຫັນ​ສະຫງ່າຣາສີ​ຂອງ​ພຣະອົງ.

ເອຊາຢາ 40:26

ຈົ່ງ​ເງີຍ​ໜ້າ​ຂຶ້ນ​ສູ່​ທ້ອງຟ້າ​ເວຫາ​ເບິ່ງດູ ຜູ້ໃດ​ສ້າງ​ໝູ່​ດວງດາວ​ທີ່​ທ່ານ​ເຫັນ​ຢູ່​ນັ້ນ? ຜູ້​ທີ່​ນຳ​ດວງດາວ​ມາ​ໄວ້​ດັ່ງ​ກອງທັບ​ທະຫານ ຮູ້ຈັກ​ຈຳນວນ​ແລະ​ເອີ້ນ​ຊື່​ດາວ​ແຕ່ລະ​ດວງ​ໄດ້ ຣິດອຳນາດ​ຂອງ​ພຣະອົງ​ຍິ່ງໃຫຍ່​ເຫລືອຫລາຍ ຈົນ​ບໍ່ມີ​ດາວ​ດວງໃດ​ຂາດຫາຍ​ໄປ​ຈັກດວງ.

ເອຊາຢາ 45:7

ເຮົາ​ໄດ້ສ້າງ​ຄວາມ​ສະຫວ່າງ​ຂຶ້ນ​ມາ ຄວາມມືດ ເຮົາ​ກໍ​ນິຣະມິດ​ສ້າງ​ຂຶ້ນ​ດ້ວຍ; ເຮົາ​ນຳ​ພອນ ແລະ​ຄວາມພິນາດ​ມາ​ຄືກັນ ເຮົາ​ຄື​ພຣະເຈົ້າຢາເວ​ເຮັດ​ທຸກສິ່ງ​ເຫຼົ່ານີ້.

ເຢເຣມີຢາ 31:35

ພຣະເຈົ້າຢາເວ​ກ່າວ​ດັ່ງນີ້: ອົງ​ໃຫ້​ຕາເວັນ​ສ່ອງແສງ​ໃນ​ກາງເວັນ ໃຫ້​ເດືອນ​ດາວ​ສ່ອງແສງ​ໃນ​ກາງຄືນ​ດ້ວຍ. ພຣະອົງ​ເຮັດ​ໃຫ້​ທະເລ​ຄຶກຄະນອງ​ມີ​ຟອງ​ໃຫຍ່​ຂຶ້ນ ພຣະນາມ​ຂອງ​ພຣະອົງ​ຄື​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່.

ຮາບາກຸກ 3:11

ຕໍ່​ແສງ​ແມບມາບ​ຂອງ​ລູກທະນູ​ທີ່​ຟົ້ງ​ໄປ​ຢ່າງໄວ ຕໍ່​ແສງ​ເຫລື້ອມໃສ​ຂອງ​ຫອກ​ທີ່​ຟົ້ງ​ຜ່ານ​ໄປ​ນັ້ນ ດວງຕາເວັນ​ກໍ​ຍັງ​ໄດ້​ຢູ່​ກັບ​ບ່ອນ​ຂອງມັນ ແລະ​ດວງເດືອນ​ກໍ​ຍັງ​ບໍ່ໄດ້​ເຄື່ອນຍ້າຍ.

ມັດທາຍ 24:29

“ພໍ​ໝົດ​ຄວາມ​ທຸກ​ລຳບາກ​ຂອງ​ວັນ​ເຫຼົ່ານັ້ນ​ແລ້ວ ດວງອາທິດ​ຈະ​ມືດ​ໄປ ດວງຈັນ​ຈະ​ບໍ່​ສ່ອງແສງ​ຕໍ່ໄປ, ດວງດາວ​ທັງຫລາຍ​ຈະ​ຕົກລົງ​ຈາກ​ທ້ອງຟ້າ ແລະ​ສິ່ງ​ທີ່​ມີ​ອຳນາດ​ໃນ​ທ້ອງຟ້າ​ກໍ​ຈະ​ສັ່ນ​ສະທ້ານ​ຫວັ່ນໄຫວ.

ມັດທາຍ 27:45

ຕັ້ງແຕ່​ເວລາ​ທ່ຽງ​ວັນ ທົ່ວ​ແຜ່ນດິນ​ກໍ​ເກີດ​ມືດມົວ​ເປັນ​ເວລາ​ສາມ​ຊົ່ວໂມງ.

1 ໂກຣິນໂທ 15:41

ສະຫງ່າຣາສີ​ຂອງ​ດວງ​ອາທິດ​ກໍ​ຢ່າງ​ໜຶ່ງ ສະຫງ່າຣາສີ​ຂອງ​ດວງຈັນ​ກໍ​ຢ່າງ​ໜຶ່ງ ສະຫງ່າຣາສີ​ຂອງ​ດວງດາວ​ກໍ​ຢ່າງ​ໜຶ່ງ ແລະ​ດວງດາວ​ແຕ່ລະ​ດວງ​ກໍ​ຍັງ​ມີ​ສະຫງ່າຣາສີ​ແຕກຕ່າງ​ກັນ.

ພຣະບັນຍັດສອງ 4:19

ຢ່າ​ໃຫ້​ຖືກ​ລໍ້ລວງ​ໄປ​ຂາບໄຫວ້​ແລະ​ຮັບໃຊ້ ສິ່ງ​ທີ່​ພວກເຈົ້າ​ເຫັນ​ໃນ​ຈັກກະວານ ເຊັ່ນ: ຕາເວັນ, ດວງເດືອນ ແລະ​ດວງດາວ​ຕ່າງໆ. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ໃຫ້​ໝົດ​ທຸກ​ຊົນຊາດ​ອື່ນໆ​ຂາບໄຫວ້​ສິ່ງ​ເຫຼົ່ານີ້.

ພຣະນິມິດ 21:23

ນະຄອນ​ນັ້ນ ບໍ່​ຕ້ອງການ​ແສງ​ສະຫວ່າງ​ຂອງ​ດວງອາທິດ ຫລື​ດວງຈັນ, ເພາະວ່າ​ພຣະ​ຣັດສະໝີ​ຂອງ​ພຣະເຈົ້າ ຊົງ​ເປັນ​ແສງ​ສະຫວ່າງ​ຂອງ​ນະຄອນ​ນັ້ນ ແລະ​ພຣະ​ເມສານ້ອຍ ຊົງ​ເປັນ​ໂຄມໄຟ​ຂອງ​ນະຄອນ​ນັ້ນ.