ຄາລາເຕຍ 4:3 - ພຣະຄຳພີສັກສິ

³ ພວກເຮົາ​ກໍ​ເໝືອນກັນ ເມື່ອ​ຍັງ​ເປັນ​ເດັກນ້ອຍ ພວກເຮົາ​ກໍ​ຍັງ​ຕົກ​ເປັນ​ທາດຮັບໃຊ້ ຢູ່​ໃຕ້​ອຳນາດ​ຂອງ​ສິ່ງ​ສັກສິດ​ທຳມະດາ ແຫ່ງ​ສາກົນ​ຈັກກະວານ.

ພຣະຄຳພີລາວສະບັບສະໄໝໃໝ່

³ ເຊັ່ນດຽວ​ກັນ ເມື່ອ​ພວກເຮົາ​ຍັງ​ບໍ່​ເປັນ​ຜູ້ໃຫຍ່ ພວກເຮົາ​ໄດ້​ເປັນ​ຂ້າທາດ​ຢູ່​ໃຕ້​ບັງຄັບ​ຂອງ​ພວກ​ວິນຍານ​ຂອງ​ໂລກ​ນີ້.

ຄາລາເຕຍ 4:3 Jak'a apnaqawi uñst'ayäwi

ມັດທາຍ 11:28

“ບັນດາ​ຜູ້​ທີ່​ເຮັດ​ການ​ໜັກໜ່ວງ​ແລະ​ແບກ​ພາລະ​ໜັກ ຈົ່ງ​ມາ​ຫາ​ເຮົາ ແລະ​ເຮົາ​ຈະ​ໃຫ້​ພວກເຈົ້າ​ໄດ້​ຮັບ​ຄວາມ​ເຊົາເມື່ອຍ.

ໂຢຮັນ 8:31

ດັ່ງນັ້ນ ພຣະເຢຊູເຈົ້າ​ຈຶ່ງ​ກ່າວ​ຕໍ່​ພວກ​ຢິວ​ທີ່​ເຊື່ອ​ໃນ​ພຣະອົງ​ວ່າ, “ຖ້າ​ພວກເຈົ້າ​ຕັ້ງໝັ້ນ​ຢູ່​ໃນ​ຖ້ອຍຄຳ​ຂອງເຮົາ ພວກເຈົ້າ​ກໍ​ເປັນ​ສາວົກ​ແທ້​ຂອງເຮົາ,

ກິດຈະການ 15:10

ເມື່ອ​ເປັນ​ດັ່ງນັ້ນ, ເປັນຫຍັງ​ພວກເຈົ້າ​ຈຶ່ງ​ຢາກ​ທົດລອງ​ພຣະເຈົ້າ, ໂດຍ​ວາງ​ພາລະ​ອັນ​ໜັກ​ໃສ່​ເທິງ​ຫລັງ​ຂອງ​ພີ່ນ້ອງ ຊຶ່ງ​ທັງ​ບັນພະບຸລຸດ​ຂອງ​ພວກເຮົາ ແລະ​ພວກເຮົາ​ເອງ​ກໍ​ບໍ່​ສາມາດ​ແບກ​ໄດ້?

ໂຣມ 7:14

ພວກເຮົາ​ຮູ້​ແລ້ວ​ວ່າ ກົດບັນຍັດ​ເປັນ​ມາ​ໂດຍ​ຝ່າຍ​ພຣະວິນຍານ, ແຕ່​ສ່ວນ​ເຮົາ​ເປັນ​ຝ່າຍ​ມະນຸດ​ທຳມະດາ​ທີ່​ຕາຍ​ເປັນ ຊຶ່ງ​ໄດ້​ຖືກ​ຂາຍ​ໃຫ້​ເປັນ​ທາດ​ຂອງ​ຄວາມ​ບາບ.

ໂຣມ 8:15

ດ້ວຍວ່າ, ພຣະວິນຍານ​ທີ່​ພຣະເຈົ້າ​ໄດ້​ໂຜດ​ໃຫ້​ພວກເຈົ້າ​ນັ້ນ ຈະ​ບໍ່​ເຮັດ​ໃຫ້​ພວກເຈົ້າ​ເປັນ​ທາດ ຊຶ່ງ​ກໍ່​ໃຫ້​ເກີດ​ຄວາມ​ຢ້ານກົວ, ແຕ່​ພຣະວິນຍານ​ເຮັດ​ໃຫ້​ພວກເຈົ້າ​ເປັນ​ລູກ​ຂອງ​ພຣະເຈົ້າ ໂດຍ​ຣິດອຳນາດ​ແຫ່ງ​ພຣະວິນຍານ​ບໍຣິສຸດເຈົ້າ​ນັ້ນ ພວກເຮົາ​ຈຶ່ງ​ເອີ້ນ​ພຣະເຈົ້າ​ວ່າ, “ອັບບາ” ຄື​ພຣະບິດາເຈົ້າ.

2 ໂກຣິນໂທ 11:20

ພວກເຈົ້າ​ຍອມ​ກົ້ມ​ໜ້າ​ໃຫ້​ພວກເຂົາ​ສັ່ງ​ພວກເຈົ້າ​ດັ່ງ​ທາດ ຫລື​ຍອມ​ໃຫ້​ພວກເຂົາ​ສວຍໃຊ້​ພວກເຈົ້າ​ເພື່ອ​ຜົນປະໂຫຍດ​ຂອງ​ພວກເຂົາ ຫລື​ຍອມ​ໃຫ້​ພວກເຂົາ​ຫລອກລວງ​ພວກເຈົ້າ ຫລື​ຍອມ​ໃຫ້​ພວກເຂົາ​ຍົກຍໍ​ພວກເຈົ້າ​ໃຫ້​ເປັນ​ໃຫຍ່ ຫລື​ຍອມ​ໃຫ້​ພວກເຂົາ​ຕົບ​ໜ້າ​ພວກເຈົ້າ.

ຄາລາເຕຍ 2:4

ແຕ່​ມີ​ພີ່ນ້ອງ​ທີ່​ແປກປອມ​ໄດ້​ລັກລອບ​ເຂົ້າ​ມາ ເພື່ອ​ຈະ​ສອດແນມ​ເບິ່ງ​ເສລີພາບ​ຂອງ​ພວກເຮົາ ທີ່​ມີ​ຢູ່​ເພາະ​ພຣະເຢຊູ​ຄຣິດເຈົ້າ ພວກເຂົາ​ຫວັງ​ຈະ​ບັງຄັບ​ພວກເຮົາ ໃຫ້​ກັບ​ໄປ​ເປັນ​ຂ້ອຍຂ້າ​ຂອງ​ກົດບັນຍັດ​ອີກ

ຄາລາເຕຍ 3:19

ຖ້າດັ່ງນັ້ນ​ແລ້ວ ມີ​ກົດບັນຍັດ​ໄວ້​ເພື່ອ​ຫຍັງ? ທີ່​ເພີ່ມ​ກົດບັນຍັດ​ໄວ້ ກໍ​ເພື່ອ​ຄວາມ​ຜິດບາບ​ຈະ​ໄດ້​ປາກົດ​ເປັນ​ການ​ລ່ວງ​ລະເມີດ ຈົນກວ່າ​ເຊື້ອສາຍ​ທີ່​ໄດ້​ຮັບ​ພຣະສັນຍາ​ນັ້ນ​ຈະ​ມາ​ເຖິງ ພວກ​ເທວະດາ​ໄດ້​ແຕ່ງຕັ້ງ​ກົດບັນຍັດ​ນັ້ນ​ໄວ້​ໂດຍ​ມື​ຂອງ​ຄົນ​ກາງ.

ຄາລາເຕຍ 4:2

ເພາະ​ກໍ​ຍັງ​ຢູ່​ໃຕ້​ບັງຄັບ​ຂອງ​ຜູ້ປົກຄອງ ແລະ​ຜູ້ດູແລ​ຊັບສິນ ຈົນເຖິງ​ເວລາ​ທີ່​ພໍ່​ຂອງ​ລາວ​ໄດ້​ກຳນົດ​ໄວ້​ໃຫ້​ຮັບ​ມໍຣະດົກ.

ຄາລາເຕຍ 4:24

ເລື່ອງ​ນັ້ນ​ຖື​ເປັນ​ການ​ປຽບທຽບ​ດັ່ງນີ້: ຍິງ​ທັງສອງ​ນັ້ນ ໄດ້​ແກ່​ພັນທະສັນຍາ​ສອງ​ຢ່າງ, ຜູ້ໜຶ່ງ​ຊື່​ວ່າ​ຮາກາ ນາງ​ເກີດ​ລູກ​ທີ່​ເປັນ​ຂ້ອຍຂ້າ ຈຶ່ງ​ໄດ້​ຮັບ​ພັນທະສັນຍາ​ມາ​ຈາກ​ພູເຂົາ​ຊີນາຍ.

ຄາລາເຕຍ 4:25

ນາງ​ຮາກາ​ນັ້ນ ໄດ້​ແກ່​ພູເຂົາ​ຊີນາຍ​ໃນ​ປະເທດ​ອາຣາເບຍ​ປຽບ​ເຖິງ ນະຄອນ​ເຢຣູຊາເລັມ​ໃນ​ປະຈຸບັນ ຕົກ​ເປັນ​ຂ້ອຍຂ້າ​ພ້ອມ​ທັງ​ຊາວ​ເມືອງ​ທຸກຄົນ​ດ້ວຍ.

ຄາລາເຕຍ 4:31

ເຫດສະນັ້ນ ພີ່ນ້ອງ​ທັງຫລາຍ​ເອີຍ, ພວກເຮົາ​ບໍ່​ເປັນ​ລູກ​ຂອງ​ຍິງ​ຂ້ອຍຂ້າ ແຕ່​ເປັນ​ລູກ​ຂອງ​ຍິງ​ທີ່​ບໍ່​ເປັນ​ຂ້ອຍຂ້າ.

ຄາລາເຕຍ 4:8

ໃນ​ເມື່ອ​ກ່ອນ​ນີ້ ເຈົ້າ​ທັງຫລາຍ​ຍັງ​ບໍ່​ຮູ້ຈັກ​ພຣະເຈົ້າ ພວກເຈົ້າ​ກໍ​ເປັນ​ທາດຮັບໃຊ້​ຂອງ​ສິ່ງ​ຕ່າງໆ ຊຶ່ງ​ຕາມ​ທຳມະດາ​ແລ້ວ ມັນ​ບໍ່ແມ່ນ​ພຣະ​ແທ້.

ຄາລາເຕຍ 4:9

ແຕ່​ບັດນີ້​ເຈົ້າ​ທັງຫລາຍ​ຮູ້ຈັກ​ພຣະເຈົ້າ​ແລ້ວ (ຫລື​ຈະ​ເວົ້າ​ໃຫ້​ຖືກ​ກວ່າ ກໍ​ວ່າ​ພຣະເຈົ້າ​ຊົງ​ຮູ້ຈັກ​ເຈົ້າ​ທັງຫລາຍ​ແລ້ວ) ດ້ວຍເຫດໃດ​ພວກເຈົ້າ​ຈຶ່ງ​ຈະ​ກັບ​ໄປ​ຫາ​ອຳນາດ​ສິ່ງ​ສັກສິດ​ທຳມະດາ ອັນ​ອ່ອນແອ​ແລະ​ບໍ່ມີ​ປະໂຫຍດ? ພວກເຈົ້າ​ຢາກ​ຕົກ​ເປັນ​ຂ້ອຍຂ້າ​ຂອງ​ມັນ​ອີກ​ບໍ?

ໂກໂລຊາຍ 2:20

ຖ້າ​ພວກເຈົ້າ​ໄດ້​ຕາຍ​ກັບ​ພຣະຄຣິດ ແລະ​ໄດ້​ພົ້ນ​ຈາກ​ສິ່ງ​ສັກສິດ​ແຫ່ງ​ສາກົນ​ຈັກກະວານ​ແລ້ວ, ເຫດສະນັ້ນ ເປັນຫຍັງ​ພວກເຈົ້າ​ຈຶ່ງ​ດຳເນີນ​ຊີວິດ​ເໝືອນ​ດັ່ງ​ຄົນ​ຍັງ​ຢູ່​ຝ່າຍ​ໂລກ ເປັນຫຍັງ​ພວກເຈົ້າ​ຈຶ່ງ​ຍັງ​ປະຕິບັດ​ຕາມ​ກົດບັນຍັດ​ທີ່​ວ່າ,

ໂກໂລຊາຍ 2:8

ຈົ່ງ​ລະວັງ​ໃຫ້​ດີ ຢ່າ​ໃຫ້​ຜູ້ໃດ​ນຳ​ພວກເຈົ້າ​ຕົກ​ໄປ​ເປັນ​ເຫຍື່ອ​ຂອງ​ສະຕິປັນຍາ ອັນ​ຫລອກລວງ​ແລະ​ໄຮ້​ສາລະ ຊຶ່ງ​ມາ​ຈາກ​ຄຳສັ່ງສອນ​ຂອງ​ມະນຸດ ແລະ​ມາ​ຈາກ​ສິ່ງ​ສັກສິດ​ແຫ່ງ​ສາກົນ​ຈັກກະວານ ແລະ​ບໍ່ແມ່ນ​ມາ​ຈາກ​ພຣະຄຣິດ.

ເຮັບເຣີ 5:12

ເຖິງ​ແມ່ນ​ວ່າ​ຂະນະ​ນີ້ ເຈົ້າ​ທັງຫລາຍ​ຄວນ​ຈະ​ເປັນ​ຄູ​ໄດ້​ແຕ່​ດົນ​ແລ້ວ​ກໍດີ ແຕ່​ພວກເຈົ້າ​ກໍ​ຍັງ​ຕ້ອງການ​ໃຫ້​ຄົນອື່ນ​ສອນ​ຫລັກ​ທຳ​ເບື້ອງ​ຕົ້ນ ແຫ່ງ​ພຣະທຳ​ຂອງ​ພຣະເຈົ້າ​ແກ່​ພວກເຈົ້າ​ອີກ. ເຈົ້າ​ທັງຫລາຍ​ກັບ​ກາຍເປັນ​ຄົນ​ຕ້ອງການ​ນໍ້ານົມ​ບໍ່ແມ່ນ​ອາຫານ​ແຂງ.

ເຮັບເຣີ 7:16

ຜູ້​ຊຶ່ງ​ເປັນ​ປະໂຣຫິດ​ທີ່​ບໍ່ໄດ້​ຮັບ​ການ​ແຕ່ງຕັ້ງ​ຕາມ​ກົດບັນຍັດ​ຂອງ​ມະນຸດ ແຕ່​ໂດຍ​ຣິດເດດ​ແຫ່ງ​ຊີວິດ​ອັນ​ບໍ່​ຮູ້​ເສື່ອມສູນ.