ຄາລາເຕຍ 1:17 - ພຣະຄຳພີສັກສິ

¹⁷ ແມ່ນແຕ່​ພວກ​ທີ່​ເປັນ​ອັກຄະສາວົກ​ກ່ອນ​ເຮົາ​ໃນ​ນະຄອນ​ເຢຣູຊາເລັມ ເຮົາ​ກໍ​ຍັງ​ບໍ່ໄດ້​ໄປ​ຫາ ແຕ່​ເຮົາ​ໄດ້​ໄປ​ເຖິງ​ອາຣາເບຍ​ໃນ​ທັນທີ ແລ້ວ​ຈຶ່ງ​ກັບຄືນ​ມາ​ເມືອງ​ດາມັສກັດ.

ພຣະຄຳພີລາວສະບັບສະໄໝໃໝ່

¹⁷ ເຮົາ​ບໍ່​ໄດ້​ຂຶ້ນ​ໄປ​ຍັງ​ນະຄອນ​ເຢຣູຊາເລັມ​ເພື່ອ​ພົບ​ກັບ​ບັນດາ​ຄົນ​ທີ່​ເປັນ​ອັກຄະສາວົກ​ກ່ອນ​ເຮົາ, ແຕ່​ເຮົາ​ໄດ້​ເຂົ້າ​ໄປ​ໃນ​ປະເທດ​ອາຣາເບຍ. ຫລັງຈາກ​ນັ້ນ​ເຮົາ​ຈຶ່ງ​ໄດ້​ກັບຄືນ​ມາ​ເມືອງ​ດາມັສກັດ.

ຄາລາເຕຍ 1:17 Jak'a apnaqawi uñst'ayäwi

ກິດຈະການ 9:10

ຢູ່​ໃນ​ເມືອງ​ດາມັສກັດ​ນີ້ ຍັງ​ມີ​ຜູ້​ທີ່​ເຊື່ອ​ຄົນ​ໜຶ່ງ​ຊື່​ວ່າ ອານາເນຍ ອົງພຣະ​ຜູ້​ເປັນເຈົ້າ​ກ່າວ​ແກ່​ລາວ​ທາງ​ນິມິດ​ວ່າ, “ອານາເນຍ​ເອີຍ.” ລາວ​ຕອບ​ວ່າ, “ຂ້າແດ່​ພຣະອົງເຈົ້າ ຂ້ານ້ອຍ​ຢູ່​ທີ່​ນີ້.”

ກິດຈະການ 9:19

ເມື່ອ​ກິນ​ເຂົ້າ​ແລ້ວ ເພິ່ນ​ກໍ​ມີ​ແຮງ​ຂຶ້ນ. ໂຊໂລ​ໄດ້​ພັກ​ຢູ່​ນຳ​ພວກ​ຄົນ​ທີ່​ເຊື່ອ​ໃນ​ເມືອງ​ດາມັສກັດ ເປັນ​ເວລາ​ຫລາຍ​ວັນ.

ກິດຈະການ 9:2

ແລະ​ຂໍ​ໜັງສື​ແນະນຳ​ຕົວ​ໄປ​ທີ່​ທຳມະສາລາ​ໃນ​ເມືອງ​ດາມັສກັດ ເພື່ອ​ວ່າ​ຖ້າ​ພົບ​ຜູ້ໃດ​ບໍ່​ວ່າ​ຍິງ ຫລື​ຊາຍ​ກໍຕາມ​ທີ່​ເຊື່ອ​ໃນ​ອົງພຣະ​ຜູ້​ເປັນເຈົ້າ ລາວ​ກໍ​ຈະ​ຈັບ​ພວກເຂົາ​ມັດ​ໄວ້ ແລ້ວ​ນຳ​ມາ​ທີ່​ນະຄອນ​ເຢຣູຊາເລັມ.

ກິດຈະການ 9:8

ໂຊໂລ​ຈຶ່ງ​ລຸກ​ຂຶ້ນ​ຈາກ​ພື້ນດິນ ແລະ​ມືນ​ຕາ​ແລ້ວ ແຕ່​ເບິ່ງ​ບໍ່​ເຫັນ​ສິ່ງໃດ. ດັ່ງນັ້ນ ພວກເຂົາ​ຈຶ່ງ​ຈູງ​ລາວ​ເຂົ້າ​ໄປ​ໃນ​ເມືອງ​ດາມັສກັດ.

ຄາລາເຕຍ 1:18

ຫລັງຈາກ​ນັ້ນ​ສາມ​ປີ ເຮົາ​ໄດ້​ຂຶ້ນ​ໄປ​ທີ່​ນະຄອນ​ເຢຣູຊາເລັມ ເພື່ອ​ທຳ​ຄວາມ​ລື້ງເຄີຍ​ກັບ​ເປໂຕ ແລະ​ໄດ້​ພັກ​ຢູ່​ກັບ​ເພິ່ນ​ເປັນ​ເວລາ​ສອງ​ອາທິດ.