ເອຊະຣາ 4:11 - ພຣະຄຳພີສັກສິ

¹¹ ໃຈຄວາມ​ຂອງ​ຈົດໝາຍ​ນັ້ນ​ມີ​ຖ້ອຍຄຳ​ດັ່ງ​ຕໍ່ໄປນີ້: “ຈາກ ບັນດາ​ຜູ້ຮັບໃຊ້​ຂອງທ່ານ​ທີ່​ຢູ່​ທາງພາກ​ຕາເວັນຕົກ​ຂອງ​ແມ່ນໍ້າ​ເອີຟຣັດ ຂໍຮຽນ​ກະສັດ​ອາກຕາເຊເຊັດ.

ເອຊະຣາ 4:11 Jak'a apnaqawi uñst'ayäwi

1 ກະສັດ 21:8

ດັ່ງນັ້ນ ນາງ​ຈຶ່ງ​ຂຽນ​ຈົດໝາຍ​ບາງສະບັບ​ເຊັນຊື່​ຂອງ​ກະສັດ​ອາຮາບ​ລົງ ຕີ​ຕາປະທັບ​ຂອງ​ເພິ່ນ​ໃສ່ ແລ້ວ​ກໍ​ສົ່ງ​ຈົດໝາຍ​ນີ້​ໄປ​ຫາ​ພວກ​ຂ້າຣາຊການ​ພ້ອມ​ທັງ​ປະຊາຊົນ​ຊັ້ນ​ຜູ້ນຳ​ໃນ​ເມືອງ​ຢິດຊະເຣນ.

ເອຊະຣາ 3:3

ເຖິງ​ແມ່ນ​ວ່າ ພວກ​ທີ່​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ຢ້ານກົວ​ຊົນຊາດ​ອື່ນ​ທີ່​ອາໄສ​ຢູ່​ໃນ​ດິນແດນ​ນັ້ນ​ກໍຕາມ ແຕ່​ພວກເຂົາ​ຍັງ​ສ້າງ​ແທ່ນບູຊາ​ຂຶ້ນ​ໃໝ່​ໄວ້​ໃນ​ບ່ອນ​ເກົ່າ​ຂອງ​ມັນ. ແລ້ວ​ພວກເຂົາ​ກໍ​ເຜົາ​ເຄື່ອງ​ຖວາຍບູຊາ​ດ້ວຍໄຟ​ແກ່​ພຣະເຈົ້າຢາເວ​ທີ່​ເທິງ​ແທ່ນ​ນັ້ນ​ອີກເທື່ອໜຶ່ງ ໃນ​ທຸກ​ເຊົ້າ ແລະ​ທຸກ​ແລງ.

ເອຊະຣາ 4:10

ພ້ອມ​ທັງ​ປະຊາຊົນ​ອື່ນໆ​ທີ່​ຖືກ​ເຈົ້າ​ອາຊູບານີປານ ຜູ້​ຍິ່ງໃຫຍ່​ແລະ​ມີ​ອຳນາດ ໄດ້​ຍົກຍ້າຍ​ພວກເຂົາ​ອອກ​ຈາກ​ບ້ານເກີດ​ເມືອງນອນ​ໃຫ້​ມາ​ຕັ້ງ​ຫຼັກແຫຼ່ງ​ຢູ່​ໃນ​ນະຄອນ​ຊາມາເຣຍ ແລະ​ຕາມ​ບ່ອນ​ອື່ນໆ​ໃນ​ແຂວງ​ທາງພາກ​ຕາເວັນຕົກ​ຂອງ​ແມ່ນໍ້າ​ເອີຟຣັດ.”

ເອຊະຣາ 4:12

ພວກ​ຂ້ານ້ອຍ​ຂໍຮຽນ​ໃຫ້​ທ່ານ​ຊາບ​ວ່າ ຊາວຢິວ​ແຕ່​ແຄວ້ນ​ອື່ນໆ​ຂອງທ່ານ​ທີ່​ໄດ້​ມາ​ຢູ່​ໃນ​ບ່ອນ​ນີ້ ໄດ້​ຕັ້ງ​ຖິ່ນຖານ​ຢູ່​ໃນ​ນະຄອນ​ເຢຣູຊາເລັມ ແລະ​ທັງ​ໄດ້​ສ້າງ​ເມືອງ​ຊົ່ວຊ້າ ແລະ​ເມືອງ​ຂອງ​ພວກ​ກະບົດ​ຂຶ້ນ​ໃໝ່. ພວກເຂົາ​ເລີ່ມ​ສ້າງ​ກຳແພງ​ເມືອງ​ຂຶ້ນ​ໃໝ່ ແລະ​ອີກ​ບໍ່ດົນ​ກໍ​ຈະ​ສຳເລັດ.

ເອຊະຣາ 5:6

ພວກເຂົາ​ໄດ້​ສົ່ງ​ລາຍງານ​ໄປ ໂດຍ​ມີ​ຖ້ອຍຄຳ​ດັ່ງນີ້:

ເອຊະຣາ 7:11

ກະສັດ​ອາກຕາເຊເຊັດ​ໄດ້​ມອບ​ຈົດໝາຍ​ໃຫ້​ເອຊະຣາ ປະໂຣຫິດ​ແລະ​ນັກຮຽນ​ຮູ້​ຜູ້​ທີ່​ມີ​ຄວາມ​ຮອບຮູ້​ດ້ານ​ກົດບັນຍັດ ແລະ​ຂໍ້ຄຳສັ່ງ​ທີ່​ພຣະເຈົ້າຢາເວ​ໄດ້​ມອບ​ໃຫ້​ແກ່​ຊາດ​ອິດສະຣາເອນ. ຈົດໝາຍ​ນັ້ນ​ມີ​ຖ້ອຍຄຳ​ດັ່ງ​ຕໍ່ໄປນີ້:

ໂຢຮັນ 4:9

ຍິງ​ຊາວ​ຊາມາເຣຍ​ຕອບ​ພຣະອົງ​ວ່າ, “ດ້ວຍເຫດໃດ​ທ່ານ​ຜູ້​ເປັນ​ຄົນ​ຢິວ ຈຶ່ງ​ຂໍ​ດື່ມ​ນໍ້າ​ຈາກ​ຂ້ານ້ອຍ ທີ່​ເປັນ​ຄົນ​ຊາມາເຣຍ?” (ຊາວ​ຢິວ ແລະ ຊາວ​ຊາມາເຣຍ​ບໍ່ມີ​ສ່ວນ​ກ່ຽວ​ຂ້ອງ​ກັນ).