ເອຊະຣາ 4:1 - ພຣະຄຳພີສັກສິ

¹ ພວກ​ສັດຕູ​ຂອງ​ຊາວ​ຢູດາ​ແລະ​ຊາວ​ເບັນຢາມິນ​ໄດ້ຍິນ​ວ່າ ພວກ​ທີ່​ເປັນ​ຊະເລີຍ​ໃນ​ຕ່າງຖິ່ນ​ໄດ້​ກັບຄືນ​ມາ ແລະ​ກຳລັງ​ສ້າງ​ພຣະວິຫານ​ຂອງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ຂຶ້ນ​ໃໝ່.

ເອຊະຣາ 4:1 Jak'a apnaqawi uñst'ayäwi

ເອຊະຣາ 1:11

ຖ້ວຍ​ຄຳ​ແລະ​ຖ້ວຍ​ເງິນ​ລວມ​ທັງໝົດ​ມີ 5.400 ໃບ ພ້ອມ​ກັບ​ສິ່ງ​ອື່ນໆ​ທີ່​ເຊັດບັດຊາ​ໄດ້​ນຳ​ກັບຄືນ​ໄປ ຕອນ​ທີ່​ເພິ່ນ​ເອງ ແລະ​ພວກ​ທີ່​ເປັນ​ຊະເລີຍ​ໃນ​ຕ່າງຖິ່ນ​ຄົນອື່ນໆ​ໄດ້​ອອກ​ຈາກ​ບາບີໂລນ​ກັບຄືນ​ສູ່​ນະຄອນ​ເຢຣູຊາເລັມ.

ເອຊະຣາ 10:16

ພວກ​ທີ່​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ກໍ​ຍອມຮັບ​ເອົາ​ແຜນການ​ນີ້; ດັ່ງນັ້ນ ປະໂຣຫິດ​ເອຊະຣາ​ຈຶ່ງ​ແຕ່ງຕັ້ງ ຄົນ​ໃນ​ທ່າມກາງ​ບັນດາ​ຫົວໜ້າ​ຕະກຸນ​ໃຫ້​ຈົດ​ຊື່​ຂອງ​ພວກເຂົາ. ພວກເຂົາ​ໄດ້​ເລີ່ມ​ສືບສວນ​ໃນ​ວັນ​ທີ​ໜຶ່ງ​ຂອງ​ເດືອນ​ສິບ

ເອຊະຣາ 10:7

ມີ​ຄົນ​ຖື​ຄຳສັ່ງ​ໄປ​ທົ່ວ​ນະຄອນ​ເຢຣູຊາເລັມ​ແລະ​ແຂວງ​ຢູດາຍ​ວ່າ ທຸກຄົນ​ທີ່​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ໃຫ້​ມາ​ໂຮມກັນ​ຢູ່​ທີ່​ນະຄອນ​ເຢຣູຊາເລັມ

ເອຊະຣາ 3:13

ບໍ່ມີ​ຜູ້ໃດ​ບອກ​ໄດ້​ວ່າ ເປັນ​ສຽງ​ໂຮຮ້ອງ​ຍິນດີ​ຫລື​ສຽງ​ຮ້ອງໄຫ້ ເພາະ​ສຽງ​ນັ້ນ​ດັງ​ຫຼາຍ​ຈົນ​ຜູ້​ຢູ່ໄກໆ​ກໍ​ຍັງ​ໄດ້ຍິນ.

ເອຊະຣາ 6:16

ແລ້ວ​ປະຊາຊົນ​ອິດສະຣາເອນ ພວກ​ປະໂຣຫິດ​ຊາວ​ເລວີ ແລະ​ຄົນອື່ນໆ​ທັງໝົດ​ທີ່​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ກໍໄດ້​ຮ່ວມກັນ​ອຸທິດ​ຖວາຍ​ວິຫານ​ຂອງ​ພຣະເຈົ້າ​ດ້ວຍ​ຄວາມ​ຊົມຊື່ນ​ຍິນດີ.

ດານີເອນ 5:13

ດານີເອນ​ຖືກ​ນຳ​ຕົວ​ເຂົ້າ​ມາ​ຫາ​ກະສັດ​ໃນທັນທີ ແລະ​ກະສັດ​ກໍ​ກ່າວ​ແກ່​ລາວ​ວ່າ, “ເຈົ້າ​ແມ່ນ​ດານີເອນ ຊາວຢິວ​ພັດຖິ່ນ​ທີ່​ພໍ່​ຂອງເຮົາ ຜູ້​ເປັນ​ກະສັດ​ໄດ້​ນຳ​ມາ​ຈາກ​ຢູດາຍ?

ດານີເອນ 9:25

ອັນ​ນີ້​ແມ່ນ​ສິ່ງ​ທີ່​ເຈົ້າ​ຕ້ອງ​ຮູ້​ແລະ​ເຂົ້າໃຈ: ນັບ​ຕັ້ງແຕ່​ເວລາ​ອອກ​ຄຳສັ່ງ​ໃຫ້​ສ້າງ​ນະຄອນ​ເຢຣູຊາເລັມ​ຂຶ້ນ​ໃໝ່ ຈົນເຖິງ​ພຣະເຈົ້າ​ເລືອກເອົາ​ຜູ້ນຳ​ຂຶ້ນ​ມາ ເຈັດ​ອາທິດ​ແລະ​ຫົກສິບສອງ​ອາທິດ ນະຄອນ​ເຢຣູຊາເລັມ​ຈະ​ຖືກ​ສ້າງ​ຂຶ້ນ​ໃໝ່​ຢ່າງ​ເຂັ້ມແຂງ​ພ້ອມ​ດ້ວຍ​ຖະໜົນ​ຫົນທາງ ແລະ​ປ້ອມ​ປ້ອງກັນ​ເມືອງ, ແຕ່​ມັນ​ຈະ​ເປັນ​ເວລາ​ແຫ່ງ​ຄວາມ​ລຳບາກ.

1 ໂກຣິນໂທ 16:9

ຢູ່​ໃນ​ເມືອງ​ນີ້ ເຮົາ​ມີ​ໂອກາດ​ອັນ​ດີທີ່ສຸດ​ສຳລັບ​ດຳເນີນ​ພາລະກິດ​ອັນ​ຍິ່ງໃຫຍ່, ເຖິງ​ແມ່ນ​ວ່າ ມີ​ຜູ້​ຕໍ່ຕ້ານ​ຈຳນວນ​ຫລວງຫລາຍ​ກໍຕາມ.