ເອຊະຣາ 3:12 - ພຣະຄຳພີສັກສິ

¹² ແຕ່​ຍັງ​ມີ​ປະໂຣຫິດ​ຜູ້​ອາວຸໂສ​ຫລາຍ​ຄົນ, ພວກເລວີ, ຫົວໜ້າ​ຕະກຸນ​ຕ່າງໆ​ທີ່​ເຄີຍ​ເຫັນ​ວິຫານ​ຫລັງ​ກ່ອນ​ມາ​ແລ້ວ ເມື່ອ​ໄດ້​ລໍ​ເຝົ້າເບິ່ງ​ການ​ວາງ​ຮາກຖານ​ຂອງ​ວິຫານ​ຢູ່​ນັ້ນ ຕ່າງ​ກໍ​ຮ້ອງໄຫ້ ແລະ​ຄໍ່າຄວນ. ແຕ່​ຄົນອື່ນ​ຢູ່​ໃນ​ທີ່ນັ້ນ​ພາກັນ​ໂຮຮ້ອງ​ຂຶ້ນ​ດ້ວຍ​ຄວາມ​ຊົມຊື່ນ​ຍິນດີ.

ເອຊະຣາ 3:12 Jak'a apnaqawi uñst'ayäwi

ເອຊະຣາ 3:13

ບໍ່ມີ​ຜູ້ໃດ​ບອກ​ໄດ້​ວ່າ ເປັນ​ສຽງ​ໂຮຮ້ອງ​ຍິນດີ​ຫລື​ສຽງ​ຮ້ອງໄຫ້ ເພາະ​ສຽງ​ນັ້ນ​ດັງ​ຫຼາຍ​ຈົນ​ຜູ້​ຢູ່ໄກໆ​ກໍ​ຍັງ​ໄດ້ຍິນ.

ພຣະທຳ​ໂຢບ 8:7

ຊັບສິນ​ຂອງເຈົ້າ​ຈາກ​ສິ່ງ​ທີ່​ໄດ້​ເສຍ​ໄປ ກໍ​ບໍ່​ເທົ່າໃດ​ດອກ ເມື່ອ​ທຽບ​ໃສ່​ກັບ​ທີ່​ພຣະອົງ​ຈະ​ໃຫ້​ເຈົ້າ​ເທື່ອໃໝ່.

ເພງ^ສັນລະເສີນ 126:6

ພວກ​ທີ່​ຮ້ອງໄຫ້​ຂະນະທີ່​ຫາບ​ເມັດພືດ​ອອກ​ໄປ ຈະ​ໄດ້​ນຳ​ຜົນ​ເກັບກ່ຽວ​ມາ​ດ້ວຍ​ການ​ຮ້ອງເພງ​ຢ່າງ​ຊື່ນຊົມ​ຍິນດີ.

ເພງ^ສັນລະເສີນ 147:1

ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ. ການ​ຮ້ອງເພງ​ຍ້ອງຍໍ​ສັນລະເສີນ​ພຣະເຈົ້າ​ຂອງ​ພວກເຮົາ​ນັ້ນ​ເປັນ​ການດີ ການ​ຍ້ອງຍໍ​ສັນລະເສີນ​ພຣະອົງ​ເປັນ​ທີ່​ຍິນດີ​ແລະ​ຖືກຕ້ອງ.

ເອຊາຢາ 41:14

ພຣະເຈົ້າ​ກ່າວ​ວ່າ, “ອິດສະຣາເອນ​ເອີຍ ຢ່າ​ຢ້ານ. ເຖິງ​ແມ່ນ​ພວກເຈົ້າ​ໜ້ອຍ​ທັງ​ອ່ອນແຮງ​ເຮົາ​ກໍ​ຈະ​ຊ່ວຍ​ເຈົ້າ. ພຣະເຈົ້າຢາເວ​ອົງ​ບໍຣິສຸດ​ຂອງ​ຊາດ​ອິດສະຣາເອນ ຄື​ຜູ້​ທີ່​ຊົງໄຖ່​ພວກເຈົ້າ​ໃຫ້​ພົ້ນ.

ເອຊາຢາ 60:22

ເຖິງ​ວ່າ​ຄອບຄົວ​ເຈົ້າ​ໜ້ອຍ ແລະ​ຕໍ່າຕ້ອຍ​ທີ່ສຸດ ກໍ​ຈະ​ກາຍເປັນ​ໃຫຍ່ໂຕ​ດັ່ງ​ຊົນຊາດ​ມີ​ອຳນາດ. ເຮົາ​ຈະ​ເຮັດ​ໃຫ້​ເລື່ອງນີ້​ເກີດຂຶ້ນ​ໂດຍ​ໄວ ເຮົາ​ແມ່ນ​ພຣະເຈົ້າຢາເວ.”

ເຢເຣມີຢາ 50:4

ພຣະເຈົ້າຢາເວ​ກ່າວ​ວ່າ, “ເມື່ອ​ເວລາ​ນັ້ນ​ມາ​ເຖິງ ທັງ​ອິດສະຣາເອນ ແລະ​ຢູດາ​ຈະ​ຮ້ອງໄຫ້ ສະແຫວງຫາ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ.

ຮັກກາຍ 2:3

“ໃນ​ທ່າມກາງ​ພວກເຈົ້າ​ມີ​ຜູ້ໃດ​ແດ່ ທີ່​ຍັງ​ລະນຶກ​ຄິດເຖິງ​ຄວາມ​ສະຫງ່າງາມ ຄັ້ງ​ທຳອິດ​ຂອງ​ພຣະວິຫານ​ໄດ້? ມາບັດນີ້ ພວກເຈົ້າ​ເບິ່ງ​ເຫັນ​ເປັນ​ຈັ່ງໃດ? ບໍ່​ເຫັນ​ມີ​ຄຸນຄ່າ​ຫຍັງ​ເລີຍ​ແມ່ນ​ບໍ.