ເອຊະຣາ 3:10 - ພຣະຄຳພີສັກສິ

¹⁰ ເມື່ອ​ຄົນ​ເຫຼົ່ານີ້​ໄດ້​ເລີ່ມຕົ້ນ​ວາງ​ຮາກຖານ​ພຣະວິຫານ​ຂອງ​ພຣະເຈົ້າຢາເວ, ບັນດາ​ປະໂຣຫິດ​ທີ່​ນຸ່ງ​ເສື້ອຄຸມ ກໍ​ຖື​ແກ​ປະຈຳ​ໜ້າທີ່​ຂອງ​ພວກເຂົາ ສ່ວນ​ພວກເລວີ​ຈາກ​ຕະກຸນ​ອາສັບ​ກໍ​ຖື​ແສ່ງ​ຢືນ​ຢູ່​ທີ່​ນັ້ນ. ພວກເຂົາ​ສັນລະເສີນ​ພຣະເຈົ້າຢາເວ​ຕາມ​ຄຳແນະນຳ ສືບ​ຕໍ່ກັນ​ມາ​ແຕ່​ສະໄໝ​ຂອງ​ກະສັດ​ດາວິດ​ແຫ່ງ​ອິດສະຣາເອນ.

ເອຊະຣາ 3:10 Jak'a apnaqawi uñst'ayäwi

1 ຂ່າວຄາວ 15:24

ບັນດາ​ປະໂຣຫິດ​ເຊບານີຢາ, ໂຢຊາຟັດ, ເນທາເນນ, ອາມາໄສ, ເຊກາຣີຢາ, ເບນາອີຢາ ແລະ​ເອລີເອເຊ​ໄດ້​ຖືກ​ເລືອກ​ໃຫ້​ເປັນ​ຜູ້​ເປົ່າແກ ນຳ​ໜ້າ​ຫີບ​ພັນທະສັນຍາ​ຂອງ​ພຣະເຈົ້າ. ໂອເບັດເອໂດມ ແລະ​ເຢຮີຢາ ໄດ້​ຖືກ​ຮັບ​ເລືອກ​ໃຫ້​ເປັນ​ຜູ້ເຝົ້າຍາມ​ຫີບ​ພັນທະສັນຍາ​ດ້ວຍ.

1 ຂ່າວຄາວ 15:27

ກະສັດ​ດາວິດ​ໄດ້​ນຸ່ງ​ເຄື່ອງ​ທີ່​ເຮັດ​ດ້ວຍ​ຜ້າປ່ານ​ເນື້ອລະອຽດ​ດີ ເຊັ່ນດຽວ​ກັບ​ເກນານີຢາ​ຫົວໜ້າ​ວົງດົນຕຼີ​ກັບ​ພວກ​ນັກດົນຕຼີ ທີ່​ຫາມ​ຫີບ​ພັນທະສັນຍາ. ກະສັດ​ດາວິດ​ຍັງ​ໄດ້​ນຸ່ງ​ເສື້ອຄຸມ​ສັ້ນ​ເອໂຟດ​ດ້ວຍ.

1 ຂ່າວຄາວ 16:37

ກະສັດ​ດາວິດ​ໄດ້​ຕັ້ງ​ໃຫ້​ອາສັບ ແລະ​ພີ່ນ້ອງ​ຊາວ​ເລວີ​ຂອງ​ລາວ ເບິ່ງແຍງ​ການ​ນະມັດສະການ​ຢ່າງ​ຖາວອນ ໃນ​ບ່ອນ​ທີ່​ຫີບ​ພັນທະສັນຍາ​ຂອງ​ພຣະເຈົ້າຢາເວ​ຖືກ​ຮັກສາ​ໄວ້. ພວກເຂົາ​ໄດ້​ເຮັດ​ໜ້າທີ່​ຂອງ​ພວກຕົນ​ຢູ່​ໃນ​ທີ່ນັ້ນ​ສະໝໍ່າ​ສະເໝີ.

1 ຂ່າວຄາວ 16:42

ເຮມານ​ແລະ​ເຢດູທູນ​ໄດ້​ເຮັດ​ໜ້າທີ່​ເປົ່າແກ, ຕົບແສ່ງ ແລະ​ຫລີ້ນ​ເຄື່ອງ​ດົນຕຼີ​ອື່ນໆ​ເມື່ອ​ຮ້ອງເພງ​ສັນລະເສີນ. ສະມາຊິກ​ໃນ​ຕະກຸນ​ເຢດູທູນ​ໄດ້​ເປັນ​ຜູ້​ເຝົ້າຍາມ​ປະຕູ​ເຂົ້າ.

1 ຂ່າວຄາວ 23:5

ສີ່ພັນ​ຄົນ ໃຫ້​ເຮັດ​ໜ້າທີ່​ເຝົ້າຍາມ​ປະຕູ ແລະ​ອີກ​ສີ່ພັນ​ຄົນ ສຳລັບ​ສັນລະເສີນ​ພຣະເຈົ້າຢາເວ​ໂດຍ​ໃຊ້​ເຄື່ອງ​ດົນຕຼີ ທີ່​ກະສັດ​ດາວິດ​ໄດ້​ຈັດຫາ​ໄວ້​ສຳລັບ​ສັນລະເສີນ​ໂດຍ​ສະເພາະ.

1 ຂ່າວຄາວ 25:25

ທີສິບແປດ ໄດ້​ແກ່​ຮານານີ ພ້ອມ​ທັງ​ພວກ​ລູກຊາຍ​ກັບ​ພວກ​ພີ່ນ້ອງ​ຂອງຕົນ ມີ​ສິບສອງ​ຄົນ;

2 ຂ່າວຄາວ 35:14

ຫລັງຈາກ​ຢາຍ​ແລ້ວ ຊາວ​ເລວີ​ກໍໄດ້​ຈັດຕຽມ​ຊີ້ນ​ສຳລັບ​ຕົນ ແລະ​ສຳລັບ​ພວກ​ປະໂຣຫິດ​ທີ່​ສືບ​ເຊື້ອສາຍ​ຈາກ​ອາໂຣນ. ສຳລັບ​ພວກ​ປະໂຣຫິດ​ແລ້ວ ພວກເຂົາ​ຫຍຸ້ງ​ຢູ່​ກັບ​ວຽກ​ນີ້​ຈົນຮອດ​ກາງຄືນ ໂດຍ​ເຜົາ​ສັດ​ທັງ​ໂຕ ແລະ​ໄຂມັນ​ເປັນ​ເຄື່ອງ​ບູຊາ.

2 ຂ່າວຄາວ 35:15

ຕາມ​ຄຳສັ່ງ​ຂອງ​ກະສັດ​ດາວິດ ນັກດົນຕຼີ​ຊາວ​ເລວີ​ໃນ​ຕະກຸນ​ອາສັບ ຕ່າງ​ກໍ​ເຂົ້າ​ປະຈຳ​ທີ່​ຂອງຕົນ ມີ​ດັ່ງນີ້: ອາສັບ, ເຮມານ ແລະ​ເຢດູທູນ ຜູ້ທຳນວາຍ​ປະຈຳ​ກະສັດ. ຜູ້ເຝົ້າຍາມ​ປະຕູ​ພຣະວິຫານ​ກໍ​ບໍ່ໄດ້​ປະລະ​ໜ້າທີ່​ຂອງຕົນ ເພາະ​ຊາວ​ເລວີ​ຄົນອື່ນໆ​ໄດ້​ຈັດຕຽມ​ປັດສະຄາ​ເພື່ອ​ພວກ​ຕົນ.

2 ຂ່າວຄາວ 5:12

ຊາວ​ເລວີ​ທັງໝົດ​ທີ່​ເປັນ​ນັກດົນຕຼີ​ເຊັ່ນ: ອາສັບ, ເຮມານ ແລະ​ເຢດູທູນ ແລະ​ພວກ​ລູກຊາຍ​ຂອງ​ພວກເຂົາ​ຕະຫລອດ​ທັງ​ຍາດຕິພີ່ນ້ອງ ໂດຍ​ຢືນ​ຢູ່​ທາງດ້ານ​ທິດ​ຕາເວັນອອກ ຕ່າງ​ກໍໄດ້​ນຸ່ງ​ຜ້າປ່ານ​ເນື້ອລະອຽດ​ດີ ຕົບແສ່ງ ແລະ​ດີດພິນ ຢູ່​ໃກ້​ແທ່ນບູຊາ. ພວກເຂົາ​ມີ​ປະໂຣຫິດ​ໜຶ່ງຮ້ອຍ​ຊາວ​ຄົນ ເປົ່າແກ​ປະສົມ​ປະສານ​ໄປ​ນຳ.

ເອຊະຣາ 2:41

ນັກດົນຕຼີ​ປະຈຳ​ພຣະວິຫານ (ເຊື້ອສາຍ​ຂອງ​ອາສັບ) - 128 ຄົນ

ເອຊະຣາ 5:16

ດັ່ງນັ້ນ ເຊັດບັດຊາ​ຈຶ່ງ​ວາງ​ຮາກຖານ​ວິຫານ​ຂອງ​ພຣະເຈົ້າ ແລະ​ດຳເນີນ​ການ​ກໍ່ສ້າງ​ມາ​ຈົນເຖິງ​ບັດນີ້ ແຕ່​ກໍ​ຍັງ​ບໍ່​ທັນ​ແລ້ວ​ເທື່ອ.’

ເພງ^ສັນລະເສີນ 150:5

ຈົ່ງ​ຍ້ອງຍໍ​ສັນລະເສີນ​ພຣະອົງ​ດ້ວຍ​ການ​ຕົບ​ຊິ່ງ ຈົ່ງ​ຍ້ອງຍໍ​ສັນລະເສີນ​ພຣະອົງ​ດ້ວຍ​ການ​ຕົບແສ່ງ.

ຮັກກາຍ 2:15

ພຣະເຈົ້າຢາເວ​ກ່າວ​ວ່າ, “ພວກເຈົ້າ​ບໍ່​ເຫັນ​ບໍ​ວ່າ ແມ່ນຫຍັງ​ໄດ້​ເກີດຂຶ້ນ​ກັບ​ພວກເຈົ້າ? ກ່ອນ​ທີ່​ພວກເຈົ້າ​ໄດ້​ລົງມື​ສ້າງ​ພຣະວິຫານ​ຂຶ້ນ​ໃໝ່

ເຊກາຣີຢາ 4:6

ເທວະດາ​ຕົນ​ນັ້ນ​ໄດ້​ສັ່ງ​ຂ້າພະເຈົ້າ​ໃຫ້​ມອບ​ຖ້ອຍຄຳ​ຈາກ​ພຣະເຈົ້າຢາເວ​ແກ່​ເຊຣຸບບາເບນ. ຖ້ອຍຄຳ​ນັ້ນ​ມີ​ດັ່ງນີ້: “ເຈົ້າ​ຈະ​ພົບ​ຄວາມ​ສຳເລັດ ບໍ່ແມ່ນ​ໂດຍ​ກຳລັງ​ທາງ​ທະຫານ ຫລື​ໂດຍ​ກຳລັງ​ຂອງ​ເຈົ້າເອງ ແຕ່​ໂດຍ​ພຣະວິນຍານ​ຂອງເຮົາ. ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ເຊກາຣີຢາ 4:7

ອຸບປະສັກ​ໃຫຍ່​ທໍ່​ພູຜາ ກໍ​ຈະ​ເຫືອດຫາຍ​ໄປ​ຕໍ່ໜ້າ​ເຈົ້າ. ເຈົ້າ​ຈະ​ສ້າງ​ວິຫານ​ຂອງເຮົາ​ຂຶ້ນ​ໃໝ່ ແລະ​ເມື່ອ​ເຈົ້າ​ວາງ​ຫີນ​ກ້ອນ​ສຸດທ້າຍ​ລົງ​ໃນ​ບ່ອນ​ນັ້ນ​ແລ້ວ ປະຊາຊົນ​ກໍ​ຈະ​ຮ້ອງ​ຂຶ້ນ​ວ່າ, ‘ງາມແທ້ ງາມແທ້!”’

ເຊກາຣີຢາ 6:12

ຈົ່ງ​ບອກ​ລາວ​ວ່າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, ‘ຄົນ​ຊື່​ວ່າ​ກິ່ງ ຈະ​ຈະເລີນ​ຮຸ່ງເຮືອງ​ຂຶ້ນ​ໃນ​ບ່ອນ​ທີ່​ຕົນ​ຢູ່​ອາໄສ ແລະ​ລາວ​ຈະ​ສ້າງ​ພຣະວິຫານ​ຂອງ​ພຣະເຈົ້າຢາເວ​ຂຶ້ນ​ໃໝ່.

ເຊກາຣີຢາ 7:3

ແລະ​ເພື່ອ​ຖາມ​ບັນດາ​ປະໂຣຫິດ​ຕະຫລອດ​ທັງ​ຜູ້ທຳນວາຍ​ວ່າ: “ພວກ​ຂ້ານ້ອຍ​ທັງຫລາຍ​ຈະ​ຕ້ອງ​ສືບຕໍ່​ໄວ້ທຸກ​ແລະ​ຖືສິນ​ອົດອາຫານ ເພາະ​ວິຫານ​ຂອງ​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ຖືກ​ທຳລາຍ​ໃນ​ເດືອນ​ທີ​ຫ້າ ຕາມ​ທີ່​ພວກ​ຂ້ານ້ອຍ​ເຄີຍ​ປະຕິບັດ​ມາ​ເປັນ​ເວລາ​ຫລາຍ​ປີ​ນັ້ນ​ບໍ?”

1 ຊາມູເອນ 22:18

ສະນັ້ນ ກະສັດ​ໂຊນ​ຈຶ່ງ​ສັ່ງ​ໂດເອັກ​ວ່າ, “ເຈົ້າ​ຂ້າ​ພວກເຂົາ​ເສຍ.” ໂດເອັກ​ໄດ້​ຂ້າ​ພວກເຂົາ​ຖິ້ມ​ທັງໝົດ. ໃນ​ມື້ນັ້ນ ລາວ​ໄດ້​ຂ້າ​ປະໂຣຫິດ​ທີ່​ມີ​ຄຸນສົມບັດ​ຖື​ເອໂຟດ​ແປດສິບຫ້າ​ຄົນ.