ອົບພະຍົບ 9:4 - ພຣະຄຳພີສັກສິ

⁴ ພຣະເຈົ້າຢາເວ​ຈະ​ເຮັດ​ໃຫ້​ເຫັນ​ຄວາມ​ແຕກຕ່າງ​ກັນ​ລະຫວ່າງ​ສັດ​ຂອງ​ຊາວ​ອິດສະຣາເອນ ແລະ​ສັດ​ຂອງ​ຊາວ​ເອຢິບ ແລະ​ຝູງສັດ​ຂອງ​ຊາວ​ອິດສະຣາເອນ​ຈະ​ບໍ່​ຕາຍ​ຈັກໂຕ.

ອົບພະຍົບ 9:4 Jak'a apnaqawi uñst'ayäwi

ອົບພະຍົບ 10:23

ຊາວ​ເອຢິບ​ເບິ່ງ​ກັນ​ບໍ່​ເຫັນ ແລະ​ບໍ່ມີ​ໃຜ​ໄດ້​ອອກ​ໄປ​ນອກ​ບ້ານ​ໃນ​ໄລຍະ​ນັ້ນ. ແຕ່​ໃນ​ເຂດ​ຂອງ​ຊົນຊາດ​ຊາວ​ອິດສະຣາເອນ​ອາໄສ​ຢູ່​ນັ້ນ ໄດ້​ມີ​ແສງ​ສະຫວ່າງ​ຕາມ​ປົກກະຕິ.

ອົບພະຍົບ 12:13

ເລືອດ​ທີ່​ປະຕູ​ເຮືອນ​ນັ້ນ ຈະ​ເປັນ​ໝາຍສຳຄັນ​ບອກ​ວ່າ ເປັນ​ເຮືອນ​ທີ່​ພວກເຈົ້າ​ອາໄສ​ຢູ່. ເມື່ອ​ເຮົາ​ເຫັນ​ເລືອດ​ນັ້ນ ເຮົາ​ຈະ​ຜ່ານ​ເວັ້ນ​ໄປ ແລະ​ຈະ​ບໍ່​ທຳຮ້າຍ​ພວກເຈົ້າ ເວລາ​ເຮົາ​ລົງໂທດ​ຊາວ​ເອຢິບ.

ອົບພະຍົບ 8:19

ແລະ​ພວກ​ໝໍມົນ​ຈຶ່ງ​ໄປ​ບອກ​ກະສັດ​ຟາໂຣ​ວ່າ, “ແມ່ນ​ພຣະເຈົ້າ​ທີ່​ເຮັດ​ສິ່ງ​ນີ້!” ແຕ່​ກະສັດ​ຟາໂຣ​ຍັງ​ໃຈ​ແຂງ​ກະດ້າງ​ດື້ດຶງ​ຄື​ເກົ່າ ແລະ​ບໍ່​ເຊື່ອຟັງ​ໂມເຊ ແລະ​ອາໂຣນ ຕາມ​ທີ່​ພຣະເຈົ້າຢາເວ​ໄດ້​ກ່າວ​ໄວ້​ທຸກປະການ.

ອົບພະຍົບ 8:22

ແຕ່​ເຮົາ​ຈະ​ຍົກເວັ້ນ​ເຂດ​ໂກເຊັນ ບ່ອນ​ທີ່​ປະຊາຊົນ​ຂອງເຮົາ​ອາໄສ​ຢູ່. ບ່ອນ​ນີ້​ຈະ​ບໍ່ມີ​ຝູງເຫລືອກ. ເຮົາ​ຈະ​ເຮັດ​ເຊັ່ນນີ້​ກໍ​ເພື່ອ​ເຈົ້າ​ຈະ​ຮູ້​ວ່າ ເຮົາ​ຄື​ພຣະເຈົ້າຢາເວ​ກໍ​ຢູ່​ເໜືອ​ທ່າມກາງ​ດິນແດນ​ນີ້.

ອົບພະຍົບ 9:26

ມີ​ແຕ່​ເຂດ​ໂກເຊັນ ບ່ອນ​ທີ່​ຊາວ​ອິດສະຣາເອນ​ອາໄສ​ຢູ່​ເທົ່ານັ້ນ​ທີ່​ໝາກເຫັບ​ບໍ່ໄດ້​ຕົກ​ໃສ່.

ອົບພະຍົບ 9:5

ພຣະເຈົ້າຢາເວ​ໄດ້​ກຳນົດ​ໄວ້​ວ່າ ພຣະເຈົ້າຢາເວ​ຈະ​ໃຫ້​ສິ່ງ​ນີ້​ເກີດຂຶ້ນ​ໃນ​ມື້ອື່ນ.”’

ອົບພະຍົບ 9:6

ແລະ​ມື້​ຕໍ່ມາ ພຣະເຈົ້າຢາເວ​ກໍ​ເຮັດ​ຕາມ​ທີ່​ພຣະອົງ​ໄດ້​ບອກ​ໄວ້​ນັ້ນ​ຄື: ສັດ​ຂອງ​ຊາວ​ເອຢິບ​ຕາຍ​ໝົດ ແຕ່​ສັດ​ຂອງ​ຊາວ​ອິດສະຣາເອນ​ບໍ່​ຕາຍ​ຈັກ​ໂຕ.

ອາໂມດ 4:7

“ເຮົາ​ບໍ່​ໃຫ້​ຝົນ​ຕົກ​ຕາມ​ທີ່​ເຄື່ອງປູກ​ຂອງຝັງ​ຂອງ​ພວກເຈົ້າ​ຕ້ອງການ​ທີ່ສຸດ. ເຮົາ​ໃຫ້​ຝົນ​ຕົກ​ໃສ່​ເມືອງ​ໜຶ່ງ, ແຕ່​ບໍ່​ໃຫ້​ຕົກ​ໃສ່​ອີກ​ເມືອງ​ໜຶ່ງ. ຝົນ​ຕົກລົງ​ໃສ່​ທົ່ງນາ​ແຫ່ງ​ໜຶ່ງ ແຕ່​ທົ່ງນາ​ແຫ່ງ​ອື່ນ​ພັດ​ແຫ້ງແລ້ງ.

ມາລາກີ 3:18

ອີກເທື່ອໜຶ່ງ ປະຊາຊົນ​ຂອງເຮົາ​ຈະ​ເຫັນ​ຄວາມ​ແຕກຕ່າງ​ລະຫວ່າງ​ສິ່ງ​ທີ່​ເກີດຂຶ້ນ​ຕໍ່​ຄົນ​ຊອບທຳ​ແລະ​ຄົນ​ອະທຳ ແລະ​ລະຫວ່າງ​ສິ່ງ​ທີ່​ເກີດຂຶ້ນ​ຕໍ່​ຜູ້​ທີ່​ຮັບໃຊ້​ພຣະເຈົ້າ ແລະ​ຕໍ່​ຜູ້​ທີ່​ບໍ່​ຮັບໃຊ້​ພຣະອົງ.”