ອົບພະຍົບ 9:19 - ພຣະຄຳພີສັກສິ

¹⁹ ບັດນີ້ ຈົ່ງ​ຕ້ອນ​ຝູງສັດ ແລະ​ສິ່ງຂອງ​ຕ່າງໆ​ໃນ​ກາງ​ແຈ້ງ​ເຂົ້າ​ສູ່​ບ່ອນ​ກຳບັງ. ຄົນ​ທຸກຄົນ​ແລະ​ສັດ​ທຸກ​ໂຕ​ທີ່​ຢູ່​ນອກ ຈະ​ຖືກ​ໝາກເຫັບ​ລູກ​ໃຫຍ່​ຕົກ​ໃສ່​ຕາຍ​ໝົດ.”’

ອົບພະຍົບ 9:19 Jak'a apnaqawi uñst'ayäwi

ເພງ^ສັນລະເສີນ 78:48

ພຣະອົງ​ໄດ້​ຂ້າ​ຝູງງົວ​ຂອງ​ພວກເຂົາ​ໂດຍ​ໃຫ້​ໝາກເຫັບ​ຕົກ​ມາ ແລະ​ໄດ້​ຂ້າ​ຝູງແກະ​ຂອງ​ພວກເຂົາ​ໂດຍ​ໃຫ້​ມີ​ຟ້າ​ຜ່າ

ອົບພະຍົບ 9:25

ສິ່ງສາລະພັດ​ໃນ​ທົ່ງນາ​ກາງ​ແຈ້ງ​ທົ່ວ​ປະເທດ ຕະຫລອດ​ທັງ​ຄົນ ແລະ​ສັດ​ໄດ້​ຖືກ​ໝາກເຫັບ​ໃຫຍ່ ຕົກລົງ​ມາ​ທຳລາຍ​ຈົນ​ຈິບຫາຍ​ໝົດ. ພືດຜົນ​ພ້ອມ​ທັງ​ຕົ້ນໄມ້​ໃນ​ທົ່ງໄຮ່​ທົ່ງນາ​ກໍ​ລົ້ມ​ທະລາຍ​ຕາຍ​ກ້ຽງ.

ອົບພະຍົບ 9:6

ແລະ​ມື້​ຕໍ່ມາ ພຣະເຈົ້າຢາເວ​ກໍ​ເຮັດ​ຕາມ​ທີ່​ພຣະອົງ​ໄດ້​ບອກ​ໄວ້​ນັ້ນ​ຄື: ສັດ​ຂອງ​ຊາວ​ເອຢິບ​ຕາຍ​ໝົດ ແຕ່​ສັດ​ຂອງ​ຊາວ​ອິດສະຣາເອນ​ບໍ່​ຕາຍ​ຈັກ​ໂຕ.

ເອເຊກຽນ 33:5

ຄວາມຜິດ​ເປັນ​ຂອງ​ຜູ້​ທີ່​ຕາຍ​ນັ້ນ​ເອງ ເພາະ​ລາວ​ບໍ່ໄດ້​ເອົາໃຈໃສ່​ຕໍ່​ສຽງ​ປຸກ​ເຕືອນ. ຖ້າ​ເອົາໃຈໃສ່​ລາວ​ກໍ​ຈະ​ປົບໜີໄປ​ໄດ້.

ຮາບາກຸກ 3:2

ຂ້າແດ່​ພຣະເຈົ້າຢາເວ ຂ້ານ້ອຍ​ໄດ້ຍິນ​ເຖິງ​ສິ່ງ​ທີ່​ຊົງ​ໄດ້​ກະທຳ, ຂ້ານ້ອຍ​ຈຶ່ງ​ເຕັມ​ໄປ​ດ້ວຍ​ຄວາມ​ຢຳເກງ​ຍິ່ງ. ບັດນີ້ ໂຜດ​ຮື້ຟື້ນ​ໃໝ່​ໃນ​ສະໄໝ​ພວກ​ຂ້ານ້ອຍ​ແດ່​ນາ ກິດຈະການ​ອັນ​ຍິ່ງໃຫຍ່​ທີ່​ພຣະເຈົ້າຢາເວ​ໄດ້​ກະທຳ​ນັ້ນ ເຖິງ​ວ່າ​ເມື່ອ​ພຣະອົງ​ລົງໂທດ​ໂກດຮ້າຍ​ກໍຕາມ ໂຜດ​ເມດຕາ​ສົງສານ​ພວກ​ຂ້ານ້ອຍ​ແດ່ທ້ອນ.