ອົບພະຍົບ 9:18 - ພຣະຄຳພີສັກສິ

¹⁸ ສະນັ້ນ ມື້ອື່ນ​ໃນ​ເວລາ​ດຽວກັນ​ນີ້ ເຮົາ​ຈະ​ໃຫ້​ໝາກເຫັບ​ລູກ​ໃຫຍ່​ຕົກລົງ​ຢ່າງ​ໜັກ ຢ່າງ​ບໍ່ເຄີຍ​ມີ​ມາ​ຈັກເທື່ອ​ໃນ​ປະຫວັດສາດ​ຂອງ​ປະເທດ​ເອຢິບ.

ອົບພະຍົບ 9:18 Jak'a apnaqawi uñst'ayäwi

1 ກະສັດ 19:2

ດັ່ງນັ້ນ ນາງ​ເຢເຊເບນ​ຈຶ່ງ​ໃຊ້​ຄົນ​ອອກ​ໄປ​ບອກ​ເອລີຢາ​ວ່າ, “ມື້ອື່ນ​ເວລາ​ດຽວກັນ​ນີ້ ຖ້າ​ຂ້ອຍ​ບໍ່ໄດ້​ຂ້າ​ເຈົ້າ ດັ່ງ​ທີ່​ເຈົ້າ​ໄດ້​ຂ້າ​ບັນດາ​ຜູ້ທຳນວາຍ​ພະບາອານ​ນັ້ນ ກໍ​ຂໍ​ພະ​ທັງຫລາຍ​ເຮັດ​ໃຫ້​ຂ້ອຍ​ຕາຍ​ສາ​ເຖີດ.”

1 ກະສັດ 20:6

ເຖິງຢ່າງນັ້ນ​ກໍຕາມ ບັດນີ້ ເຮົາ​ຈະ​ສົ່ງ​ພວກ​ທະຫານ​ຂອງເຮົາ​ເຂົ້າ​ໄປ​ຄົ້ນ​ໃນ​ຣາຊວັງ ແລະ​ໃນ​ເຮືອນ​ນາຍ​ທະຫານ​ຂອງທ່ານ ເພື່ອ​ຢຶດເອົາ​ສິ່ງຂອງ​ທຸກໆ​ຢ່າງ​ທີ່​ພວກເຂົາ ເຫັນ​ວ່າ​ມີຄ່າ. ມື້ອື່ນ​ໃນ​ເວລາ​ດຽວກັນ​ນີ້ ພວກ​ນາຍ​ທະຫານ​ຈະ​ມາ​ໃນ​ຣາຊວັງ​ຂອງທ່ານ.”

2 ກະສັດ 7:1

ເອລີຊາ​ຕອບ​ວ່າ, “ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ກ່າວ​ໃຫ້​ດີ ພຣະເຈົ້າຢາເວ​ກ່າວ​ວ່າ, ມື້ອື່ນ​ໃນ​ເວລາ​ດຽວກັນນີ້ ພວກທ່ານ​ຈະ​ສາມາດ​ຊື້​ເຂົ້າເດືອຍ​ທີ​ໜຶ່ງ ສາມ​ກິໂລກຼາມ ຫລື​ເຂົ້າບາເລ​ຫົກ​ກິໂລກຼາມ ເປັນ​ເງິນ​ຫລຽນ​ດຽວ ຕາມ​ລາຄາ​ທ້ອງ​ຕະຫລາດ​ໃນ​ນະຄອນ​ຊາມາເຣຍ.”

2 ກະສັດ 7:18

ເອລີຊາ​ໄດ້​ບອກ​ກະສັດ​ໃນ​ເວລາ​ນັ້ນ​ວ່າ, “ເຂົ້າເດືອຍ​ທີ​ໜຶ່ງ ສາມ​ກິໂລກຼາມ ຫລື​ເຂົ້າບາເລ​ຫົກ​ກິໂລກຼາມ ຈະ​ຂາຍ​ໃນ​ລາຄາ​ເປັນ​ເງິນ​ຫລຽນ​ດຽວ ຕາມ​ລາຄາ​ທ້ອງ​ຕະຫລາດ​ໃນ​ນະຄອນ​ຊາມາເຣຍ.”

ພຣະທຳ​ໂຢບ 37:13

ພຣະເຈົ້າ​ສົ່ງ​ຝົນ​ລົງ​ໃຫ້​ຫົດ​ພື້ນ​ແຜ່ນດິນ ອາດ​ສົ່ງ​ມາ​ລົງໂທດ​ຄົນ​ຫລື​ໃຫ້​ຄວາມຮັກ​ກໍໄດ້.

ພຣະທຳ​ໂຢບ 38:22

ເຈົ້າ​ເຄີຍ​ໄດ້​ໄປ​ຢ້ຽມ​ບ່ອນ​ມ້ຽນ​ຂອງ​ຕ່າງໆ​ບໍ? ຄື​ບ່ອນ​ທີ່​ເຮົາ​ເກັບ​ຮັກສາ​ຫິມະ ແລະ​ໝາກເຫັບ​ນັ້ນ?

ພຣະທຳ​ໂຢບ 38:23

ເຮົາ​ຕຽມ​ມັນ​ໄວ້​ສຳລັບ​ເວລາ​ເດືອດຮ້ອນ​ມາ​ເຖິງ ສຳລັບ​ມື້​ສູ້ຮົບ ແລະ​ມື້​ເຮັດ​ເສິກ​ສົງຄາມ​ນັ້ນ.

ເພງ^ສັນລະເສີນ 83:15

ຈົ່ງ​ສົ່ງ​ລົມພະຍຸ​ມາ​ຂັບໄລ່​ພວກເຂົາ​ໃຫ້​ປົບໜີໄປ ແລະ​ໃຫ້​ຢ້ານກົວ​ລົມ​ອັນ​ແຮງກ້າ​ຂອງ​ພຣະອົງ.

ອົບພະຍົບ 10:14

ມັນ​ເກາະ​ມັນ​ໄຕ່​ໄປມາ​ເປັນ​ໝູ່ໆ​ຢູ່​ເຕັມ​ທົ່ວ​ປະເທດ​ເອຢິບ. ແມ່ນ​ຕັກແຕນ​ຝູງ​ໃຫຍ່​ທີ່ສຸດ​ທີ່​ເຄີຍ​ເຫັນ​ມາ ຫລື​ຈະ​ບໍ່ມີ​ໃຜ​ເຄີຍ​ໄດ້​ເຫັນ​ຝູງ​ຕັກແຕນ​ໃຫຍ່​ທໍ່​ຄາວ​ນີ້​ອີກ​ເລີຍ.

ອົບພະຍົບ 10:6

ມັນ​ຈະ​ເຂົ້າ​ໄປ​ຢູ່​ເຕັມ​ຣາຊວັງ ເຂົ້າ​ໄປ​ໃນ​ເຮືອນ​ຂອງ​ບັນດາ​ຂ້າຣາຊການ ແລະ​ເຮືອນ​ຂອງ​ປະຊາຊົນ​ທຸກຄົນ. ມັນ​ໂຫດຮ້າຍ​ກວ່າ​ສິ່ງໃດໆ​ທັງໝົດ ທີ່​ບັນພະບຸລຸດ​ຂອງ​ເຈົ້າ​ເຄີຍ​ໄດ້​ເຫັນ​ມາ.”’ ແລ້ວ​ໂມເຊ​ກໍໄດ້​ອຳລາ​ກະສັດ​ຟາໂຣ​ກັບໄປ.

ອົບພະຍົບ 11:6

ສຽງ​ຮ້ອງໄຫ້​ຈະ​ດັງ​ກ້ອງສະໜັ່ນ​ທົ່ວ​ປະເທດ​ເອຢິບ ຢ່າງ​ບໍ່ເຄີຍ​ມີ​ມາ​ກ່ອນ​ຫລື​ຈະ​ບໍ່ມີ​ອີກ​ຈັກເທື່ອ.

ອົບພະຍົບ 9:17

ແຕ່​ຈົນ​ບັດນີ້ ເຈົ້າ​ກໍ​ຍັງ​ໃຈ​ແຂງ​ກະດ້າງ​ດື້ດຶງ​ບໍ່​ຍອມ​ປ່ອຍ​ໃຫ້​ປະຊາຊົນ​ຂອງເຮົາ​ໄປ.

ພຣະນິມິດ 16:21

ມີ​ໝາກເຫັບ​ໃຫຍ່ ໜັກ​ກ້ອນ​ລະ​ຫ້າສິບ​ກິໂລກຼາມ ຕົກ​ຈາກ​ທ້ອງຟ້າ​ຖືກ​ຄົນ​ທັງປວງ, ພວກເຂົາ​ໄດ້​ປ້ອຍດ່າ​ພຣະເຈົ້າ ຍ້ອນ​ໄພພິບັດ​ທີ່​ເກີດ​ຈາກ​ໝາກເຫັບ​ນັ້ນ. ດ້ວຍວ່າ ເປັນ​ໄພພິບັດ​ອັນ​ຮ້າຍແຮງ​ເຫລືອເກີນ.