ອົບພະຍົບ 8:25 - ພຣະຄຳພີສັກສິ

²⁵ ຕໍ່ມາ ກະສັດ​ຟາໂຣ​ໄດ້​ເອີ້ນ​ໂມເຊ ແລະ​ອາໂຣນ​ເຂົ້າ​ມາ​ພົບ ແລະ​ບອກ​ວ່າ, “ຈົ່ງ​ອອກ​ໄປ​ສາ ຈົ່ງ​ເອົາ​ເຄື່ອງບູຊາ​ໄປ​ຖວາຍ​ແກ່​ພຣະເຈົ້າ​ຂອງ​ພວກເຈົ້າ​ຢູ່​ໃນ​ເຂດແດນ​ເອຢິບ​ນີ້​ສາ.”

ອົບພະຍົບ 8:25 Jak'a apnaqawi uñst'ayäwi

ອົບພະຍົບ 10:16

ແລ້ວ​ກະສັດ​ຟາໂຣ​ກໍ​ຟ້າວ​ເອີ້ນ​ໂມເຊ​ກັບ​ອາໂຣນ​ມາ ແລະ​ກ່າວ​ວ່າ, “ເຮົາ​ໄດ້​ເຮັດ​ຜິດບາບ​ຕໍ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ແລະ​ຕໍ່​ພວກເຈົ້າ.

ອົບພະຍົບ 10:24

ສະນັ້ນ ກະສັດ​ຟາໂຣ​ຈຶ່ງ​ເອີ້ນ​ໂມເຊ​ມາ ແລະ​ກ່າວ​ວ່າ, “ພວກເຈົ້າ​ໄປ​ນະມັດສະການ​ພຣະເຈົ້າຢາເວ​ສາ; ໃຫ້​ເອົາ​ຜູ້ຍິງ ແລະ​ເດັກນ້ອຍ​ໄປ​ໄດ້. ສ່ວນ​ຝູງແກະ​ກັບ​ແບ້ ແລະ​ຝູງງົວ​ນັ້ນ​ໃຫ້​ປະ​ໄວ້​ທີ່​ນີ້.”

ອົບພະຍົບ 10:8

ສະນັ້ນ ເຂົາ​ຈຶ່ງ​ໄປ​ເຊີນ​ໂມເຊ ແລະ ອາໂຣນ​ໃຫ້​ກັບຄືນ​ມາ​ພົບ​ກະສັດ​ຟາໂຣ​ອີກ ແລະ​ເພິ່ນ​ກ່າວ​ຕໍ່​ພວກເພິ່ນ​ວ່າ, “ຈົ່ງ​ໄປ​ນະມັດສະການ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ສາ. ແຕ່​ມີ​ຜູ້ໃດ​ຈະ​ໄປ​ແດ່?”

ອົບພະຍົບ 12:31

ໃນ​ຄືນ​ນັ້ນ​ເອງ ກະສັດ​ຟາໂຣ​ໄດ້​ເອີ້ນ​ໂມເຊ ແລະ​ອາໂຣນ​ມາ​ພົບ ແລະ​ບອກ​ວ່າ, “ໃຫ້​ພວກເຈົ້າ​ພາ​ຊາວ​ອິດສະຣາເອນ​ອອກ​ໄປ​ສາ ຈົ່ງ​ໜີ​ອອກ​ໄປ​ຈາກ​ປະເທດ​ຂອງເຮົາ​ດຽວ​ນີ້ ໄປ​ນະມັດສະການ​ພຣະເຈົ້າຢາເວ​ຕາມ​ທີ່​ພວກເຈົ້າ​ຂໍຮ້ອງ​ສາ​ເຖີດ.

ອົບພະຍົບ 8:8

ດັ່ງນັ້ນ ກະສັດ​ຟາໂຣ​ຈຶ່ງ​ໃຊ້​ຄົນ​ໄປ​ເອີ້ນ​ໂມເຊ ແລະ​ອາໂຣນ​ມາ​ພົບ​ພ້ອມ​ສັ່ງ​ວ່າ, “ຈົ່ງ​ພາວັນນາ​ອະທິຖານ​ຕໍ່​ພຣະເຈົ້າຢາເວ​ບອກ​ຝູງ​ກົບ​ອອກ​ໄປ​ສາ ແລະ​ເຮົາ​ຈະ​ປ່ອຍ​ປະຊາຊົນ​ຂອງ​ພວກເຈົ້າ​ໄປ ເພື່ອ​ພວກເຂົາ​ຈະ​ໄດ້​ເອົາ​ເຄື່ອງບູຊາ​ໄປ​ຖວາຍ​ແກ່​ພຣະເຈົ້າຢາເວ.”

ອົບພະຍົບ 9:27

ກະສັດ​ຟາໂຣ​ໄດ້​ໃຊ້​ຄົນ​ໄປ​ເອີ້ນ​ໂມເຊ ແລະ​ອາໂຣນ​ມາ​ພົບ ແລະ​ເວົ້າ​ວ່າ, “ໃນ​ເທື່ອ​ນີ້ ເຮົາ​ໄດ້​ເຮັດ​ຜິດບາບ​ແລ້ວ; ພຣະເຈົ້າຢາເວ​ເປັນ​ຝ່າຍ​ຖືກ ແລະ​ເຮົາ​ກັບ​ປະຊາຊົນ​ຂອງເຮົາ​ເປັນ​ຝ່າຍ​ຜິດ.

ອົບພະຍົບ 9:28

ຈົ່ງ​ພາວັນນາ​ອະທິຖານ​ຕໍ່​ພຣະເຈົ້າຢາເວ​ເຖີດ ໝາກເຫັບ​ແລະ​ຟ້າຮ້ອງ​ໄດ້​ລົງໂທດ​ເຮົາ​ໜັກ​ພໍ​ແລ້ວ ເຮົາ​ຂໍ​ສັນຍາ​ວ່າ​ຈະ​ປ່ອຍ​ໃຫ້​ພວກເຈົ້າ​ໄປ; ພວກເຈົ້າ​ບໍ່​ຈຳເປັນ​ຢູ່​ທີ່​ນີ້​ອີກ​ຕໍ່ໄປ​ດອກ.”

ເອຊາຢາ 28:22

ຢ່າ​ສູ່​ຫົວຂວັນ​ຕໍ່​ຄຳເຕືອນ​ທີ່​ຂ້າພະເຈົ້າ​ກຳລັງ​ຈະ​ມອບ​ໃຫ້​ພວກເຈົ້າ ຖ້າ​ຫົວຂວັນ​ມັນ​ຈະ​ຮ້າຍແຮງ​ຫລາຍ​ຂຶ້ນ​ຈົນ​ພວກເຈົ້າ​ປົບໜີໄປ​ບໍ່ໄດ້. ຂ້າພະເຈົ້າ​ໄດ້ຍິນ​ຄຳ​ຕັດສິນໃຈ​ຂອງ​ອົງພຣະ​ຜູ້​ເປັນເຈົ້າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ເພື່ອ​ທຳລາຍ​ດິນແດນ​ທັງໝົດ​ແລ້ວ.

ພຣະນິມິດ 3:9

ເບິ່ງແມ! ສ່ວນ​ກຸ່ມ​ຄົນ​ທີ່​ເປັນ​ພັກພວກ​ຂອງ​ມານຊາຕານ ຄື​ຄົນ​ເວົ້າ​ຕົວະ​ເຫຼົ່ານັ້ນ​ທີ່​ອ້າງ​ວ່າ​ເປັນ​ຢິວ​ແຕ່​ບໍ່​ເປັນ​ນັ້ນ ເຮົາ​ຈະ​ໃຫ້​ພວກເຂົາ​ມາ​ຂາບ​ທີ່​ຕີນ​ຂອງ​ເຈົ້າ ແລະ​ຈະ​ໃຫ້​ພວກເຂົາ​ທຸກຄົນ​ຮູ້ຈັກ​ວ່າ​ຝ່າຍ​ເຮົາ​ໄດ້​ຮັກ​ເຈົ້າ.