ອົບພະຍົບ 8:18 - ພຣະຄຳພີສັກສິ

¹⁸ ພວກ​ໝໍມົນ​ໄດ້​ພະຍາຍາມ​ໃຊ້​ເວດມົນ​ຄາຖາ​ຂອງ​ພວກເຂົາ​ຂັບໄລ່​ຮີ້ນ​ໜີໄປ ແຕ່​ເຮັດ​ບໍ່ໄດ້. ຮີ້ນ​ຈຶ່ງ​ຕອມ​ຢູ່​ເຕັມ​ທົ່ວ​ທຸກ​ບ່ອນ

ອົບພະຍົບ 8:18 Jak'a apnaqawi uñst'ayäwi

ປະຖົມມະການ 41:8

ໃນ​ຕອນເຊົ້າ​ຂອງ​ມື້​ນັ້ນ ເພິ່ນ​ວຸ້ນວາຍ​ໃຈ​ຫລາຍ. ສະນັ້ນ ເພິ່ນ​ຈຶ່ງ​ສັ່ງ​ຄົນ​ໃຫ້​ໄປ​ເຊີນ​ໝໍ​ດູ ໝໍ​ມໍ ແລະ​ນັກປາດ​ໃນ​ປະເທດ​ເອຢິບ​ມາ. ກະສັດ​ໄດ້​ເລົ່າ​ຄວາມຝັນ​ໃຫ້​ຄົນ​ເຫຼົ່ານັ້ນ​ຟັງ ແຕ່​ບໍ່ມີ​ຜູ້ໃດ​ສາມາດ​ແກ້​ຄວາມຝັນ​ໃຫ້​ເພິ່ນ​ໄດ້.

ອົບພະຍົບ 10:23

ຊາວ​ເອຢິບ​ເບິ່ງ​ກັນ​ບໍ່​ເຫັນ ແລະ​ບໍ່ມີ​ໃຜ​ໄດ້​ອອກ​ໄປ​ນອກ​ບ້ານ​ໃນ​ໄລຍະ​ນັ້ນ. ແຕ່​ໃນ​ເຂດ​ຂອງ​ຊົນຊາດ​ຊາວ​ອິດສະຣາເອນ​ອາໄສ​ຢູ່​ນັ້ນ ໄດ້​ມີ​ແສງ​ສະຫວ່າງ​ຕາມ​ປົກກະຕິ.

ອົບພະຍົບ 7:11

ຝ່າຍ​ກະສັດ​ຟາໂຣ​ກໍ​ເອີ້ນ​ບັນດາ​ນັກປາດ ແລະ​ບັນດາ​ໝໍມົນ​ຂອງຕົນ​ມາ ເພື່ອ​ໃຫ້​ພວກເຂົາ​ໃຊ້​ກົນ​ເຮັດ​ແບບ​ດຽວກັນ.

ອົບພະຍົບ 7:12

ພວກເຂົາ​ໄດ້​ຖິ້ມ​ໄມ້ຄ້ອນເທົ້າ​ຂອງ​ພວກເຂົາ​ລົງ ແລະ​ໄມ້ຄ້ອນເທົ້າ​ນັ້ນ​ກໍໄດ້​ກາຍເປັນ​ງູ. ແຕ່​ງູ​ຂອງ​ອາໂຣນ​ໄດ້​ກືນກິນ​ງູ​ຂອງ​ພວກເຂົາ.

ອົບພະຍົບ 8:7

ແຕ່​ບັນດາ​ໝໍມົນ​ກໍໄດ້​ໃຊ້​ເວດມົນ​ຄາຖາ​ຂອງ​ພວກເຂົາ ເຮັດ​ໃຫ້​ຝູງ​ກົບ​ຂຶ້ນ​ມາ​ເທິງ​ໜ້າ​ດິນ​ໄດ້​ເຊັ່ນດຽວ​ກັນ.

ອົບພະຍົບ 9:11

ບັນດາ​ໝໍມົນ​ຂອງ​ຊາວ​ເອຢິບ​ບໍ່​ສາມາດ​ມາ​ປາກົດ​ຕົວ​ແຂ່ງ​ກັບ​ໂມເຊ​ໄດ້ ເພາະ​ເຂົາ​ເອງ​ກໍ​ເປັນ​ຕຸ່ມຝີ​ຄື​ກັນ​ກັບ​ຊາວ​ເອຢິບ​ຄົນອື່ນໆ.

ເອຊາຢາ 19:12

ກະສັດ​ແຫ່ງ​ເອຢິບ​ເອີຍ ບັນດາ​ທີ່ປຶກສາ​ຜູ້​ຫລັກແຫລມ​ຂອງເຈົ້າ​ໄປ​ໃສ​ໝົດ? ບາງທີ​ພວກເຂົາ​ອາດ​ບອກ​ເຈົ້າ​ໄດ້​ວ່າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ມີ​ແຜນການ​ຫຍັງແດ່​ຕໍ່ສູ້​ເອຢິບ​ກໍໄດ້.

ດານີເອນ 4:7

ແລ້ວ​ພວກ​ໝໍ​ທັງໝົດ​ຄື: ໝໍມໍ, ໝໍມົນ, ໝໍຜີ ແລະ​ໝໍໂຫນ ກໍໄດ້​ເຂົ້າ​ມາ​ພົບ​ເຮົາ; ເຮົາ​ໄດ້​ເລົ່າ​ຄວາມຝັນ​ໃຫ້​ພວກເຂົາ​ຮູ້, ແຕ່​ພວກເຂົາ​ບໍ່​ສາມາດ​ແກ້​ໄດ້.

ດານີເອນ 5:8

ບັນດາ​ທີ່ປຶກສາ​ປະຈຳ​ກະສັດ​ໄດ້​ກ້າວ​ອອກ​ມາ​ຂ້າງໜ້າ, ແຕ່​ບໍ່ມີ​ຜູ້ໃດ​ອ່ານ​ຄຳ​ຂຽນ ຫລື​ບອກ​ຄວາມໝາຍ​ແກ່​ກະສັດ​ໄດ້.

ລູກາ 10:18

ພຣະເຢຊູເຈົ້າ​ກ່າວ​ກັບ​ພວກເພິ່ນ​ວ່າ, “ເຮົາ​ໄດ້​ເຫັນ​ມານຊາຕານ​ຕົກລົງ​ຈາກ​ຟ້າ ດັ່ງ​ຟ້າ​ແມບ.